Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АККАН АРЫКТАН СУУ АГАТ

№697 11-март-17-март, 2016-ж


Залкар инсандардын артында уучун улаар таланттуу балдары калса кубанычтуу. Анткени тулпардан тулпар, шумкардан шумкар туула бербейт. Ата-эне жолун жолдоп, өнөр жүгүн артынган уул-кыздар тууралуу учкай кеп салалы.

 

Кубаныч Эсенбаев, журналист: «МЕН БИР ТУУГАНДАРЫМДЫН ЖАНЫНДА СӨЗГӨ ЧОРКОК БОЛУП КАЛАМ»
«Сыр сандык» берүүсү аркылуу элге таанылган журналист КУБАНЫЧ ЭСЕНБАЕВ менен актриса Сайрагүл Эсенбаева бир тууган, ал Болот Тентимишовдун жубайы. Ал эми «Көк жөтөл» ыры менен белгилүү болгон ырчы НООРУЗ АЛЫМБАЕВ Эсенбаевдердин бир тууган жээни. Өнөр көрөңгөсү чоң атамдан берилген деген журналист бир туугандарынын баары түрдүү талантка ээ экенин кошумчалады.
– Бир туугандарымдын баары таланттуу. Эл мени "сөзгө чеченсиң" дешет. Бирок туугандар чогулганда сөзгө чоркогу мен болуп калам. Биздин отуруш ичимдиксиз эле көңүлдүү өтүп,
ыр-бий менен коштолот.
Таланттын учугу чоң атамдан бери уланып келет. Ал киши обон чыгарып, ыр жазчу экен. Атам да өнөрдү таштабай комуз менен ырдап калчу. Айылга ким концерт коюп келсе биздин үйдө конок болмоюнча кетчү эмес. Ырчылар үйгө келгенден кийин биздин үй-бүлө аларга концерт берчүбүз. Анткени атам "менин балдарым да ырдайт, бийлейт" деп мактангысы келчү. Ошондо карындашым Сайра (Эсенбаева) экөөбүз ырдап, бийлеп берчүбүз. «Ырдай албайм» деп айтуудан тартынчумун. Анткени атамдын «менин балдарым ырдайт» деген ишеничин жоготкондон коркчумун. Мектепти аяктагандан кийин Бүбүсара Бейшеналиева атындагы искусство институтунан режиссёрлук кесипти аяктадым.
Уулумдун кесиби юрист. "Кесибиң менен иште" десем болбой камера кармап, жарнамалык роликтерди тартып калат. Карындашым Сайра Москвадагы Щепкин атындагы театралдык окуу жайда билим алган. Азыр Чыңгыз Айтматов атындагы орус драмтеатрында эмгектенүүдө. Жолдошу Болот Тентимишов да таланттуу актёр. Сайранын таланты али толук ачыла элек. Буюрса, жакшы режиссёрлор менен иштешсе, мыкты ролдорду жаратат.

 

Назым Мендебаиров, актёр: «АТАМ ЭКӨӨБҮЗДҮН СҮЙЛӨШЧҮ ТЕМАБЫЗ БИР»
«Дем» театрынын таланттуу актёрлорунун бири Назым Мендебаировдун атасы Кенжекул Мендебаиров Кыргыз Республикасынын Эмгек сиңирген артисти. Учурда Муратбек Рыскулов атындагы Нарын музыкалык театрында актёр болуп иштейт. Назым Мендебаиров атасынын мүнөзүн, талантка, театрга болгон сүйүүсүн баяндап берди.
– Атам ыр-күүгө жакын, бир катар күүлөрү, 300дөй обону бар. Атайын обон жазбайт, бир ырга обон жазчу болсо көп убакытта жаратат. 2-3 жылдап жаралган обондору бар. Учурда Кубаныч Ажыбаев аткарып жүргөн «Кечирип кой», «Сулууларга суктанууга акым бар» аттуу ырлардын обону атама таандык. Атамдын мүнөзү жаш баланыкындай. Мындай сыпаттоону кесиптеши Темир Бирназаров көп айтат. Жаш кезинен бери футболду калтырбай ойнойт. Короого чыкканда аянтта жаш балдар ойноп жатса да кошулуп кетет.
Анын боорукерлиги жанда жок. Айылда чоңойсо да такыр кой сойбойт. Муздаарга келгенде «мени карап жатат, көзүн жалдыратып кантип соёюн?» деп басып кетет. Атам экөөбүздүн сүйлөшчү, талкуулоочу темабыз бир. Айылга барганда ден соолук сурашкандан кийин театр тууралуу узун кепке түшөбүз. Өнөр туткасын атамдан кийин бир тууган агам Шамбет экөөбүз кармадык. Агам Нарын театрында режиссёр, атам экөө чогуу иштейт.
Балким, бул нерсенин кесибиме байланышы жоктур. Бирок кызыктуу факты катары айтып калам. Мен төрөлөр күнү айылга Индиянын тасмасы коюлуп, апам «бүгүн төрөбөсөм керек, бара берейинчи» деп киного кирет. Тасма башталганда толгоосу келип, ошол жерден ооруканага кеткен экен. Атам уулдуу болдум деп таятама сүйүнчүлөсө, бастырмага чыгып азан чакырып атымды Абдрахман коюптур, ал киши айылдын молдосу болчу. Теңтуштарына «уулумдун атын таятасы Абдрахман койду» десе, «чалдардын аты, эски ысым, кайын журтуң балаңа ат коюп калдыбы?» деп ызалантышса, "башка ат коём" дептир. Ошол учурда «Бекбекей» элдик театры Назым Хикметтин «Унутулгус адам» чыгармасын сахналаштырып, атам тиш доктурдун ролун аткарып жаткан экен. Спектакль элге аябай жагып, атам Назым деген ысымды ыйгарып койгон. Кандагы талант жөн койбойт экен. Уулдарым «Достор» тасмасында кичине балдардын ролун жараткан.

 

Марат Козукеев, актёр: «АТАМ АКТЁР, РЕЖИССЁР КАТАРЫ ТУУ ТУТКАН АДАМЫМ»
Кыргыз Республикасынын Эмгек сиңирген артисти Марат Козукеев дагы таланттуу үй-бүлөнүн уулу. Атасы Жумабек Козукеев Токтоболот Абдумомунов атындагы Кыргыз улуттук академиялык театрында актёр, режиссёр болуп эмгектенген. Ал эми апасы Кандалат Муратова режиссёрдун жардамчысы болуп пенсияга чыкканча аталган театрда иштеген. Таланттуу үй-бүлөгө жакында эле тамашоучу Эмил Эсеналиев күйөө бала болду.
– Көпчүлүк артисттердин балдарындай эле бала кезим театрда өттү. Спектакль көрүп жатканда сахнанын арты сыйкырдуу көрүнчү. Ал жакта да жашоо, бир аалам бардай сезилчү. Бул ишенич 8-9 класста окуп жатканда жоголду. 11-классты аяктап жатканда кайсы кесиптин ээси болом деген ой бийлеп алат эмеспи. Ал кезде атамдын көзү өтүп кеткен, апам баш болуп, туугандарыбыз «театрга барбайсың» деп чекит коюшкан. Бир күнү эски кампаны бузуп жатып Алыкул Осмоновдун китебин таап алдым. «Аялга» деген ыры жагып, жаттап талаага барып кыйкырып ырдап баштадым. Ошондой күндөрдүн биринде гезиттен "Ленинградга актёрлорду тандоо жүрүп жатат" деген жарыяны окуп, оюм таптакыр өзгөрдү. Ошол жерден эч кимге айтпай эле бул жакка келип үч турдан тең өтүп кеттим. Ошентип Ленинградда 4 жыл окуп келип, жаштар театрына жумушка орноштум. Атамдын кесиптештери, достору атам тууралуу айтканда мен анын деңгээлине жете аламбы же театрдан кетип калсамбы деп ойлоп, ичимдеги ушул ой менен күндө күрөшчүмүн. 30 жаштан өткөндөн кийин алар башка муун, мен башка муун экенимди түшүндүм. Атамдын деңгээлине жеттим дебейм. Ал актёр, режиссёр катары мен туу туткан адам болуп кала берди. Атамдын агасы Жайлоо атабыз композитор болчу. Анын жубайы Дарика Жалгасынова. Ушундай таланттуу туугандарым бар экенине сыймыктанам. Менин жолумду улуу кызым Айгерим улантат окшойт. Азыр Кыргыз-түрк «Манас» университетинде 3-курста окуп жатат. Жакында эле тамашоучу Эмил Эсеналиевге турмушка чыкты.

 

Султан Төрөбеков
star@super.kg



Ата жолун жолдоп, өнөр жүгүн артынган уулдар

Автор: Бекжан Рыскулов
Оператор: Темир Абиров

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(11)
14.03.2016. 12:24 
Тайпасы:
Жаран
Комментарийлердин саны:
82
Катталган:
30-05-2013
Соӊку аракети:
10-07-2018 22:24
Жынысы:
Белгисиз
+4
Айгерим тыыынч эле уйдо болгону дурус го.
14.03.2016. 13:29 
Тайпасы:
Жаран
Комментарийлердин саны:
17
Катталган:
10-01-2015
Соӊку аракети:
13-11-2018 20:24
Жынысы:
Белгисиз
+4
Акккан арыктан суу агат деген дурус кеп. Туура..
15.03.2016. 01:13 
Тайпасы:
Тартип бузгандар
Комментарийлердин саны:
142
Катталган:
11-12-2015
Соӊку аракети:
08-07-2016 15:20
Жынысы:
Белгисиз
-8
Аккан арыктан суу агат?
Че то түшүнбөй калдым окшойт.
Арыктан суу акпаганда эмне агыш керек эле?
Значит мен арыгы жок эле жайылып агып атат окшойм.
15.03.2016. 21:26 
Тайпасы:
Кыймылы жок
Комментарийлердин саны:
4
Катталган:
03-03-2016
Соӊку аракети:
29-08-2016 11:45
Жынысы:
Белгисиз
0
Futuro,хахахаха жыргап кулуп алдым
16.03.2016. 14:57 
Тайпасы:
Жаран
Комментарийлердин саны:
144
Катталган:
05-08-2014
Соӊку аракети:
23-05-2017 16:48
Жынысы:
Белгисиз
Калаасы:
Талас
0
Futuro, Хахахаххахахах. Бул тамашабы?)))
16.03.2016. 18:07 
Тайпасы:
Кыймылы жок
Комментарийлердин саны:
5
Катталган:
16-07-2015
Соӊку аракети:
18-03-2016 20:17
Жынысы:
Белгисиз
0
Futuro,киргиз
18.03.2016. 15:04 
Тайпасы:
Жаран
Комментарийлердин саны:
273
Катталган:
16-02-2014
Соӊку аракети:
01-03-2018 13:18
Жынысы:
Белгисиз
Калаасы:
Бишкек
0
Futuro,айтпаныз ай мен да жайылып агып атат окшойм))))
16.03.2016. 12:50 
Тайпасы:
Жаран
Комментарийлердин саны:
55
Катталган:
27-03-2015
Соӊку аракети:
04-10-2018 12:59
Жынысы:
Белгисиз
-1
Мен лично ьиринчи суроттогу алпаруучу чыкканда сразу башка каналга которуп салам, анткени раздрожения болуп кетем,кантип ушул кишини эфирге алып чыгыштыкен деп.
16.03.2016. 14:29 
Тайпасы:
Жаран
Комментарийлердин саны:
38
Катталган:
17-08-2015
Соӊку аракети:
05-04-2018 14:24
Жынысы:
Белгисиз
0
Сыр сандык программасын менин ЭНЕМ аябай жакшы корот.
18.03.2016. 11:54 
Тайпасы:
Жаран
Комментарийлердин саны:
105
Катталган:
21-02-2016
Соӊку аракети:
13-11-2018 22:30
Жынысы:
Белгисиз
0
Алма сабагынан алыс түшпөйт деп да койчу беле
21.03.2016. 10:15 
Тайпасы:
Супермодератор
Комментарийлердин саны:
1626
Катталган:
05-09-2011
Соӊку аракети:
13-11-2018 17:51
Жынысы:
Белгисиз
Калаасы:
SUPER.KG
0
kelechekbizdiki, сайттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-пикирлер info@super.kg же admin@super.kg электрондук даректерине жазылып жөнөтүлүшү керек. Эскертүү!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: