Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Алтынай: “АТАМДЫ ТААП, БААРЛАШКЫМ КЕЛЕТ”

№378 29-январь - 4-февраль, 2010-ж.


Издейм сени

“Саламатсыздарбы, “Супер-Инфонун” жамааты?! Сиздерге кат жазуумдун себеби, “Издейм сени” рубрикасы аркылуу өз атамды таап, ата-баладай баарлашкым келет...” деп жазылат редакциябызга келген каттардын биринде. Каттагы телефон аркылуу окурманыбыз Алтынай менен байланышып, сөзгө тарттык. Анда сөз учугу башынан болсун.

– Турмуш адам баласына кандай гана сыноолорду бербейт? Элибизде ата-эне баркын балалуу болгондо билесиң деген сөз бекеринен айтылбаса керек. Алардын баркын минтип турмушка чыгып, балалуу болгондо билип отурам. Атам менен апам сүйлөшүп жүрүп баш кошушкан экен. Экөө мен 10 айлык кезимде ажырашып кетишиптир. Алардын ажырашуусуна эмне себеп болгону жөнүндө эч кандай маалыматым жок.
Мен эс тартканда апам ооруп, эки жолу башынан оор операцияны өткөрдү. Кээде отуруп алып «бул жашоодон тапкан байлыгым жалгыз сенсиң. Көзүм тирүүсүндө өз атаң менен табыштырып койсом болот эле» деп калчу. Ошондо жаштык кылсам керек, «койчу апа, мени таштап кеткен атамды айтпачы» деп тултуюп калчумун.
Апам мага өзү ичпегенди ичирип, өзү кийбегенди кийинтип, «буюрса, ЖОЖдордун бирине окутам» деген тилеги бар эле. Бирок мен жаңыдан 9-классты аяктаганымда, сүйлөшүп жүргөн жигитим ала качып кетти. «Отурбайм, окуйм» десем, апам «кызым, минтип оорукчан болуп калдым. Көзүм тирүүсүндө очок-орун тапсаң жакшы болмок. Жок дегенде небере жытын жыттап өлсөм арманым болбос эле» деп жашып калды. Жаштыгыма карабай, апамдын сөзүн угуп отуруп калдым. Кийинчерээк кош бойлуу болгонумду айтканымда «менин туулган күнүмдө төрө. Мага чоң белек болсун» деп сүйүнгөн эле. Апамдын оозуна сала бергенби, айткандай эле туулган күнүндө неберелүү кылып сүйүнттүк. Бирок апамдын сүйүнүчү көпкө созулган жок. Уулум 2 айлык болгондо, өнөкөт оорусунун азабынан 2006-жылы биз менен коштошуп кете берди. Азыр ойлосом, апам ичер суусу түгөнүп баратканын алдын ала сезип жүргөн экен. Мына ошентип бул дүйнөдөгү эң кымбат адамымдан, таянар тоомдон, сырдашымдан айрылып мүңкүрөп кала бердим.
Бир жолу төркүнүмө барганымда альбомдон апам менен бир кишинин сүрөтүн көрүп калдым. Экөө аябай окшош экен. Таякеме көрсөтсөм, «бул сенин атаң. Сен 3 жашка чыкканыңда келген. Ыйлап такыр жолобой койгонсуң. Атаң түшүнүктүү, жакшы киши болчу. Сен чоң энеңе аябай окшошсуң» деди. Ошондон тарта менде «апам келбес жайга кетти. Атам тирүү да, аны таап катташып алсам» деген ой жаралды. Апам өлөрүндө курбусуна «Алтынайдын атасын сен тааныйсың, экөөнү табыштырып кой» деген экен. Бирок ал курбусу мени атам менен табыштырмак түгүл, өзү селсаяк болуп кетти.
Атамдын аты-жөнү Осмоналиев Алыбек Кыдырмаевич экен. Туулган жылын, айын билбейм. Апам экөө Аламүдүн районундагы Таш-Дөбө айылында ЗАГСка катталышыптыр. Мунун баарын туулгандыгым тууралуу күбөлүктөн окуп билдим. Таажеңем атамдын сүрөтүн көтөрүп аталган айылга барып сураштырса, «үйүн сатып көчүп кетишкен» дешиптир. Кийин атамдын ошол жалгыз сүрөтүн да жоготуп алдым. Дагы бир укканым, ал убагында Сокулуктагы паспорт столунда иштептир. Атам тууралуу билген маалыматым болгону ушул.
Учурда үч баламды тарбиялап үйдөмүн. Атамды таап, ата-баладай баарлашып отургум келет. Ата, эгер менин издеп жатканымды окуп же угуп калсаңыз, мени менен байланышыңыз. Сизден жакшы кабар күткөн кызыңыз Алтынай, күйөө балаңыз, жээндериңиз Нуртилек, Нуман, Рамазан.
т.: (0778) 70-52-00, (0778) 70-52-01, (0770) 52-22-34.


Кат куржун

“КЫЗЫМ, СЕНИ БИР ТУУГАНДАРЫҢ КҮТҮП ЖАТЫШАТ”
– 1986-жылы туулган кызым Касымбекова Гүлнараны издейм. Жашоо шартымдын начардыгынан улам студент кезимде 8 айлык кызымды чолпон-аталык Минагүл деген эже багып алган эле. Кийин Минагүл эже кызымдын аты-жөнүн Төлөмүшова Салтанат деп өзгөртүп салыптыр. Акыркы уккан маалыматым боюнча, кызым Жети-Өгүз районундагы Жеңиш айылына турмуш чыгыптыр. Гүлнара, кызым, баары бир бир тууган керек. Бир туугандарың менен байланышып, катташып ал. Сени бир туугандарың Майрамбек, Назгүл, Курманбек күтүп жатышат. Апаң Атыркүл.

“ТАЛАСТЫК АНАРКУЛ, КАБАРЫҢДЫ БИЛДИР”
– Мындан 20 жыл жыл мурун Токтогул районундагы Крупская атындагы орто мектепте чогуу иштеген кесиптешим таластык Турдукулов Анаркулдун үй-бүлөсүн издейм. Аялынын аты-жөнү Жийдебаева Бермет болчу. Турмуш шартка байланыштуу алар Таласка, биз Көлгө көчүп кеткенбиз. Ошондон бери ортобуздагы байланыш үзүлүп, катташпай калдык. Турдубек, эгер окуп калсаң, биз менен байланыш. Силерден кабар күткөн Ысык-Көлдөн Азамат, Миранын үй-бүлөсү. т.: (0778) 69-07-70, (0553) 11-26-89.

КЛАССТАШЫМДЫ ИЗДЕЙМ
Лейлек районунун Кара-Булак айылынын тургуну классташым Кудайберди кызы Нуржамалды издейм. Нуржамал экөөбүз 2009-жылдын сентябрь айынан бери байланыша элекпиз. Менимче, ал Бишкекте эле болсо керек. Байланышайын десем, телефону өчүк. Нуржамал, окуп калсаң, мага чал. Бурулай, (0770) 12-35-50.

“НАЗГҮЛ, САЛГАН УЯБЫЗДЫ БУЗБАЙЛЫ”
– Угушумча, “Супер-Инфо” гезити Орусияга да жетет экен. Ошондуктан сиздер аркылуу келинчегим Назгүл Садыралиеваны издөөнү чечтим.
Назгүл экөөбүз сүйлөшүп эле баш кошконбуз. Бирок негедир апам, эжемдер анын кылган иштеринен кыйкым табышып, анча жактыра беришкен жок. Алардын мындай мамилелерине араң чыдап жүргөнүндө, мен да жөн жерден аны таарынтып алдым. Эртеси жумушка кетсем, кийимдерин алып эч кимге айтпай кетип калыптыр. Үйдөгүлөрдүн сөзүнө кирип мен да артынан барбай же телефон чалбай койдум. Бир жумадан кийин чыдабай үйүнө барсам, кайненем «байке-жеңесинин жанына, Екатеринбургга кетип калды» деп койду.
Назгүл, экөөбүз баарын жеңебиз дечү эмес белек. Кел, салган уябызды бузбайлы. Сенин телефон чалышыңды күткөн жолдошуң Марат.

Сиз качандыр бир кездеги жакын адамыңызды издеп, бирок таппай жүргөн болсоңуз,
анда Бишкек-48, а/я 1520 дарегине же koom@super.kg электрондук почтасына кат жазыңыз.
Эскертүү: Катта маалымат берген адамдын дареги же телефон номери так көрсөтүлүүгө тийиш.
Байланыш телефону: 32-33-26

Дамира Арстанова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
01.02.2010. 17:53 
Тайпасы:
Кыймылы жок
Комментарийлердин саны:
77
Катталган:
14-03-2009
Соӊку аракети:
09-12-2014 18:03
Жынысы:
Белгисиз
0
Алтынай атасынын бир туугнадарын тааптыр. Тилекке каршы атасы каза болуп калыптыр.Бактылуу бол Алтынайка.
03.02.2010. 14:56 
Тайпасы:
Кыймылы жок
Комментарийлердин саны:
13
Катталган:
02-10-2008
Соӊку аракети:
27-05-2014 19:28
Жынысы:
Белгисиз
Калаасы:
Narin
0
Эх, чиркин. Элдин баары "Супер-Инфону" мен окугандай окуса, кудай буюрса 2011-жылдан баштап бири-бирин издеген адам калбас эле...
Ушундай шарт тузуп бергениниздер учун сиздерге мин мертебе "РАХМАТ!", урматтуу "Супер-Инфо" гезитинин жамааты...
07.02.2010. 02:00 
Тайпасы:
Жаран
Комментарийлердин саны:
462
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
0
Altynai baktyluuu bol!
02.03.2010. 04:15 
Тайпасы:
Кыймылы жок
Комментарийлердин саны:
4
Катталган:
19-02-2010
Соӊку аракети:
04-12-2010 00:55
Жынысы:
Белгисиз
0
Алтынай сага бакыт каалайм. омурлуу бол.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: