Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ОҢ КОЛУҢДУН АЧУУСУН СОЛ КОЛУҢ МЕНЕН БАС! ЖЕ КАНТИП ЖАҢЖАЛДЫН АЛДЫН АЛУУГА БОЛОТ?

№698 18-март-24-март, 2016-ж


Үй-бүлөлүк келишпестиктен улам чыр-чатактар келип чыгып, араздашуулар өлүм менен аяктаган окуялар көп кездешүүдө. Жакында Алай районунда да аял-эркек ортосундагы араздашуу 1 аялдын өлүмүнө алып келди. Дегеле ушул маселе тууралуу коом кандай пикирде, кеп козгомокчубуз.


«ЖУБАЙЛАР ЖАРАНДЫК НИКЕДЕ ЖАШАШКАН»
Ушул жылдын 2-мартында Алай районунда 55-60 жаштардагы адам жарандык никеде жашаган аялын бычактап, андан соң өзүнө-өзү кол салган. Ош ОИИББинин маалымат кызматкери ЖАННА САТАРБАЕВА бул тууралуу төмөнкүлөрдү айтып берди:
– Алай РИИБине белгисиз адам аялына, андан соң өзүнө кол салгандыгы тууралуу Гүлчө айылынын тургундарынан билдирүү түшкөн. Окуя болгон жерге ыкчам топ барып, жаңжалдын чоо-жайын иликтешти. 2-март күнү 47 жаштагы Элмира Орунбаева аттуу Гүлчө айылынын тургуну 59 жаштагы жарандык никедеги күйөөсүнүн үстүнөн укук коргоо кызматкерлерине арыз жазам деп райондук прокуратурага келет. Күйөөсү ошол учурда артынан келип уруш чыгарып, прокуратуранын алдынан аялдын бөйрөк жана өпкө тушуна эки ирет бычак сайган. Күйөөсү кылган ишинен улам коркуп кетип өзүнүн да жүрөк тушуна бычак сайган. Окуяга күбөлөр «Тез жардам» чакырган. Тилекке каршы, Элмира Орунбаева райондук ооруканага жетпей көз жумган. Ал эми 59 жаштагы кылмышка шектүү Д.М. райондук оорукананын жандандыруу бөлүмүнө жеткирилген.
Эки баланын энеси маркум Элмира Орунбаева райондук үй-бүлөлүк дарыгерлер борборунун дарыканасында фармацевт болуп иштеген. Кылмышка шектүү болсо пенсионер, 9 баланын атасы.



«ЭКИ БАЛАСЫ ТОМОЛОЙ ЖЕТИМ КАЛДЫ»
Алай райондук ооруканасына байланышып, шектүүнүн абалын сурасак, дарыгерлер анын ден соолугу турукташып калгандыгын билдиришти. Элмира Орунбаеванын кесиптеши Хабиба маркум тууралуу буларга токтолду:
– Элмира жумушуна так, маданияттуу, билимдүү аял болчу. Бир туугандары да көп, андыктан жашоо шарты жаман болчу дебейм. 2 уулду тарбиялап өстүргөн, бири Орусияда иштесе, кичүүсү студент. Ал кылмышка шектелип жаткан киши менен жарандык никеде болчу. Жеке жашоосу тууралуу ашыкча кеп кылчу эмес. Балдарынын атасы каза болуп калган. Эки уулу атасынан айрылганы аз келгенсип, эми томолой жетим калышты.

ДАГЫ ДА ҮРӨЙ УЧУРГАН ФАКТЫЛАР
Чүй облусуна караштуу Панфилов районунун Чалдыбар айылында да жубайлар уруша кетип, аялы күйөөсүн бычактап салган. Чүй ОИИБинин маалымат кызматынан билдиришкендей, окуя 7-мартта кечки саат 9дар чамасында болгон. Анда жубайлар үйүндө спирт ичимдигин ичип отурушуп, ошол жерден экөөнүн ортосунда уруш чыгып, 30 жаштагы аялы 45 жаштагы күйөөсүн ашкана бычагы менен сайып жиберген. Натыйжада күйөөсү жаракат алып, Панфилов райондук ооруканасына жеткирилген.
5-февраль күнү Нарын шаарында 26 жаштагы Райымбек Жумакунов 21 жаштагы келинчеги Нургүл Руслан кызынын иштеген жерине сүйлөшүүгө келет. Буга чейин жубайлар ортосундагы таарыныч ажырашууга жетип калган экен. Жигит даярдай келген бензинди келинчегине жана өзүнө чачып, өрт койгон. Күйүктөн алган жаракаттарынан улам 8-февраль күнү Нургүл Руслан кызы, 15-февралда Райымбек Жумакунов ооруканадан көз жумган. 
21-февраль күнү Түп районунун Байзак айылындагы үйлөрдүн биринен жубайлардын жансыз денеси табылган. Маркумдардын бири 32 жаштагы Зарина Кусеинованы 39 жаштагы күйөөсү Мирлан Арыков отургучтун буту менен сабап өлтүрүп алган. Тергөөчү Адилет Кечибаев: «Маркум Арыков экөөнүн ортосундагы жаңжалдан улам аялын өлтүрүп алган. Чамасы жоопкерчиликтен корккон, өлүктү бекитип, өзү сарайга барып асынып алган»,- деп билдирди.

«АЧУУЛАНУУНУН КЕСЕПЕТИН ОЙЛОЙ ЖҮРҮШ КЕРЕК»
Жубайлар ортосундагы конфликттин башкы себептери эмне? Аларды кантип алдын алууга болот? Бул суроолорго жооп катарды коомдук пикирге орун беребиз. ЗАРЫЛ АБДРАХМАНОВА, 73 жашта. Абышкасынын көзү өтүп кеткенче 45 жыл чогуу жашашкан:
– Аял-эркек, үй-бүлө маселесине адамзаты олуттуу мамиле жасоону унутту. Адам орточо 70 жыл жашаса, анын 50 жылын өмүрлүк жары менен өткөрөт. Өмүр бою бирге түтүн булата турган жубайлардын ортосунда күндө талаш, күндө чуу болсо, ушул дагы жашообу, айланайындар? Силерден алган балдарыңардын тарбиясы кайсы? Адамзатынын башаты – бул үй-бүлө. Очогу бузулган үй-бүлөдөн оорулуу коом жаралат. Аял дагы, эркек дагы бири-биринин көңүлүн эч качан калтырбашы керек. Көңүл калуу өтө коркунучтуу. Мунун аягы сөзсүз ажырашуу же илең-салаң жашоо менен аяктайт. Илгери жаш үй-бүлөлөр улуу адамдардан үлгү алып, уят-сыйыт дегенди билчү эле. Азыркылар шымаланып эле аял-эркек дебей бири-бирине кол салат экен. Эркекке кол көтөргөн аял шерменде эле болот. Ал эми аялын сабаган эркекти эркек деп эсептебей деле койгон оң. 




«АР БИРИБИЗ ҮЛГҮ БОЛОЛУ»
Токтогул Сатылганов атындагы Улуттук филармониянын солисти КУТМАН ЖОЛДОШЕВ:
– Жубайлар ортосунда эң негизгиси сый болуш керек. Үй-бүлө болгондон кийин жашоо зымга тизгендей болбойт. Сөзсүз ыр-чыр болот. Бирок адам сабырдуу болуп, оң колунун ачуусун сол колу менен басышы керек. Аялзаты ачуулуу, жеңил, өйдө-ылдый сүйлөп, эркектин ачуусуна тийип чыдамсыз болсо, эркеги сабырдуу болсун. Эгер эркек ачууланып, үй-бүлөсүн каарып жатса, аял унчукпай коюш керек. Экөө тең болгон ачуусун агытса, ортодо балдар эле жабыркайт. Ата-эне өздөрүнүн каталарын балдары кайталабашы үчүн эч качан балдардын көзүнчө урушпашы кажет.
Ар бир тармактагы адам өз катмарына үлгү болуш керек. Мисалы, биз, маданият кызматкерлери ырдап гана тим болбостон, маданияттуу жүрүм-турум менен коомго үлгү болушубуз керек. Себеби жогорудагы окуялар бир эле уруунун же айылдын эмес, бүтүндөй улуттун трагедиясы болуп жатат.


ПСИХОЛОГДУН КЕҢЕШИ:
Клиникалык психолог ПЕРИЗАТ АСЫЛБАЕВА:
«КООМДО НЕГАТИВ АНСЫЗ ДЕЛЕ ЖЕТИШТҮҮ»ЖУБАЙЛАР ОРТОСУНДАГЫ КОНФЛИКТ АЗ БОЛУШУ ҮЧҮН 3 НЕРСЕНИ ЭСКЕ АЛЫШ КЕРЕК:

  1. Тарбия. Бала уядан эмнени көрсө, учканда ошону алат.
  2. Түгөйлөр бирин-бири баалап, сыйлай билиши зарыл.
  3. Колдон келсе үй-бүлөнү пландоо, ар бир кадамды анализдөө керек.



Жаңжал чыкты, түгөйлөр ортосунда жарака кетти деп коёлу. Ырбатпаш үчүн төмөнкүдөй кадамдарды экөө тең жасаганы дурус. 

  1. Үй-бүлөдө аялбы, эркекпи, таап келген кирешесин «меники, сеники» деп бөлүшпөшү керек. Ал жалпы мүлк катары болсун. Көбүнчө аялдар компромисске келгени биздин менталитет үчүн туурараак. Акылсыздардан сырткары аялдарды акылдуу жана акылман деп экиге бөлүшөт. Акылдуулары акчаны көп табат, үй-бүлөсүн багат. Бирок ошого жараша ал артыкчылыгын күйөөсүнүн эсине салып турат. Бул нерсе эркек кишини кыжырдантат. Ал эми акылман аял болсо тапкан каражатын «биздики, чогуу пайдаланабыз, сенин жардамың менен ийгиликке жетишип жатам» деген сөздөр менен «кооздой» жүрөт. Бул учурда гендердик теңдүүлүк да сакталат.
  2. Аялбы, эркекпи, жумушунан тил угуп же көчөдөн маанайы пас келсе, ачуусун үй-бүлө мүчөлөрүнөн чыгарары бышык. Бул учурда арылдашып урушуп жатып калбай, тил табышууга аракет кылыш керек. Жылуу сөздөр менен колдоо көрсөтүү жакшы табылга болот.
  3. Азыр бардык жерде заманга жараша негатив басымдуулук кылып калды. Жагымсыз жагдайлар үйдө эле эмес, башка жактарда деле жетиштүү. Андыктан адам иштен же башка жактан үйгө кайтып келе жатканда балдардын бактысына чөмүлүү, таза үй, даяр тамак, жагымдуу сөздөрдү, комфортту эңсеп келет. Эгер жубайлар же башка үй-бүлө мүчөлөрү бири-бирине ушундай жакшы нерселерди тартуулап турса, кайгылуу окуялар азыраак болмок.

Гүлжан Асанкожоева
koom@super.kg



Үй-бүлөдөгү чыр-чатактын өлүм менен аякташына эмне себеп?

Автор: Бекжан Рыскулов
Оператор: Сергек Шатманов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(6)
Super TV
19.03.2016. 14:39 
Тайпасы:
Жаран
Комментарийлердин саны:
228
Катталган:
12-10-2015
Соӊку аракети:
02-11-2017 23:03
Жынысы:
Белгисиз
+1
Кандай окунучтуу.
21.03.2016. 16:32 
Тайпасы:
Жаран
Комментарийлердин саны:
2
Катталган:
02-11-2015
Соӊку аракети:
12-09-2018 11:24
Жынысы:
Белгисиз
Калаасы:
Баткен.....
+1
Кудай озун сактай кор. Баарына ыйман бер...
Super TV
22.03.2016. 20:20 
Тайпасы:
Жаран
Комментарийлердин саны:
260
Катталган:
09-03-2012
Соӊку аракети:
11-10-2018 13:11
Жынысы:
Белгисиз
+1
Видеону корбодум бирок жазбай кеталбадым неге ушундай жаман окуялар акыркы убактарда коп болуп жатат
23.03.2016. 14:59 
Тайпасы:
Жаран
Комментарийлердин саны:
67
Катталган:
17-11-2015
Соӊку аракети:
20-11-2018 10:55
Жынысы:
Белгисиз
0
Ноокатта дагы ушундай окуя болуп отту,каттуу урган экен куйоо соорой ортодогу балдарга эле кыйын
24.03.2016. 13:45 
Тайпасы:
Жаран
Комментарийлердин саны:
0
Катталган:
17-02-2016
Соӊку аракети:
07-06-2018 17:36
Жынысы:
Белгисиз
+1
акыркы убакта жанылыктарды да окугум келбей калды,олтуруп кетти,тоноп кетти,зордуктап кетти ж.б.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: