Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Рамзан Кадыров: «ПУТИН КАНДАЙ БУЙРУК ЧЫГАРСА, ОШОНУ АТКАРАМ»

№696 4-март-10-март, 2016-ж


Рамзан Кадыров – түркүн пикир жараткан саясатчы. Ал инстаграмды активдүү колдонот, кинолорго тартылат, Владимир Путинди мактай берүүдөн тажабайт жана рэпер Тимати менен дос. Анан да Чечен Республикасынын башчысы. Айрымдар аны «диктатор» десе, кээ бирлер «тынчтык алып келген лидер» дешет. Деги Рамзан Кадыров ким?

«МЕНДЕ БАЛАЛЫК БОЛГОН ЭМЕС, КОЛУМА КУРАЛ КАРМАП ЧОҢОЮП КЕТТИМ»
«Путин – мен үчүн мыйзам!» деген сөздү өзүнө девиз кылып алган Рамзан Кадыров 1976-жылы чечен элинин беной уруусунун кадыр-барктуу өкүлү, Орусияга жихад жарыялап, кийин кайра Орусиянын жардамы менен президенттик такка келген Ахмат Кадыровдун үй-бүлөсүндө туулган.
Көпчүлүк балдардай эле Рамзан да Аяз атага ишенчү, бул тууралуу ал: «Мен чын дилимден Аяз атанын бар экенине ишенчүмүн, анан эле бир күнү Аяз атадан өзүбүздүн айылдашыбыз Абуну таанып калып аябай капа болгом»,- дейт.
Ал ушул жылдын 22-январында өткөн «Күчүбүз бирдикте» деп аталган тынчтык митингинде сүйлөп жатып «менде тыңгылыктуу балалык болгон эмес. Колума курал алып эле чоңоюп кеттим» деп билдирген.
Ооба, чынында эле 1992-жылы айылдык мектепти аяктаары менен Рамзан Ахматович атасына кошулуп, биринчи орус-чечен согушунда орус аскерлери менен согушуп баштаган. «Рамзан «биринчи орусту мен 16 жашымда эле өлтүргөм» деп айтты» деген сөздөрдү таркаткандар да чыккан. Бирок бул сөзгө Рамзан Кадыров ак да, көк да деген эмес.

ПУТИНДИН КОЛДООСУНА АРЗЫГАН КАДЫРОВ
1999-жылы Ахмат Кадыров уулу Рамзан менен өзүн Чечен Республикасынын президенти деп атап келген Аслан Масхадовго баш ийбей, ваххабизмге каршы экендигин билдиришип, орус бийлиги тарапка өтүп кеткен. Согуштан чарчап калган элдин арасында Масхадовго караганда Кадыровду колдогондор арбын болуп, аз өтпөй Ахмат Кадыров убактылуу администрацияны жетектей баштайт. 2003-жылы ал президент болуп шайлангандан кийин Рамзан Кадыров президенттик коргоо кызматынын башчысы болуп дайындалган. Бул аралыкта Рамзандын өмүрүнө 5 ирет кол салынып, бирок каршылаштарынын ойлору ордунан чыккан эмес.
2004-жылдын 9-майында майрамдык шаан-шөкөткө катышып жаткан президент Кадыров күчтүү жардыруудан эсине келбей каза табат. Террорчулар стадиондогу ал отуруучу жерге бомба коюп, өз максаттарына жетишет. 10-май күнү эле Рамзан Кадыров вице-премьер болуп дайындалган. Аз өтпөй өлкөнүн өкмөтү, Мамлекеттик кеңеши президент Путинге Кадыров президенттикке ат салышуусу үчүн мыйзамды өзгөртүп берүүнү суранып башташкан. Мыйзамга ылайык, президенттикке 30 жашка чыккан гана жаран ат салыша алмак, ал кезде Рамзан 28 жашта болчу. Бирок мыйзам өзгөртүлгөн эмес.
Ахмат Кадыровдун өлүмүнөн кийин Чеченстанда кош бийлик жүрүп баштаган болчу. Башкача айтканда, маркум президенттин уулу Рамзан Кадыров менен президенттик тактыда отурган Алу Алхановдо тымызын бийлик талаш бар болчу. Экөө бири-бирине түркүн сындарды жаадырып, Рамзан «Алхановдун командасын кууп чыгыш керек» дегенге чейин барган.
2007-жылдын февраль айында Алу Алханов капысынан отставкага кетүү боюнча арыз жазып, Путин Рамзан Кадыровду Чеченстандын президентинин милдетин аткаруучу кылып дайындайт. Ушул эле жылдын 2-мартында парламент президенттик орунга Рамзан Кадыровдун талапкерлигин жактырып, аз өтпөй Кадыровдун президенттик инаугурациясы өткөн.

ЧЕЧЕН РЕСПУБЛИКАСЫНЫН КОЖОЮНУ
Жаңы шайланган президенттин келиши менен өлкөдө көптөн күткөн тынчтык орноп, согуш учурунда талкаланган имараттарды оңдоо, куруу иштери ылдам жүрө баштаган. Бир кезде тамтыгы кеткен өлкөдө заматта көп кабаттуу үйлөр курулуп, борбор калаа Грозный цивилизациялуу шаарга айланган. Бул убакта Орусиядан эбегейсиз акча бөлүнүп турган. Чеченстандын мамлекеттик бюджетинин 90 пайызы Москва тараптан толтурулчу.
Кадыровдун карапайым эл арасында кадыр-баркы жогорулаганын танып болбойт. Президент Путиндин колдоосуна ээ болгон Кадыров Чеченстандын толук кожоюнуна айланат. Бирок ошол эле учурда анын дарегине «адам укуктарын бузуп жатат», «жөнөкөй жарандар уурдалып өлтүрүлүүдө», «айрым адамдардын өлүмүн президент өзү ишке ашырган», «журналист Анна Политковскаянын, оппозициячыл саясатчы Борис Немцовдун өлүмүнө тиешеси бар» деген сын-пикирлер жаап жүрөт. Бирок Рамзан Ахматович алардын бирин да моюнуна албай келет.
2011-жылы Кадыров Чечен Республикасынын башчысы болуп, жөнөкөй тил менен айтканда, экинчи президенттик мөөнөтүн өтөп баштаган. Ал өзүн президент атоодон атайын мыйзам менен баш тарткан. «Өлкөдө бир эле президент болуш керек» дейт ал.

АЯБАЙ МАРТ, ЧЕКСИЗ РОМАНТИК РАМЗАН
Рамзан Кадыровдун учурда 9 баласы бар. 3 уул, 6 кыз. Кадыровдун 7 баласы өз канынан жаралгандар, 2 уулун болсо балдар үйүнөн багып алган. Улуу уулунун ысымын атасынын урматына Ахмат атаган. Жубайы Медни Кадырова 17, өзү 19 жашка чыкканда үйлөнүшкөн. Чеченстандын биринчи айымы хиджаб кийип, шарият жолунда жүргөн адам. «Рамзандын дагы 3 аял алууга мүмкүнчүлүгү бар. Дагы үйлөнөм десе макулмун» деп ЖМКларга берген маегинде айтып келет. Кадыровду жубайы «аябай март, чеги жок романтик» деп сыпаттаганы Орусиянын телеканалдарында байма-бай көрсөтүлгөн. Керек болсо бир ирет Рамзан Медни үчүн өзү барып тоо гүлдөрүн терип келген. Ал белек Медни үчүн аябай баалуу болгондуктан, азыр да көрүнүктүү жерде сакталып турат.
Рамзан Кадыровдун дагы башка аялдары бар экени айтылып келет. Бирок далилдер жок. Белгилүү алып баруучу Тина Канделаки менен жакын мамиледе деп дагы бир белгилүү айым Ксения Собчак айтып чыккан. Өзүнүн интернеттеги баракчасына Собчак: «Кыязы, Рамзан Кадыров менен Тина Канделаки Дубайда чогуу эс алышкан өңдүү» деп жазган. Бирок мында да жетиштүү далил жок.

АКТЁР ЖАНА ИНСТАГРАМ ЖЫЛДЫЗЫ
Рамзан Кадыров көпчүлүктүн көңүл чордонунда болгонду жакшы көрөт. Анын интернеттеги социалдык тармактарда активдүү колдонуучу болгону буга далил. Чеченстандын башчысынын инстаграмдагы баракчасына миңдеген адамдар жазылышкан. Өлкө башчысы ал жактан жай турмушу тууралуу да, мамлекеттик маселелер тууралуу да сөз козгоп турат. Баса, Кадыров белгилүү рэпер Тимати менен да ынак мамиледе. Интернетте Тимати экөөнүн рингде беттешкен видеосу да бар. Бул эле эмес, ал кыска метраждуу «Сыйкырдуу тарак» («Волшебный гребень») тасмасында жана курч сюжеттүү «Ким түшүнбөсө, ал түшүнөт» («Кто не понял, тот поймёт») фильминде башкы ролдорду жаратууга жетишти.
2016-жылдын 23-февралында оппозициячыл саясатчы Илья Яшин Рамзан Кадыровдун былыктарын ачыктаган докладын жарыялады. Бирок Кадыров Яшиндин докладын андан бир күн мурун интернеттеги баракчасына жарыялап туруп, «баягы эле интернеттеги ушактар» деген оюн билдирип койгон болчу. Яшиндин докладын кайдан алганы белгисиз. Кадыров муну өзү да айтпай койду. Анын интернет баракчасынан түрдүү багыттагы сүрөт, видеону көрсө болот. Бир ирет ал оппозициячыл саясатчы Михаил Касьяновдун бутага алынып турган видеосун жарыялап жиберген. Бирок инстаграмдын администрациясы ал видеону өчүрүп койгон. Муну оппозиция өкүлү коркутуу катары баалап, милицияга да кайрылган эле.

#РАМЗАНКЕТПЕ ДЕП ЖАТЫШАТ
Быйылкы жылдын 5-апрель күнү Кадыровдун мамлекет башчылык кылуу мөөнөтү аяктайт. Рамзан Ахматович кызматын тапшырып берүүгө даяр экенин айтууда. «Ысымымды менин элиме каршы колдонбош үчүн жетекчилик менин ордума башка адам тапса туура болот деген ойдомун» деген оюн айтты. «Мен президент Путиндин аскеримин. Ал кандай буйрук чыгарса, ошону аткарам. Кетиш керек болсо кетем, муктаждык болсо өлгөнгө деле даярмын» дейт ал. Буга катар ал коомчулуктан аны колдоп митинг уюштурбашын өтүндү. Ага карабай интернетте #рамзанкетпе (#рамзаннеуходи) хештеги менен флешмоб уюштурулуп, бир катар жарандар анын бийликте болуусун өтүнүшүүдө. Учурда Кадыров отставкага кетеби, кетпейби деген суроо дүйнөлүк маалымат булактарында негизги жаңылыктардан экени талашсыз. Саясат таануучулардын айрымдары «Кадыровду отставкага кетиргенге Орусия даяр эмес» десе, кээ бири «ал чындап эле кетиши мүмкүн, бирок анын ордун дагы бир кадыровчу басат» дешүүдө.
Ал эми Кадыров отставкага кеткен учурда үй-бүлөсү, балдары менен көбүрөөк убакыт өткөрүүнү пландап жатат. Анан да «мамлекетке кызмат кылууну улантабыз» дейт.

Президенттик селфи: Биринде балдары, биринде жубайы Медни менен.

Аяз атага ишенип жүргөн балакай Рамзан апасы менен.

Мирлан Өмүралиев
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(14)
07.03.2016. 10:05 
Тайпасы:
Жаран
Комментарийлердин саны:
4
Катталган:
30-07-2014
Соӊку аракети:
21-09-2018 20:46
Жынысы:
Белгисиз
Калаасы:
ОШ
+4
Мен баалаган инсандардын бири
07.03.2016. 10:17 
Тайпасы:
Жаран
Комментарийлердин саны:
177
Катталган:
09-01-2015
Соӊку аракети:
12-09-2018 08:44
Жынысы:
Белгисиз
+4
Респект, аябай сыйлайм Рамзан Кадыровду.
07.03.2016. 10:47 
Тайпасы:
Кыймылы жок
Комментарийлердин саны:
477
Катталган:
11-11-2014
Соӊку аракети:
26-06-2016 07:07
Жынысы:
Белгисиз
Калаасы:
Кереметтүү кыргыз жери. АЛАЙ))
+1
Улуу инсан.
07.03.2016. 14:49 
Тайпасы:
Кыймылы жок
Комментарийлердин саны:
15
Катталган:
30-10-2015
Соӊку аракети:
12-09-2016 12:13
Жынысы:
Белгисиз
-1
Кетпейт омеей бул киши аябай хитрыйда,олушун гана билбейт.
07.03.2016. 19:37 
Тайпасы:
Жаран
Комментарийлердин саны:
375
Катталган:
13-04-2015
Соӊку аракети:
21-09-2018 17:41
Жынысы:
Белгисиз
+1
Рамзан кетсе Россия чечендерди башкара албай калат. Азыр Рамзандын уруксаты жок чымын канатын кыймылдатпайт болуш керек.
07.03.2016. 20:34 
Тайпасы:
Тартип бузгандар
Комментарийлердин саны:
57
Катталган:
16-11-2015
Соӊку аракети:
21-06-2016 11:05
Жынысы:
Белгисиз
Калаасы:
krasnoyarsk Ene-Saydun boyu
+3
Татыктуу президент,оз элин ойлогон адам, Кадыров ту менда колдойм.
08.03.2016. 23:44 
Тайпасы:
Жаран
Комментарийлердин саны:
9
Катталган:
29-04-2012
Соӊку аракети:
20-09-2018 23:22
Жынысы:
Белгисиз
+4
бизге качан Рамзандай лидер келет болду экен? Бийликтен кетпечи деп биз суранып тургудай дагы 5 жыл иштеп берчи деп. Биздикилерди кууганча шашып калды го Кыргыз эли
09.03.2016. 15:59 
Тайпасы:
Жаран
Комментарийлердин саны:
300
Катталган:
07-08-2014
Соӊку аракети:
10-05-2018 22:54
Жынысы:
Белгисиз
Калаасы:
Ай
0
Суйом го суйом
10.03.2016. 14:58 
Тайпасы:
Жаран
Комментарийлердин саны:
2
Катталган:
27-10-2015
Соӊку аракети:
22-11-2016 18:22
Жынысы:
Белгисиз
0
Азамат!
10.03.2016. 21:56 
Тайпасы:
Жаран
Комментарийлердин саны:
178
Катталган:
11-10-2015
Соӊку аракети:
17-03-2017 18:12
Жынысы:
Белгисиз
-2
Бул сакалчандын эмнесин суйдунор дейм да
11.03.2016. 00:11 
Тайпасы:
Жаран
Комментарийлердин саны:
273
Катталган:
16-02-2014
Соӊку аракети:
01-03-2018 13:18
Жынысы:
Белгисиз
Калаасы:
Бишкек
0
Сакалчан болсо эмне экен? Аябай жагат иииийййй мага аябай жопжонокой. Инстаграммга каякта жургонун ассаляму алейкум всем деп эле киргизе берет. Кызык биздин Атамбаев инстаграммда отурат болду бекен ай))
11.03.2016. 13:54 
Тайпасы:
Жаран
Комментарийлердин саны:
55
Катталган:
12-06-2015
Соӊку аракети:
20-09-2018 12:24
Жынысы:
Белгисиз
0
Менда баалайм. Кучтуу саясатчы, ийгилик.кетпейле койсун
12.03.2016. 20:32 
Тайпасы:
Жаран
Комментарийлердин саны:
3
Катталган:
04-08-2013
Соӊку аракети:
20-03-2018 20:19
Жынысы:
Белгисиз
0
Биз синдимдин атын ушунун атынан койгонбуз Рамзана деп))) анын устуно орозо айында торолгон болчу.
14.03.2016. 10:27 
Тайпасы:
Жаран
Комментарийлердин саны:
128
Катталган:
16-09-2015
Соӊку аракети:
30-07-2018 18:40
Жынысы:
Белгисиз
0
Ен туура кадыров кетсе чечендер вобше еле безпридел болуп кетет. Кана еми бизге да кадыровтой президент болсо.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: