Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

2006-ЖЫЛДАГЫ БИЗДИН МЫКТЫ СПОРТЧУЛАРЫБЫЗ

№217 29-декабрь-4-январь, 2007-ж.


КАНАТ БЕГАЛИЕВ
“Шайтандын чоңунан эмес, кичинесинен корк” деген накыл кеп бар. Анын сыңарындай, балбандар арасында оңго-солго урунуп, бышып жетилген тажрыйбалуулардын бардыгы жеңил салмактагылар арасында кү­рөш­көндөр.
Аларды оңой менен жеңип, далысын жер жыттата албайсың. Ал эми Таластын кулуну болгон Канат өз кезегинде Атлантадагы Олим­пиада чемпионунун далысын жерге тийгизип эле тим болбостон, үстүбүздөгү жылдын сентябрь айында Кытайда өткөн дүйнөлүк чемпионатта биринен-бири өткөн мыктылардын мыктысын жеңип, күмүш медалды мойнуна тагынган. Ошентип, дүйнө чемпиону болууга Канатка дагы бир кадам жетпей калды.
Канатбектин мындай аракетин баалаган мамлекет башчыбыз Жал кичирайонунан 1 бөл­мөлүү квартира белек кылса, улуу муундагы спортчу агалары “БМВ” үлгүсүндөгү машинаны мингизди.

ДАНИЯР КӨБӨНОВ
Данияр кармаганын кармагандай ыргыткан, бой көтөрбөгөн, жөнөкөй ысыккөлдүк жигиттердин бири. Таймаш учурунда атаандашынын колун кармап алса, анда ал Даниярдын “коронный” кочергасына учту дей бер. Мына, 15-Азия оюндарында калыссыз өзбек калысынын жан тартканынан улам 1-эмес, 3-орунга или­нип калды. Бирок, 45 мамлекеттен тандалып, такшалган балбандар арасында 3-орунга жетүүнүн өзү да чоң жетишкендик эмей эмне? Мындан тышкары Алматыда өткөн эл аралык турнирде 2-орунга жетсе, Бакудагы мелдештердин биринде 3-орунду камсыз кылган.

НУРБЕК ИБРАГИМОВ
15-Азия оюндарынан соң кыргыз спортунда Нурбек Ибрагимов деген жаңы ысымдын аты көбүрөөк угула баштады. Себеби, ал 120 килограмм салмакта кү­рөш­көн алптар ара­сында 3-орунга жетип, коло медалды тагынган. Демек, Нурбек ушул деңгээлинен жазбай тынбай машыга берсе, далай жеңиштердин ээси болоору бышык.

РУСЛАН ТҮМӨНБАЕВ
Русландын жылдызы 2004-жылы борбор калаабызда өткөн Азия чемпионатында жанды десек аша чапкандык болбос. Дал ошондо спорт ордосу толгон күйөр­­мандар­дын сү­рөө­нү алдында кичинекей Русланчик 46 килограмм салмакта өспү­рүмдөр арасындагы Азия чемпиону болгон. Эми минтип 19­87-жылы туулган Р.Түмөнбаев жаш­тыгына карабастан 15-Азия оюндарында чоңдор арасында тайманбастан беттешип, коло медалга жеткени эле эмнени айтып турат.

ЖАНАРБЕК КЕНЖЕЕВ
Беттегенин бербеген, бука моюн, буура сан деп дал ушул жигитти айтсак жарашчудай. Алдына чыкканын качыра сүзүп кармап алса, ары бери оодарган “накаттар” менен оңой эле жеңишке жетет. Себеби, эл аралык деңгээлдеги спорттун чебери аталган Жанарбек бир гана күрөштөн үйрөнгөн техникасына ишенбестен, кезеги келгенде өзүнүн кара күчүн да колдонуп коёт. Балким, ушундай талантын байкаган анын машыктыруучусу Хаким Махмудович “спорт дүй­нө­сүндө жарык жанган жылдыз болсун!” деп Жанарбекти өз үйүндө жашатып, машыктырып жүр­гөн чыгаар. Анын акыбети кайтып, 15-Азия оюндарында Кыргызстандын куржунуна Жанарбек коло медалды салууга жетишти.

РУСЛАН АБАСОВ
Урганын ургандай кулатып, эсти оодарган чыныгы алп Руслан Абасов 2006-жылы президентибиздин кубогуна ээ болуп эле тим болбостон, 25-октябрда су­пер оор салмактуу профессионалдар арасында өткөн престиждүү турнирде дүйнө чемпиону атал­ды. Ага улай эле декабрдын башында супер оор салмактагылар арасында Европа чемпиону болуп, ит жылында Русландын ташы өйдө кулады. Эми ушул жү­рүшүнөн жазбасын дегенден башка не дейли...

КАНАТБЕК СЫДЫГАЛИЕВ
Бет келгенин майтарып, рингдин чаңын чыгарган Таластын кулуну үчүн ит жылы жемиштүү болду көрү­нөт. Үстү­бүз­дө­гү жылдын жай мезгилинде Москвадагы “Арбат” аттуу таймаш клубунда өткөн Евразия чемпионатында мен-мен деген кикбоксчулар арасында Канатбек чемпиондук титулун өз энчисинде сактап калууга жетишти. Айтайын дегеним, ал 4 жыл катары менен атаандаштарынын айласын алты кетирип, акырында оңкосунан сайып, 4-ирет кикбокс боюнча Евразия чемпиону болуп отурат.

АЛМАЗБЕК РАИМКУЛОВ
Дүйнөлүк профессионалдык бокс чөйрөсүндө Kid Diamond деген жаңы ысым күн өткөн сайын төгөрөктүн төрт бурчуна таанылып келет. Ал Кыргызстандан чыккан Алмазбек Раимкулов деген “короткий боковой” соккулары менен атаандаштарын жыга урган мушкерибиз экенин калың журттун эсине салгыбыз келет. Жаңылбасак, анын жерлиги ордолуу Оштон. Эл аралык турнирлерде байгелүү орундарга жетишип жүргөн Алмазбек дүйнөлүк машыктыруучулардын көзүнө илинип, Америкага сапар тарткан. 2001-жылдан бери ринг үстүндө бир канча айыгышкан таймаштарды өткөрүп, бирөөсүн да уттура элек. Жеңил салмактуу мушкерлердин дүйнө рейтингинде Алмазбек 13-орунда турат экен. 2006-жылы 28-ав­густ­та мекендешибиз Кыргызстандын эмес, Түндүк Американын чемпиону болууга жетишкен.

ВАЛЕНТИНА ШЕВЧЕНКО
Валентина менен чындыгында эле сыймыктансак болот. Себеби, ал бир нече жолу Кыргызстандын желегин чет жерде желбиретип, гимнин ойноткон. Анын аркасы менен айрымдар ушундай өлкө бар турбайбы деп бизди тааныган. Ит жылында Валентина кыйналбай эле кезектеги чемпиондук титулун утуп алды. Айтайын дегеним, 4-апрелде Тайланддын Бангкок шаарында өткөн тайбокс боюнча дүйнө чемпионатында 1-орунду жеңип алды. Ошентип, Валентина тайбокс боюнча чемпиондукту бир дагы өлкөнүн өкү­лүнө бербестен 5-жолу дүйнө чемпиону болуп отурат. Мындай ийгилигине күбө болгон орусиялыктар жарандыкты сунуш кылганда биздин кызыбыз сыпайы гана “отказ” бер­ген эле.

УЛАН ЭРАЛИЕВ
Эрендердин эр таймашында эрдик кылып кыргызстандык атлет Улан Эралиев 10-декабрда Астанада панкратион боюнча Евразия чемпиону аталды. Таймашка чыккандардын бири мушкер болсо, экинчиси каратист, үчүн­чүсү шахматист дегендей, ар бир спорттун сы­рын 5 манжасындай билгендер. Бирок, ошолорду эске алып, Улан убагында күрөш, кулатуу жана самбо сыяктуу спорт түр­лөрү менен машыгып эле тим болбостон, ийгилик тепкичине көтөрүлүп да жүрүптүр.

ЯНА ПАНОВА
Яна эркектер менен машыгып, кыздар менен таймашып жүргөн Кыргызстандын балбан кыздарынын бири. Кай жерге барбасын, сөзсүз түрдө байгелүү орундарга илинип келет. Учур­да Таалай Каюмовдун кол алдында машыгып, 15-Азия оюндарында коло медалды багындырып келди.

АЛЕКСЕЙ КРУПНЯКОВ
Орусиянын жараны болсо да эл аралык аренада атаандаштарынын сазайын берип Кыргызстандын намысын коргоп жүр­гө­нүнө бир топ жыл болду. Эл аралык деңгээлдеги күрөш­түн чебери атык­­­кан Алексей Катардагы Азия оюндарында коло медалды ише­ним­дүү жеңип, мам­лекетибизге дагы бир аброй алып келгенин белгилеп кеткибиз келет.

ТАТЬЯНА ЕФИМЕНКО
Чуркап келип секиргенде буттары “пружина” сымал ыргып кеткенде таң бересиң. Бирок, бул кызыбыз 2002-жылы Пусанда өткөн Азия оюндарында чемпион болууга жетишсе, Катардагы мелдеште титулун коргоп кала алган жок. Тагыраак айтканда, 1 метр 91 сантиметр бийиктиктеги тоскоолдукту денесин тийгизбей секирип өтүп, күмүш медалды багындырганын баса белгилеп кеткибиз келет. Мындай жетишкендиги үчүн Татьяна борбор калаабыздан 1 бөлмөлүү квартираны белекке алмакчы.

ЕВГЕНИЙ ВАККЕР
15-Азия оюндарында Кыргызстандын командасы үчүн алгачкы байгени алып келген жигит. Өзүнүн велосипеди менен 45 километр аралыкка болгон жарышта 2-келип, күмүш медалга жетишкен Азиядагы алдыңкы велосипедисттердин бири. Эң кызыгы, ал Азия оюндарынын 4 жолку кү­мүш медалисти бол­гону. Сегиз жылдан бери биринчи да, үчүнчү да эмес, экинчи келип жүргөнү көп­чүлүк спорт адистерин таңкалтырып келет.

ФУТБОЛЧУЛАР
Кыргызстандын футбол боюнча Дордой-Динамо командасы жеңиштин туу чокусуна чыкпаса дагы дүйнө рейтингинде өлкөбүздүн даражасын көтө­рүүгө жетишти. Тагыраак айтканда, 2006-жылда Кыргызстандагы футболчулар арасында чемпион болуп, андан кийин Малайзияда өткөн мелдеште Азия чемпиону болуп кайтышкан. Ошондой аракеттердин аркасы менен ФИФАнын (футболдун эл аралык федерациясы) рейтингинде Кыргызстан 2005-жылдын аягында 157-орунда турса, быйыл 139-орунга көтөрүлүүгө жетишти. Эми алар ушинтип эле токтоп калбастан, ийгилик артынан ийгилик жарата беришсин деп тилеп туралы.


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: