Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ҮЙДӨ ЖАЛГЫЗ

№217 29-декабрь-4-январь, 2007-ж.


1990-жылы жарыкка чыккан “Үйдө жалгыз” фильми тартылганына 16 жыл болсо да жаш балдардын да, ата-энелердин да сүйүп көргөн тасмасына айланып келет. Режиссёр фильмди эл жакшы кабыл алганын көргөн соң, ушул сындуу эле фильмди тартууну көздөйт да, 1992-жылы “Үйдө жалгыз-2” тасмасын тарткан. Ойлогондой эле бул тасма да популярдуулукка ээ болот. Муну көргөн башка режиссёрлор ушул эле идеянын негизинде “Үйдө жалгыз-3” жана “Үйдө жалгыз-4” тасмаларын тартышат. Бирок, бул тасмалар биринчиси сымал популярдуу болбойт. Ал эми “Үйдө жалгыз” тасмасы “Эң мыкты музыка үчүн”, “Эң мыкты ыр үчүн”, “Эң жаш актёр”, “Эң мыкты үйбүлөлүк фильм” сыяктуу көптөгөн сыйлыктарга ээ болгон. Аталган фильм бир жыл ичинде Америкада 300 миллион доллар топтосо, дүйнө боюнча 200 миллион доллар топтогон.

Фильмдин режиссёру – Крис Коламбус Сценарийин жазган – Жон Хьюз Продюсерлери – Данкан Хендерсон, Жон Хьюз, Марк Рэдклифф
Башкы ролдордо: Кевин МакКалистер – Маколей Карсон Калкин,
Хэрри
– Жо Пешши,
Марвин
– Дэниэл Стерн,
Кейт МакКалистер
– Кэтрин О”Хара,
Питер МакКалистер – Жон Херд.

ЭҢ ЖАШ «ПЕНСИОНЕР» АКТЁР

«Үйдө жалгыз» фильминдеги ролу үчүн дүйнөдө популярдуу болгон жылдыз Маколей Карсон Калкин 1980-жылы 26-августта Нью-Йорк шаарында жарык дүй­нөгө келген. Ал 4 жашында эле реклама роликтерине тартыла баштаган. 6 жашынан баштап фильм­дерге чакыруулар түшкөн. Анын тартылган фильмдеринин эң эле популярдуусу “Үйдө жалгыз” фильми. Маколей 6 жашынан 14 жашына чейин аб­дан көп фильмге тартылып, өзү­нө эле эмес, үйбүлө­сү­нө жетээрлик акча топтойт да, тасмага тар­тылуусун токтотуп, ардактуу “пенсияга” кетет. Ал ошол мезгилде мындан ары кино дүйнө­сү­нө такыр кайтып келбөөнү ойлойт. Бирок, 2004-жылы 10 жылдан кийин “Кеченин жырткычы” деген фильмге тартылуу менен актёрдук кесибине кайрадан кайрылып келет.

ФИЛЬМДИН МАЗМУНУ

Чикаго штаты. Эл катары турмуш кечирген үйбүлөдөгү 8 жашар Кевин аттуу бала абдан тентек болгондуктан, ата-энеси аны башка балдары сыяктуу жак­шы көрө беришпейт. Америкалыктардын салты боюнча Кевиндин үйбүлөсү да башка үй­бүлөлөр сыяктуу Рождество май­­рамын башка шаарда, Парижде тосууну пландайт. Эртеси аэропортко шашкан ата-эне Кевинди үйдө унутта калтырышат. Ата-эне бир баласы жок эке­нин Парижге жеткенде гана эстешет да, баласы үчүн абыгер чегип, кайра кайтып келүүгө аракет жа­са­шат. Бирок, Рождество майрамын башка шаар­лар­дан же өлкөлөрдөн тосууга ниеттенген үйбүлөлөр көп болгондуктан, самолётто орун калбай калат да, дароо Чикагого кайтып келе албай калышат. Ошентип, эки кабаттуу заңгыраган үйдө жалгыз калган Кевин коркпостон кадимкидей өз алдынча жашоосун баштайт. Ошол маалда көпчүлүк үйбүлө­лөрдүн Рождество майрамын бөлөк жактан тосууга кеткенинен пайдаланган Хэрри жана Марвин аттуу эки ууру Кевиндин үйүнө ууру­лукка киришет. Бирок, алар өздөрү күткөн­дөй болуп Кевиндин үйүн башка үйлөр сыяктуу тоноп кете алыш­пайт. Анткени, Кевин тапкычтыгы, айлакердиги менен уурулардын өздөрүн кыйынчылыксыз эле капканга түшүрөт.

ФИЛЬМДИН ТАРТЫЛЫШЫ

Фильм 1990-жылы тартылган. Режиссёр Америка элине Рождество майрамы үчүн белек боло тургандай тасма тартууну ойлойт. Фильм тартууну пландап жатышканда Кристин жазуучу досу Жон Ха­жес: «Сце­нарийде үй­дө 8 жашар баланы унутуп калышса кандай болот?» дейт. Идеяны жактырган режиссёр ошол эле жерден башкы ролго 8 жашар бала издей баштайт. Жон Хажес ага Ма­колей Калкинди сунуштап, ал тартылган “Бак байке” де­ген фильмди көрүүнү сунуштайт. Аны көрүп чыккан Крис дароо эле: “Жок, бул бала такыр жарабайт. Бала бирдемени аткар десе аша чаап аткарат экен” деген оюн айтат. Антсе да Жон Хажес режиссёрду эгер бала на­чар аткарса, фильмдин бардык чыгымын өзү төлөөрүн айтып, көндүрөт. Жон кийин бул жө­нүн­дө “Баланын көзүнүн кү­йүп турганын көрүп, мындан бирдеме чыгат деп ойлогом. Эң негизгиси, мен досумдун алдында уят болгон жокмун” деген.
Маколейди тасмага тартылууга чакырганын уккан атасы режиссёрго Маколейдин иниси Кьерен агасына абдан жакын экенин айтат. Эгер экөө бир күн көрүшпөй калышса, иниси оо­руп калаарын, ошондуктан, иниси Кьеренди да тасмага тартууну айтып суранат. Бул үчүн бир ты­йын акча сурабасын да белгилеп кетет. Режиссёр буга макул болуп, Кьеренге Кевиндин алыс тууганы Фулер аттуу баланын ро­лун берет. Тасма тартылып бүткөндөн кийин Маколей менен Кьерендин атасы айткан сөзүнө турбай Кьерен үчүн да акча талап кылат. Режиссёр ал үчүн ак­ча төлөбөсүн айтканда балдардын атасы Кит Калкин аны жаш балдарды акысыз киного тартып, пайдасын көрүү­дө деп сотко берет. Иштин татаалдашып кетишинен корккон ре­жиссёр анын айткан акчасын тө­лөп берет.

КЫЗЫКТУУ МААЛЫМАТТАР

  • Маколей Калкин тартылган бул фильми үчүн 8 миллион дол­лар гонорар алган. Бул сумма 1990-жылдардагы эң жогорку суммадагы гонорар болуп эсептелет.
  • Фильмдеги оюнчук сатылган дүкөн “Данкандын оюнчук саткан дүкөнү” деп аталат. Бул дүкөн фильмдин продюсеринин урматына ушинтип аталган.
  • Режиссёр Крис Коламбустун кызы Элеонора Коламбус тасмада эпизоддук роль жараткан. Ал дүкөндөгү эң кичинекей сатып алуучунун ролун жараткан.
  • Маколей үчүн фильмге тартылуу такыр кыйын болгон эмес. Тескерисинче, ал тасмага тартылганды абдан сүйчү. Ал начар жашаган үйбүлөдөн келгендиктен, фильмдеги сонун үй­лөр­дө жашап, роль аткаруу ага жомок сыяктуу сезилээр эле.
  • Фильмге үйдүн 2-каба­тынан 1-кабатына секирип түшүүдө гимнаст баланы чакырууну план­дашат. Муну уккан Маколейдин атасы Кит Калкин абдан ачууланат. Себеби, ал уулуна төлөнчү гонорардын бир бөлү­гү гимнаст балага төлөнөт экен деп түшү­нүп алат. Съёмкалык топ Китке гимнаст балага өзүнчө гонорар төлөнөөрүн түшүндү­рүш­сө да ал баары бир бул ишти баласынын жасай алаарын айтып режиссёрду көндүр­гөнгө ара­кет кылат. Анын мындай кылганынын бирден-бир себеби, кө­бү­рөөк акча табуу болгон.
  • Маколей Майкл Жексондун эң жакын досторунун бири болуп саналат. Майкл Жексон жаш балдарды зордойт экен деген жа­лаа менен камалганда бир гана Маколей анын мындай ишке барбасын айтып коргоп чыккан.

Даярдаган Айым Сариева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
26.11.2010. 00:09 
Тайпасы:
Тартип бузгандар
Комментарийлердин саны:
55
Катталган:
07-06-2010
Соӊку аракети:
20-05-2014 18:33
Жынысы:
Белгисиз
0
Urmattuu Ayim Sarieva, Chicago shtat emes, shaar
20.01.2012. 18:19 
Тайпасы:
Кыймылы жок
Комментарийлердин саны:
7
Катталган:
18-01-2012
Соӊку аракети:
06-02-2012 15:44
Жынысы:
Белгисиз
0
Оо, соонунда, кайра-кайра коргондон тажабайсын!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: