Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Ильяз Андаш: “МАГА ӨЗҮМДӨН УЛУУ КЫЗДАР ЖАГАТ”

№377 22-28-январь, 2010-ж.


Ильяз Андаштын корейлердикине окшогон көзүн жактырган кыздарды көп жолуктурдум. Бул жигит өзүнүн күйөрмандарын жылдыздуу өңү менен гана эмес, жан дүйнөңө рахат тартуулаган жагымдуу үнү менен да арбап келет. Билесиздерби, анан да Ильяз өзүнүн сахналаштарынын көбүнө нааразы. Эмнеге экенин төмөнкү макаладан окуй аласыздар.

  • 1988-жылы 30-июнда Каракол шаарында туулган.
  • Учурда КМЮАнын Караколдогу филиалында 2-курста окуйт.

– Ильяз, “жакында көп жылдык келишим менен Кытайга кеткени жатам” дедиң эле. Эмне болду?
– Кытайда досторум көп. Алар телефон чалышып “келип ресторанга ырдабайсыңбы? Айына 2000 доллар табасың” деп жатышкан. Акчасы жакшы угулганы менен такыр бутум тартпай, бул чакырыктан баш тартып койдум. Анын үстүнө чыгармачылыгым да токтоп калчудай. Бир жагынан ата-энем дагы “баарыңар тарап кетесиңерби? Эжең Канадада жүрсө...” деп колдошкон жок. Бирок жакында Америкага кетсемби деген да пландар болууда. Ал жакта классташым бар. Ал «эмнеси болсо да бияктан сени алып кетишим керек» деп жатат. Мен үчүн резюме жазып, интернет аркылуу колледждерге экзамен тапшыртып, өзүнчө эле убара. Экзамен тапшырууга да акча төлөнөт экен. Аны да өзү төлөдү.
– Кыскасы, Кыргызстандан кетем дечи. Чыгармачылыгыңда кандай жаңылыктар бар?
– Буга чейин жылына бир эле клип тартып келсем, эми бул жылы бир нече клипти эл сынына койсомбу деп турам. Жакында эле дос балдар бир ырыма клип тартууну башташты. Анан да англисче, орусча ырдасамбы деген кыялымды жүзөгө ашыруу алдындамын. Негизи, өзүм ыр да жазам, обон да чыгарам. Ыр жазганда эмнегедир көбүн орусча жазат экем.
– Орус мектепти бүттүң беле?
– Каракол шаарында кыргыз эле мектепти аяктагам. Бирок менин мектебимде жалаң байдын балдары окушчу. Анан алар өпкөлөнүшүп орусча сүйлөшөт да. Ошондон улам болсо керек, орус тилинде көбүрөөк сүйлөйм. Анын үстүнө кыргыз мектеп деп аталганы менен, үч-төрт сабактан башкасынын баары орус тилинде өтүлчү.
– Сен анда байдын баласы турбайсыңбы, ээ?
– Байдын баласымын деп деле айтпайм. Үйүбүз ошол мектепке жакын болгондуктан, ата-энем киргизип коюшуптур. Атам бир эле учурда Касымалы Жантөшев атындагы драма театрында актёр, андан сырткары өспүрүмдөрдөн түзүлгөн “Бакай” тобун жетектечү. Атамдын колунан тарбия алып, кичине кезимден эле “Бакай” тобунда ырдадым. Апам болсо Караколдогу музыкалык окуу жайда комуздан сабак берет.
– Кичинеңден эле ырдасаң, ырчы болуу бала кезден бери келе жаткан кыялың экен да...
– Келечекте сөзсүз ырчы болом деп кичинемде өзүмө-өзүм сөз бергем. Ошол тилегиме жеттим. “Бакай” тобунда ырдап жүрүп көп ийгиликтерге жетиштим. “Жаш талант” сынагына көп катыштым. Султан Садыралиев да ошол сынакка барчу. 13 жашымдан тартып эле кафе-ресторандарда ырдадым. Жакшы таптым дегенде күнүнө 200-300 сом, аз дегенде 50 сом тапчумун. Бул ал кезде чоң акча эле да. Кийингенге, мектепке окуу курал алганга кенен жетчү.
– Азыр токтоо көрүнөсүң го, кичинеңде шуулдаган, чыйрак бала болсоң керек, ээ?
– Азыр токтоо деле эмесмин, тескерисинче, өтө шайырмын. Балдар чогулганда күлдүргөндөн тажабайм. Ал эми кичинемде болсо шуулдаганды айтасыз, суу куйду тентек болчумун. 2000-жылы Караколдогу азыр жашап жаткан үйүбүзгө көчүп келдик. Ата-энем жүктөрдү алып келгени эски үйгө кетишти. Мен сандыктын ичине жата калып, тура калып ойноп жатсам бир убакта сыртынан жабылып калып, ачылбай калса болобу! Тебинип жатам, бакырып-өкүрүп жатам, ачылбайт. Дем жетпей баштады. Бир сааттай жаттым окшойт. Акыркы жолу бир аракет кылып көрөйүн деп болгон күчүм менен тепсем ачылып кетти. Сандык ачылары менен эшиктен атамдар кирип келишти. Ошондо ыза болгонумдан өпкө-өпкөмө батпай ыйлагам.
– «Үй жумуштарын укмуш кылам» дегениңди уктум эле...
– Мал кайтарганды таятам үйрөткөн. Мектепке баргыча Бөкөнбаев айылында таятамдыкында өскөм. Ал башыма чоң чыныны коюп чачымды кыркып туруп, буту ийри эшегине мингизип кой кайтартып койчу. Андан сырткары, ашканада мыкты кожоюнмун. Тамактын бардык түрлөрүн жасай алам. Уй саайм дегендей.
– Атың чыккандан кийин жаңы ыр жазсаң тез эле элге тарап кетет эмеспи. Ал эми шоу-бизнеске аралашып, эл оозуна алыныш бир топ кыйынга турса керек...
– Бишкекке жаңы келгенде ырчы болсом деген тилегимди ишке ашыруу үчүн КТРге күнүгө бара берчүмүн. Эптеп жүрүп Тынчтыкбек Кожобековдун телефон номерин таап алдым. Бир күнү үйдө отуруп алып Тынчтык байкеге телефон чалдым. Ырчы болоюн дегем десем “ырчы болдуң, ии, анан эмне кыласың?” деди. Белгилүү болгум келет десем, “белгилүү болдуң, анан эмне кыласың?” деп жатпайбы. Эмне деп жооп береримди билбей унчукпай калдым. Ошол күндөн бир жума өтпөй эле “ырдап көр” деп кафеге чакырып калды. Ырдаганымды уккандан кийин “иштесе иштейли” деди. Ошондон баштап ыр жаздырып, сахнага акырындан чыга баштадым.
– Бирок акыркы күндөрү баарына эле өзүң чуркап калгандайсың го...
– Негизи, Тынчтык байке мага продюсер катары эмес, ага катары жардам берчү. Ал менден башка көп ырчыларга жардам бере баштады, анын үстүнө радиого да алаксыды. Ошондон улам былтыр “эми өзүң иште” деди. Өзүң иштеген жакшы экен. Керектүү адамдарың менен өзүң тааныш болуп, көп нерсени үйрөнөт экенсиң.
– Анда шоу-бизнестин күңгөй-тескейин жакшы эле билип калган турбайсыңбы?
– Шоу-бизнестин эң жакшы жагы– күйөрмандарыңдын талантыңды баалаганы. Бир жолу Ошко концерт коюп барсак, көрүүчүлөр сахнадан коё бербей кол чабышты. Ошондо рахат алганымды сурабаңыз. Айрым ырчыларга “сен тиги менен атаандашасыңбы?” десе, “жок, ал менин досум” деп жооп беришет го. Чынында, андай эмес. Алар чыныгы атаандаштар. Атаандашуунун болуп турганы өзү жакшы. Мен баарынан эмнеге нааразы болом? Ырчылар гастролго чыгарда ачык эле “сен мени менен барып кел. Мен сенин гастролуңа барам” деп сүйлөшүп алабыз. Мен ким чакырса эле 10-20 күн болсо деле самсаалап жүрө берет экем. Мен чакырсам эч ким бош эмес десең. Келишсе да бир-эки күн ырдап кетип калышат. Ошого аябай нааразы болуп жүрөм. Айрымдары менен ошонун айынан сүйлөшпөй калгам.
– Ырчылар арасында жакын досуң жокпу?
– Омардан башкасы менен сыймын. Омар экөөбүздүн үйлөрүбүз жакын болгондуктан, Бишкекте болгон концертке же съёмкага чогуу барып, чогуу кетчүбүз. Ошондо Омар: “Экөөбүз үй-бүлөлүү болгондон кийин да катташабыз”,- деп көп айтчу. Ал Америкага кетип калгандан кийин бала кездеги досторум менен эле жүрөм.
– Качан үйлөнөсүң? Үйлөнсөң Караколдо жашайсыңбы же Бишкектеби?
– «Жигит там салыш керек, бак тигиш керек, анан бала чоңойтуш керек» деп коюшат го. Мен там да сала элекмин, бак да тиге элекмин. Чыгармачылыкка катуу берилгендиктенби, кыскасы, азырынча сүйүү отуна жалындай элекмин. Үйлөнүш үчүн биринчи сүйүү отуна кабылыш керек да, туурабы?
Буюрса, үйлөнсөм чыгармачылыгыма байланыштуу мен Бишкекте болсом да, аялым ата-энеме жардам берип Караколдо болот го. Анткени иним Азат болгону алты жашта. Менден он алты жаш кичүү. Кол арага жакшы жарай элек. Апамды атам, энем, таенем болуп үчөөлөп “жашың өтсө да төрөп ал” деп урушушчу. Ошентип жүрүп Азат төрөлгөн эле.
– Буга чейин сүйүп көрдүң беле?
– Мен буга чейин жалаң өзүмдөн улуу кыздар менен сүйлөшүптүрмүн. Байкашыма караганда, алар менен тез тил табышып кетет окшойм. Жаш кыздардын ою эптеп эле мени пайдалануу сыяктуу сезиле берет. Ойлонуп көрсөм өзүмдөн улуу кыздарды жактырат экемин.
– Рахмат маегиңе. Чыгармачылыгың дайыма өсүү жолунда болсун.


Жылмайып коюңуз!

Бишкектеги дискоклубдардын биринде ичкендер ичип, бийлегендер бийлеп, чардап жатышат. Кыздарды карап өзүнөн улуураактарга көз салып турган Ильяз Андашка бир жаш кыз келип:
– Байке, сизди эмне, бийге чакырбай жатышабы?
– Эч ким чакыра элек. Азырынча бошмун. – Анда менин сыра куюлган кружкамды кармап турасызбы. Мен бир тегеренип бийлеп келейин.

Сүйүн Кулматова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
27.01.2010. 08:45 
Тайпасы:
Кыймылы жок
Комментарийлердин саны:
41
Катталган:
05-11-2008
Соӊку аракети:
27-03-2014 15:21
Жынысы:
Белгисиз
Калаасы:
Amsterdam
0
Молодец! Так держать братишка. Уезжай из Киргизии. Лучше там в США учится, чем здесь.
27.01.2010. 16:19 
Тайпасы:
Кыймылы жок
Комментарийлердин саны:
73
Катталган:
19-10-2008
Соӊку аракети:
29-11-2015 15:36
Жынысы:
Белгисиз
Калаасы:
бишкек
0
ильяз байке я вас обажаю!!!
28.01.2010. 09:07 
Тайпасы:
Жаран
Комментарийлердин саны:
534
Катталган:
12-07-2009
Соӊку аракети:
01-04-2018 20:23
Жынысы:
Белгисиз
Калаасы:
Canada
0
Talantyn orkundop,oso bersin!
Kai jerde bolboson da,aman esen bol!!!
06.02.2010. 19:07 
Тайпасы:
Кыймылы жок
Комментарийлердин саны:
7
Катталган:
19-12-2009
Соӊку аракети:
09-06-2010 20:23
Жынысы:
Белгисиз
0
Nike ty sam to hot uchilsya v Shtatah?Ya dumau chto samoe luchshee obrazovanie eto nashe kotoroe po sovetskoi sisteme,a uh sistema eto nichto.Esli konechno uchitsya kak sleduet.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: