ОРУСИЯ КЫРГЫЗСТАН ҮЧҮН ВИЗАЛЫК РЕЖИМ КИРГИЗИШИ МҮМКҮНБҮ?

Орусиялык "Россия-24" жана "Россия" телеканалдары Кыргызстанды "Ислам мамлекети" уюмунун мүчөлөрүн даярдоочу жай" деп атап, эфирден кыргыздардын террордук уюмга азгырылып жатышы тууралуу сюжет көрсөтүштү. Анда кыргыз мамлекети Орусияга аталган уюмдун өкүлдөрүнүн киришине жол ачуучу негизги каналга айланганы айтылат. "Кыргызстандын жүздөгөн жарандары учурда Сирияда согушуп жатышат, кийин алар эмгек мигранты катары тоскоолдуксуз, визасыз Орусияга кириши мүмкүн. Жакында эле Санкт-Петербургда бир нече жардыруу уюштурууну пландап кармалгандар Кыргызстандын жарандары болуп чыкты. Бул факт жогорудагыдай коркунуч бар экенинин далили",- дейт "Россия" телеканалынын диктору. Сюжетте "Ислам мамлекети" тобуна адамдарды тартууга шектелип кармалган Улукбек Убайдуллаев аттуу жарандын маеги, азгыруучулардын тузагына илинген жарандар тууралуу маалымат берилди. Буга катар эле 2015-жылдын июль айындагы террорчу деп аталган адамдар менен атышуу тартылган УКМКнын оперативдүү тасмасы да көрсөтүлдү. Телеканалдын баяндамачысы кыргыздар жакырчылык жана диний сабатсыздыктан улам Сирияга азгырылып жатканын айтат. "Кыргызстандыктар Сириядагы жарандары эртеби-кечпи мекенине кайтып келишинен чочулашат. Бул алар мигрант катары кыйынчылыксыз коңшу өлкөлөргө, анын ичинде Орусияга да кириши мүмкүн дегенди билдирет",- дейт баяндамачы.
Орусиялык "Россия-24" телеканалынын бул сюжетинен кийин өлкөбүздөгү социалдык тармактарда бир катар сындар айтылды. Аз өтпөй Кыргыз Республикасы тууралуу сюжеттин аталышы өзгөрдү. Башында "Кыргызстан ИГИЛ үчүн кадр даярдоочу жайга айланды" деген аталышта берилген иликтөө 1 күндөн кийин "ИГИЛдин террорчуларын кантип азгырышат: Атайын репортаж" деп өзгөртүлдү.
Орусиялык мамлекеттик телеканалдын “кыргыз мигранттар визасыз кирип коркунуч жаратышат” деген билдирүүсү кадимки катардагы жарыя эмес. Коопсуздук чараларын күчөтүү максатында деген шылтоо менен Орусия Кыргызстан үчүн визалык режим киргизип койбойбу деп чочулагандар көбөйүүдө.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

jumali900710

2016-03-07 14:38:29

Баары эле озбектер болуш керек Кыргызстандын паспортун алгандар,паспорт столдогуларды катуу козомолго албаса болбойт

+13

mafi

2016-03-11 10:31:30

jumali900710,өзбектердин баары эле кыргыздарга зыян келтире койсом экен деп журбойт. Туулуп, өскөн жеримде эркин жашоого укугум бар. Баарын бир калыпта көрө берген болбойт

unknown666

2016-03-07 19:11:01

Мен кобун кордум кыргызстандын паспорту менен жургон озбек улутундагыларды,негизи акча десе баарын сатканы даяр турган адамдардан пайдаланып атышат алар,паспорт столдогулар онуп калышты корунот томоженный союзга киргенден бери левый акчалардан.

tynara81

2016-03-09 16:33:15

unknown666,Кыргызстандагы өзбектер да алар, Кыргызстан жарандары эсептелет да, тилекке каршы.

mafi

2016-03-11 10:34:22

unknown666,киндик каным тамған жердин паспортун көтөрсөм күнөөбү?

bazarkyl

2016-03-07 19:41:48

Киргизе берсин. Россия өзүнүн кызыкчылыгын коргойт.

Комментарий калтыруу үчүн өз ысымыңыз менен кириңиз же каттоодон өтүңүз.

№ 696, 4-март-10-март, 2016-ж