ТАҢКЫ ПАЙДАЛУУ 10 АДАТ
Дени сак, сергек жашоону кимдер гана каалабайт? Бирок ал үчүн аракет кылгандар аз. «Сөзсүз ушул дүйшөмбүдөн тартып диетага отурам, спорт менен алектенем, жок дегенде таӊ эрте чуркап арыктоону баштайм» дегендер канча? А бирок убактысы келгенде күнүмдүк турмуштун түйшүгүнө алаксып, пландалган бойдон кала берет. Урматтуу окурман, дүйшөмбүнү күтпөй эле бүгүнтөн баштап пайдалуу адаттарга өзүбүздү көндүрө баштайлы. Ал үчүн ушул макала жардамчы болсун.|
1) Эрте ойгонуӊуз! Дүйнөлүк статистикага көз чаптырсак, эрте ойгонгон адамдын дене түзүлүшү идеалдууга жакын жана мүнөзү жайдары болот. Бул сизге шык берсин.
2) Төшөктөн туруп эле терезеӊизди ачып, үйгө күндүн нурун киргизиӊиз. Бул сиздин уйкусурабай дароо жанданышыӊызга жардам берет.
3) Ачкарын бир стакан суу ичиӊиз. Сууну кечинде даярдап коюуну унутпаӊыз. Жакшысы, кайнатылган сууну муздатып ичсеӊиз, сизди сергитип, организмдеги зат алмашууга өбөлгө болот. Кошумча таӊкы көнүгүүлөрдү дагы ачкарын жасоого өтүӊүз.
4) Сөзсүз тамактаныӊыз. Кофе бул тамак эмес! Ойгонгон соӊ эки сааттын аралыгында бир нерсе жешиӊиз керек. Тамак жасоого убакыт коротпой таӊдын камын кечинде көрүп, каалаган нерсеӊизди бышырып коюӊуз. Канчалык шашылып жатсаӊыз да 10 мүнөт тынч отуруп тамак жегенге көнүӊүз.
Эгер эч жакка барбасаӊыз, өзүңүздү иретке келтирип, таза, тыкан кийинип алып дасторконго отуруӊуз. Антпесе таӊ эрте өзүӊүздү жүдөмүш сезгениӊиз акырындан депрессияга жол таап берет.
5) Курамында белогу бар даамдарды тандоо керек. Мисалы, жумуртка, балык же йогурт.
6) Таӊкы медитация. Бул учурда өзүӊүз менен өзүӊүз сүйлөшпөй, жаман нерселерди ойлонбоӊуз.Таза аба менен дем алып, тоодо эс алып жүргөнүӊүздү элестетип, башыӊыздан өткөн жагымдуу көз ирмемдерди эстеӊиз. Медитация учурундагы позитивдүү ойлор ашыкча салмактан арылууга да жардамчы экени эсиӊизде болсун.
7) Ашыкча салмактан арылууга көк чай жардамга келет. Ал организмдеги зат алмашууну тездетип, жыйынтыгында майлардын эришине себепкер болот.
8) Телефонуӊузга «мен сергек жашоону тандайм, зыяндуу адаттарга алданбайм» деген сыяктуу эскертүүчү коӊгуроону коюп коюӊуз. Бул айланадагы азгырыктарга алдырбоого жакшы өбөлгө болот.
9) 10 мүнөт тамашалуу видео көрүӊүз же анекдот окуӊуз. Өзүӊүздү кармабай каалаганча каткырып, эс алып алыӊыз.
10) Жогорудагы кеӊештерди аткарам десеӊиз, анда эрте уктоо керек. Себеби кеч жатып, эрте ойгоном деп уйкуӊуз канбай, өзүӊүзгө пайданын ордуна зыян тийгизип алышыӊыз ыктымал.
Нуркыз Курманбек кызы
Адилет Бектуров
kenesh@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (39)
ммм...кыскасы багымдатка турган бойдон уктабасанар ошондо эн сонун воооопще бардыка жетишесинер...
Bereke 10 сонун жазыптырсын,мен дагы кошулам.Менин жашоомду жазып койгонбу деп да ойлонуп кеттим.:-)
иши жоктор не кылат жата беребизда, туну бир маалга чейин тв коруп
Сулуу кыз екен, фигурасына соз жок жаактыы)))
Жакшы кеннештер аткарсак бизге пайда
Мен дайыма тамактан алдын 1стакан суу ичем тамакты саат 6 дан кийин тамак жебейм ушул адатка уйронуп калдым
Иии бул танкы 10 пайдалууну жасоого бойдоктор эле аракет кылбаса... мага окшогондордо таптакыр убакыт жок. Эрте менен баланын ойгонушу менен ойгоносун. Кечинде бала уктагандан кийин бир топ майда-барат иштерди жасайсын. Уйкуга киришкичен тун болот. Даже туш корууго жетишпей каласын. Анан эле балан ойгонот. Ал ойгонгондо уйкун канса, канбаса турушун керек. Чын эле, ойлоп корсом, коптон бери туш корбойт экенмин...
ушулардын ичинен бироон эле аткарат экенмин-бир стакан суу,всё.
Бул кенеш мага эле жазылгандай балдарым чонойгон фигурага карап калгамын. Жакшы кенеш экен дагы кутобуз
rozka,))))))))))))))))
Балдарыыы(баласы да эмес).Значить их несколько.А после нескольких родов какая фигура может быть я не знаю)))
Балдарым тынч отурганы ошо мага танкы маанай ,туну менен жок дегенде 4!5жолу ойгоносун балдарды караганы бул эрежелерди мен сактай албайт экенмин.
Жакшы кенеш экен,сиздерге чон рахмат.
Эртен менен туруп Намаз окугула, дуа кылгыла. Кечке чейин настроение 5+
ар бир кыргызстанда жашаган жарандардын айлык акысы ушундай адатка конууго жетет болду бекен
1aida 1je 2 jolu ele dem alam ubakyt jok erte mn kozumdu achyp jumup jatyp jumushka kettem 1 stakan suunu ichkenge zoorgo jetishem
