Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

#PRAYFORPARIS: СҮЙҮҮ ШААРЫН КҮЙҮТ КАПТАДЫ

№681 20-ноябрь-26-ноябрь, 2015-ж


13-ноябрь, жума күнү Франция кайгыга чөмүлдү. Париждин бир катар жеринде террордук акттар ишке ашып, ал 132 адамдын өмүрүн алып кетти.

БУЛ БИРИНЧИСИ ЭМЕС
Бул жылы Францияда көптөгөн теракттар катталууда. Анын алгачкысы жаӊы жылдын 7-күнүндө башталган. Дал ушул күнү «Шарль Эбдо» журналынын Париждеги редакциясына бир канча кылмышкерлер ок чыгарышып, жыйынтыгында 12 адам каза болгон. Кылмышкерлер 2 күн өтпөй кармалып, алар «Аль-Каида» уюмунун мүчөлөрү экени тастыкталган.
9-январда Париждин дүкөндөрүнүн биринен кылмышкер 4 адамды өлтүрүп, 15 жаранды барымтага алган. Атайын операцияда «Ислам мамлекети» тобунун мүчөсү жок кылынган.
Ал эми 13-ноябрь күнү Франциянын тарыхында эӊ ири теракт катталды. Бул күнү Парижде дээрлик бир убакыттын ичинде бир канча террордук чабуул жасалды. Бейпил шаар чаӊ-тополоӊго түштү. Алгач борбордук көчөлөрдөгү кафелерде ок атылып, Франция – Германия футболдук беттеши болуп жаткан «Стад де Франс» стадионунун жанында жардыруу болду. Футболду өлкө президенти Франсуа Олланд да көрүп жаткан, аны оюн бүтөрдөн мурун алып чыгып кетишкен.
Мындан тышкары террорчулар «Батаклан» концерттик залына кирип барып, көрүүчүлөргө карай ок чыгарышкан. Бул чабуулдардын жыйынтыгында акыркы маалыматтар боюнча (18-ноябрга карата) 132 адам каза болсо, 350дөй жаран ар кандай жаракаттарды алышты. Кыргызстандын Тышкы иштер министрлиги каза болгондор жана жаракат алгандардын арасында кыргыз жарандары жок экенин маалымдады.

ӨЗГӨЧӨ КЫРДААЛ КИРГИЗИЛДИ
Франциянын президенти ошол күнү эле өлкөгө өзгөчө кырдаал киргизип, 3 күндүк аза күтүү белгиледи. Парижге бул күндөрү 1,5 миӊ аскер жиберилип, 3 миӊден ашуун полиция кызматкерлери көчөлөрдү көзөмөлгө алышты. Ошондой эле Франциянын Париж шаарынын чет жактарында, Тулуза, Гренобль, Кале шаарларында антитеррордук рейддер дагы деле жүргүзүлүүдө.
18-ноябрга карата полиция тарабынан 10 террорчу жок кылынып, кылмышка шектүү 6 адам кармалган. Ал эми теракттардын негизги уюштуруучусу «Ислам мамлекетинин» активдүү мүчөсү, Бельгиянын жараны Абделхамед Абауд экендигин Франциянын ММКлары айтып чыгышты.
Теракттар орун алгандын эртеси Франциянын Кале шаарында судандык качкындар лагеринен өрт чыгып, аны француздар өч алуу үчүн жооп иретинде кылышы мүмкүн экени айтылганы менен, маалымат такталган жок. Кырсыктан жабыркагандар болгон эмес.

«ИСЛАМ МАМЛЕКЕТИНИН» ЖООП КАЙТАРУУСУ
Бул теракттарды «Ислам мамлекети» террордук уюму «биз жасадык» деп сайттарында билдиришти. Белгилүү болгондой, Франция АКШ менен биргеликте аталган уюмдун мүчөлөрүнө каршы күрөшүп келет. Ушул жылдын 30-сентябрынан тарта Сириядагы «Ислам мамлекети» көзөмөлдөгөн жерлерди АКШ менен Франциянын куралдуу күчтөрү бомбалай баштаган. Бул теракттар Францияга «Ислам мамлекетинен» жооп катары жасалышы мүмкүн. Окуянын күбөлөрү «Бул Сирия үчүн!» деген ураандарды угушканын айтышууда.
Дүйнө жүзүнүн үшүн алган террордук топ акыркы убактагы үрөй учурган окуяларды уюштурган деп айтылып жатат. Алсак, 2-апрелде Кенияда окуу жайдагы теракт (147 адам каза болгон) 10-октябрда Анкарадагы жардырууга (80ден ашуун адам каза тапкан) түздөн-түз катыштыгы бар делүүдө. Ошондой эле Египеттен Орусияга сапар алып, Синай жарым аралына кулап түшкөн учакты (224 адам каза болгон) 17-ноябрда Орусиянын Федералдык коопсуздук кызматы расмий түрдө теракт экендигин билдирди.

ДҮЙНӨ ЖҮЗҮНҮН РЕАКЦИЯСЫ
Бул күндөрү дүйнө жүзү Франция элинин кайгысын теӊ бөлүшүп, көпчүлүк өлкөлөрдүн башчылары «Терроризмдин чеги жок, бул чакырык Францияга гана эмес, дүйнө жүзүнө ташталды» деген ойду билдиришти.
Ал эми Сириянын президенти Башар Асад: «Парижде болуп өткөн теракт Сирияда 5 жылдан бери күндө кайталанат. Франция элине көӊүл айтам»,- деди.
Социалдык тармактарда #Prayforparis теги менен колдоо популярдуу болууда. Ал эми интернет колдонуучулардын кээ бирлери дүйнө жүзүнүн маалымат каражат өкүлдөрүн эки жүздүүлүккө айыптап чыгышты. Алсак, Жакынкы Чыгышта болуп жаткан согуштарда, Кениядагы терактта мындай колдоо көрсөтүлбөй, жылуу сөз айтылбагандыгын билдиришти.
Ошондой эле 13-ноябрда Facebook социалдык тармагында «коопсуздукту текшерүү» деген функция ишке киргизилди. Ал аталган социалдык тармагынын колдонуучусу масштабдуу кырсыктын зонасында болуп калса, жакындарына маалымат берүүгө жардам берет. Бул функциянын бир күн мурун 40тан ашуун адамдын өмүрүн алып кеткен Бейруттагы теракттан кийин эмес, Париж окуясынан кийин ишке киргендиги сынга кабылды. Facebook`тун негиздөөчүсү Марк Цукерберг: «Тармактагы коопсуздук белгиси эми дүйнө жүзүндөгү бардык адамдардын өмүрүнө коркунуч туулганда активдештирилет»,- деп жазып чыкты.

ПАРИЖ ЭМИ МУРДАГЫДАЙ ЭМЕС
Өлкөгө өзгөчө режим киргенден тарта чек араларга катуу көзөмөл коюлду. Кээ бир жолдор жабылып, полициянын көзөмөлү күчөдү. Ошондой эле качкындар боюнча жүргүзүлгөн саясат кайрадан каралмакчы (быйыл Францияда 65 миӊ адам качкын статусун алышкан).
Европанын эӊ кооз жана демократиялык баалуулуктарды туу туткан шаарларынын биринде болуп өткөн каргашалуу окуя «Ислам мамлекетине» каршы күрөшкөн мамлекеттерди бириктирип, чогуу иш алып барганга түрткү болот. Кандай болгон күндө да, бул согушка катышкан өлкөлөр ар тараптан коопсуздукту күчөтөрү шексиз.
Париждеги жашоо экиге бөлүндү. 13-ноябрга чейин жана кийин. Париж эми мурдагыдай эмес...

Адилет Керимбек уулу
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(1)
24.11.2015. 15:22 
Тайпасы:
Жаран
Комментарийлердин саны:
72
Катталган:
11-01-2014
Соӊку аракети:
14-09-2018 23:23
Жынысы:
Белгисиз
0
Оо жараткан эмнеге бири бири менен согушат мен ошого тушунбойм жон эле тынч жашай берсе эмне болот буларга эмне жетишпейт.озун сактай кор Аллахым.ушундайларды окуп алып коркуп кетем
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: