Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ИТ ТАЛАП НАРИСТЕ КАЗА БОЛДУ

№697 11-март-17-март, 2016-ж


«Ит адамдын досу» дейт кыргызда. Бирок ал канчалык мээримдүү, адамга жакын болгону менен баары бир жырткычтык касиетке ээ. Чүй облусунун Кант шаарында ротвейлер породасындагы ит
1 жаш 9 айлык кызды талап салган. Алган жаракаттан улам наристе ошол жерден каза тапкан. Окуя кандайча болгон жана кайсы породадагы иттер адамга көп кол салары тууралуу баяндайбыз.

ИТ ҮЙ ЭЭСИНИКИ БОЛГОН
2016-жылдын 29-январында Чүй облусундагы Кант шаарынын Гагарин көчөсүндө жайгашкан үйлөрдүн биринен 1 жаш 9 айлык кызды ит талап, наристе каза болгон. Мындай маалыматты 1-мартта ИИМдин маалымат кызматы таратты. Кыздын апасы Екатерина турмуш шартка байланыштуу күйөөсү менен ажырашып кетип, кызы өзү менен калган. Екатерина жумушка кеткенде кызын таятасы карап калчу. Окуя болгон күнү ротвейлер породасындагы үй ээсине таандык ит короодо ойноп жаткан кичинекей кызды талап салган. Ызы-чуу, кыйкырыкты уккан адамдар жардамга келишип, кызды бошотуп алышканы менен, наристе оор жаракат алган. Тилекке каршы, чакырылган «Тез жардам» кызматынын дарыгерлери кызды сактап кала алган эмес. Анын териси жана ички органдары катуу жабыркаган. Ал эми ит жабыркаган үй-бүлөгө таандык болгондуктан, маркумдун ата-энеси окуяга жооптуу болуп калышты.
Итке таланып каза болгон Анастасиянын апасы, 29 жаштагы Екатеринаны суракка алганда ал: «Кызым эшиктин алдында эле ойноп жүрчү, ал эми итибиз байланчу эмес. Буга чейин итибиздин агрессиясын көргөн эмеспиз, аны атам 5 жылдан бери багып келген. Окуя болгон күнү кошуналар чалып, кызымды ит талап, ооруканага жеткирилгенин кабарлашты»,- деп көрсөтмө берген. Маалыматта белгилүү болгондой, окуя болгон күнү Анастасиянын таятасы мас болуп, небересин ит талап жатканда ал уктап жаткан.

«КОДЕКСТЕ ҮЙ ЖАНЫБАРЛАРЫНА ТИЕШЕЛҮҮ МЫЙЗАМ ЖОК»
Эгер ит тиштеп алса анын кожоюну кандай жаза алышы мүмкүн деген суроо менен НАСА юридикалык компаниясынын башчысы, юрист НУРБЕК АБДАЛИЕВГЕ кайрылдык:
– Кыргызстандын Кылмыш жана жаза кодексинде, административдик кодексинде да айбандын ээсине карата жаза колдонуу жазылган эмес. Бул учурда эмне кылыш керек? Жабырлануучу ит тиштегенден калган жаракаттарды сүрөткө тартып, буга кошумча дарыгерлерден медициналык маалым кат алып тиркесин. Бул далилдер менен барып укук коргоо кызматкерлерине окуя боюнча арыз жазуусу шарт. Ошондой эле дарыланганга кеткен каражаттын суммасын билдирген дүмүрчөктөр да болушу керек. Орган кызматкерлери ишти өндүрүштө карап, сотко өткөрөт. Сот арыздын негизинде ишти жарандык-административдик өңүттө талкуулап, тиешелүү компенсацияны иттин ээсин төлөөгө милдеттендирет. Эгер адамга зыян алып келген ит белгилүү бир породадагы болсо, анда ветеринар процесске аралашат. Себеби мындай иттер ветеринар тарабынан каттоого алынып, иттерге мүнөздүү ооруларга каршы ийне сайдырып туруш керек. Адам өмүрү кыйылган учур болсо жабырлануучу жак жергиликтүү РИИБге арыз жазат. Бул жерде дагы жооп бере турган атайын мыйзам жок. Бирок адам өмүрү кыйылып жаткандан кийин кылмыш иши козголот да, компенсация төлөп берүү менен чектелет. Адамдын куну баасыз, бирок сөөк коюуга кеткен каражат, башка чыгымдар иттин ээси тарабынан төлөнөт.

Кинологдор иттердин адамга кол салуусуна болжолдуу 4 себеп бар дешет:
1. Итти ээси айдактаса;
2. Адам итке өзү тийишип же кожоюнуна катуу сүйлөсө;
3. Ит кайтарган короого жакындаганда, ошондой эле иттин кыжырын келтирген кыймыл кылса. Мисалы, чуркоо, катуу үн чыгаруу, жерди тепкилөө.
4. Ит кутурган болсо да адамга себепсиз кол салат. Мындан сырткары ээси жок жолбун иттер да коркунучтуу.

ЭГЕР СИЗГЕ ИТ КОЛ САЛСА:
Иттердин көбү адамдын артынан келип кол салат. Эгер ит адамдын алдынан чыкса алгач үрүп, аны качырууга аракет жасайт. Өтө агрессивдүү болсо буттан алып же капталына өтүп тиштейт. Мындай учурга кептелип калсаңыз төмөнкүдөй ыкмаларды эстей жүргөнүңүз оң.

  • Качуу – бул чоң катачылык. Эгер качса ит өзүнө ишенип адамды кубалап жөнөйт. Башта айтылгандай, иттерге арттан келип кол салуу ыңгайлуу.
  • Эгер сизге кол салган ит короочу болсо, анда анын башкы максаты короону жана кожоюнун кайтаруу болуп саналат. Андыктан абай салып короодон алыстап кетүүгө аракет кылыңыз.
  • Ит менен тиктешпөө керек. Бул учурда өзүңүзгө болгон ишенимдүүлүктү жоготосуз. Ит тиктешүүнү кармашка чакырык таштоо катары кабыл алат.
  • Агрессивдүү итке «жат» же «кет» деп катуу өкүм менен тап бериңиз. Бирок жер тээп, итти кубалоого аракет жасабаңыз. Иттин атын билсеңиз атынан айтып, «тынч», «отур», «Актөш акылдуу» деген сыяктуу жооткотууларды айтканыңыз оң.
  • Иттин кожоюну менен турсаңыз ага катуу сүйлөп же күрөшүп ойногондон абайлаңыз. Бардык эле иттердин негизги миссиясы – кожоюнун коргоо.
  • Эгер ит сизди жыгып алган учур болуп калса, тизе менен ичти тосуп, бүк түшүп кол менен бетти жана башты сактоо керек. Ийиндерди куушуруп келип, моюнду, жана башка жумшак жерлерди кымырууга жетишиңиз.

ЭГЕР ИТ ТИШТЕП АЛСА:

  • Ак самынды жылуу сууга эзип, ит тиштеген жериңизди жууңуз.
  • Тиштелген жерден аккан канды дароо басып токтотууга шашылбаңыз. Иттин шилекейи тийген кандын агып кетиши ашыкча болбойт, балким, ит коркунучтуу дарт менен ооруйт.
  • Иттин шилекейинде кутурманын вирустары гана эмес, ириңдетүүчү бактериялар да арбын кездешет. Алгачкы кадамдар үчүн өтө кычкыл суутек (перекись водорода) же йод жардамга келет.
  • Ит тууралуу кожоюнунан сурап билиңиз. Кутурмага каршы дары сайдырып турабы маалымат алыңыз. Кандай болгон күндө да сөзсүз медициналык текшерүүдөн өтүңүз.

ИТТЕРДИН ЭҢ АГРЕССИВДҮҮ 10 ПОРОДАСЫ

10-орунда – сенбернар. Ири көлөмдүү иттердин породасына кирет. Алар абдан күчтүү келишет. Райттес Бренди аттуу ит 3 тоннага жакын жүктү сүйрөй алганы менен белгилүү. Эгер булар кол салса күчүнө таянышат.
 
 
9-орун – немис догу. Дүйнөдөгү эң бойлуу ит болуп саналат. Аңчылыкка ылайыкташкан. Зевс аттуу дог бийиктиги 111,8 сантиметр болуп рекорд койгон.
 
 
8-орун – чау-чау. Карышкырлардан айырмаланып адамдарга көнүп, үйрөтүүгө ылайыкташкан алгачкы иттерден делет. Ушул себептен аларда карышкырдын каны бар деп агрессивдүү иттердин катарына кошушат.
 
7-орун – доберман. Бул породадагы иттерди милиция кызматкерлери таптап багышат. Кылмышкерлердин катыгын берген мындай иттерди жини чукул иттердин катарына талашсыз кошобуз.
 
6-орун – аляска маламуту. Алясканын чана сүйрөгөн иттери менен карышкырдын аргындашуусунан алынган иттер. Генетикалык жактан карышкырга жакын келгендиктен булар да ачуулуу келишет.
 
 
5-орун – вольфдог. Карышкыр менен итти аргындаштыргандан келип чыккан. Аңчылык иштеринде карышкырдай эле күчкө ээ. Ошол себептен андан адам өмүрү үчүн дагы коркунуч күтсө болот.
 
4-орун – сибирь хаскиси. Булардын ДНКсын иликтеген изилдөөчүлөр жапайы карышкырдан айырмаланып байыркы иттердин катарына киргизишет.
 
3-орун – немис овчаркасы. Сак кулак кайтаруучу породага кирет. Чек ара кызматкерлери, укук коргоо органдары, күч түзүмдөрү багып, үйрөтүүгө ылайыктуу болгондуктан акылдуулардын катарына кошушат.
 
 
2-орун – ротвейлер. Кызмат үчүн колдонулган иттер, өтө агрессивдүү. Булар дагы немис овчаркалары сыяктуу колдонулат жана алардан салмактуу, коркунучтуу келишет.
 
 
1-орун – америка питбультерьери. Бул иттерди атайын багып, ит уруштарга тапташат. Ошол себептен ит менен эле эмес, адам менен деле «урушуп» кетиши толук мүмкүн.

Гүлжан Асанкожоева
koom@super.kg

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(15)
14.03.2016. 10:17 
Тайпасы:
Жаран
Комментарийлердин саны:
25
Катталган:
10-12-2012
Соӊку аракети:
01-09-2018 18:54
Жынысы:
Белгисиз
0
Менин бир Гана итим болгон, олугун корсотпой олуптур издеп журуп таап комгонбуз.
Башка Иттерден аябай корком,тиштеп алганы учунбу же...
Итти коргондо журогум тупулдоп кетет азыр.
14.03.2016. 12:30 
Тайпасы:
Жаран
Комментарийлердин саны:
122
Катталган:
23-05-2012
Соӊку аракети:
07-12-2016 21:38
Жынысы:
Белгисиз
Калаасы:
Бейиштин тору...
+1
Менин 3 итим бар . Уйдо коп болбогондуктан бул иттер короону кайтарууда мыкты жардамчы болушат.Кошунанын кичинекей балдары бар болгон учун мен аларга биздин короого кирип албасын балдарынарды козомолдогуло деп эскертип турам.
14.03.2016. 14:21 
Тайпасы:
Жаран
Комментарийлердин саны:
306
Катталган:
05-11-2015
Соӊку аракети:
19-09-2018 13:45
Жынысы:
Белгисиз
0
эгерде ит сени коздой жугуруп келе жатса олтура калуу керек ошондо каппайт
14.03.2016. 14:53 
Тайпасы:
Жаран
Комментарийлердин саны:
24
Катталган:
18-03-2015
Соӊку аракети:
01-08-2018 19:43
Жынысы:
Белгисиз
Калаасы:
Жалалабад
+6
иттерге деле мээрим берип карасан эч нерсе болбойт кошунабыздын балбан деген алабай пародасындагы ити бар болчу дайыма байланып турчу бошонуп кетсе бироонун куулап журуп тиштеп талап жиберет эле бир куну жолдо баратсам ошол ит чыгып ырылдап калды болчу уф ушул сен балбан акылсыз ит экенсин ошончун сени баары жаман корот экен десем унчукпай короосуна кирип кеткен
17.03.2016. 15:47 
Тайпасы:
Жаран
Комментарийлердин саны:
9
Катталган:
20-03-2011
Соӊку аракети:
12-12-2016 17:40
Жынысы:
Белгисиз
+1
lady.girl7997,ит менен суйлошуп жатканынды элестетип алып,аябай кулдум
15.03.2016. 13:39 
Тайпасы:
Жаран
Комментарийлердин саны:
24
Катталган:
26-03-2012
Соӊку аракети:
20-02-2017 00:21
Жынысы:
Белгисиз
Калаасы:
Бишкек
+1
Биз Кант шаарында турабыз. Кочолордо иттер аябай коп. 5 жыл мурун жолдошумдун бутун тиштесе, 2 жыл мурун балабызбын бутун 2 ит кууп барып тиштеп алыптыр. 3кун мурун эле эшиктин алдынан Бир кызды тиштеди. Эл толтура сейилдеп, балдар ойноп журушкон. Ырас шымы жыртылып, тиши отпоптур. Эл бакырып, кыйкырып таш менен чап жиберишти. Ошондо качты. Уйур, уйур болуп 4-5тен журушот. Бала эмес Чон киши коркот. Бир чара колдонушса болот эле. Эл деле суйлонуп атып тажады.
15.03.2016. 15:56 
Тайпасы:
Жаран
Комментарийлердин саны:
21
Катталган:
24-05-2015
Соӊку аракети:
26-06-2018 15:35
Жынысы:
Белгисиз
+1
Мындай окуя менин туугандарымда да болгон.Жормолоп калган баланын башын тиштеп ал наристе ооруканага жетпей каза болгон.Жакшысы жононкой эле иттерден бакса болот да.
15.03.2016. 17:43 
Тайпасы:
Жаран
Комментарийлердин саны:
106
Катталган:
26-07-2015
Соӊку аракети:
03-09-2018 23:17
Жынысы:
Белгисиз
+1
Хаски эн добрый иттерге кирет да,бул списокко туура келбейт.
15.03.2016. 18:29 
Тайпасы:
Жаран
Комментарийлердин саны:
70
Катталган:
08-09-2015
Соӊку аракети:
03-02-2018 12:03
Жынысы:
Белгисиз
Калаасы:
Кадамжай, Ош
0
Менин эн жакшы коргон итим хаски адамга эн жакшы дос боло алат Хатико деген кинону аябай жакшы коруп ыйлап кором хаскини кошпой эле койбопсунар
16.03.2016. 16:16 
Тайпасы:
Администраторы
Комментарийлердин саны:
22
Катталган:
23-10-2012
Соӊку аракети:
19-09-2018 17:34
Жынысы:
Белгисиз
0
Gulya21,dubai, Макаладагы хаски - Сибирь хаскиси деп турат. Алар суук жакта багылып, карда чана сүйрөөгө ылайыкташкан, күчтүү келишет. Иттердин эң байыркыларына кирет. ДНКсын изилдеген окумуштуулар сибирь хаскисин жапайы иттерден айырмаланып, адамга жакындап, үйрөтүүгө ылайыктуу болгон дешет. Демек үйдө багууга ылайыкташкан алгачкы тукум болуп саналат. Жоош ит жок, кандай гана ит тукуму болбосун аны ачуулантсаң адамга кол салуудан кайра тартпайт.
17.03.2016. 15:13 
Тайпасы:
Жаран
Комментарийлердин саны:
5
Катталган:
24-07-2014
Соӊку аракети:
13-09-2018 23:02
Жынысы:
Белгисиз
Калаасы:
Бишкек
0
Gulya21, Хатико хаски породасына кирбейт, анын породасы Акита ину!
16.03.2016. 00:03 
Тайпасы:
Жаран
Комментарийлердин саны:
103
Катталган:
21-02-2016
Соӊку аракети:
14-09-2018 00:07
Жынысы:
Белгисиз
0
Чау чау тескерисинче жоош көрүнөт экен, а вольфдог карышкырдан айырмаланбайт го
20.03.2016. 12:16 
Тайпасы:
Жаран
Комментарийлердин саны:
11
Катталган:
26-06-2015
Соӊку аракети:
26-06-2018 19:32
Жынысы:
Белгисиз
0
Рекс деген овчарка кучугум бар эле. Олугун дагы таппай койгонбуз...
20.03.2016. 19:27 
Тайпасы:
Жаран
Комментарийлердин саны:
26
Катталган:
20-08-2015
Соӊку аракети:
09-02-2018 10:05
Жынысы:
Белгисиз
0
коркконунан озу кантип ит мн суйлошуп жатканында сезбей калса керек
21.03.2016. 07:36 
Тайпасы:
Жаран
Комментарийлердин саны:
44
Катталган:
03-10-2015
Соӊку аракети:
01-08-2017 15:45
Жынысы:
Белгисиз
0
итти каппайт атты теппейт деп болбойт этият болуу керек эмнеси болсода жырткыч айбан болуп саналат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: