Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Ширин Сарыгулова, манасчы: «МАНАСТЫ» ТОЛУК АЙТСАМ, ООРУП ЖАТЫП КАЛАМБЫ ДЕП КОРКОМ»

№690 22-январь-28-январь, 2016-ж


Сөзгө чечен, «Сармерден» берүүсүндө жигиттер менен теӊме-теӊ айтышып тарсылдап сүйлөгөн Ширин Сарыгулова деген манасчы кызыбыз бар. Сүйлөсө тилинен чаӊ чыгып, чучукка жеткен куйкум сөздөрү менен далай мырзаларды чычалаткан тыӊ манасчы айым бизге кызыктуу маек куруп берди.

Туулган жери – Суусамыр өрөөнү, Кожомкул айылы
Туулган жылы, күнү – 1983-жыл, 5-октябрь
Билими – А.Малдыбаев атындагы Опера жана балет театрынын алдындагы эки жылдык студияны, Т.Абдумомунов атындагы Кыргыз улуттук академиялык драма театрынын бүтүрүүчүсү
Хоббиси – Лыжа тебүү
Кошумча өнөрлөрү – Манасчы, дастанчы, ырчы, комузда эркин ойнойт, кол өнөрчүлүк кылат.

– Куш келипсиз, Ширин! Сизди манасчы катары тааныйбыз, бул талант сизге кимден өткөн?
– Кандайсыӊар? Мендеги чыгармачылык чымындар тай жактан өтүптүр. Таенем чоӊ кошокчу, таякем комузчу, ал эми апам айылдагы кечелердин көркүн ачкан ырчы эле. Кичинемде сыналгыдан кайсы ырчыны көрбөйүн «бул мен, бул менмин» деп колум менен сыналгынын бетин кармалап кирдетип салчу экенмин. Үйдөгүлөр «Манас» айтчы» десе, кулагымды жапыра тебетейимди баса кийип «Манас» айтып кирчүмүн. Столго чыгып плойканы микрофон кылып алып ырчы болуп кыялданган күндөрүм болгон.
Бир жолу бейтапканага жатып калдым, ошондо медайымдардын баары мени жакшы көрүп калышкан. Алар «Ширин, азыр ырдабасаӊ, могу токту (укол) сага саябыз» десе, коркконумдан ырдачу элем.
Балалыгым Суусамырдын суук тоолорунда өттү, бирок тегим Жумгалдан. Жайлоодо кымыз ичип, ышкын терип, эркек балдар менен ат чабышып жарышкан тестиер кыз элем. Ошол убакта индия кинолорунан таасирленип, аларды туурайм деп тоого чыгып тоголонуп ырдап түшчүмүн. Тоонун чокусуна чыгып бакырып ырдасам, үнүм укмуш чыгып тоодон тоого жаӊырып, айтор, керемет балалыктын доорун сүрүптүрмүн. Үйдөгү мал-жанды өзүм карачумун, суу ташып, уй саап накта айылдын жашоосуна бышып өскөн тыӊ кыз болдум. Мендеги ашып-ташкан энергияга, 3-4 жумушка жетишип иштегениме көпчүлүк таӊ кала беришет.
– «3-4 жумушта иштейм» деп калдыӊыз, өзүӊүздүн кесибиӊиз ким?
– Кесибим боюнча актрисамын, 9 жыл Чүй облустук театрында актриса болуп иштедим, азыр Бүбүсара Бейшеналиева атындагы Маданият жана искусство университетинде мугалиммин. Мындан сырткары маданий иш-чараларга такай катышам, КТРКда, Маданият үйүндө кошумча жумуштарым бар.
– Сизди калыӊ элге тааныткан «Сармерден» берүүсү болду окшойт, бул долбоорго кантип келип калгансыз?
– Мен театрда иштеп жүргөндө Кыргызстандын театр чөйрөсүндө эмгектенген мырзалар менен айымдар айтышып «Сармерденге» катышып калышты. Ошондо мен дагы бар болчумун. Ошол берүүдөн кийин мендеги сөзмөрдүктү, чечендикти берүүнүн авторлору байкап, ири оюндарына такай чакырып жүрүшөт. «Сармердендин» автору Сагын эжеге (ред. Ниязалиева) да оозумдан түшүрбөй, «менин багымды сиздин берүүӊүз ачты» деп айтып келем. Манасчылык өнөр мага Кудайдан берилген талант болбосо да, аны актрисалык кесибимдин артынан таанып-билдим, тереӊдеттим. Актриса болгондон кийин манасчы да, ырчы да, кошокчу да болгонго туура келет экен. Бирок «Манаска» өтө сүӊгүп киргенден корком, анткени айымдар үчүн аны алып жүрүү оор. Манасчы айымдардан Сейдана апаны эле билет экенмин, ал да «Семетейди» айтчу. Мен «Манастын» аялдарга тиешелүү бөлүгүн гана айтам. Анткени элдер суктанат, көз артат, эфирден кийин үйгө келгенде башым ооруп жатып калган күндөрүм болот. «Манасты» толук айтсам, тура албай ооруп жатып каламбы деп корком.
– Берүүдөн сизди дайыма көрөм, мырзаларга оӊой менен жеӊилип бербейсиз. Ал эми жашоодо кандай адамсыз?
– Жашоодо оор басырыктуу элемин. Мүнөзүм кырдаалга жараша өзгөрүлүп турат. Сабак учурунда каардуу мугалиммин, каарыма көбүнчө студенттерим кабылышат. Аларды туздап, калемпирлеп туруп шоколаддан берип коём. Ошентип жүрүп бышат, 4 жылдан кийин зыӊкыйган актёр болуп чыга келип, мага рахмат айтышат. Театрда өзүнчө кейипкерге айланам, ал эми манасчылыкта баатыр болуп чыга келем. Ар жерде ар кандаймын.
– Сиздей тарсылдаган айымга кандай мырзалар жагат болду экен?
– Учурда бойдокмун. 27 жашымда турмушка чыгып, жолдошум экөөбүз 1 жыл жашап ажырашып кеттик. Ажырашкандан кийин чыгармачылыкка баш отум менен кирип кеткем. Көбү «сен отуруп алып «Манас» айтсаӊ ким алат?» дей беришет. Алар менин көшөгөдө назданып отурганымды элестете алышпаса керек. Мырзаларга окшоп зоот темирден формаларды кийип жүрсөм, алар сүрүмдөн коркуп деле жаныма келип сөз айтуудан тартынышат го. Тойлордо «Жар-жар» айтам, көйнөк кийип алып ырдайм, бирок эч ким жолобойт. Анан жигиттер менен кантип таанышам, өзүм барып сөз айтмак белем? Негизи, өзүӊ күчтүү болсоӊ, жаныӊда сөлдүрөп жүргөн эркекти каалабайсыӊ, өзүӊдөн да күчтүү, эрктүү, тайманбаган мырзаларга ыктап калат экенсиӊ. Айланамда азырынча андай мырза жок.
– Берүү учурунда абдан албууттанып, ачуулуу сүйлөйсүз. Айтыш учурунда жиниӊизге тийген жигиттер менен сахна артында чырдашкан учурлар
болду беле?
– Өткөндө КТРКга кирип келе жатсам, Майрамбек байке (ред. Осмонов) туруптур. Жанына келип «Майрамбек байке, бүгүн жанчышпай эле коёлу, ээ?» десем, «Ширин, экөөбүз сахнада талкалашабыз, кырылышабыз, бирок сахна артында кадимки достордонбуз» деди. Ичимден бүгүн берүүдө дагы эмне балакетти баштайт болду экен деп коркуп турдум. Өзү биринчи «катын алсаӊ Жумгалдан, айырмаӊ жок дунгандан» деп баштады. А мен «тулук этти таяк өлтүрөт, токтогулдуктарды саяк өлтүрөт» деп жооп бердим. Айтышып отуруп чычалашып да кеттик, айтор, сөз менен бир топко жанчыштык. Анан Майрамбек байке тура калып ызырынып «Ширин, сен бир күнү ушинтип жүрүп өлөсүӊ» деп жатпайбы. Жиним келип туталанып, сөз таппай, макал-лакаптарды айтып башка нукка буруп салган элем. Ошондо ыӊгайлуу сөз таппай калганыма өкүнөм, азыр болсо «мен өлсөм сен көмөсүӊ, менин аркамдан сен да өлөсүӊ, кара жерге чөгөсүӊ, ошондо Ширин менен эмнеге айтыштым экен деп өзүӊдү өзүӊ сөгөсүӊ» десем болмок экен. Мына эми жообумду гезиттен окуп чычалап жатып калсынчы (күлүп). Анан дагы ал байке мени «тарсылдаган тозоку» дейт, мен жооп кылып «жерде жаткан жумуртка асманда учкан куш болот, тозоку сиздей жигиттер, Майрамбек байке, мендей тажаалдарга туш болот» деп өчүргөм. Берүүнүн алкагында мындай айтышуу, тирешүү, чычалоолор көп болот. Бирок бул сахнада гана, жашоодо достордонбуз.
– Рулда жүрөт экенсиз, мындай шайыр мүнөзүӊүз менен МАИчилерди сөз менен эле ордуна коюп салсаӊыз керек?
– Бир жылдан бери унаа айдайм, МАИчилер менен бешмин, канча жолу кармалсам дагы бир да айып пул төлөбөптүрмүн. Токтоткондо эле «эмне болду, «Манас» айтып берейинби?» десем, «жок, кечээки жаӊылмачыӊыздан айтып бериӊизчи» дешет. Көчөдөн көргөндөр «ой, энеӊ, баягы манасчы кыз го» деп караганына деле көнүп калдым. Башкысы, элдин кызымын. Мени таӊ калып, суктанып карайбы, бул менин эмгегим, жетишкендигим. Кудай ушундай күндөрдөн көбүрөөк берсин.
– Маегиӊизге чоӊ рахмат, максатыӊызга жетиӊиз!

"Сармерден" берүүсү багымды ачты".

"Супер-Инфо" уюштурган "Супер футбол" оюнунда актёрлордун командасына күйөрмандык кылгам".

Лунара Бекиева
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(9)
25.01.2016. 09:47 
Тайпасы:
Кыймылы жок
Комментарийлердин саны:
394
Катталган:
27-10-2013
Соӊку аракети:
17-10-2016 00:22
Жынысы:
Белгисиз
+1
Админ сиздерден сураныч Шириндин Манас айтканын озунчо болуп толугу менен порталга киргизиниздерсчи анан да жыл жыйынтыгы болдубу суперлер тандалдыбы мен билбей калган окшойм!
25.01.2016. 10:21 
Тайпасы:
Супермодератор
Комментарийлердин саны:
36
Катталган:
05-09-2011
Соӊку аракети:
25-09-2018 10:23
Жынысы:
Белгисиз
Калаасы:
Супер-Инфо
0
Aksy-13,
Саламатсызбы! Сунушуңузга рахмат! Быйыл жыл жыйынтыгы болгон жок.
25.01.2016. 13:54 
Тайпасы:
Кыймылы жок
Комментарийлердин саны:
149
Катталган:
03-12-2014
Соӊку аракети:
07-07-2016 10:18
Жынысы:
Белгисиз
0
жашынан чон корунот экен
25.01.2016. 20:47 
Тайпасы:
Жаран
Комментарийлердин саны:
4
Катталган:
08-11-2015
Соӊку аракети:
27-06-2018 09:20
Жынысы:
Белгисиз
+4
шириндин талантын баалайм
азамат ийгилик сендей кыздар коп болсо жакшы болмок
бирок турмушту да ала кетиш керек карындашым
28.01.2016. 09:46 
Тайпасы:
Жаран
Комментарийлердин саны:
90
Катталган:
16-04-2015
Соӊку аракети:
25-09-2018 08:18
Жынысы:
Белгисиз
+1
Мунозу жакшы бирок аялдык назиктик, аялдык табиатты калыптандыруу керек, бул несе аял затына керек
28.01.2016. 15:44 
Тайпасы:
Жаран
Комментарийлердин саны:
167
Катталган:
13-12-2011
Соӊку аракети:
25-01-2018 11:33
Жынысы:
Белгисиз
Калаасы:
Οω- Μοsκβα
+1
Сөзгө чечендиги жагат. Аялдык бакытыңызды табышыңызды тилейм!
29.01.2016. 09:27 
Тайпасы:
Жаран
Комментарийлердин саны:
102
Катталган:
15-11-2012
Соӊку аракети:
27-04-2018 08:04
Жынысы:
Белгисиз
0
Эркеееек!!!
31.01.2016. 03:56 
Тайпасы:
Жаран
Комментарийлердин саны:
19
Катталган:
12-12-2015
Соӊку аракети:
24-04-2018 19:45
Жынысы:
Белгисиз
Калаасы:
Кыргыз жерим!
0
Бул Ширин кызыбызда таланттын баары бар экен да молодец.Бирок стили озун улуу коргозуп коёт экен.
08.02.2016. 06:06 
Тайпасы:
Жаран
Комментарийлердин саны:
14
Катталган:
05-12-2013
Соӊку аракети:
22-09-2018 00:18
Жынысы:
Белгисиз
Калаасы:
Жалал-Абад
0
Бугунку кол телефон, компьютерлердин жайнаган кунундо кыргыздын кылымдардан очрпой келе жаткан создору, суйлоо тартиби деги койчу баары ойду кырды буйдаланып ж.т. Ширин эжедей создун торкунун таап, жемелегенди салык-сыпаа каап, макал-лакаптардан далил кылып, уйкаштыра суйлогон эжелерибиздин саны арбысын, омуру узун болсун. (Урматту Супер-Инфо Кенже Кобокованын чыгармачылык жолун кенири тааныгыбыз келет. Качан маек курганы чакырасыщдар)
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: