Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАЛАЙЗИЯГА ЖОЛДОМОНУ УТКАН 9 ЖЕТКИНЧЕК

№686 25-декабрь-31-декабрь, 2015-ж


Жаӊы жылда балдар кереметтерди күтүшөт. Төмөндөгү 9 бала үчүн кереметтер орундалды.
Мындан бир ай мурун мектеп окуучулары арасында «Мен кыргыз жеримдин гүлдөп-өсүшүн каалайм» деген аталыштагы дил баяндар сынагы башталган. Мындай демилгени Кыргыз Республикасынын Малайзиядагы толук жана ыйгарым укуктуу элчиси Кылычбек Султанов көтөрүп, Кыргызстандагы 9 ЖМК колдоого алышкан. Ар бир маалымат булагы бир аймакты алып, ошол аймактан келген дил баяндарды кабыл алуу менен, аягында бирден жеӊүүчүнү аныктамак. Эмне үчүн 9 аймак? Эмне үчүн 9 жеӊүүчү? Элчи мырза «Кыргызстандын мектептеринин деӊгээли ар бир аймакта ар башка. Ошондон улам 7 облус, Ош жана Бишкек шаарларынан бирден болуп, жалпы 9 жеӊүүчү чыксын, аларды өздөрү бөлүп алганына жараша 9 ЖМК аныктап берсин деген чечимге келдик» деп түшүндүрөт. Ошентип жалпысынан сынакка 1000ден ашуун окуучу катышып, эӊ мыкты делген 9 окуучу тандалып алынды. Эми бул жеткинчектер кышкы каникул маалында Малайзияга барып, эс алуу, саякат менен катар ал өлкөнүн алдыӊкы мектептерине барып, окуу шарттары менен да таанышып кайтышат. Жалпы катышуучуларга ыраазычылык билдирген элчи мырза сынакка дил баян жиберген ар бир окуучуга белекке Малайзиядан сувенир жиберерин убада кылды.

БИШКЕК ШААРЫ БОЮНЧА ЖЕӉҮҮЧҮ АЙЖАМАЛ МАРИПОВА
Айжамал Марипова Бишкек шаарындагы №61-мектеп-лицейинде 10-класста окуйт. Ал окуу менен биргеликте тил үйрөтүүчү курстарга барып, бийге катышып, фортепианодо ойноону үйрөнүүдө. Сынак тууралуу жогорку класстын окуучуларынан угуп, катышып көрүүнү чечкенин айтат. «Дил баянды жазуу үчүн көп адамдар менен баарлашып, маалыматтарды издеп, тактап, Кыргызстаныбыз тууралуу буга чейин билбеген, байкабай келген көп маалыматка ээ болдум. Мекенибизде чечилиши керек болгон маселелер толтура. Мен ошолорду чечүүгө катышкым келет»,- дейт Айжамал.

ОШ ШААРЫ БОЮНЧА ЖЕӉҮҮЧҮ МЭЭРИМ РАХМАНОВА
Мээрим Рахманова Ош облусунун Кара-Суу районундагы Питомник айылында 2000-жылдын 27-апрелинде туулган. Учурда 10-класста Ош мамлекеттик университетинин Билим лицейинде окуйт. Ал дил баянында айылындагы улуу-кичүүнүн бирдей баш оорусу болгон таза суу маселесин кантип чечишкенин жазган. «Көрсө, биз таза сууну тебелеп жашайт окшойбуз. Саз эмес, таштак, бийигирээк жерди казышып, тереӊдеп кирип отуруп акыры суу чыкканда кудук кылып коюшту. Кудук казгандарга тимеле алтын казып жаткандай анын арасында менин да атам аралашып жүргөнүнө сыймыктанып, апам демдеген ысык чайды улам ташып жүгүрүп жүрдүм. Ушинтип мамлекет мага эмне кылып берди деп керсейбей, мен мамлекетке эмне кылдым деген суроонун үстүндө ойлонсок, ар бирибиз моюнубуздагы жүктү сезет белек.
Мен мектепте жакшы окууга тырышып, келечекте мыкты котормочу болом деп аракеттенип жүрөм. Ошондо айылыбызга кудум шаардагыдай чачтарач, өтүк оӊдоочу жай, спорт зал курам. Анан ага бүт айылдын чачын үйүндө тегиздеген Замирбек акени, айылдын өтүгүн тиккен Талип абаны алып келем. Балким, кимдир бирөө да ушинтип ойлоп жаткандыр. Эгерде ал ушунун баарын менден мурун жасап койгон болсо кандай жакшы болор эле. Анда мен андан да башка маселени чечүүгө жардамдашам. Ошондо мага окшогон дагы бир секелек кыз «мен ушундай болорун билгем» деп кубанат»,- дейт ал.

ЧҮЙ ОБЛУСУ БОЮНЧА ЖЕӉҮҮЧҮ МАРИ РАИМБЕКОВА
Мари Раимбекова Аламүдүн районуна караштуу Байтик айылында жашап, түрк лицейинде билим алат. Учурда информатика сабагы боюнча облустук олимпиадага даярданууда. Өзүнүн дил баянында ал учурдагы билим берүү системинде жаӊычылдыктын жоктугунан балдар билим алууга умтулбай жатышканына, балдарды тарбиялоодогу катачылыктарга жана шаардын, жалпы мекенибиздин тазалык боюнча маселелерине токтолгон.

БАТКЕН ОБЛУСУ БОЮНЧА ЖЕӉҮҮЧҮ АДИЛЕТ САЙДИЛАЕВ
Адилет Сайдилаев Баткен облусунун Кызыл-Кыя шаарындагы Исхак Раззаков атындагы лицейде 7-класста окуйт. «Кыргызстандын келечеги биз сыяктуу жаштардын колунда. Эгерде биз тереӊ билим алып, кен байлыктарды иштетип, элибиздин керегине жарап, экономиканы көтөрүп, жашоо шартыбызды оӊдосок, биз да эӊ бай, өнүккөн өлкөлөрдүн катарына кошулабыз. Ушундай өнүккөн кыргыз эли деген атка жетүү үчүн, албетте, биз эне тилибизди сакташыбыз керек, себеби тил болсо, улут болот. Улут болсо, мамлекет болот. «Элди бузгуӊ келсе, дилин буз» деген кеп бар»,- дейт жетинчи класстагы жеткинчек.

ТАЛАС ОБЛУСУ БОЮНЧА ЖЕӉҮҮЧҮ НУРЭЛ АБАСКАНОВ
Нурэл Абасканов Талас шаарындагы «Манас Ата-Себат» лицейинин 6-»б» классынын окуучусу. «Мен бул сынак тууралуу телеканалдан берилген жарыядан улам билдим. Андан кийин апам «Супер-Инфо» гезитинин 2015-жылдын 4-декабрында чыккан санын алып келип «Балам, сен айтып жаткан дил баян сынагынын шарттары бул санга чыгыптыр» деп калды. Өзгөчө сынак экен деп катышууну чечтим. Жыйынтыгын чыдамсыздык менен күн санап күттүм. Кыргыз Республикасынын Малайзиядагы элчилигине, мени жеӊүүчү кылган гезиттин жамаатына тереӊ ыраазычылык билдиребиз» ,- дейт Нурэл.

ЖАЛАЛ-АБАД ОБЛУСУ БОЮНЧА ЖЕӉҮҮЧҮ ЗЫЯГҮЛ ИСКЕНДЕРОВА
Чоӊ атасынын акыл кептерин турмушта кеӊири колдонгон Зыягүл Жалал-Абад облусунун Сузак районуна караштуу Миӊ-Өрүк айылындагы Токтосун Темирбаев атындагы №6-гимназия-мектебинде окуйт. Ал дил баянында айылында таза суунун жоктугун, ата-энеси үй салуу үчүн чет жакта иштеп жүргөнүн айтат. «Үй курабыз деп айылда алардын адистигине ылайык жумуштун жоктугунан атам, апам Москвада алмак-салмак иштеп келишет. Көбүнесе чоӊ ата, чоӊ энемдин карамагында калабыз. Чоӊ атам телевизордон дайыма кечки жаӊылыктарды көрөт. Биз да чогуу көрөбүз. Биздин президентти көп көрсөтөт. Аны баарыбыз тааныйбыз. Ал өтө жакшы адам, себеби ал араздашкан эки элди жараштырып, өлкөгө тынчтык, ынтымак алып келген. Агай-эжейлерибиздин айлыгын көбөйтүп, көп бала бакчаларын ачкан. Түндүк-түштүк жолун курууга киришти. Эми биз Ысык-Көлгө тез эле сонун жол менен жетебиз. Мунун баарын бизге чоӊ атам айтты. Менин тилегим – ата-апама жумуш болуп, биз менен экөө теӊ чогуу жашашса. Азыр биздин республика өлкөлөр, коӊшу мамлекеттер менен карым-катнашта, ынтымакта. Ушул ынтымак бузулбай, тынчтык болсун. Албетте, биз Кыргызстаныбыздын өнүп-өсүшүнө чогуу салым кошобуз»,- деген тилегин билдирет Зыягүл.

ЫСЫК-КӨЛ ОБЛУСУ БОЮНЧА ЖЕӉҮҮЧҮ ЖУМАДИЛ МУӉАЙТПАСОВ
Жумадил Муӊайтпасов Балыкчы шаарындагы №4-гимназия-мектебинин 8-классынын окуучусу. 14 жаштагы окуучу эмгегинде кыргыз жеринин кооздугун, туристтик мүмкүнчүлүгүн, ысык-көлдүк балдардын учурдагы турмушун жана өзүнүн жеке кыялын баяндап жазган. Кыялында Балыкчы шаарына кирип келе жаткан жерге Ысык-Көлдүн дарбазасын курсам дейт. «Балыкчынын кире беришинде жалаӊ алты канат ак өргөөлөрдөн турган боз үйлөр комплекси жайгашса, атайын чет өлкөлүктөр үчүн ар бир боз үйдө кыргыздын дасторкону жайылып, улуттук суусундуктар, тамак-аштар даярдалып турса…»,- деп кыялданат.

ОШ ОБЛУСУ БОЮНЧА ЖЕӉҮҮЧҮ АБДЫЖАПАР УУЛУ МЕДЕРБЕК
Медербек 2001-жылдын 6-ок­тябрында туулган. Учурда Ош облусунун Ноокат районуна караштуу Кожоке айылындагы Кожоке орто мектебинде 8-класста билим алат. 14 гана жашта экенине карабай ал чоӊ адамдай ой жүгүртөт. «Элдин жашоо шартынын начардыгына бийликти күнөөлөгөндөргө кошулбайм. Менин оюмча, ар бир жаран үчүн шартты түзүп берүү мүмкүн эмес. Жашоо турмушту жакшыртуу үчүн ар бирибиз өзүбүз аракет кылышыбыз керек»,- дейт ал.

НАРЫН ОБЛУСУ БОЮНЧА ЖЕӉҮҮЧҮ УЛАНБЕК УУЛУ ЭЛНАЗАР
«Супер-Инфо» гезити сынакты Нарын облусу боюнча жүргүздү. Жүздөн ашык дил баяндын арасынан бирөөнү жеӊүүчү катары тандап алуу оӊойго турган жок. Алгач редакциялык кеӊеш тарабынан алдыӊкы бештик аныкталды. Балдар менен телефон аркылуу кошумча баарлашуудан кийин редакциялык кеӊеш бир добуштан Нарын шаарындагы Чкалов атындагы мектеп-гимназиясынын 8-классынын окуучусу Уланбек уулу Элназарды жеӊүүчү деп тапты.
Байланышка чыкканыбызда Элназар жыйынтыкты бүткүл үй-бүлөсү менен күтүп отурушканын айтып, кубанганынан күлүп, кыйкырып да алды. «Ушундай сынак болуп жатканын алгач атам айтты. Катышып, өзүӊдү сынап көр деп сунуштады. Өзүм орус тилдүү мектепте окуйм. Бирок дил баянды кыргыз тилинде жаздым. Бир топ эле убакыт кетти. Жазып бүткүчө атам менен акылдашып жаттым»,- дейт ал.
«Илгери бардык гезиттерди сатып алчумун. Байкап көрсөм, ошончо гезиттеги маалыматтын баары бир эле «Супер-Инфодо» болот экен. Ошентип жалаӊ ушул гезитти алып калдым. Аны окубасам башым ооруйт. Мектеп окуучулары арасында сынак жарыяланганын да силердин гезиттен окуп, уулума сунуштадым. Мен балдарды япондорчо тарбиялайм. Кичинекейинен бир катуу жекирип, кол көтөрүп урушкан күнүм болбоду. Элназар тун уулум. Экөөбүз бардык теманы эркин, ачык сүйлөшө беребиз. Жакшы билим ал, өзүӊ жаратуучу бол, бир нерсе жарат деп Фейсбуктун жаратуучусун мисал келтирем»,- дейт Элназардын атасы Уланбек мырза.
Элназар үйдө төрт бир туугандын улуусу. Бир иниси жана эки карындашы бар. Бизге жиберген дил баянында ал 7-классында Москвадагы Ломоносов атындагы мектепке барганын, анда эл аралык интеллектуалдык олимпиадага катышканын, ал мектептин окуучуларынын билим деӊгээлин көрүп ыза болуп кайтканын айтат. Өзү учурда гимназиядагы сабактары менен катар «Ага Хан» фондунун мектебинен IT-технологиялар, математика жана англис тили боюнча кошумча сабак алат.

Мирлан Өмүралиев
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(12)
28.12.2015. 10:42 
Тайпасы:
Жаран
Комментарийлердин саны:
0
Катталган:
16-03-2015
Соӊку аракети:
11-04-2018 09:06
Жынысы:
Белгисиз
+6
Азаматсынар Кыргызстандын келечектери! кана эле баардык жаштар силердей ой жугуртсо, аракетчил болсо. Менин да уулдарым силердей болсо.
28.12.2015. 11:57 
Тайпасы:
Жаран
Комментарийлердин саны:
87
Катталган:
17-10-2015
Соӊку аракети:
03-08-2017 10:03
Жынысы:
Белгисиз
Калаасы:
Кыргызстан
+7
Жакшы эс алып келишсин
28.12.2015. 14:24 
Тайпасы:
Жаран
Комментарийлердин саны:
3
Катталган:
21-12-2015
Соӊку аракети:
22-09-2018 05:00
Жынысы:
Белгисиз
+5
МашАЛЛАХ куттуктайм силерге окшогон балдар кобойсун
28.12.2015. 14:55 
Тайпасы:
Жаран
Комментарийлердин саны:
20
Катталган:
26-05-2014
Соӊку аракети:
24-09-2018 10:44
Жынысы:
Белгисиз
Калаасы:
Ош
+4
Эн негизгиси,биздин жаштардын ой жугуртуусунон балдардын ой пикирин айтуусу кобойгонуго кубадым,себеби кобун эсе мындай сынакта кыздар катышат эмеспи..
28.12.2015. 18:43 
Тайпасы:
Жаран
Комментарийлердин саны:
24
Катталган:
16-12-2015
Соӊку аракети:
20-10-2017 18:01
Жынысы:
Белгисиз
0
Азаматсыз Кылычбек мырза.Балдардын баяндарын аябай толкундануу менен окудум.Жумадилдин баяны озгочо таасирлентти.Ушундай сынактар тез тез болуп турушун каалайм.Ал эми женуучулорго кааларым:конулдуу эс алып келгиле.Женишинер кут болсун. Жалпы Кыргыз элиме жаны жылда жаны ийгиликтер каалайм.Элибиз,буткул дуйно тынч болсун.
28.12.2015. 23:34 
Тайпасы:
Жаран
Комментарийлердин саны:
1
Катталган:
18-12-2015
Соӊку аракети:
11-08-2018 22:46
Жынысы:
Белгисиз
+3
Жаштын тилегин берет.Ылайым ушул окуучулар дил баянда кыялданган Кыргызстан болсун олкобуз!
29.12.2015. 00:28 
Тайпасы:
Жаран
Комментарийлердин саны:
342
Катталган:
09-03-2015
Соӊку аракети:
24-08-2017 15:59
Жынысы:
Белгисиз
Калаасы:
Бишкек шаары.
+3
Баардык элчилер Кылычбек байкедей бир пайдалуу болушса кана,туризимды оркундотууго да салым кошо алды.Мамлекетибиздин идеологиясын которуу менен бирге,окучулар арасында жакшы мумкунчулук тузуп берди малазияны корууго. Негизи келечек жаштардыкы эмеспи,ошондуктан жаштарга ушуга окшогон программалар иштелип чыгып билим алуусуна дуйно таанусуна,бардык жактан шарт тузуп беришибиз керек. Башка элчилерибиз аман эле болушсун.
30.12.2015. 13:24 
Тайпасы:
Жаран
Комментарийлердин саны:
101
Катталган:
26-08-2015
Соӊку аракети:
16-08-2018 11:21
Жынысы:
Белгисиз
-1
Жаны толкундун башаты, бул жакшылыктын башаты жаштарга гана эмес, улууларга, "чондорго" да пайдалуу үлгү болчу корунуш деп тушуном.
31.12.2015. 01:15 
Тайпасы:
Жаран
Комментарийлердин саны:
144
Катталган:
05-08-2014
Соӊку аракети:
23-05-2017 16:48
Жынысы:
Белгисиз
Калаасы:
Талас
+2
Азаматсынар))! Женишинер кут болсун.
01.01.2016. 02:36 
Тайпасы:
Жаран
Комментарийлердин саны:
6
Катталган:
21-05-2014
Соӊку аракети:
03-05-2017 23:00
Жынысы:
Белгисиз
-1
Jenishiner kut bolsun. Kelechek jashtardyn kolunda.
Nege baaryle gimnazia je litseiden chykkan okuuchular? Aiyl jerlerinde oto kop kuchtuulor birok sharty joktor. Oshentseda uwundai synaktar ulana bersin toktoboi.
01.01.2016. 20:12 
Тайпасы:
Жаран
Комментарийлердин саны:
2
Катталган:
29-12-2015
Соӊку аракети:
18-05-2017 02:11
Жынысы:
Белгисиз
0
Абдыжапар уулу Медербек азаматсын! Кожоке айылы Кожоке орто мектеби, окуп алып аябай сыймыктандым. Себеби менда ошол жердин кулунумун.
03.01.2016. 00:45 
Тайпасы:
Жаран
Комментарийлердин саны:
1
Катталган:
08-11-2015
Соӊку аракети:
21-01-2017 13:24
Жынысы:
Белгисиз
0
Malatsy baldar.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: