Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АКЫЛ, АКЧА ЖАНА СПОРТ АРКЫЛУУ ӨНҮККӨН КАТАР МАМЛЕКЕТИ

№695 26-февраль-3-март, 2016-ж


Жакында Катар мамлекетинде өткөн спорт журналисттеринин дүйнөлүк конгрессине Кыргызстандын атынан 2 журналист катышып кайттык. «Саякат» рубрикасында кооз, бирок коомдук транспорту жок, күн санап өсүп жаткан, нефтиге, жалкоо арабдарга бай мамлекет тууралуу сөз кылабыз.

КАТАР ТУУРАЛУУ

Расмий аталышы – Катар мамлекети. 1971-жылы 3-сентябрда көз карандысыздыкка жетишкен (Улуу Британиядан)
Борбору – Доха шаары
Мамлекеттик түзүлүшү – Абсолюттук монархия
Мыйзамы – Шарият негизинде
Аянты – 11 586 чарчы чакырым (дүйнөдө 158-орунда)
Калкы – 2 миллион (2013-жылкы маалымат боюнча, дүйнөдө 147-орунда)
Расмий тили – Араб
Акча бирдиги – Риал (1 риал 20 сомго барабар)

КЫЗЫКТУУ

  • Катарда жарандык алуу үчүн араб болуп төрөлүүдөн башка жол жок;
  • Жол чырактарда дайыма жашыл күйүп турат, жөө жүргүнчү кызыл жарыкты өзү күйгүзүп, анан жолду кесип өтөт;
  • Бул өлкөдө Сауд Арабиясы менен такталбаган аймактары болгону менен, чек ара чырлары дээрлик жок;
  • Колунда бар арабдар таза кандуу аргымак, төө багып, жарыштыргандан тышкары кымбат баалуу суперкар, гелендваген унааларына ээлик кылышат;
  • Бензин арзан болгондуктан, 100 чакырымга канча литр бензин сарпталарын деле билишпейт;
  • Өлкөнүн дээрлик бардык аймагы таштуу чөл, деӊиз деӊгээлинен эӊ бийик турган жери 40 метрди түзөт.

АКЧА МЕНЕН АКЫЛГА ТАЯНГАН ЖАЛКОО АРАБДАР
Доха шаарындагы аэропортко келип түшкөндө эле бул мамлекетте көп жумуштарды чет элдиктер жасаарын түшүнүүгө болот. Аэропортто паспорт көзөмөлүндө отурганы да, сатуучусу да, пол жууганы да чет элдиктер. Сыртка чыксаӊ 2015-жылы чыккан Тойота Камри унаасын айдаган таксисттер да мигранттар. Бул жакка дүйнөнүн бардык жагынан келип иштешет. Эӊ көп мигрант жиберген өлкөлөр Пакистан, Индия, Филиппин, Непал. Ошондой эле Европадан, Америкадан атайын чакырылган жогорку билимдүү адистер катарлыктардын керегине жарап келет. Катарды «бренд» катары таанытууда, шаарларды заманбап стилде куруп чыгууда чет элдик долбоорчулардын, инженерлердин жана күрөк кармаган кара жумушчулардын эмгеги чоӊ. Жерге жана байлыкка ээ арабдар болсо селдесин оронуп, теспесин кармап алып үстүртөн текшерүү менен гана алек. Алар мээни жана акчасын иштетип, чет элдиктердин колу менен чоӊ жумуш аткарышат.

СООДАГЕРЛЕР СӨӨК САТКАН КАСАПЧЫДАЙ ЭЛЕ БАР
Таӊ калтырганы Доха шаарында эл ташыган метронун, автобустун жоктугу болду. Андыктан аэропорттон түшкөн соӊ такси кызматын пайдаланууга туура келет. 1 долларга 3-4 литр бензин куюп алганга мүмкүн болгон өлкөдө такси кызматы арзан эмес. Таксист 25 риал сураса, демек, соодалашып 15-20 риал менен керектүү жерге жетүүгө мүмкүн. Ал эми соодалашуунун эӊ жогорку чегин базарда көрдүк. Туристтерге бааны асмандатып, 20 риал турган буюмду 40 риалга сата алышат. Жемин жедирбөөгө аракет кылган туристтер, албетте, аларга жага бербейт. Кызыгы, базарда Бишкектегидей кайыр сурагандарды көрө албайсыӊ. Бирок ырдап, жанына бош идиш коюп койгондор жолугуп турат.

КАМЕРА ОРНОТУЛБАГАН КООПСУЗ ШААР
Кечки Доха өтө кооз көрүнөт. Кечке жуук сууну жээктеп чуркагандарды, балдарын ойнотконго чыккан үй-бүлөлөрдү, сейилдеген жаштарды көрүүгө болот. Араб улутундагылар дароо байкалат, алардын эркектери да, аялдары да толук бойдон жамынып жүрүшөт. Суу жээгиндеги аллеяда уюлдук телефонду кубаттай турган жайлар, машыга турган жайлар жана отургучтар жайгашкан. Шаар ичинде күндүзү да, түнкүсүн да жалгыз жүрүү кооптуу эмес. Себеби мыйзам катуу иштеген өлкөдө камерасы жок эле жарандардын коопсуздугу сакталат.

50 ЖЫЛДА ЭЛ ЖАӉЫ, 100 ЖЫЛДА...
Арабия жарым аралынын түндүк-чыгышындагы Катар жарым аралында жайгашкан бул өлкө түштүгүнөн Сауд Арабиясы менен чектешет. Нефть иштеткенге чейин бермет чогулткан жарды мамлекет менен азыркы Катардын айырмасы чоӊ. Учурда бул мамлекет табигый газдын запасы боюнча дүйнөдө 3-орунду ээлейт. Табигый газ менен нефть экспорттоодо да алдыӊкы мамлекеттердин катарында турат. Өлкөнү башкарып, өнүгүү жолуна салгандар кезинде Европанын беделдүү жогорку окуу жайларын бүткөн муундун өкүлдөрү. Алар элди эгемендүүлүгүнө 50 жыл толо электе таанылгыс кылып өзгөрттү. Эми эгемендүүлүгүнө 100 жыл толсо жери таанылгыс болуп өзгөрчүдөй. Себеби катарлыктар башка араб өлкөлөрүндөй эле көк тиреген мунараларды тургузууга өтүштү.

ДҮЙНӨ ЧЕМПИОНДУГУ БААРЫН ӨЗГӨРТӨТ
Катар мамлекетинде көп сандагы стадиондор курулуп, оӊдолуп жатат. Эл аралык футбол федерациясынын талабы боюнча катарлыктар 7 шаарда 12 стадионду даярдап, эл аралык стандартка тууралашы керек. Мунун шылтоосу менен Катар шаарларды байланыштырган унаа жолдорун куруп, шаарлардын ичинде коомдук транспорт жүрүп калат.
Негизи эле Катар акырындык менен спорттук өлкөгө айланууну максат кылат. Бул жакта теннис, бокс, крикет сыяктуу спорт түрлөрүнөн ири мелдештер уюштурулат. Мамлекет Олимпиада оюндарына 1984-жылдан бери катышып келет жана бүгүнкү күндө эсебинде 4 коло медаль бар. 12 кабат келген Олимпиада комитетинин имаратында кызматкерлер көбөйүп, кийинки оюндарда алтын менен күмүш медалдарды алуу аракети жүрүп жатат. Дохада 5 күн болуп, 2022-жылы Дүйнө чемпиондугун көрүү үчүн келүүнү максат кылып, Бишкекке жөнөдүк.

Шаар ичинде күндүзү да, түнкүсүн да жалгыз жүрүү коопсуз.

Катар баш болгон араб өлкөлөрүндө аттын милдетин төөлөр аткарат.

Өлкөдөгү кара жумуштарда индиялык, пакистандык, непалдык жарандар иштешет. Алар жан багуу үчүн кайсы жумуш болбосун жалданып иштөөгө даяр.

Бишкек-Доха-Бишкек

Максат Кудайбердиев
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(8)
29.02.2016. 09:53 
Тайпасы:
Жаран
Комментарийлердин саны:
100
Катталган:
24-06-2014
Соӊку аракети:
26-07-2017 10:09
Жынысы:
Белгисиз
-1
Бали, байлыктын жыргалын жалкоолук ары акылдуулук менен көрөт тура!...
29.02.2016. 15:27 
Тайпасы:
Жаран
Комментарийлердин саны:
375
Катталган:
13-04-2015
Соӊку аракети:
23-09-2018 18:28
Жынысы:
Белгисиз
+2
Ушул өлкөлөр нефт жана газ түгөнсө, өнүгүүсү кайсы тарапка кетет болду экен. Стадиондорду куруп, келечекте жыл сайын олимпиада өткөрөбү ошондо?
29.02.2016. 17:58 
Тайпасы:
Кыймылы жок
Комментарийлердин саны:
89
Катталган:
19-06-2015
Соӊку аракети:
30-12-2016 22:24
Жынысы:
Белгисиз
+3
Менимче нефть газ аркылуу эле бай. Эч кандай акылдуулукту коро албадым. акылдуу болуп илим измллегенин же бир жаны нерсе ойлоп тапканын айтса болот. Япон Немецтерди акыллуу десе болот. Ал эми арабтар только сатып алганды жана сатканды билишет. Анан да ташбаранга алган дикий закондору бар мамлекетте лично мен жашай алмак эмесмин. Кедей болсок да кыргызстанга эч нерсе жетпейт.
02.03.2016. 11:39 
Тайпасы:
Тартип бузгандар
Комментарийлердин саны:
73
Катталган:
16-11-2015
Соӊку аракети:
21-06-2016 11:05
Жынысы:
Белгисиз
Калаасы:
krasnoyarsk Ene-Saydun boyu
0
Катар доха сонун жер экен да кыскасы баардык шарттар бар экен жарандарына , нефтьинин мекени окшойт.
02.03.2016. 15:03 
Тайпасы:
Жаран
Комментарийлердин саны:
259
Катталган:
14-02-2016
Соӊку аракети:
23-09-2018 17:20
Жынысы:
Белгисиз
0
Биз качан жетебиз
04.03.2016. 04:10 
Тайпасы:
Жаран
Комментарийлердин саны:
28
Катталган:
07-09-2014
Соӊку аракети:
14-09-2017 10:15
Жынысы:
Белгисиз
0
Жараткан мусулман элдерин колдойт
04.03.2016. 17:44 
Тайпасы:
Жаран
Комментарийлердин саны:
10
Катталган:
15-01-2014
Соӊку аракети:
13-06-2017 11:30
Жынысы:
Белгисиз
0
Кооздугуна соз жок
06.03.2016. 16:48 
Тайпасы:
Жаран
Комментарийлердин саны:
92
Катталган:
28-04-2013
Соӊку аракети:
18-09-2017 13:10
Жынысы:
Белгисиз
Калаасы:
South Korea
0
Эмгектениш керек, аракет кылуу керек. Өзүңдө бар ресурсту пайдалана билүү керек. Биз бир точкада байланып калдык.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: