Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СИРЕНЬ ГҮЛДӨГӨН МААЛДА

№380 12-18-февраль, 2010-ж.


(Башы өткөн сандарыбызда)

Ошентип, эртең менен Бактияр экөөбүз суз гана бөлүндүк.
Мен ошону менен тим калбастан, бул окуянын далилин, жок дегенде өзүмдү ишендириш үчүн жообун издей баштадым. Башкаларга сыр бербей сураштырып да көрдүм. Ар ким ар түрдүү сөздөрдү айтышты. Алтургай дарыгерлерден да сурадым. Алар да тубаса кыздыгы жок төрөлүп калуу мүмкүн экендигин билдиришти. Бир күнү күчүмдү топтоп, Бактиярга сөз баштадым.
– Бактияр, сени менен сүйлөшүп алуум керек. Сени ишендирейин деп аракет кылбайм. Ишендире да албаймын. Мени таштап кетүүгө акың бар. Унчукпай жүрө берүүнүн кереги жок.
– Эмнени айтып жатасың?
– Мен чынында ак болчумун. Анан эмнеге мындай болду, өзүм да билбейм,- деп ошол күнү ыйлабаган жаным эми ыйлап кирдим.
– Тескерисинче бул суроону мен сага беришим керек. Качан, ким менен, Малика? Жүрөгүмдү канчалык оорутканыңды билесиңби?
Унчуккан жокмун, эмне деп айта алам? Ал мени күнөөлүү үчүн унчукпай калды деп түшүндү окшойт. Жүзүмдү жаш жууп, ого бетер телмирдим.
– Бактияр, ансыз деле сыздап жүрөм. Кетсең кет, күнөөлө, бирок катуу айтпа. Башка кыз менен мамиле кыла бер. Бул мага канчалык оор болсо да, сени башкага кыйбасам да... Эми баарына чыдаймын!
– Эмнеге кет деп жатасың? Кайда кетем?! Сенчи, сен эмне кыласың? Сага ишенгем, азыр да ишенем. Биз биринчи жолу бирге болдук. Бирок кээде ишене албай кыйналам. Кантип ишенем, Малика?.. Өзүң айтчы, кантип?!
– Мени менен эми ишиң болбосун, каалаган жагыңа кете бер! Эч нерсени сураба! Өмүр бою бул сурооңо жообум жок! Жармаша да албаймын. Сени күнөөлүү кылууга, кармоого менде далил жок. Бир гана айтарым, мен табиятымдан ушундай жаралган соң азабын өзүм тартып өтөм. Дарыгерлер да муну тастыктады. Ушундай жаралыптырмын, мунун азабын тартып өтөм.
Бактияр бир топко унчукпай отуруп калды. Муштуму бир түйүлүп, бир жазылып, анан эле жин тийгенсип мени жаакка бир чапты.
– Малика, мындай болушу мүмкүн эмес!
Өзүн-өзү кармай албай, туш келди уруп кирди. Каршылык көрсөткөн жокмун. Анан кайра токтой калып, бооруна кыса кучактады.
– Малика, жаным, баары жалган ээ, жалган деп айт?! Мени ишендир. Мүмкүн чындап өзүң айткандай жаралып калгандырсың?.. Башка менен болгон эмессиң, чынбы?!
Мен унчукпай анын кучагында сыздап турдум.
– Бактияр, өзүм да кыйналып бүттүм. Барбаган жерим калган жок. Бирок кимди ишендире алам, сениби же сенин апаңдыбы?! Ал мага чоочун, жат аял дечи, ал эмес өз апам ишенеби?! Сен ишендиңби?! Сен бүгүн кет, мени таштап кет! Эгер буга чейин таштап кетсең, сени күнөөлүү кылмакмын. Сөзүнө, убадасына турбаган жалганчы деп айтмакмын. Кокус азыр эмес, кийин таштап кете турган болсоң, чыдай албаймын. Азыр мен күнөөлүүмүн, бир гана айып менен, ушул айып менен гана күнөөлүү кылып таштап кетсең чыдаймын. Кийин кеч болуп калат!
– Жок, ишенсем-ишенбесем да таштай албаймын! Сен мага керексиң! Бул экөөбүздүн гана ортобузда калат. Сенсиз эмне кылам? Биз бирге бактылуу болобуз. Ыйлаба, сени эч качан ыйлатпаймын!
Бактиярдан мындай жооп күткөн эмесмин. Дендароо болуп же ыйлаарымды же кубанарымды билбей, кучагына боюмду таштадым. Бул окуя канчалык оор, жагымсыз болсо да, биздин мамилебизди сууткан жок. Эң негизгиси, Бактияр мени түшүндү. Бул түнү да бирге болдук...
Ушул окуя бизди жакындатты көрүнөт. Бирок түрдүү кеп чыгарып, акыл үйрөтүп, биздин мамилебизге кийлигишкендер чыга баштады. Бири тууганыңмын десе, бири досуңмун деп Бактиярдын кеңешчилери, жакындары көбөйдү. Мен болсо Бактиярдын сөзүнө, убадасына ишенип, айтылган сөздөрдү жүрөгүмө жакын кабыл албоого аракеттендим. Ошентсе да Бактияр ата-энесине үйлөнөрү тууралуу айтууну улам кечеңдете берди.
Жаздын алгачкы күндөрүндө чет өлкөдөн атактуу ырчылар келип, борбордук аянтта чоң концерт өттү. Бирок ачык турган күн заматта бүркөлүп, кечке жуук жамгыр жаай баштады. Ошого карабастан, ал концертке биз да бардык. Аянтта эл абдан көп экен. Биз да элдин агымы менен сахнага жакын сүрүлдүк. Ырчылардын үнүн укканыбыз болбосо, көрүүгө мүмкүн эмес эле. Бактияр менин көрө албай жатканымды байкап, бир кезде ой-боюма койбой желкесине чыгарып алды. Мен алгач уялып, анан айланамды карасам, бир топ кыздар жигиттеринин желкесинде отурушканын күрөп, өзүмдү эркин сезип калдым. Концерт ортолоп калганда жамгыр нөшөрлөп жаап кирди. Бирок элдин кетейин деген ою жок. Мен Бактиярды аяп кеттим.
– Жаным, ийиниң ооруп кетти, мени түшүр.
– Эч нерсе эмес, жерге түшсөң көрө албай кыйналасың,- деп ал кайра мени аяп койду. Түн жарымга чукулдаганда гана концерт бүтүп, суу болуп үшүп калганыбызды ошондо гана сездик. Маршруткалар токтоп калган, такси менен кеткенге акчабыз жок, айласыздан жатакананы көздөй жөө жөнөдүк. Чоң жолдун дал ортосуна түшүп алып, кубалашып бара жаттык.
– Жаным, суу болдук го. О-о, сен укмуш чуркайт турбайсыңбы!
– Мени кандай деп ойлоп жүрдүң эле? Кел, мелдешебиз, ким катуу чуркайт экен?- дедим суу болгон жүзүмдү аарчып.
– Мелдешерден мурун келишип алалы, жатаканага чейин чуркайбыз, бирок токтомой жок. Калып калсаң капа болбо.
– Келиштик, капа болмой жок.
Чоң көчөдө ары-бери зуулдап өткөн машиналардан коркпой, жолдун ортосу менен жарыша чуркадык. Бир топ чуркаганда, ал менден кыйла узап кетти.
– Бактияр, токто-о!
– Убаданы бузмай жок, мен кеттим,- деди ал колун булгалап.
– Токто, болбосо угуп кой, таң атканча ушул жерде тура берем!
Бактияр артка кылчайды. Мен чуркап барып моюнуна асылдым. Ал мени көтөрүп алып айланта баштады.
– Түшүрчү, башым айланып кетти,- деп тыбырчыладым. Жол ортосунда, жамгырлуу нөшөр астында өбүшө кеттик. Түн ортосунан оогондо, сууга түшкөн чычкандай болуп жатаканага жеттик. Артыбыздан бизден бетер суу болуп Канат менен Тилла кирди. Ал кезде артымдан айтылган ар кандай сөздөрдүн “автору” болгон Канатты жактырбай, ал менин бул кыялымды сезип алыстай түшкөн элек. Андыктан бири-бирибизди ичибизден жек көрүп турсак да, сыртыбыздан калп күлүп, тынч уйку каалап коштоштук.

Жумагүл Жолматова

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: