Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СИРЕНЬ ГҮЛДӨГӨН МААЛДА

№378 29-январь - 4-февраль, 2010-ж.


(Башы өткөн сандарыбызда)

– Окууга өткөзгөнүңдү милдет кылып кечке акыл үйрөтө бересиңби?!- деди Тилла бир убакта.
– Эмне дедиң, бул сөз каяктан чыкты?! Мен мурдагы окууңа да, бул окууңа да жардам бергем. Аны милдет кылбаган чакта да айтууга акым бар. Мен сенин курбуңмун!- дедим жаным күйүп.
– Канат “Сен эмнеге Маликанын айтканынан чыкпайсың, ал сага эмне, башчы беле? Өзүнө окшоп сен да өкүм сүйлөбөйсүңбү, унчукпай жүрө берет экенсиң” деп жатат,- деп Тилла күңк-мыңк этти.
– Канча жыл достошуп келаткан курбуңдан бүгүн бар да эртең жок Канаттын сөзү сага сөз болуп калган болсо, бүгүндөн кийин мага чакчаңда анда!
Бул учурда Бактияр келип калды.
– Жаным, аябай курсагым ачты. Чай-пайың барбы?- деди белимден кучактап, жүзүмдөн өөп.
– Сенин курсагың ачса, анда даяр кылууга туура келет,-дедим моюнуна асылып.
Тилла бизге бир тигилип карады да, сыртка чыгып кетти. Анын Канаттын жанына кеткенин айттырбай сездим. Дасторкон даярдап, экөөбүз тамактанууга отурдук.
– Бүгүн эмне иш кылдың? Бактияр адатынча “тергөөсүн” баштады.
– Университетке барып ректорго жолуктум.
– Жаңылык барбы? Тилланын маселеси оң чечилеби?- деди ал кабатырлана.
Анткени Тилланы мурдагы иштеген жеринен алган жолдомосу жараксыз делинип, аны окуудан четтетүү буйругу күтүп турган. Ошон үчүн курбум эптеп окуп калса экен деп далбастап жүргөн учурум эле.
– Ректор азырынча контракттык келишимди сунуштап жатат. Бирок Тилланын ага мүмкүнчүлүгү жок экенин түшүндүрдүм эле, ал “бюджеттик бөлүмдө калтырууга аракеттенип көрөйүн” деди.
– Эмне, сен барган жердин баары эле айтканыңа макул болушат?
Бактияр чачымдан сылаган тейде өңүн өзгөртүп бир башкача сурады.
– Бул кандай суроо? Жакшылап сүйлөшсөң баары макул болот да.
– Ректор, начальник...Канча киши менен сүйлөшүп жатасың?!
– Бактияр, түшүнсөң, алар менен акыйнек айтышып жүргөн жокмун да...
– Билбесем, чоңдор менен иштешкен, аларга сөзү өткөн кыздар башкача болот экен...
– Кандай болот экен?!
– Көңүлдөш болот экен!
Бактияр столду бир муштап, ачуулангандан жүзү бузулуп кетти.
– Мунун мага кандай тиешеси бар?!
– Кечээ достор менен сүйлөшүп отурсак, “чоңдор менен иштешкен кыздардан алыс жүрүү керек, андай-мындай” деп көп сөз айтышты. Сага тийиштирип жаткандай сезилип, өзүмдү араң кармадым.
– Антип ким айтты?
– Канат.
– Эмне... Эмне эле баарың “Канат айтты”, “Канат минтти” деп калгансыңар? Же баарыңдын башың Канатка өтүп калганбы?
– Малика... Укканымды айттым да. Ошого да ушунча болосуңбу? Мен сени билем го,- деп айланчыктап калды.
– Билесиң, ооба... Бирок силерге мен жөнүндө башкалар билдире башташыптыр. Мунун аягы кандай болор экен?..
– Башкасын кой, өзүң жумуш таптыңбы?
Бактияр бир аздан кийин ачуусу таркап, мага жалооруй карады.
– Эки жерге документимди тапшырып койгом. Университеттеги иштеримди бүтүрсөм эле жумушка орношом.
Ошентип, учкан куштай күндөр биринин артынан бири өтүп жатты. Бир күнү Бактиярдын бөлмөсүн жыйнап жатып чөнтөк дептерчесине кызыгып окуп калдым. Апасына арналып жазылган ырлардан башка ар кандай тартылган сүрөттөр бар экен. Анын сүрөт тартарын билген эмес элем. Кызыгып барактай баштадым. Барактардын бирине кыздын сүрөтүн тартып, астына “Асел, мен сага баары бир жетем!” деп орусча жазып коюптур. Муну көргөн соң кызгануум күчөп, ачууланып чыктым. Бактиярдын мени жаным деп эркелетип, ичинен башка кыз үчүн түйшүк тартып жүргөнүн эстеген сайын өзөгүм өрттөнөт. Бактияр келсе эле ушул дептерче менен бетине бир чаап жибермекке даяр болуп, бөлмөсүн бүт чачып салдым. Эми ошол Асели келип бөлмөсүн жыйнап, кийимин жууп, даярдап берсин. Жалгызым деп койгонучу уялбай! Ансыз деле айылдагы карындашы менен телефондон сүйлөшүп жатканда анысы “Шахло эжеке салам айтты” дегенин угуп, канча ирет таарыныштык. Бактияр ал кыз менен илгери мамиле курганын, бирок ал турмушка чыгып кеткенин, азыр бир гана мени сүйөрүн айтып кутулган.
Кечке жуук Бактияр келди. Адатынча кучактайын дегенде түртүп салдым.
– Эмне болду, жаным? Бөлмөнү жыйнап койсоң болбойт беле?- деди таң калып.
– Мени жаным деп айтпа, менден башка жаның бар экенин билбейт дейсиңби?!
– Түшүнгөн жокмун.
– Мына, түшүнүп ал, ким бул?!- деп дептердеги сүрөттү көрсөттүм.
– Муну мен тарткан эмесмин.
– Тартпаган болсоң жаз­гансың, кол жазмаңды тааныбайт дейсиңби?!
– Жаным...
Ал мени кучактап, тынчтандырууга аракет кылды.
– Жаның эмесмин, ошонуңду таап жетип ал,- дедим ачуумду баса албай.
– Малика, бул сага чейинки...
– Эмне, баары мага чейинки... Шахло, Асел дагы кимдер?! Мен билбеген дагы канчасы бар?!
– Жок, жаным, эми жигитчиликте болуп турат да. Бирок учурда сенден башка эч кимим жок. Сен менин жалгызымсың!
– Актанба, жалгызың экенимди билдим!- деп токтоно албай ыйлап жибердим.
– Жаным, ар нерсеге ыйлай бересиңби? Мына, сени май айында сүйгөм, бул жерде болсо мурдагы жылдын ноябрь айында тартылган деп турат.
– Анда эмнеге сактап жүрөсүң?!
– Муну өзүм да унутуп коюптурмун, күндө карап отурат дейсиңби? Бул баракты айрып салсам, аркы жагындагысы да чыгып кетет,- деп Бактияр мага суроолуу кайрылды.
– Менин көңүлүмдөн ошол бир барак артыкпы?! Билип кой, мен деген сен алдап кетчү мектеп окуучусу эмесмин!
Ушуну айтып, өзүмдүн бөлмөмө кетип калдым. Кийин Бактияр ал баракты менин көзүмчө айрып, жаңы баракка сулуу кызды тартып башына “Малика+Бактияр” деп жазып койсо да ызам таркабай жүрдү. Күндөрдүн биринде Бактияр мага кооз шуру тартуу кылды.
– Бул кымбат шуру эмес, бирок ыйык шуру,- деди моюнума тагып жатып.
– Каяктан алдың?
– Таенем Меккеден алып келген. Апамдан сурап, атайын сага алдырдым. Карындаштарымда да бар. Сага да жагат деп ойлодум.
– Рахмат. Чын эле мен сенин жалгызыңмынбы?
– Жалгызымсың, жаным! Кана, анекдот айтып мени бир күлдүрчү?.. Көптөн бери анекдот да айтып бере элексиң.
– Бир жигит сүйүү күнүнө карата белек алмакчы болуп дүкөнгө барат. Анан дүкөнчүдөн “Жалгызыма!” деген открыткадан он даана берип коюңузчу?” деп сураптыр...
– Анан эмне болуптур?
Бактияр анекдотума түшүн­бөй калды.
– Жалгызы болсо он даана открытка сатып алмак беле? Бирөөнү алмак да. Демек, ал он кызды “Сен менин жалгызымсың!” деп алдап жүрөт.
Бактияр эми гана анекдоттун маанисине жете түшүнүп, каткырып күлдү.
– Жок, мен сен үчүн бир гана открытка сатып алам. Жаным, укмуш эле анекдотторду билесиң, ээ?.. Өткөндө айттың эле го, бокс жөнүндө, ошону кайра айтчы?..
– Сага бекер айтчу куудул барбы? Балмуздак алып берсең, анан айтамын.
– Балмуздак жегиң келдиби?
– Ооба.
– Кеттик анда!
– Кеттик!
Ошентип, балмуздак жегени сейил бакка жөнөдүк.

Жумагүл Жолматова

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
19.07.2010. 17:24 
Тайпасы:
Кыймылы жок
Комментарийлердин саны:
12
Катталган:
05-06-2010
Соӊку аракети:
27-05-2012 14:08
Жынысы:
Белгисиз
Калаасы:
Нарын
0
хехе балмуздагы жакшы экен
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: