Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖАШТЫК ЖАҢЫЛЫШТЫГЫ ЖЕ ТАЛАШКА ТҮШКӨН НАРИСТЕ

№218 5-11-январь, 2007-ж.


Бактысыз үйбүлө...

Темир менен Салкын ата-энесинин макулдугу менен үйлөнүп калышканы айылдагы­лар­дын жалпысына маалым эле. Ар дайым жети өлчөп бир кескен токтоо жигит менен аш­кере шайкелең, керек жерден карөзгөй­лөнө калп айтып жиберчү Салкындын бир үйбүлө болуп түтүн булатып калганына баары таң­калышчу.
– Темир, өз жашооңо эмнеге мынча кайдыгер карадың? Ушунун колуна түшчү жигит сен белең? Аның деген айылдын жарым эркеги ме­нен соо эмес...
Досторунун бул сөздөрүнө оор үшкүрүп тим болгон Темир. Кайдан айтат? Коюңуз деп моюн толгогон күнү апасы жүрөгүн мыжып жы­гылганы калппы? Салкындын чоң кызматта иштеген атасынын жардамы менен агасы карьерасын түзүү үчүн ушул ишке барганын кимге айтат?
Анын үстүнө Салкындын чырайы да бир топ эле. Эмнеси болсо да кол кармашкан экөө бактысын издеп калааны көздөй жөнөшкөн. Убакыт өтүп кыздуу болушту. Бирок, Салкындын шайкелең мүнөзүн бала да өзгөртө алган жок.
– Салкын, кызыңды колуңа алсаң боло... Ыйлап жатып боргулданып калды окшойт.
Эшиктен кирип келген кошунасы таңкала унчукту. Ыйлап жаткан наристени карабай өз алдынча бөлмөдө басып жүргөн келинди ээрчий караган кошунасы сөзүн бүтүрүп-бүтүр­бөй аяктады. «Ой-тобо, ушундай мерез жан болобу?» Салкын болсо ыйлап жаткан наристесин да, аста кобурап, өзүн таңкала тиктеген кошунасын да капарына албады. Өз ойло­ру менен алектене берди. Эркин өскөн куштай элирген өз көңүлүн тыя албай, каңырыгы түтөп турду. «Мен Темирдин кийимин жууп, ка­за­нын асыш үчүн жаралыпмынбы? Мага деген оюн керек, күлкү керек» деп жатты оюнда. Жаштыгы, кербездиги менен чыныгы бакыт ушул экенин сезбей турду.

Кырсык

Такси айдап, күнүмдүк тиричилигин кылып жүргөн Темир капилет кырсыкка учурады. Кечке маал машинасы менен үйүнө шашып келе жаткан эле. Беш айга толуп, торолуп калган кызын көргүсү келип дегдеп алган. Ошентип келе жатып каршысынан чыга калган машинаны кеч көрүп калды. Карс этип келип тийген машинанын үнүн укту да, эс-учун жоготуп баратып, тээ көңүлүнүн түпкүрүндө «өлдүм!» деген ойдун жылт эткенин туйду. Андан ары кандайдыр бир туңгуюкка кулап бараткандай. Ошол боюнча эс-акылын эки жумадан кийин жыйды. Көзүн ачып эле кайда экенин түшүндү. Жанында өзүнөн көзүн албай, жалдырап турган энесин, арыраакта атасын, агасын көрдү. Негедир Салкын жок. Бир нерсе айтайын десе тили күрмөөгө келбейт. Уулунун көз карашынан кимди издеп, кимди жоктоп жатканын эненин кыраакы туюму биле койду.
– Балам, капа болбо. Келинчегиң келет. Баласы менен кыйналып жатат жаш неме. Эртең келет,- деди.
Оозу бош айтып жатканын сезип, сөздү баш­­ка жакка бурайын деди окшойт эне кургур. Темир акырын көзүн жумду. Бирок, Салкын келген жок. Эртеси, анын эртеси да келбеди. Акыры Темир кызы, аялы тууралуу апасынан сурады.
– Өх, уулум, эмнесин айтайын. Боорубузга жылан басып жүргөн экенбиз. Өзүм билемдик кылып алып берип койдум эле.
– Айтчы, апа, эмне болду?- кыжырлана кыйкырып жиберди Темир.
– Аның кетип калды, балам. Сени реанимациядан чыгарбай, «аман калабы же жокпу, аман калса да майып болуп калат» деген догдурлардын кебине ишенип алган го. «Мен өмүр бою ошол майып менен жашайт бекенмин» деп түйүнчөктөрүн түйүп алып кетип калыптыр. Баланы да таштап кетти, шуркуя.
Темир терс бурулду. Көзүнөн аккан жашты энесине көрсөткүсү келген жок. Кайгы-ызасын көтөрө албай майышып турду. Көңүлү таптакыр ордуна келбестей сынып быркыранып жат­ты. Ооруканадан чыккандан кийин гана турмуштун кыйын бороону али алдыда экенин туйду. Кенедей наристесин бооруна кысып алып жүрө берүү адаты эле. Кээде кошуналарына таштап коюп, базарда иштеди, кароолчу болду. Түрдүү иште иштеди. Ата-энеси «сага кыйын болот, баланы биз алып кетели» десе өжөрлөнүп таптакыр болбой койгон. «Апасынын таштап кеткени эле жетишет, эми ата мээримин да көрбөй өтөбү кызым» деп так кесе жооп берген эле. Ошондон бери эле желкесинде, койнунда жүрүп чоңойду кызы.

Жолугуу

– Байке, келиңиз, мен кызыңызды ала турайын,- маршруткада алдыда отурган кичипейил кыз Темирдин колунан кичине кызды ала койду.
Ыңгайсыздана жылмайып, Темир «ыракмат» деди.
– Сиз дайым ушул маршруткага түшөсүз. Дайым кызыңыз менен. Бакчага алып барасызбы?- деди кыз күлүңдөй суроолуу тигилип.
– Ой, ооба... жок...- карбаластаган Темирдин абалы боор ооругандай эле.
Кыз аны ыңгайсыз абалдан чыгаргысы келгендей өз атын айта салды:
– Мен сиздин үйүңүзгө жакын жашайм. Атым Асылтай.
– Темир.
Ошентип, таанышып калышкан. Ошондон кийин Асылтайга кызын таштап, тиги жакка, бул жакка кетип, таза эле көнүп алды Темир. Кызы да мурункудай чыргоолонбой, момпоюп калып калчу болду.
Мына ошондогу табышмактуу сулуу кыз азыр жанында отурган келинчеги Асылтай эле.
Эми минтип...

Сот залы

– Мага кызымды алып бергиле. Мага мындан башка эч нерсенин кереги жок. Ооба, кичинесинен мен баккан эмесмин. Бирок, Кудай турат го, мен төрөгөм бул кызды. Мен энесимин!- көзүнөн жашы буурчактаган татына келинди чын эле сот залындагылар аяй карап жатышты.
Келиндин көз жашы бир гана Темирдин жана Асылтайдын жүрөгүн козгой алган жок. «Ай, Салкын, ай. Мен энемин дейсиң! Төрөп өмүр берген эне эмес, анын азабын тартып, көкүлүнөн сылап, көлөкөдө өс­түр­гөн эне. Кызымдын чыныгы энеси мына, менин жанымда отурат. А сен...» Темирдин көздөрү ушуларды айтып турду. Чын эле туубаса да тутунган Асылтайдын көз жашы көл болуп отурган.
Темир менен Салкын ошончо жылдан кийин мына бүгүн сот залында кезигип отурушат. Алты жылдан кийин келип, ээлик болуп турган Салкын эмес, кенедейинен асырап өстүр­гөн Асылтай энеси эле. Кызы айткандай «өзүнүн мамасы» болчу. Ошентип, сотто бир кезде энелик бакытты чанган Салкын да, кыздын чыныгы энеси Асылтай да, Темир да чыгып сүйлөштү. Бир топ калыстар өз оюн айтты. Ал эми кичинекей наристенин жаңырык авазы соттон да адилеттүү чечимди чыгарды. «Мен Салкындын кызы эмесмин. Мен өзүмдүн мамама барам!» деди кичине кыз.
Бирок, негедир Салкын бул чечимди, кызынын жүрөгүн уккусу келбеди. «Мен төрөгөм, бул менин кызым» деп көшөргөн оюнан кайт­пады.
– Темир, менин бул кыздан башка эч кимим жок. Жакындарым да калбады. Мен мындан ары төрөй албай да калдым. Бурганактуу өмүрүмдүн артына кылчайсам, сенин сүйүүң, анан мобу наристем гана калган экен. Сенин сүйүүңдү кайтарып ала албайм. Бирок, баламды ала алам,- деди Салкын.
Көпкө талашып-тартышып жатып сот кыздын али жашы жете электигине байланыштуу өз алдынча чечим кабыл ала албасын эске алып, Салкынга берилсин деген чечимин чыгарды.
– Атаке, ата, апа, мен силер менен кетем. Мен силер менен... Мен анын үйүндө жашабайм. Ал менин апам эмес...- чыңырган кыз эч нерсеге карабай, өзүнө сунулган колдордон буйтап отуруп атасына жетип, боюн таштады.
Мөгдүрөп ыйлаган Асылтай да кызын кучактап боздоду. Бирок, тизелеп отура калып бооруна кыскан атанын эркине болгон жок. Кызынын жылуу колдору өзүнүн колунан ажырап бара жатты.

Нуржамал Жийдебаева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: