Сүйлөсө ар бир телефон саткан адам смартфондор боюнча мыкты эксперт болуп чыга келет. Бирок алар болгону дүйнөлүк рынокто кайсы үлгүдөгү телефондор популярдуу болуп жатса ошону гана айтышат. Мындай учурда кардарга кайсы бир үлгүдөгү смартфонду сунуштоо катачылык. Төмөндөгү кеӊешибизде биз аздыр-көптүр кыялыӊыздагы смартфонду тандоого жардам беребиз. Смартфон – англис тилинен которгондо smartphone – «акылдуу телефон» дегенди билдирип, кошумча чөнтөк компьютеринин ролун да аткарат. Же анын башкача аталышы коммуникатор англис тилинен communicator – «чөнтөк компьютери» деп которулуп, кошумча телефондун да кызматын аткарат.
ЭМНЕЛЕРГЕ КӨӉҮЛ БУРУУ КЕРЕК? Батарейкасынын кубатына Смартфондордун эӊ чоӊ кемчилиги – батарейкасынын кубатынын көпкө жетпегенинде. Активдүү колдонгон учурда телефонуӊузду 1-1,5 күндө кубаттандыруу керек болот. Бирок чын-чынына келгенде кээ бир батарейканын кубаты жарым күнгө да жетпейт. Ошондуктан бир нерсеге көӊүл буруп коюу зарыл. Ар бир телефондун батарейкасында мүнөздөмө болот, жакшы байкасаӊыз анда майда тамгалар менен «мАч» же «mAh» деген жазууну көрөсүз. Бул кубатты сүрөттөгөн жазуу, анын астындагы сандар 2000ден кем эмес болушу керек. мАч канчалык жогору болсо, смартфон ошончолук көпкө чейин кызматыӊызда болот.
Экранына Мында сиз экрандын дюймуна көӊүл бурасыз. Заманбап смартфондордун экраны 4 дюймдан кем эмес. 1 дюйм 2 сантиметр 54 миллиметрге барабар. Сиз телефондун экраны канча дюйм экенин билиш үчүн экрандын астындагы сол бурчунан үстүндөгү оӊ бурчуна чейинки аралыкты сызгыч менен өлчөп текшерсеӊиз болот. Эгер сиз смартфон аркылуу китеп окуйм, тасма көрөм десеӊиз, анда сиз жогорку дюймдагысын тандаӊыз, болбосо 3,5-4 дюймдагы смартфондор деле жарайт.
Камерасына Сүрөткө түшкөндү, видеочат аркылуу сүйлөшкөндү жакшы көргөндөр смартфондун камерасынын мегапикселин карагыла. Заманбап телефондордун камерасынын мүмкүнчүлүктөрү 5-8 мегапикселден кем болбошу керек. Түшүндүӊүз да, мегапиксель канчалык жогору болсо ошончолук сүрөттүн, видеонун сапаты жакшы болот. Кошумча жарык берүүчү каражатын, экран тарабындагы камерасын кароону унутпаӊыз.
Оперативдүү эс тутумуна жана процессорунун тибине Акылдуу телефондогу эӊ маанилүү техникалык мүнөздөмө ушул экөөнө тиешелүү. Эс тутуму жогору, процессорунун ядролору көп болсо, ошончолук смартфон бат жана сапаттуу иштейт. Азыр смартфондордун көпчүлүгү эки ядролуу (учурда эӊ жогоркусу 8 ядролуу) процессор, оперативдүү эс тутуму 4-32 гигабайтка чейин жана кошумча микро флешка салына турган уячасы менен болот.
Операциондук системине Учурда дүйнөлүк рынокто Android, iOS, Windows Phone операциондук системдер алдыӊкы орундарда. iOS – жабык систем Apple уюлдук телефондоруна орнотулат, компьютердик дүйнөнүн бөлүгү болуп эсептелген Windows Phone көбүнчө Nokia үлгүсүндөгү смартфондордо болот. Жогорудагы мүнөздөмөлөрүн текшерип, сизге ылайык болгон үлгүдөгү смартфонду сатып алсаӊыз болот. Болгону сапат өзүнө жараша акы төлөөнү талап кыларын эске тутуӊуз.
Эс тутум, процессор, операциондук систем боюнча маалыматты сиз смартфондун менюсундагы жөндөөлөрдүн (настройки/Setting) ичинен жабдуу тууралуу (об устройстве/About phone) деген бөлүктөн таба аласыз.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (18)
Nasyrkg
2016-02-22 12:24:54
Ушул телефондор омурду кыскартаарын айтсак болмок
+6
gulkar
2016-02-22 13:32:37
Админ:Эми смартфондун(телеф) зыян жактарын дагы жазгылачы,акыркы кундору телефон кармасам эле сразу башым ооруп,козум тумандап жатат.Конулум сразу тушот,эч ким м-н суйлошкум келбей калат.Чынында телефон себепби же башка оорудан ушундай болуп атамбы??
+3
admin_superstan
2016-02-22 15:01:30
gulkar,
Саламатсызбы! Сунушуңузга рахмат!
0
tursunbaev78
2016-02-22 15:04:39
gulkar,суткасына 25 саат олтурсан керекта инетте
+3
gulkar
2016-02-23 13:10:21
tursunbaev78,Бошогондо эле кирем интер,суткасына
24 саат отургандарды деле кордум,эч нерсе болбой эле.
+1
mister.ailasyz
2016-02-22 15:19:19
галакси с4 менен Айфон 5 бир мезгилде чыккан 2012-13 жылдары бирок галакси баардык параметрлеринен алда канча кучтуу болчу, бирок убакыттын отушу менен Айфон 5 сапаттуу экенин далилдеди!
-3
Kuba-savai87
2016-02-22 20:47:42
Админ: iPhone телефону боюнча кенениреек маалымат бере аласыздарбы ушундай эле батарейкасынын кубаттуулугун кантип билуу жана о.э.у.с.
+2
kyrgyz_girl
2016-02-23 14:34:19
акчана карап тандайсында
+2
Nazikbaigazy
2016-02-24 02:36:56
Эн Жакшысы кирпич эле алып алгыла
+1
bagira77
2016-02-25 17:24:50
Мисалы мен билбейт болчумун. Рахмат супер эми телефон тандоодо жардамы тиет.
+1
Patriot..kg
2016-02-26 12:08:35
Рахмат
+1
Gulya21
2016-02-26 15:35:54
Админ телефон катып калса эмне кылса болот деген макала жаздынар элего сслкасын жөнөтуп койгулачы сураныч
Айфон 4 s жонундо да маалымат бериниздер эмнеге заряты жакшы кармабайт жарым кунго да жетпейт,билгендер айтып коюунздар эмне кылсам узагыраак кармайт,сатып жиберейин же колдонбрй коеюн десем белекке келген,заряты аябай кыйнап атат
0
Bayanova
2016-04-05 09:45:40
Саламатсыздарды! супер инфо сураныч Кыргызстанда чыккан отун жагылган печка духовка боюнча маалымат алып жазыныздарчы? Кайсыл жерден сатып алууга болот? Устун печка катары тамак жасап колдонот экен, ичин духовка кылып колдонгон, уйду да жылытат экен
0
admin_superstan
2016-04-05 12:11:50
Bayanova, саламатсызбы? Сунушуңузга рахмат, тиешелүү бөлүмгө жеткирилди.
0
Aalyke82
2016-05-16 19:01:25
Рахмат кенешинерге.
0
Комментарий калтыруу үчүн өз ысымыңыз менен кириңиз же каттоодон өтүңүз.
Сүйлөсө ар бир телефон саткан адам смартфондор боюнча мыкты эксперт болуп чыга келет. Бирок алар болгону дүйнөлүк рынокто кайсы үлгүдөгү телефондор популярдуу болуп жатса ошону гана айтышат. Мындай учурда кардарга кайсы бир үлгүдөгү смартфонду сунуштоо катачылык. Төмөндөгү кеӊешибизде биз аздыр-көптүр кыялыӊыздагы смартфонду тандоого жардам беребиз. 
