Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СҮЙҮҮБҮ ЖЕ ҮЙ-БҮЛӨБҮ?

№380 12-18-февраль, 2010-ж.


Жүрөк сыры

Жүрөк өйүгөн маселесин айтууга редакциябызга баш баккан Зарина аттуу айым «мен ушуга чейин ата-энемдин, күйөөмдүн каалоосу менен жашап келиптирмин. Мындан ары минтип жашай албайм! Анткени...” деп сөз баштады. Каарманыбыздын тагдырын өз сөзү менен бердик.

“АЛА КАЧЫП, БАКТЫМДАН АДАШТЫРЫШТЫ”
– Тагдырдын сыноосу 17 жашымда эле башталды. Окууну бүткөндөн кийин кошуна айылдык бир жигит мени ала качып кетти. Ата-энем көз жашыма түтпөй, ошол эле күнү алып баса беришти. Ошол окуядан кийин тез эле борборго окууга кеттим. Максат-тилектерим аябай көп эле. Окуумду бүтүп, илим менен алектенгим келип Илимдер академиясында да иштеп жүрдүм. Ошол жылы мен Нурлан аттуу жигитке жолугуп, аны аябай жактырып калдым. Анын жердиги көлдүк, мен баткендик болчумун. Бирок биздин сүйүүбүзгө тоскоол боло турган эч нерсе жоктой көрүнчү. Ошол күндөрү мен эс алууга чыгып, туулган жериме барып келмей болдум. Кийин айылыма келгениме аябай өкүнөрүмдү билсем кана?! Келбей койсом эмне? Айылга келгенде эле чоң атамдын карындашы мени көрүп, өз баласына ылайыктап койгон тура. Мына кетем деп жаткан күнү ала качышты. Бул жолу дагы басып кетиштен тартындым. Эртең эле “кара далы болуп калды. Эмнеге эле кыйын болот?” деген сөз ээрчирин билдим. Аргасыздан тагдырыма баш ийип отуруп калдым.
Шаарда окуп калган кыздар мени тү­шүнүшсө керек. Шаарда жүрүп аң сезими өсүп калган адам менен айылдан сыртка бир кадам чыкпаган, көз карашы чектелген адам эч эле тил табыша албайт экен. Күйөөмдү карап күлөйүн дейм, күлө албайм. Сүйлөйүн деп сүйлөй албайм. Эч жүрөгүм жылыбайт. Төшөккө жаткандан заарканам. Балким, бооруна тартып жылуу сөзү менен имерип алса көнүп кетет белем, ким билсин?! Бирок ал антпеди. Ыйлай бергенимден улам ата-энем алып кетишти. Шаарга кетейин десем, апам “турмушуң бузулду. Сенин тагдырыңды ойлой берип ажалымдан мурун кайтып кетпейин. Кандай болсо да, көз алдымда бол” деп жөнөтпөй койду.
Ошол учурда Нурлан менин ажырашканымды угуп, мени күтүп жүргөнүн бир таанышымдан уктум. Бирок ага барганга акым жоктой туюлду. Качандыр бир кезде “сен мага жубан тийгенсиң?!” деп жиберсе эмне болот деп эзилдим. Экөөбүздүн ортобуздагы булактай таза сезимди булганыч сөз аралашын каалабадым. Ошол күндөрү мага кайрадан жуучу келди. Апам “кызым, мага караан болуп жанымда бол. Ушул жигит сага ылайык” деп туруп алды. Ошентип, жүрөгүмдө кенедей жылуулук жок туруп кайрадан башка адамга баш коштум.

“КАЙРАДАН КЫЙНОО”
– Турмуш өтүп жатты. Күйөөм беш маал намаз окуган такыба адам. Мен деле Кудай деген адаммын, бирок күйөөмдүн туура эмес кылыктары менин динге болгон урматымды өчүрүп салды. Күйөөм арабча билип дин эрежелерин аткарганы менен, адамдык сапаты мактанарлык эмес эле. Мээрим, жакшы сөз, сүйүү күткөн менин көкүрөгүм какыраган чөлдөй болуп какшып баратты. Аны менен кимдин иши бар? Кантейин, эки кызым үчүн жашап жүрдүм. “Элдин аялдары уул төрөйт экен. Кыздарыңдан сенден артык аял чыгат дейсиңби?” деп кулак-мээмди жей бергенинен уул төрөп берсем, балким, мамилебиз өзгөрөт деп ойлодум. Айрым бактылуу аялдардай болуп мен жөн салды да бала көтөрө алчу эмесмин. Талгак болгондо башымды көтөрө албай кусуп, тим эле адам чыдагыс абалга келип калам. Күйөөм менин бул абалымды түшүнбөй, кайрадан мээмди эзип баштады. Куру дегенде эки ай чыдап койсо, балким, уулдуу да болуп калат белек?! “Элдин аялдарындай тууй албагандан кийин барып алдырып сал!” деген сөзүнө өчөшүп, баланы алдырып салдым. Ошентип, келечекке болгон үмүтүм үзүлдү.

“12 ЖЫЛДАН КИЙИН...”
– Ошентип эзилип жүргөн күндөрүмдө тагдырдын мага боору ачыдыбы, бактым алдымдан чыга келди. Ооба, так ошондой болду. “Ош базарында” Нурлан экөөбүз капысынан кезигип калдык. Бири-бирибизди көз ирмемде тааныдык. Он эки жыл... Ушул жылдарды моюнума албасам да, Нурлан эч оюмдан чыкпаганын ошондо туйдум. Экөөбүз ал-жай сурашып кафеде отурдук.
– Кандай анан? Бактылуусуңбу?- дедим мен анын көздөрүнө тигилип.
– Бактылуубу? Ооба, бактылуумун. Балдарым бар. Баладан ашык бакыт жок го бул жашоодо... А өзүңчү? Бактылуусуңбу?
– Менби? Мен... Мен...- деп алып эле ыйлайм. Чын эле мен бактылуумунбу? Эл катары күйөөм, балдарым, үй жайым бар. Эгерде бакыт ушуну менен эле чектелип калса, анда мен бактылуудурмун. Бирок эң негизгиси, эң маанилүү нерсе жашоомдо жок болуп, карайлап турбаймынбы. Ушуну ойлоп бактылуу же бактысыз экенимди билбей ого бетер ыза болдум.
– Ыйлабачы... Нурлан мени жалооруй карап саамайымдан сылады. Мен ого бетер энесин эми көргөн жаш баладай өпкөлөп ыйладым. Баарынан ыза болгонум, он эки жыл коюнунда жатып, эки бала төрөп берген күйөөм бир да жолу көзүмө тигиле карап, көз жашымды сүртпөгөн эле. Көрсө, мен кадимки эркектин мамилесине, мээримине куса болуп жүргөн экенмин. Нурлан көзүмдүн жашын унчукпай аарчып отура берди. Анан машинасына салып үйүмө жеткирип койду.
Нурланга жолукканга чейин жөн гана жашап жүргөнүмдү түшүндүм. Эми мага аалам башкача көрүнө баштады. Узак жылдар бою эч нерсе туйбай, эч нерсе билбей тек гана энелик, аялдык милдетимди аткарып жүргөн экенмин. Мындан ары минтип жашай албасымды билип, күйөөм менен ажырашууну чечтим. Чынын айтсам, Нурлан менен деле бирге боло албасымды билип турам. Анткени анын төрт баласы, алмончоктой жары бар. Он эки жылдан кийин келип алып алардан Нурланды талашканга акым жок. Ырдап жүрөт го “пройти, хотя бы раз, по краешку твоей судьбы...” деп. Так ошондой аз гана убакытка болсо да, Нурлан менен тагдырлаш болсом дейм. Андан балалуу болгум келет. Жашоомдо өзү болбосо да, анын кичинекей бөлүгү менде жашайт эле.
Бир күнү чындап эле жиндилик кылдым. Нурланга чалып, менден балалуу болгуң келеби дедим. Ал күлүп жиберди да “надо подумать” деди. Билип турам, бул кылыгым, албетте, күнөө. Бирок жалгыз мен күнөөлүүмүнбү? Эгерде эски салт менен тагдырыма балта чаппаса, мен да бактылуу болмоктурмун. Эмне үчүн менин аз да болсо бактылуу болгонго акым жок? Мени айрымдар көпкөн аял же акылсыз жан экен деп ойлошор. Демек, алар мендей дил азабын тартышпагандар. Сүйүү бар экенин билбегендер. Жакында күйөөм менен сүйлөштүм. Кыскасы, бул чечим менин экинчи төрөлүүм болду деп ойлойм.

Нуржамал Жийдебаева
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(9)
15.02.2010. 14:26 
Тайпасы:
Жаран
Комментарийлердин саны:
53
Катталган:
23-12-2008
Соӊку аракети:
06-09-2018 09:28
Жынысы:
Белгисиз
Калаасы:
Каракол
-1
Ар бир адам бактылуу болгусу келет. Бирок жети олчоп, бир кесиш керек го дейм.
19.02.2010. 23:22 
Тайпасы:
Кыймылы жок
Комментарийлердин саны:
70
Катталган:
30-12-2007
Соӊку аракети:
15-08-2014 11:44
Жынысы:
Белгисиз
Калаасы:
..:Жалган дүйнө:..
0
Баары болот дечи турмушта. Бирок, бул бирөөнүн (редакциядагылардын эле, албетте) жазган аңгемеси экени айдан ачык болуп турат.
20.02.2010. 13:29 
Тайпасы:
Кыймылы жок
Комментарийлердин саны:
1
Катталган:
14-05-2009
Соӊку аракети:
15-02-2016 00:33
Жынысы:
Белгисиз
0
аягы жок болуп бутту мен акырына тушунбой калдым
21.02.2010. 20:35 
Тайпасы:
Кыймылы жок
Комментарийлердин саны:
17
Катталган:
18-02-2010
Соӊку аракети:
13-07-2014 21:07
Жынысы:
Белгисиз
0
Bul redakziada gazylgan angema bolgon kundo dagy,baaribir myndaj okuja turmuwta kezdewse kerek.Kyrgyzstanda ala-ka4uu sistemabyz bolbogondo balkim bul egebizdin turmuwu takyr bawka4a bolmoktur.Akyrky ubakta ala-ka4uu koptordun turmuwuna balta 4aap kelet.
23.02.2010. 03:52 
Тайпасы:
Кыймылы жок
Комментарийлердин саны:
40
Катталган:
07-07-2009
Соӊку аракети:
02-01-2014 22:55
Жынысы:
Белгисиз
Калаасы:
Evropa
0
emnesi bolso da biroonun konulu uchun dep shuro berbei osu chechim chygarysh kerek bolchu.Degi kanchanchy kylymda shashap shatabys kysdar.
Al emi eki kysynyn barkyn sesbegen kuioono emne septin oshonu aldyn debeisinbi.
24.02.2010. 10:06 
Тайпасы:
Жаран
Комментарийлердин саны:
4
Катталган:
20-02-2010
Соӊку аракети:
03-08-2017 17:04
Жынысы:
Белгисиз
0
Бактылуу болуш учун курошуш керек. Ошондуктан сенин кадырына жетпеген молдо сорой куйоон кыздарындын да баркына жетпейт. Андыктан, бакыт учун курош демекчимин жана экинчи торолушун менен чын ниетимден куттуктаймын.
22.06.2010. 01:44 
Тайпасы:
Кыймылы жок
Комментарийлердин саны:
21
Катталган:
09-05-2010
Соӊку аракети:
18-09-2010 02:27
Жынысы:
Белгисиз
Калаасы:
москва
0
чыныдыгында кайгылуу турмушка туш болуптурсун
20.03.2012. 19:15 
Тайпасы:
Жаран
Комментарийлердин саны:
102
Катталган:
08-04-2011
Соӊку аракети:
07-04-2017 23:34
Жынысы:
Белгисиз
Калаасы:
BISHKEK
0
eeeeeh jalko. jaman ele. degi. ech kim bilbeit emne boloorun
25.01.2013. 14:35 
Тайпасы:
Жаран
Комментарийлердин саны:
66
Катталган:
19-11-2012
Соӊку аракети:
13-04-2018 08:32
Жынысы:
Белгисиз
Калаасы:
новосибирск
0
Ажырашсан дагы жигитин менен мамиле тузбо тороймун андан дебе ал бактылуу экен бузба уй булосун...сага да бакыт кандай келгенин озун билбей каласын бактылуу бол
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: