Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ГҮЛ ӨСТҮРҮП, САТУУДАН БАЙЫСА БОЛОБУ?

№695 26-февраль-3-март, 2016-ж


«Учурда короодогу гүлдестеге караганда белек кылууга бөлмө гүлдөрү өтүмдүү боло баштады» дейт көп жылдан бери гүл сатып иштеген Махабат Салмакеева. Махабат кардарлар көп сурашкан гүлдөргө, түшкөн кирешеге, кандай кам көрүү керектигине токтолду.

«АКЧАМДЫ ТОПТОП ГҮЛ САТУУЧУ ЧОӉ ДҮКӨН АЧАМ»
– Мен өзүм Нарындын Ак-Талаа районунун Ак-Тал айылынан болом. Кесибим боюнча математика мугалимимин. Кесибим менен иштейин деп жатсам, таякем менен жеӊем гүл саткан дүкөн ачып калышты, алардын гүл өстүргөн күнөсканасы бар. Анан ошол дүкөнгө сатуучу издеп калышты. Гүлгө кызыккан жаным «мен иштейм» дедим.
Ошентип алардан гүл өстүрүүнүн сырларын үйрөндүм, бул иш менен азыр үчөөбүз алектенебиз. Дайыма гүлдөр тууралуу интернеттен, китептерден окуп турам, анткени учурда элде бөлмө гүлдөрүнүн жаӊы түрлөрүнө суроо-талап көп, ошондуктан биз да жаӊыларын өстүрүп, жаӊы ыкмаларды колдонуп турабыз. Гүл өстүрүп, сатып жатканыма 8 жыл болду. Гүлдөрдүн баасы түрүнө жана жылдыгына жараша коюлат. Бирок кээде коюлган баадан кымбат, кээде акчасы жетпегендерге арзан, сүйлөшүүгө жараша сатылып кетет. Гүл сатуу бизнеси жакшы киреше алып келет. Бөлмө гүлдөрүнөн сырткары короо гүлдөрүн да сатуучу чоӊ дүкөн ачуу үчүн акча чогултуп жатам.

ГЕРБЕРА
Бөлмө гүлдөрүнүн ичинен гибриддер эӊ өтүмдүү. Өтүмдүүлүгү жагынан сап башында гербера турат. Бул уруктан чыгат. Кичинекей парниктеги кык аралашкан топуракка суу куюп жумшартып алып, урукту салабыз. Ал жылуу жана жарык жерде турушу керек. Топурак кургаганда алакан менен суу чачып кичине нымдап коюш керек. 30-40 күндө өсүп чыгат. 3-4 жалбырагы чыкканда кичинекей идишке отургузабыз. Өскөн сайын чоӊ идишке көчүрүү керек. Улам көчүрүп отурбай деп дароо чоӊ идишке отургузса гүлдүн сабагы узарбай эле тамыры жайылып кетет. Гербера 2-3 жылда гүлдөйт. Гүлдөгөн маалы күз, бою 50 сантиметрге чейин барат. Күндүн нуру түз тийген жерде эмес, жарым көлөкө жерде өстүрүлөт.

Пайдасы – Абаны тазалайт, гүлдөгөндө бөлмөгө кооздук тартуулайт.
Баасы – бир жылдыгы 150-200 сом, эки жылдык 300 сом, үч жылдык 400 сом, ошентип баасы жогорулай берет.

БЕГОНИЯ
Өтүмдүүлүгү жагынан 2-орунда бегония турат. Бул гүл уруктан 2 ай ичинде чыгып, кычкылдуулугу аз топуракты сүйөт. Эки жылдан кийин гүл ачат. Жарым көлөкө, салкын жерде өсө берет.

Пайдасы – Бөлмөдөгү абаны тазартат. Жалбырагында фитонциддин курамы көп болгондуктан бактерия, микробдорду өлтүрөт. Иммунитетти көтөрөт жана стресс менен күрөшүүгө жардам берет. Жумушка болгон активдүүлүктү күчөтөт. Жайында эле эмес, кышында да гүл ачат, 2 жумада бир азыктандырып туруу керек.
Баасы – бир жылдыгы 200 сом, эки жылдыгы 300 сом болуп жогорулай берет. Ал эми голландиялык сорту кымбат, бир жылдыгы 800 сомдон жогору бааланат.

ПРИМУЛА
Кызыл-тазыл гүл ачкан гүлдөр жакшы өтөт. Примуланын бою жапыз жана жазында, күзүндө гүлдөп, гүлү көпкө турат. Ал уруктан же сабагынан чыккан өсүндүдөн өстүрүлөт. Урукту сепкенден кийин караӊгы, муздак жерге коюу керек. Жалбырак болжол менен 2 жумада чыгат. Сабагынан үзүп алынса, жазында кумдуу топуракка отургузуп, банка менен жаап койсо бат тамыр байлайт. Анан чакан идишке отургузуш керек.

Пайдасы – Абаны тазалайт, суук тийгенде, курч жана өнөкөт бронхиттерди дарылоодо колдонулат.
Баасы – бир жылдыгы 150-200 сом, эки жылдыгы 300 сом, жылдыгына карап баасы өсө берет.

«АКЧА ДАРАГЫ»
Эл арасында ырым-жырымга ишенгендер көп. Үйгө киреше көп келсин деп «акча дарагын» да алып кетишет. Сууну көп жактырбаган гүлгө топурагы кургаганда гана суу куюш керек, дембе-дем куюлса жалбырактары түшө баштайт. Негизи түрлөрү көп, сабагынан, тамырынан чыккан өсүндүдөн көбөйөт, уругу болбойт.

Пайдасы – абаны тазалайт, чарчоону, стрессти жазып, адамдын энергетикалык абалын жакшыртат.
Баасы – көлөмүнө жараша 200 сомдон 1500 сомго чейин барат.

Мындан сырткары герань, азалия, гортензия, кальцеолярия, орхидея гүлдөрү өтүмдүү.

ЧЫГАШАСЫ...

5 гүлдү алалы, анткени бир таӊгакта 5 даана урук болот.
Уруктун бир таӊгагы – 50 сом
Чым көӊ, кичи парниги менен – 200 сом
Топурак – 50 сом
Идиштер – 5 даанасы 20 сомдон – 100 сом
Дренаж – 30 сом
Жер семирткич азыктар жана курт-кумурска үчүн дарылар – 60 сом
Баарын кошкондо – 490 сом

КИРЕШЕСИ...
Ар бир гүлдү бир жылдыгында 200 сомдон сатса, 5 гүл 1000 сом болот. Таза киреше – 510 сом.
Эки жылдыгында 300 сомдон сатса, 5 гүл 1500 сом болот. Таза киреше – 1010 сом.

КАМ КӨРҮҮ...

  • Гүлдүн топурагын 2-3 жылда бир которуп туруш керек. Гүл өскөн сайын топурактагы пайдалуу заттар азаят.
  • Идиштин түбүндөгү тешиктен гүлдүн тамырлары көрүнсө чоӊураак идишке которуш керек.
  • Курт түшсө же азык берүү убагы келсе керектүү таӊгактагы каражаттан бир чай кашыкты 2 литр сууга аралаштырып бир айда бир жолу жалбырактын алдына куюлат.
  • 2 аптада бир сыртка таза абага алып чыгуу зарыл.
  • Малдын кыгы 5-6 жыл турушу керек, бул аралыкта зыяндуу заттарды, курт-кумурсканы кетириш үчүн атайын суюктукту сууга аралаштырып чачып турса кара топурак пайда болот, анан гүл отургузса жакшы өсөт.

Сүйүн Кулматова
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(6)
29.02.2016. 10:56 
Тайпасы:
Жаран
Комментарийлердин саны:
164
Катталган:
14-01-2015
Соӊку аракети:
06-09-2018 18:48
Жынысы:
Белгисиз
Калаасы:
Россия Иркутск ♥♥Озгон♥♥
0
Соонун гулдорго БЕГОНИЯ гулу айрыкча аябай жакты.Баалары арзан эле экенго.Бегония гулун суйуп калдымго.
29.02.2016. 10:58 
Тайпасы:
Жаран
Комментарийлердин саны:
115
Катталган:
17-04-2013
Соӊку аракети:
22-03-2018 19:25
Жынысы:
Белгисиз
+1
Мага гербера гулу жакты, буюрса алып остуром
29.02.2016. 11:31 
Тайпасы:
Кыймылы жок
Комментарийлердин саны:
10
Катталган:
03-12-2015
Соӊку аракети:
30-06-2016 15:40
Жынысы:
Белгисиз
0
Супер, адресин жазып койсонор жакшы болот эле
02.03.2016. 18:15 
Тайпасы:
Жаран
Комментарийлердин саны:
115
Катталган:
17-04-2013
Соӊку аракети:
22-03-2018 19:25
Жынысы:
Белгисиз
+1
Гул саткандар жалан эле орус эжекелер го, кырыгздардан кызыккандар аз, бул эжекебиз адашып калган го...
02.03.2016. 18:22 
Тайпасы:
Жаран
Комментарийлердин саны:
115
Катталган:
17-04-2013
Соӊку аракети:
22-03-2018 19:25
Жынысы:
Белгисиз
-1
уйумдо акча дарагы бар, билбейм жакшы эле го...
02.03.2016. 19:45 
Тайпасы:
Кыймылы жок
Комментарийлердин саны:
4
Катталган:
25-12-2015
Соӊку аракети:
07-04-2016 22:16
Жынысы:
Белгисиз
+1
Мага дагы гул остургон жагат.Жакшы маалымат экен,дарегин кайдан алсам болот,сураныч жазып коюнуздарчы Супер инфо.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: