ТҮРКИЯ МЕНЕН ОРУСИЯНЫН АЛАКАСЫНА ДОО КЕТТИ. АНЫН КЕСЕПЕТИ КЫРГЫЗСТАНГА ТИЙБЕЙБИ?

24-ноябрь күнү Түркия менен Сирия чектешкен аймактан «Ислам мамлекети» террордук уюму менен күрөшүп жаткан орусиялык Су-24 аскердик учагы түркиялык F-16 учагынын аба ракетасы тарабынан атылып, Сириянын аймагына кулады. Учакта болгон 2 учкуч секирип кетүүгө үлгүрүшкөн. Алардын бири каза тапса, экинчиси тирүү калды. Түркиялык маалымат булактары учак аба мейкиндигин бузганы үчүн атылганын билдиришүүдө. Ошол эле күнү Орусия президенти Владимир Путин Орусиянын учагы 6 миӊ метр бийиктикте Түркиянын аймагынан 1 чакырым алыстыкта учуп баратканда атылганын, бул окуя орус-түрк мамилелерине олуттуу кесепеттерди алып келерин айтты. Орусиянын тышкы иштер министри Сергей Лавров болсо мекендештерин Түркияга баруудан баш тартууга чакырды. Ал ортодо расмий Вашингтон да «учак Сириянын аймагынан атылган» деген эки өлкөнү кайраштырган пикирин билдирүүгө жетишти. Бул окуя боюнча түрк лидери Режеп Тайип Эрдоган Түркия өз өлкөсүнүн аба мейкиндигин коргогонун жана мындай окуя келип чыкпашы үчүн көп ирет Орусияга эскертүү берилгенин билдирди. Жыйынтыгында 26-ноябрь күнү Түркиядан Сирияга гуманитардык жардам алып бараткан оор жүк ташуучу унааларга орусиялык учактар тарабынан чабуул жасалып, 7 киши набыт болуп, 10 киши жаракат алды.
Бул окуя Кыргызстанды да кыйгап өткөн жок. Жогорку Кеӊештин 26-ноябрдагы жыйынында депутаттар Орусия менен Түркиянын ортосундагы абалга кыргыз бийлиги кандай реакция кыларына кызыгышты. Ал эми Президенттик аппараттын тышкы саясат бөлүмүнүн башчысы Сапар Исаков: «Бүгүнкү күндөгү шарттарда бул окуя абалды ого бетер курчутат. Түрк тарап кескин аракеттерге барбай, чыдамкай болушу керек эле. Бардык көйгөйлөр сүйлөшүү менен гана чечилиши керек»,- деди. «Эки дөө кармашса, ортодо чымын өлөт» демекчи, эмнеси болсо да тынчтык болушун каалагандар интернет айдыӊында да басымдуулук кылып жаткан чагы.

Асхат Субанбеков
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (44)

Drongo

2015-12-01 01:50:16

Россия менен Турция оздору чечишип алышсын,Кыргызстандын кандай тиешеси бар.Турк туугандар дейсинер,Кудай сактасын бир нерсе болсо турктор жардамга келбейт кыргыздарга.Эрдоган жеке озунун жана уй-булосунун кызыкчылыгын ойлоп,кызуу кандуулукка алдырып койгон.Мындай кызуу кандуу адамдан баарын кутсо болот,жакшысын да жаманын да.Кыргызстанда кызыгып коргон "Даназалуу кылым" сериялын,бекеринен тартты дейсинерби,тушунсонор.

Umar080814

2015-12-01 02:23:24

ХХХ ХХХ ХХХ ХХХ ХХХ керек.

admin_superstan

2015-12-01 10:39:44

Umar080814, башкалардын улутун, динин жана башка нерселерин кемсинткен билдирүүлөргө тыюу салынган! 2 күн БАН!

Almaz_kg

2015-12-01 09:38:33

Кыргызстан нейтралный позицияны кармаш керек.Теледен орус эмнени корсотсо ошого ишене бербегиле туугандар.Москвага барсан орустун нак жузун коросун.

-3

Manas1983

2015-12-01 11:30:24

Кантседа Кыргызстан тынч болсун,биз барибир Москванын диктатура сына баш ийебиз.Башка айлабыз жок,Турция мн Россиянын чыры Крымдан башталган,турктор озуно откормокчу болуп жатканда Москва алып койду.Эми эмне азыр орус политиктери ОДКБ эмне сирияга барып катышбайт деген маселе козголуп жатат,а америка кайда уруш баштабасын союзниктери дайым даяр деп.Эми канча кылым Державаларга коз каранды болобуз билбейм.Бийлигибиз баткактан эч эле чыкбай жатат.Кошну олколор жылдан жылга чек арасын жылдырып.

Gulnaz.GS

2015-12-01 11:32:20

Туркторго хитрый орустар адамгерчиликтуу болгон учун иштеп журобуз
ХХХ ХХХ ХХХ ХХХ деп журот го кыргыздардыкы.орустар андай эмес

admin_superstan

2015-12-01 12:06:51

Gulnaz.GS, улуттар арасында түшүнбөстүк жаратуучу билдирүүлөргө тыюу салынган! Эскертүү!

Manas1983

2015-12-01 11:32:25

Автономный республика болуп калыштан корком.Мамлекет кедей армия эми осуп кележатат,державалар эмес Кошну озбекстанга кучубуз жетпейт.тынч эле болсокен заманыбыз

zhykyo

2015-12-01 21:55:13

Manas1983,Бизде корпогон журок бар

tursunbaev2004

2015-12-04 19:42:32

Manas1983,неге автономный болобуз?

Kamchybekova.Ch

2015-12-01 17:06:13

Тынчтык эле болсунчу.

beket

2015-12-01 18:12:20

Аламды суу каптаса кыргызстанга баарибир

arxidea

2015-12-01 21:18:08

эки доо кармашса ортодо чымын олот

Flander

2015-12-02 11:25:06

Түркиянын учактары Грециянын аба мейкиндигин күндө бир нече ирет бузат Греция сабырдуулук кылып келет.Бул атайы пландалган нерсе.

Janka24

2015-12-02 23:25:17

Мунун баарын кылган америка,чырака май тамызып турушат,алар натонун башында турат аларга белгилуу да орустар кайсы эшелондо,кайсы убакта учаары,украинага болсо жага бербей калды.

Davlet1994

2015-12-03 01:24:47

Адам озун кандай элестетсе ошондой болот. Биз улуу кыргыз урпактарыбыз биз Дообуз биз Бийик элбиз чымын ким чымын озун чымын ойлогон

jaark.23

2015-12-03 11:44:43

зыяны эмес пайдасы эле тиет бизге.
Милиондогон Орустар бизге келип эс алышат визасыз, арзан тил маселеси да оной болот.

Ular91

2015-12-03 16:07:24

Буларды Ким токтотот экен. бул жвлгыз кудайга малым.

nurlan10000kg

2015-12-05 12:52:26

Кыргызстан оз пайдасына коп нерсени чечип алса россия менен туркиянын чврынан. Ал учун зиирек башкаруучубуз болуш керек эле деп ойлойм

Комментарий калтыруу үчүн өз ысымыңыз менен кириңиз же каттоодон өтүңүз.

№ 682, 27-ноябрь-3-декабрь, 2015-ж