ӨЗБЕКСТАНДЫН ЖАРАНЫ МОСКВАДА НАРИСТЕНИН БАШЫН КЕСИП, ЖАЛПЫ МИГРАНТТАРДЫ КОРКУНУЧКА КЕПТЕДИ

Москва шаарында 29-февраль күнү үрөй учурган окуя болуп өттү. Өзбекстандан Орусияга келип бала багуучу болуп жүргөн Гүлчехра Бобокулова аттуу аял 3,5 жаштагы Анастасия аттуу оорукчан кыздын башын кесип алып көчөгө чыккан. Кесилген башты колуна алып булгалап, “Аллаху Акбар” деп кыйкырып ары-бери басканын видеого тартып алгандар тасманы интернетке таратып жиберишти. Бобокулова өзүн террорист атап, кимдир бирөө жакындаса өзүн жардырып жиберерин айткан. Көп өтпөй полиция кызматкерлери Гүлчехра Бобокулованы кармап, камакка алды. Маалым болгондой, ал орус улутундагы Мещеряковдордун үй-бүлөсүндө 3 жылдан бери бала багуучу болуп иштеп келген. Аны үй-бүлөдө баары жакшы көрүшчү. Кырсык болгон күнү Мещеряковдор улуу баласын алып, кичүүсүн бала багуучу менен калтырып чыгып кетишкен. Алар кетери менен Бобокулова кызды өлтүрүп, анын башын кызыл баштыкка салат да, үйгө өрт коюп чыгып кеткен. Кийин "Октябрьское поле" метростанциясына барып, жогоруда айтылган иштерди жасаган.
Бобокулова "жашы жете электи өлтүрүү", "мүлктү өрттөө" жана "террордук акт тууралуу жалган маалымат берүү" беренелери боюнча айыпталып жатат. Өзбекстанда Бобокулова жашаган аймактын өкүлдөрү ал психикалык жактан оорулуу болгонун, ар жылы жаз айында ооруканага жатып, шизофрения дарты боюнча дарыланып келгенин билдиришти.
Бала багуучунун окуясынан кийин Орусияда жалпы мигранттар үчүн кооптуу абал түзүлгөнү түшүнүктүү. Бул улутчул такырбаштарды да козутары бышык. Орусияда жашап жаткан кыргызстандык мигранттар учурда социалдык тармактар аркылуу бул окуядан кийин бири-бирин сак болууга чакырышууда. Аталган өлкөдө жашаган Жылдыз Осмонова интернеттеги баракчасы аркылуу азыр жумуш берүүчүлөр психикалык жактан соо экендиги жөнүндө маалым кат сурап жатышканын билдирди. Ошондой эле Москвада полиция “Мигрант” деген аталышта рейд баштаганы белгилүү болду. Ал эми Адилет Чилдебаев аттуу мекендешибиздин демилгеси менен жумушунан кеч чыккан кыз-келиндерди үйлөрүнө чейин узатып барчу ыктыярчы жигиттер тобу пайда болгону маалымдалууда.
Орусиялык бийликчил телеканалдар аталган окуя тууралуу маалымат беришкен жок. РБК басылмасы “телеканалдарга жогору жактан бул окуяны чагылдырбоо сунушу түшкөн” деп жазды. Орусия президентинин маалымат катчысы Дмитрий Песков: “Телеканалдарга андай тапшырма берилген эмес. Акылынан азгандарды алар өздөрү эле туура түшүнүү менен көрсөтпөй жатышат. Биз мындай кадамды колдойбуз. Жана баарын бул окуяны курчутпоого чакырам”,- деди.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (28)

Kroxa

2016-03-07 18:00:33

Чын эле болду бул окуядан кийин,,баарыэле подозревательно карашат азиаты,мусульмани деп эле кулуп-шыбыр орустар..

AZIK01

2016-03-07 18:47:07

"Мусулманмын, беш убак намаз окуйм"- деп аябай эле, чыланыптыр. А өзү акыл жактан аксаган аял экен. Мусулмандарды жаман көрсөтүп.
Интервьюларында даана байкалып турат психикалык жактан оорулуу экени.

AKCAHAT

2016-03-07 21:38:38

Орустардын саясаты, уюшулган кылмыш.

kaidiger

2016-03-10 14:39:47

AKCAHAT,ой ушу созду жазгандан уялбайсынбы орто азиянын мигранттары россияны каптап кеткени аз келгенсип анан балдарынын башын кесип кетсе деле орустар куноолубу

kokokola

2016-03-07 21:39:44

кандай чечим чыгарар экен? сразу эле олтуруп салыш кк озу кылгандай башын алып!

nurman

2016-03-07 21:51:25

Олум жазасына тартыш керек кытайларга окшоп

saparali96

2016-03-07 22:06:28

Каерде болсо ушул туугандар болуп чыгат,жакшы кыргыз эмес экен болбосо кыргыздарга кун жок эле россияда

MuslimNur95

2016-03-07 22:32:25

Озбекстан жакынкы убакта Оз жарандарын россия га чыгарбай койот (менимче)

Zahovic

2016-03-08 00:06:19

Кыргызстанда ким куноолуу Бакиев куноолуу. Ошонун сынары азыркы убакта да дуйнодо ким жаман мусулмандар жаман болуп калган убак.Бул явно эле байкалып турат еврейлердин Россияда жургон жалпы мусулман мигранттарына орустарды карама-каршы кылуу максатындагы ПРОВОКАЦИЯСЫ!К великому сожалению азыркы убакта евриктердин саясий оюндарынын главный рольун биз мусулмандар ойноп калдык. Бул да болсо Аллахтын бизге болгон сыноосудур деп ойлойм. Оо Аллах баарыбызга ыйман,ынсап,жана сабр бере кор Амин!

gulnara2014

2016-03-08 00:27:20

Саламатсыздарбы. Видеосун кайсы жактан корсом болот айтып коюнуздарчы. Алдын ала рахмат.

XxX_1

2016-03-08 11:10:59

gulnara2014, http://www.super.kg/media/uservideo/162483/ , http://www.super.kg/media/uservideo/162605/ , http://www.super.kg/media/uservideo/162871/, http://www.super.kg/media/uservideo/162341/

Zahovic

2016-03-08 03:10:44

Бирок жаш наристени олтургону аябай окунучтуу!!!

Abdyrashit.Satylganov

2016-03-08 16:51:22

Менимче бул такталбаган маалыматго дейм. Себеби кече дагы бир видео интернетке чыкты, анда айтылат, бул нерсенин баарын уюштурган бир киши болгон экен. Азыр ал издөөдө жүрүптүр. Super.kg сиздер дагы толугураак маалымат бергенге аракет кылсаңыздар жакшы болмок.

ROZA-87

2016-03-09 13:54:28

Бул нерсе Россиянын бир да каналынан корсотулгон жок деп жатышат ко.Супер инфо толугураак маалымат жазгылачы.

Kukuwa

2016-03-09 14:39:57

На самом деле это проишествие случилось 29 февраля в 10-11 ч утра когда включила телевизор на канале Москве 24 показывали преступление совершила гражданка Узбекистана, Она работала у русской семьи около года а тут написано 3 года , якобы в январе она пересекла границу т.е поехала и приехала обратно здесь находилась легально но не имела никаких разрешительных документов , и якобы совершил преступление из за измены мужа и походу мужа тоже дали в розыск

admin_superstan

2016-03-09 14:48:11

Kukuwa, саламатсызбы? Кыргызча жазууну сунуштайбыз.

kaidiger

2016-03-10 14:46:30

россиянын телеканалдарына бул окуяны чагылдырбоону аитканын менда окугам менимче бул кремлдин чечими туура эле эгер тим койсо бут каналдар ушул эле окуяны корсото берсе 2012жылкы бирюловодогудай окуя болуп элдер митингге чыгышмак помните ошондода бир кавказец орусту олтуруп коюп нацисттер митингге чыгышып жаман болду элего кандайы болсода окунучтуу окуя бечара наристе кандаи жаман олум менен олду мындайды эчкимибиздин башыбызга салбасын ата энесине сабыр

tilek771212

2016-03-12 12:44:06

ушул окуядан кийин мигранттарды да жумушка албай гражданство менен кана жумушка ала баштады

Комментарий калтыруу үчүн өз ысымыңыз менен кириңиз же каттоодон өтүңүз.

№ 696, 4-март-10-март, 2016-ж