Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Алихан Садыралиев: «СУЛТАН ДАЙЫМА СУУДАН КУРГАК ЧЫГАТ»

№378 29-январь - 4-февраль, 2010-ж.


Бир тууган

Бир тууганың кичинеңден баштап сенин таянар жөлөгүң, ата-энеңден кийинки эле жакының экени талашсыз. Ырчы Султан Садыралиевдин бир тууган агасы Алихан бир боор иниси тууралуу окурмандарга кеп салып берет.

Бир тууган Садыралиевдер:
Жакшыгүл 37 жашта.
Таттыгүл 35 жашта.
Бурул 33 жашта.
Алихан 29 жашта.
Султан 24 жашта. Султандан башкасынын баары үй-бүлөлүү.

«СТУДЕНТ БОЛГУЧА АТА-ЭНЕМ МЕНЕН ЧОГУУ ЖАТЧУ»
– Султан биздин үй-бүлөнүн кенжетайы, аябай эрке. Менден улуу үч эжем бар. Кичинесинде үчөөнү тең сен дечү.
Кичинебизде атам-апам үйдө жок болуп калганда шишкебек бышырып жеп, оюбузга келгенди жасай берчүбүз. Бирок Султан атамдар келгенде ийне-жибине чейин айтып, уруштурчу. Эрке, көк бет, өжөр, анан да бетке айткан, өз күнөөсүн такыр моюнуна албаган сапаты азыркыга чейин кала элек. Кыскасы, бардык жерде суудан кургак чыгып кетет. Үстүңө чакалап суу куйса да суу болбойсуң деп тамашалап калам.
Султандын кичине кезинде Чал куйрук деген аты бар болчу. Анысын атам сатып жибергенде, бир жума ыйлаган. Сатып алган кишинин үйүн таап барып “менин атымды бер” деп далай жолу талашкан. Төрт жашынан тарта домбра чертип, той-топурларда, мектептеги кечелерде ырдай баштады. Дагы бир кызык, 10-классты бүткүчө ата-энемдин коюнуна жатып жүрдү. 11-классты бүткөндө Бишкекке окууга бармай болду. Атам менен апам “Бишкекте үйүбүз же туугандарыбыз болбосо, ал жактан сени ким карайт?”- деп айтышса да “жок, мен Бишкектен окушум керек” деп айтканынан кайтпай койгон. Мына ошол өжөрлүгүнө, аракетине, талантына продюсери Динара Эсенгулованын эмгеги кошулуп, кыргыз элине аты таанылып отурат.

«БИР ООРУСА КАТУУ ООРУЙТ»
– Эрке иним бир жолу Бишкекте окуп жүргөндө катуу ооруп, ооруканага жатып калды. Таласта жүргөн мен да сыркоолоп калдым. Ата-энем мени ооруканага жаткызып коюп эле Бишкекти көздөй шашып жөнөштү. Султанга келишсе, досу Мирбек Иманбеков карап жаткан экен. Иним экөөбүз ынак өскөнгөбү, айтор, алыста болсок да бири-бирибиздин кубанычыбызды, кайгыбызды сезип турабыз. Султан анча-мынча суукту да тогото бербейт. Бирок бир ооруса албарсты басып жаткандай болуп сүйлөнүп, бир башкача ооруйт. Ошондуктан ал ооруп калса, дайыма жанында болгонго аракет кылам.
Эжелерим эрте турмушка чыгып кеткендиктен, Султан экөөбүз кир жууп, үй жыйнап, тамак жасап эле чоңойгонбуз. Иним күнүмдүк оокат-аш жасоодон кыйналбайт.

«МЕНДЕН ЭМНЕ ЖАРДАМ КЕРЕК?» ДЕП ЭЛЕ ТУРАТ»
– Султан экөөбүздүн телефон аркылуу казакча сүйлөшүп жатканыбызга таң калып жатсаңыз керек. Негизи, биз эки тилди тең колдоно беребиз. Султан Бишкекте жүргөндүгүнө байланыштуу казак тилин унутуп баратат. Ошондуктан кээде казакча сүйлөшүп калабыз. Апабыз казак кызы болгону менен, атабыз кыргыз. Атамдын “өз жерибизге, элибизге барып жашайлы” деген кеби менен 1999-жылы Казакстандан Таласка көчүп барганбыз. Ал жактын климаты апамдын ден соолугуна жакпай, ооруй бергенинен улам 2005-жылы кайра Казакстанга кеттик.
Эски үйдү бузуп, жаңы үй салдырып жатканда Султандын аты жаңыдан чыгып жаткан кез эле. Бизге телефон чалып “менден эмне жардам?” деп калды. Эртерээк үйдү бүтүрүү керектигин айтсам, эртеси күнү “кой, бул үйгө менин да колум тийсин” деп жетип келип калыптыр. Ал үйүбүз 2007-жылы бүттү.
Негизи, Султан ата-энеме белек-бечкек алып барып көңүлүн алганды жакшы көрөт. Эжелерим, жезделерим менен тез-тезден байланышып, колунан келген жардамын аябайт. Азыр эки жээнимди Бишкекке алып келип окутуп, тарбиялап жатат. Үйлөнүүдөн да мурун Султандын негизги максаты Бишкектен үй алып, ата-энемди бул жакка алып келүү. Себеби ата-энебиз картайган сайын кичүү баласынын колуна барсак деп жатат. Атам да “Кыргызстанга келип жашасам” деп ниеттенип жүрөт.

«МУРДУНУН ЭМЕС, ДОМБРАСЫНЫН СЫНГАНЫНА ЫЙЛАГАН»
Таласта жашап жүргөн кезибизде Кайрат Примбердиев кошунабыз болчу. Султанга “сен казаксың!” деп тийишип, кези келсе мушташып жүрүп кийин жакын досторго айланып кетишти. Көнгүчөктү бир топ эле кыйналды. Бир жолу тойго барып ырдап, той бүткөндө домбрасын көтөрүп келе жатса, таластык балдар “эй, казак” деп тийишиптир. Казак дегенге арданган Султан “мен казак эмесмин, кыргызмын. Чиркей деген урууданмын” деп алар менен мушташа кетип, үйгө мурду менен домбрасы сынып келген. “Мурдум сынганы го эч нерсе эмес, домбрам сынып калбадыбы!.. Эми эмне кылам?” деп ыйлап алган. Бул окуядан көп өтпөй комуз, кыл кыяк үйрөнө баштады.
Султан өтө намыскөй. Бир жаман сөз укса эле ардана кетип балдар менен урушуп жатып калчу. Көрүп калсам болушар элем. Инимдин ушул мүнөзү атамдыкына окшош. Султан тентектигинин айынан бир жолу өзүнөн кичүү баланы сабап коюп, ал баланын ата-энеси үйгө келип чатак салышкан. Атам “кой, ай” десе да болбой “сен казак балаңды тыйбайсыңбы!” деп кыйкыра беришкенинен, ачууланган атам үйдөн мылтыгын көтөрүп чыгып асманга атып, ызы-чууну бир заматта токтоткон.

«НАРКОЗСУЗ ОПЕРАЦИЯ ЖАСАТКАН»
Султан теннис, баскетбол, күрөш, кыскасы, спорттун көп түрү менен машыкчу. 10-классында күрөш боюнча мелдешке чыгып, сол колун эки жеринен сындырып алган. Ошондо “балдарды көп урчумун, Кудай мени жазалады” деп ыйлаганы эсимде. Тентектигине ачууланган атам “бейбаштын колун наркозсуз операция жасагыла” деп дарыгерлерге уруксат берет. Ошентип, наркозу жок эле операция жасаттырган. Колу көпкө чейин гипсте жүрүп, ичке болуп калган болчу. Намыскөй иним колу айыккандан кийин физикалык көнүгүүлөрдү жасап жүрүп булчуңдарын калыбына келтирип алды. Бирок ошол боюнча күрөшкө кайтып барган жок. Султан бой жетип өткөөл куракка келгенде, бир кызды жактырып калды. Анын көңүлүн өзүнө бурдуруу үчүн күнүгө чачын суулап, шекер менен катырып, суукта баш кийимин кийбей мектепке жөнөйт. Атам эки жолу “башыңа кий, суук өтөт!” деп эскертсе да укпады. Дагы ушинтип кетип бараткан жеринен атам кармап келип “башыңа кийесиңби жокпу?” деп башын мешке кактаган. Ушунча кыйналса да, өжөрлүк мүнөзү калган жок.

Замира Рахманбердиева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(1)
05.02.2010. 09:03 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
sultan korunboi ketpe biz seni sagynyp kalabyz . Sende atkaruu cheberchilik un talant bar. Talantyna taazim!!!!!!!Sen SUPERSIN!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: