Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ГОЛЛИВУДДУН ДӨӨ-ШАА РЕЖИССЁРЛОРУ

№680 13-ноябрь-19-ноябрь, 2015-ж


Адамдарды реалдуулуктан алыстатып, сыйкыр, табышмактуу дүйнөгө жетелеген – бул көркөм тасмалар. Ал эми тасмага жан киргизгендер – режиссёрлор. Тарткан тасмалары менен дүйнөлүк кинематографиянын өнүгүүсүнө ат көтөргүс салым кошуп, камера артында жүрсө да, аты дүйнөгө таанымал Голливуддун алп режиссёрлоруна токтолсок.

СТИВЕН СПИЛБЕРГ
Алган наамдары: «Оскар» – 3 жолу, «Алтын глобус» – 3 жолу жана башка

Тарткан атактуу тасмалары:
«Азуу тиштер»
1975-жылы тартылган.
Тартууга кеткен каражат – 7 миллион АКШ доллары. Түшкөн каражат – 470 миллиондон ашуун АКШ доллары.

«Индиана Жонс»
1981-жылы тартылган. Тартууга кеткен каражат – 18 миллион АКШ доллары.
Түшкөн каражат – 384 миллиондон ашуун АКШ доллары.

«Юра доорундагы парк»
1993-жылы тартылган.
Тартууга кеткен каражат – 63 миллион АКШ доллары. Түшкөн каражат – 1 миллиарддан ашуун АКШ доллары.
Ошондой эле «Шиндлердин тизмеси», «Катардагы жоокер Райанды куткаруу», «Терминал» жана башка тасмаларды тарткан.


Кези келгенде легендага айланарын билбеген Стивен 1946-жылы АКШнын Огайо штатындагы Цинциннати шаарында төрөлгөн. Атасы Арнольд инженер, апасы Леа Адлер болсо музыкант болчу. Бирок Леа уулу Стивен жана үч кызы үчүн пианинодон баш тарткан. Атасы ага 12 жашында кичинекей камера белек кылып, кино дүйнөсүнө байкабастан сүйрөп кирет. 1960-жылы өспүрүмдөр арасында өтчү сынакка катышып, актёрлордун ордуна үй-бүлө мүчөлөрүн тарткан согуш тууралуу 40 мүнөттүк «Туӊгуюкка качуу» тасмасы жеӊишке жетип, чыгармачылыкка чыйыр салынган.
Мектепти «3» деген баага бүтүргөн Стивен Түштүк Калифорния университетинин алдындагы киномектепке 2 жолу тапшырып, бирок экөөндө теӊ «такыр таланты жок» деген жооп алган. Ындыны өчкөн жигит техникалык колледжге тапшырып, каникул учурунда 26 мүнөттүк «Эмблин» тасмасын тартат. Бул тасма анын «чоӊ экранга» келүүсүнө эшик ачкан. Жаш режиссёрго «Universal» компаниясы кызыгып, аны менен 7 жылдык келишимге кол коюшкан.
Өзүнүн иши тууралуу режиссёр, сценарист, продюсер Спилберг: «Режиссёр тасмадагы ар бир каармандын ата-энесине айланат. Ата-эне балдарынын кыял-жоругун жатка билет эмеспи, мен дагы каармандарды ачып бериш үчүн көп изденем. Алар тууралуу илимий да, көркөм да китептерди окуп чыкканга аракет кылам. Ийгилигимдин бир сыры ушунда болсо керек...»
Жеке жашоосуна токтолсок, Стивен 1985-жылы актриса Эми Ирвинг менен баш кошот, бирок экөөнүн союзу 4 жылга гана созулган. Уулу менен калган режиссёр 1991-жылы тагдырын актриса Кейт Кэпшоу менен байлаган. Түгөйлөр 3 балалуу болуп, дагы 2өөнү багып алышкан. Жалпысынан Стивен менен Кейт 3 кыз, 3 уулду тарбиялап келишет.

ЖЕЙМС КЭМЕРОН
Алган наамдары: «Оскар» – 3 жолу, «Алтын глобус» – 4 жолу жана башка

Тарткан атактуу тасмалары:
«Терминатор»
1984-жылы тартылган. Тартууга кеткен каражат – 6 миллиондон ашуун АКШ доллары. Түшкөн каражат – 78 миллиондон ашуун АКШ доллары.

«Титаник»
1997-жылы тартылган. Тартууга кеткен каражат – 200 миллион АКШ доллары. Түшкөн каражат – 2 миллиарддан ашуун АКШ доллары.

«Аватар»
2009-жылы тартылган. Тартууга кеткен каражат – 237 миллион АКШ доллары. Түшкөн каражат – 3 миллиардга жакын АКШ доллары.
Ошондой эле «Толкун менен катарлаш», «Терминатор» (1-2-бөлүгү) жана башка тасмаларды тарткан.


Экшн жанрындагы тасмалардын «атасы», компьютердик графиканын жардамы менен укмуштуудай кооз картиналарды жаратып көпчүлүктүн сүймөнчүгүнө айланган Жеймс Кэмерон 1954-жылы Канаданын Капускасинг шаарында төрөлгөн. 5 бир туугандын улуусу, атасы электрик, апасы сүрөтчү. Үй-бүлөсү менен АКШнын Калифорния штатына көчүп барып, мектепти аяктаган соӊ Калифорния университетинин физика факультетине тапшырат. Бирок окуусун ара жолго калтырып, өзү кино ааламына сүӊгүп кеткен.
Ал эми 3D форматында «бум» жараткан, экинчиден авторго эӊ көп каражат алып келген тасмалары – «Аватар» жана «Титаник». Бул эки тасма тууралуу Жеймс мындай дейт: «Титаникти» тартып баштаганда мынчалык ийгилик жаратат деп ойлогон эмесмин. Фильмге көп каражат кеткенде «болду, өзүн актабайт» деп түӊүлүп калгам. Бирок прокаттан өзүн көп эсе актап койду. Көрсө, адамдарда сүйүү сезими эӊ бийик тура. Ошол учурда мен Кытай, Францияны кыдырып калдым, сүйүү үчүн өлүмгө даяр болгон Леонун чач жасалгасы модага айланып кетиптир».
«Мага күнүмдүк тажатма жашоону тасма кылып тарта берген жакпайт. Кино көрүп жатканда каармандар жүргөн жерге барып калсаӊ кандай сонун. Мисалы, «Аватардагы» Пандора планетасына... Кинодогу бул кереметти көрөрманга жеткизүүдө 3D форматы жакшы жардамчы. Ошон үчүн да «Аватарды» тартууну чечкем».
Кэмерон 5 ирет үйлөнгөн. Анын нике күбөлүктөрүндө официант Шэрон Уильямс, кинопродюсер Гейл Энн Хёрд, режиссёр Кэтрин Бигелоу, актриса Линда Хэмилтон жана азыркы жубайы актриса Сьюзи Эмистин ысымдары жазылган. 3 кыз, 1 уулу бар.

МАРТИН СКОРСЕЗЕ
Алган наамдары: «Оскар», «Алтын глобус» - 4 жолу, «Эмми» жана башка

Тарткан атактуу тасмалары:
«Каргышка калгандардын аралы»
2010-жылы тартылган.
Тартууга кеткен каражат – 80 миллион АКШ доллары.
Түшкөн каражат – 295 миллионго чукул АКШ доллары.

«Уолл-стриттен чыккан карышкыр»
2013-жылы тартылган.
Тартууга кеткен каражат – 100 миллион АКШ доллары. Түшкөн каражат – 392 миллион АКШ доллары.
Ошондой эле «Авиатор», «Казино» жана башка тасмаларды тарткан.


Америкалык кинорежиссёр Мартин Скорсезе актёр, актрисанын үй-бүлөсүндө 1942-жылы төрөлгөн. Астма оорусу менен жабыркагандыктан балалыгы көчөдөгү балдар менен оюн аянтчада эмес, үйдө ата-энесинин жанында өтөт. Кичинекейинде чиркөө кызматкери болууну каалачу, бирок мектепти аяктаган соӊ Нью-Йорктогу Илим жана искусство колледжине тапшырып, окуп жүргөндө кыска метраждуу тасмаларды тартуу менен чыгармачылыгын баштаган.
Режиссёрго түрткү болгон дагы бир жагдай, анын актёр Роберт Де Нирого жолугушу. 1978-жылы Скорсезе кокаинди ашыкча өлчөмдө колдонуп ооруканага түшүп калат. Мартинди эсине келтирип, мушкер тууралуу биографиялык «Каардуу бука» тасмасын тартууга көндүргөн Роберт болгон. Натыйжада тасма «Оскардын» 2 сыйлыгына татыган.
«Мартин көпчүлүк тасмаларын болгон окуянын негизинде тартат, ошондуктан да көрөрмандын оюн тереӊ ачып бере алат» дешет киносынчылар. Өзү «Казино» тасмасы тууралуу мындай дейт: «Мен бул кинону тартып жатканда Лас-Вегас шаарына аябай жиним келген. Балким, сизге бул шаар жагаттыр, бирок мен үчүн ал сараӊдыктын жайы. Лас-Вегас аркылуу көпчүлүк америкалык маданиятты, Голливудду көрөт. Бул менин тасмамда ачык көрүнөт».
Скорсезе да 5 ирет үйлөнгөн. Анын жашоосундагы айымдардын катарын Ларейн Мари, жазуучу Жулия Кэмерон, актриса Изабелла Росселлини, продюсер Барбара де Фина, азыркы жубайы продюсер Хелен Моррис жана өзүнүн 3 кызы толуктайт.

ЛЮК БЕССОН
Алган наамдары: «Сезар» жана башкалар

Тарткан атактуу тасмалары:
«Леон»
1994-жылы тартылган.
Тартууга кеткен каражат – 16 миллион АКШ доллары. Түшкөн каражат – 45 миллиондон ашуун АКШ доллары.

«Люси»
2014-жылы тартылган. Тартууга кеткен каражат – 40 миллион АКШ доллары. Түшкөн каражат – 459 миллионго чукул АКШ доллары. Ошондой эле «Бешинчи элемент», «Жанна д`Арк»жана башка тасмаларды тарткан.


Үйлөрдүн чатырларынан ары-бери секирген жигиттер, машинаны шамалдын ылдамдыгы менен айдаган таксист, мээси 100 пайызга чейин иштеген Люси... Кайсы кинолор жөнүндө сөз болуп жатканы эсиӊизге түштүбү? Дал ушул тасмаларга жан берген режиссёр, сценарист, продюсер Люк Бессон. Люк 1959-жылы Парижде сууда сүзүү боюнча инструкторлордун үй-бүлөсүндө төрөлгөн. Ата-энесинин кесибин улантып, дельфиндерди машыктыруучу болуп иштегиси келген анын кыялын таш каап, 17 жашында кырсыктап калат. Ошондон кийин өзүн башка жаатта сынагысы келип, кино талаасына келген.
Режиссёрдун ассистенти болуп иштеп жүрүп 24 жашында актёр Жан Ренонун катышуусунда эӊ алгачкы «Акыркы беттеш» көркөм тасмасын тартат. Чыгарма жакшы кабыл алынып, бир нече сыйлыктарга татыган. Люк өзүнө ийгилик алып келген Жан Ренону тумарым деп, аны андан кийинки бир катар тасмаларына да тарткан.
Өзүнүн тасма тартуудагы ойлорун режиссёр мындайча түшүндүрөт: «Мага кыймыл-аракетке бай кинолор жагат. Андыктан окуяларга жыш, кан басымды бирде көтөрүп, бирде түшүргөн тасмаларды тарткым келет...»
Бессонго алгач нике каамытын актриса Анн Парийо кийгизген. Бул союз көп узабай, режиссёр бактысын актрисалар Майвенн Ле Беско жана Милла Йовович менен да сынап көргөн. Бирок бул айымдар да аны токтото албай, азыркы учурда продюсер Вирджиния Силла менен өмүр сүрүп келет. 5 кызы бар.

Асыл Орозбекова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(11)
16.11.2015. 10:06 
Тайпасы:
Жаран
Комментарийлердин саны:
37
Катталган:
14-10-2015
Соӊку аракети:
26-07-2018 19:40
Жынысы:
Белгисиз
0
Азамат Жеймс Кэмеронду сылайм..Кинолору аябай жагат.
16.11.2015. 10:09 
Тайпасы:
Жаран
Комментарийлердин саны:
3
Катталган:
24-04-2011
Соӊку аракети:
01-09-2018 11:30
Жынысы:
Белгисиз
Калаасы:
kg
+1
ЖЕЙМС КЭМЕРОН-мужик!!!Риспект!
16.11.2015. 11:53 
Тайпасы:
Жаран
Комментарийлердин саны:
375
Катталган:
13-04-2015
Соӊку аракети:
03-10-2018 10:18
Жынысы:
Белгисиз
+3
МАРТИН СКОРСЕЗанын «Каргышка калгандардын аралы» "Остров проклятых" деген киносу аябай жаккан.
16.11.2015. 17:34 
Тайпасы:
Жаран
Комментарийлердин саны:
155
Катталган:
02-02-2013
Соӊку аракети:
08-11-2017 09:58
Жынысы:
Белгисиз
+4
Бизде деле бар, Нурбек Эген.
17.11.2015. 15:33 
Тайпасы:
Жаран
Комментарийлердин саны:
14
Катталган:
07-01-2012
Соӊку аракети:
10-11-2018 18:31
Жынысы:
Белгисиз
Калаасы:
bishkek
0
Спилберг_Скорсезе супер!!!
17.11.2015. 22:20 
Тайпасы:
Кыймылы жок
Комментарийлердин саны:
6
Катталган:
12-09-2015
Соӊку аракети:
01-01-2016 04:33
Жынысы:
Белгисиз
0
Мына керемет.
18.11.2015. 17:59 
Тайпасы:
Тартип бузгандар
Комментарийлердин саны:
293
Катталган:
16-11-2015
Соӊку аракети:
21-06-2016 11:05
Жынысы:
Белгисиз
Калаасы:
krasnoyarsk Ene-Saydun boyu
0
Жеймс кемерон респект
19.11.2015. 10:12 
Тайпасы:
Жаран
Комментарийлердин саны:
24
Катталган:
08-11-2015
Соӊку аракети:
27-06-2018 09:20
Жынысы:
Белгисиз
0
жеймс камерондун фильмдери жагат
ал эми кыргызстандын режиссерлорунан эрнст абдыжапаровдун фильмдери жакшы
akubeku түзөттү 2015-11-19 10:13:47
21.11.2015. 18:05 
Тайпасы:
Кыймылы жок
Комментарийлердин саны:
48
Катталган:
20-09-2014
Соӊку аракети:
22-04-2016 11:38
Жынысы:
Белгисиз
Калаасы:
Кереметтүү Көк-Арт өрөөнү.
+1
Фантастикалык кинолорду тартуу боюнча Люк Бессонго эч ким жетпейт.
17.01.2016. 01:18 
Тайпасы:
Жаран
Комментарийлердин саны:
28
Катталган:
07-09-2014
Соӊку аракети:
14-09-2017 10:15
Жынысы:
Белгисиз
0
"Титиникти"канча корсом да тажабайм!)))
17.01.2016. 01:19 
Тайпасы:
Жаран
Комментарийлердин саны:
28
Катталган:
07-09-2014
Соӊку аракети:
14-09-2017 10:15
Жынысы:
Белгисиз
0
Оой "Титаникти" дегим келген
Sorry
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: