Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Эң кымбат жана кирешелүү «АВАТАР»

№379 5-11-январь, 2010-ж.


Тасма таржымалы

Шедевр кино тартуу ар кимдин эле колунан келе бербейт. Ошондой улуу тасма жараткан режиссёр кайрадан өзүнүн «ээрине» минди. Анда, алдыңарда мырза Жеймс Кэмерондун кезектеги шедеври – «Аватар».

Жанры – Фантастика, боевик, драма
Режиссёру – Жеймс Кэмерон
Сценарийин жазган – Жеймс Кэмерон
Оператору – Мауро Фиоре
Башкы ролдордо – Сэм Уортингтон, Зои Салдана, Сигурни Уивер, Мишель Родригес, Стивен Лэнг

КЫЗЫКТУУ ФАКТЫЛАР

  • Кэмерон эгерде фильм ийгилик­түү болсо, анын экинчи жана үчүнчү бөлүмүн тартарын билдирген.
  • Тасманын көпчүлүк эпизоддору тартылган Кытайдын Чжанцзяце шаарындагы «Цянькуньчжу» тоосунун аталышы «Аллилуйя, Аватар!» деп өзгөртүлдү. Эми кытайлыктар бул атактуу тоо туристтерди тартат деп үмүттөнүшүүдө.
  • Режиссёр Жеймс Кэмерондун аталган тасмасы жарыкка чыккандан кийин даңк аллеясына аты жазылды.
  • «The Sun» басылмасынын маалыматында, америкалыктарды аватароманиянын толкуну каптап, жаңы төрөлгөн бөбөктөргө “Аватардын” каармандарынын аттарын ыйгарышууда. Азырынча эң популярдуу ат Пандора болуп турат.

КЫСКАЧА МАЗМУНУ
2154-жыл. Мурунку моряк Жейк Салли кырсыкка кабылып, баса албаган майыпка айланат. Ал эми анын эгизи илим менен алек болуп, өзгөчө минералды табуу үчүн Пандора планетасына сапарга чыгуу алдында турган. Бирок сапарга чыгардын алдында капысынан каза болуп калып, окумуштуу бир тууганынын ордуна Жейкти учуруу зарылдыгы келип чыгат. Анткени аватар программасын генетикалык жактан жакын адамы гана башкара алмак. Жаңы аватарды түзгөнгө акча да, убакыт да жок эле. Ошентип, илимден эч кандай түшүнүгү жок майып экенине карабай, бөтөн планетага Жейкти жөнөтүшөт. Жейк болсо бутуна операция жасатып, кайра басууга акча табуу максатында макулдугун берет.
Ошентип, Жейк Пандорада жашап, ал жактагы сырдуу жашоону өздөштүрө баштайт. Күндөрдүн биринде кезектеги изилдөө учурунда изилдөөчүлөргө жырткыч жаныбарлар кол салып, аскерлер Жейкти жалгыз таштап кетүүгө мажбур болушат. Жейктин жапайы токойдо аман калуу мүмкүнчүлүгү миллиондон бирөө болсо да, ал жалгыз мүмкүнчүлүгүн пайдалана алат. Тактап айтканда, аны нави уруусунун башчысынын кызы Нейтири куткарып калат. Экөөнүн жолугушуусу аягында сүйүү менен аяктайт. Ал эми Жерден келген экспедиция Пандоранын жашоочуларын жашаган жеринен күч менен кууп чыккылары келет. Анткени алар мекендеген жерде баалуу минералдар бар эле. Өзүн навилердин бири катары сезген Жейк эми Пандора планетасынын коргоочусуна айланат. Натыйжада согуш чыгып, аягында, албетте, адилеттүүлүк келип чыгат. Жерден издеген бактысын Пандорадан тапкан Жейк түбөлүккө жердеги жашоосу менен коштошот.

КЫЯЛДАР ОРУНДАЛАТ
Бала чагынан Пол Андерсендин фантастикалык чыгармаларын сүйүп окуган Кэмерон башка планетадагы жашоону тартууну кыялданчу. Тасманын алгачкы сценарийи 1994-жылы жазылган. Бирок ошондо 144 беттен турган бул сценарийди тартып баштоо убагы келе элек болчу. Анткени ал кездеги компьютердик технология өнүгө элек эле. Ошентип, тасма тартууну 2006-жылы баштап, тасманы «Долбоор-880» деп атайт. Арадан 3 жыл өткөндөн кийин Кэмерондун кыялы ишке ашып, бүт өмүргө барабар болгон «Аватар» тасмасы 2009-жылы жарык көрдү.

ТАРТЫЛЫШЫ
«Аватар» фильми жогорку компьютердик технология менен мыкты актёрлук, режиссёрлук эмгек жуурулушкан бирден бир тасма. «Жаңы компьютердик дүйнөнү ачканы үчүн бул тасма кинематографияда революция жасады десек болот» дешет киносынчылар. Кэмерон буга чейин компьютердик технологияны «Терминатор-2де» жана «Титаник» фильминде ийгиликтүү пайдаланса, «Аватар» тасмасында бул ыкманы укмуштай профессионалдуулук менен колдонгон. Тасманын 40 пайызын кадимки кино тарткандай тартышса, 60 пайызына компьютердик графиканын жардамын колдонушкан. Тасмада ар бир эпизодду туш тарабынан 197 камера тарткан.

ТАСМАНЫН ФИЛОСОФИЯСЫ
Ар бир тасмадай эле «Аватардын» да философиясы бар. Жердеги жашоодон эч нерсе таппай кеткен Жейк өзүнүн жашоодогу максатын, сүйүүсүн Пандорадан табат. Режиссёр Жеймс Кэмерон: «Пандорадагы жашоону ушунчалык сыйкырдуу кылып тартууну максат кылдым. Анткени кинону көргөн соң адамдар «биз өзүбүз жашаган дүйнөбүздү эмне кылып алдык?» деген суроону өздөрүнө берсе деп максат кылгам. Анткени башаламандык ээлеген биздин чөйрөбүздөн адамдар өзүн-өзү таба албай келет»,- деп айткан. Ошондой эле тасмада акырындык менен адамзат өзү жасаган дүйнөнү өзү жок кылып коёру кыйыр эскертилген.

ЭҢ КЫМБАТ ЖАНА КИРЕШЕЛҮҮ
«Аватар» 2010-жылдын 3-февралына карата дүйнөлүк прокаттан 2 миллиард 690 миллион доллар чогултту (!). Муну менен кино тарыхында кирешеси 2 миллиарддан ашкан жалгыз тасма болуп турат (буга чейин «Титаник» эң кирешелүү болуп турган). Учурда тасма «Оскарга» башкы талапкер аталууда. Азырынча ал «Алтын глобустун» 2 сыйлыгынын («Мыкты драмалык тасма», «Мыкты режиссура» номинациялары боюнча) ээси.


Кино жаңылыктары

«АК КЕМЕДЕГИ» НУРГАЗЫ КАЙРАДАН ТАСМАДА
Кыргыз киносунда дагы бир тасма жаралганы турат. Бул «перзенттин» ысымы «Уул» деп аталат. Найза Сыдыков тартып жаткан бул фильмге азыр америкалыктар менен арабдар колдоо көрсөтүүдө. Тасмада тажрыйбалуу актёрлор ойнойт. Алардын бири – «Ак кеме» тасмасындагы Нургазы Сыдыгалиев. Ал эми башкы каармандын ролун Эрменбаев Кыялбек аттуу жигит аткарат.

КАЗАКТАРГА “ОСКАРДЫ” КИМ ТАРТУУЛАДЫ?
Атактуу «Оскарга» катышуу бакытына КМШ өлкөлөрүнүн ичинен казактардын «Келин» тасмасы ээ болду. «Казакфильм» киностудиясында тартылган бул фильмдин идеясы биздин режииссёр Актан Арым Кубатка тиешелүү. Бирок финансылык маселелерден улам идеясын кийинки убакытка жылдырып, натыйжада бул фильмди казактар тартышкан. Тасманы жаратуучулардын бири Мурат Алиевдин айтуусунда, бул тасма Кыргызстанда тартылса, мындан да күчтүү, таасирдүү болмок.

“ОСКАРГА” ТАЛАПКЕРЛЕР
2-февралда жеңүүчүлөрү аныкталуучу «Оскар» сыйлыгына талапкерлер такталды. «Оскарга» көрсөтүлгөн тасмалардын ичинен Кэтрин Биглоунун «Бороон падышасы» фильми менен Кэмерон мырзанын «Аватары» биринчиликти талашууда. Баарынан кызыгы, Кэтрин Биглоу Кэмерон мырзанын мурунку жубайы экен. Мындан тышкары, «№9-аймак», «Санда жок салпаяктар», «Өйдөгө», «Олуттуу адам» жана башка фильмдери да көрсөтүлдү.

“АЛТЫН БҮРКҮТКӨ” КИМДЕР ЭЭ БОЛДУ?
29-январь күнү «Мосфильмде» «Алтын бүркүттүн» VIII сыйлык тапшыруу салтанаты болуп өттү. Эң мыкты фильм «Саркечтер» деп табылып, мыкты режиссёр «№6-палата» тасмасынын режиссёру Карен Шахназаров болду. Эң мыкты эркектин жана аялдын ролдору үчүн Богдан Ступка («Тарас Бульба») жана Наталья Негода («Бубен. Барабан») сыйлыкка ээ болушту. Ошондой эле быйыл каза болуп калган Олег Янковский кино жаатында сиңирген эмгеги үчүн сыйланды.

“MIRAMAX” 700 МИЛЛИОНГО САТЫЛАТ
«Miramax» студиясы тартылган тасмалары менен сатылат дешүүдө. Компаниянын түзүүчүлөрү бир тууган Вайнштейндер компанияны сатуусунун себебин айтышкан эмес. Эскерте кетсек, компания жараткан 700 фильмдин 200ү өзгөчө сыйлыктарга ээ болгон. Компаниянын баасы азырынча 700 миллион долларга бааланууда.

Нуржамал Жийдебаева
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
09.02.2010. 03:35 
Тайпасы:
Кыймылы жок
Комментарийлердин саны:
40
Катталган:
07-07-2009
Соӊку аракети:
02-01-2014 22:55
Жынысы:
Белгисиз
Калаасы:
Evropa
0
Filmdi tartuuga 500 mln dollar shumshalgandygyn shasbai ketipsisder.
09.02.2010. 11:06 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Ayabai jakti Avatar.
18.04.2010. 17:19 
Тайпасы:
Кыймылы жок
Комментарийлердин саны:
2
Катталган:
19-03-2010
Соӊку аракети:
10-09-2011 00:41
Жынысы:
Белгисиз
0
Ayabay jakty AVATAR. 4oon rahmat.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: