СВЕТЛАНА НАЗАРЕНКО «БИШКЕКТИН АРДАКТУУ АТУУЛУ» БОЛДУ

Көп жылдан бери Орусия шоу-бизнесинен өз ордун таап, эмгектенип келе жаткан кыргызстандык «Город 312» тобунун солисти Светлана Назаренко (сахнадагы аты Айя) «Бишкектин ардактуу атуулу» наамы менен сыйланды. Ырчыга сыйлыкты 21-декабрда Бишкек шаарынын мэри Кубанычбек Кулматов тапшырды. Шаар башчысы сыйлык тапшыруу учурунда Светланага чыгармачылык ийгиликтерди каалап: «Бул сыйлык дагы да болсо бийиктиктерди, жогорку деӊгээлдеги ачылыштарды жасаганга түрткү болот. Биздин ар бир жараныбыз сиз менен сыймыктанат»,- деди.
Назаренко ыраазычылык билдирип: «Мен бул сыйлыкка татыктуумунбу, жокпу билбейм. Бирок сыйлык жакындарыма жагымдуу белек болот»,- деп кубанычы менен теӊ бөлүштү. Андан кийин эле ырчы интернеттеги баракчасына: «Кыргызстандыктар, мындан ары ар бир кадамыма дыкаттык менен мамиле кылам. Мага ишеним артканыӊыздарга чоӊ рахмат! Мен Кыргызстанда төрөлгөнүмө сыймыктанам!»- деп жазып чыкты.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

amanatym

2015-12-28 14:47:41

кыргызстандык болгонума сыймыктанам дебейби торолгонумо дебей

-2

Azura

2015-12-29 13:36:23

amanatym,торолгону факт,ал эми кыргызстандык экени кумон,орус жарандыгын алган балким))))

Комментарий калтыруу үчүн өз ысымыңыз менен кириңиз же каттоодон өтүңүз.

№ 686, 25-декабрь-31-декабрь, 2015-ж