«СҮТАК» ТАСМАСЫ ОРУСИЯНЫН «ОСКАРЫН» АЛАБЫ?

Кинорежиссёр Мирлан Абдыкалыковдун «Сүтак» көркөм тасмасы Орусиянын «Ника» кино сыйлыгына көрсөтүлдү. Аталган фильм «КМШ жана Балтия өлкөлөрүнүн мыкты тасмасы» наамында ат салышмакчы. Бул жагымдуу кабар тууралуу режиссёр: «Сүтак» – менин алгачкы толук метраждуу көркөм тасмам. Азырынча бул эмгегим жолдуу болуп, фестивалдардан куру кайта элекпиз. «Никага» көрсөтүлгөнүн жакында гана билдиришти. «Сүтак» тасмасы сыйлыкты алып калса деп тилек кылып жатам»,- дейт.
Эске салсак, буга чейин Кыргызстандан «Ника» кино сыйлыгына «Курманжан датка» (Cадык Шер-Нияз), «Свет аке» (Актан Арым Кубат), «Ханбийке Назик» (Эркин Салиев) тасмалары көрсөтүлгөн, бирок бири да жеңүүчү аталган эмес. Кино сыйлыкты тапшыруу аземи быйыл 1-апрелде өтөт.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

MuslimNur95

2016-03-07 20:43:40

Билбейм ?

kama_future_millioner

2016-03-13 11:05:55

Ийгилик жылмайсын бул жылы эми.

Комментарий калтыруу үчүн өз ысымыңыз менен кириңиз же каттоодон өтүңүз.

№ 696, 4-март-10-март, 2016-ж