Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЫЙЫК ВАЛЕНТИН КҮНҮ КЫРГЫЗДАРГА ЭМНЕСИ МЕНЕН ЫЙЫК?

№380 12-18-февраль, 2010-ж.


Дебат-клуб

Ыйык Валентин күнү же Сүйүшкөндөрдүн күнү деген майрам бизге киргенине аз гана убакыт болду. Батыштан келген мына ушул майрам биздин менталитетке туура келеби? Канчалык таасирдүү? Ушул суроону талкуулоо үчүн редакциябызга бир нече конок чакырдык.

14-февраль Ыйык Валентин күнү христианчылыкта чоң майрам болуп эсептелет. Көпчүлүк маалыматтарда бул майрам биздин замандын 3-кылымында негизделген деп айтылат. Рим императору Клавдий "эркектер үй-бүлөсүнө алаксып, аскерге баруудан баш тартышууда" деп бардыгына үйлөнүүгө тыюу салган. А бирок Валентин аттуу чиркөө кызматкери бул тыюуга каршы чыгып, өзүнүн чиркөөсүндө жашыруун нике кыюусун уланта берген. Чиркөө кызматкеринин бул жоругу билинип калганда император мындай чыккынчылыгы үчүн Валентинди 14-февралда өлтүрткөн. Ошондон баштап Валентиндин урматына 14-февраль Сүйүү күнү деп белгиленип калган.

– Санжар, сиздин “ыйман жолуна түштүм” дегениңизди угуп жүрөм. Мурун бул майрамды майрамдачу белеңиз?
– Мындан 4-5 жыл мурун Рыспек Жантөрөев “Сүйүү күнүнө карата концерт коём, кел” деп калды. Ошондо гана ушундай майрам бар экенин билдим. Билгенден кийин деле аны майрам катары кабыл алгым келген жок. Анткени майрам десе эле биздикилер ичкилик ичип жатып калышат.
Сакиш: – Койчу, ай, болбогон сөздү айтпай. Эмне, 14-февралда эле ичкилик ичип жатыптырбызбы. Бут кийим алса деле майлап ичкендер толтура. Бул күнү арак ичилет деп эле Cүйүү күнүн жамандоо туура эмес. “Келчи, бүгүн бир сүйүшөлү” деп бетибизден өөп, белегибизди берүүнүн эмнеси жаман?
Замир: – Сүйүү болгон үчүн жашоо бар. Сүйүү болгон үчүн тукум уланып жатат, туурабы? Бул күндү деле Орозо айт, Курман айт сыяктуу мамлекеттик деңгээлде мыйзамдаштырып алсак жакшы болот. Сүйүү күнүн бийик деңгээлге көтөрүүгө мамлекет жактан колдоо керек.
Чубак ажы: – "Сүйүү күнүн мыйзамдаштыруу керек" дегендин өзү дөөпөрөсчүлүк. Орозо айт, Курман айт майрамдары болгондон кийин анын запкысын көрдүңөрбү же байкадыңарбы? Кана кимиңер айта аласыңар? Албетте, эч ким. Ал эми Сүйүү күнүнөн 2-3 жума өткөндөн кийин 2-3 жумалык бойдон алдыруу көбөйөт. Булар сактанса болорун билбей боюна бүтүрүп алгандар. Ал эми билип сактангандары канча. Мыйзамдаштырып алсак, анда ачык эле жашынбай бойдон алдырабыз деп чыгышат.
Аида: – Сиз аябай аша чаап кеттиңиз. Кыз-жигиттин мындай жорукка барышы Сүйүү күнүнө гана карата болбойт да. Алар кааласа мындай ишке башка убакытта деле барышат. Ушул күнү өзүн жигитине арнагандарды сүйүү үчүн курмандыкка баргандар деп билем.
Замир: – "Кыздар бойдон алдырат" деп бул жерде кыздарды гана күнөөлөө туура эмес. Кыздын жакшы көрөрүн билип туруп жигит ошол 14-февралдан пайдаланып жатат. Ал жигиттин деле карындашы бар да, ошону ойлоп койсо жакшы болмок.
Бактарбек: – Эркектер мышыкка окшош болобуз да өзү. Кайсы кыз “мыяу” десе мыёолоп анын артынан жөнөйбүз. Ошон үчүн 14-февралда болобу же башка күнүбү, кыскасы, кыздар өздөрүнө этият болуулары керек.
Кумар: – Чын эле биздин окуу жайда 14-февралга жакын кутуча пайда болот. Ал кутучага сүйүү каттары келип түшөт. Ошол кутуча аркылуу мен жыл сайын көп кат алам. Кээ бирлери ачык эле “өзүмдү арнагым келет, сенден төрөгүм келет” деп жазышат. Эми алар, чынында, кыздык ар намысынан эчак айрылган кыздар.
– Алардын кыздык ар намысынан айрылганын кайдан билесиң? Же ошол “өзүмдү сага арнайм” деген кыздардын арзуусуна кабылдың беле?
Кумар: – Мен ал күнү бирөөнүн арзуусуна жооп бермек түгүл кутучага кат салып көргөн эмесмин. Кыргыздын кыздары качан эле ушинтип ачык айтышчу эле? Ошондон улам аларды мен кыздык ар намысынан айрылгандар деп ойлойм.
Чубак ажы: – Негизи, шариятта никесиздердин сүйүүсүнө жол берилбейт. Турмуш курардан мурун кыз менен жигит туугандары аркылуу бир гана жолу жолугууга тийиш. Жактырышса үйлөнүшөт, жактырышпаса айла жок. Ислам боюнча сүйүү аял-күйөөнүн гана ортосунда болушу шарт.
Сакиш: – Ошондой кантип болсун? Тескерисинче, бойдок кездеги сүйүү сонун да. Үйлөнгөндөн кийин аял-күйөө күнүмдүк тиричилик, бала-бакыра деп ысык сүйүүдөн алыстап кетишет.
Санжар: – "Шарият боюнча окулган нике эки жаштын ортосун ысытат" деп коёт. Тааныбай туруп деле ала качып барып анан нике кыйылгандан кийин сопсонун жашап кеткендерди көрүп эле жүрбөйбүзбү.
– Замир, буга чейин Сүйүү күнүн кантип тосуп келгенсиз?
– Мен искусство институтунда окугам. 14-февралга аз калганда биздин коридордо ар жылы кутуча илинчү. Жактырып, бирок билгизе албай жүргөндөргө кутуча көпүрө болуп берет да. Кутуча ачылчу убакытты аябай күтчүбүз. Бирибиз калбай баарыбыз чогулабыз да, анан ачабыз. Кат алгандар сүйүнөт. Баарынан кат албай калгандарга жаман болот. Ошончо элдин арасында томсоруп туруп калат. Анткени ар бир адам өзүн сулуу, сүйкүмдүү сезет да.
Сакиш: – Ий, айтпа. Андай көрүнүштү элестетким да келбейт. Баарынан мага сен бирөөнү сүйүп жатсаң, ал башканы сүйүп жатып алат го, ошол жакпайт. "Сүйүүнүн көзү сокур" деген ушул да.
– Сакиш эже, сиз сүйгөн адам сизди карабай койгон окшойт, сөзүңүзгө караганда...
– Жок, мен сүйгөн адам мени деле сүйгөн. Башкача айтканда, чыныгы сүйүүгө жолуккам. Ал да, мен да бойдок болчубуз, бирок бирге боло албадык. Анын себеби айтылбайт, өзүм менен кошо кетет.
– "Негизи, адамдын ар бир күнү майрам болуш керек. Бирок ошол күндөрдүн бирин Сүйүү күнү деп белгилеп алсак эмнеси жаман?" деген пикирлер бар, Чубак ажы.
– Кыргыздарда ансыз деле майрам көп. Пол жуугучтар майрамы, электриктер майрамы, дарыгерлер майрамы, гезитчилер майрамы дегендей. Бир жылда 365 күн бар. Кыргыздардын майрамын санап чыкса 365 күн жетпей калат. Жеткириш үчүн бир жылды 400 күн кылуу зарылчылыгы келип чыгат. Атайын мыйзамдаштырбай эле аял-күйөө ар бир күнүн майрам кылып, жакшы сөз арноо менен өткөрсө болот.
Аида: – Андай болбойт. Өзүңүз карап көрсөңүз, турмуштук маселелердин көптүгүнөн улам аял-күйөө бири-бирин эркелетишкенге убакыт таппай калышат. Ал эми бойдок кезде баарына жетишсе болот. Кыз-жигит үйлөнгүчө жолукпаш керек деп чектеп койгудай биз такыр эле динге берилген мамлекет эмеспиз да.
Сакиш: – Молдолор акылдуу болуп эле кооз сөздөрдү сүйлөй бересиңер. Бирок айткан сөзүңөр менен кылган ишиңер төп келбейт. Кудай билет, сиз ар бир күндү майрам кылып жатканыңызды.
Чубак ажы: – "Молдолордун айтканы менен кылган иши дал келбейт" деген сөздү жөн эле айта бербей, факт менен сүйлөш керек. Мындай куру сөз айтуу уят. Ал эми өзүм жөнүндө айтсам, жубайлардын бири-бирин түшүнүү менен үй-бүлөлүк жүктү чогуу тартканынын өзү майрам.
Бактарбек: – Жогоруда "сүйүү бар үчүн тукум улап келе жатабыз" деген жакшы сөз айтылды. Ошон үчүн бул саптар эсиме келип жатат:
Сен айттың "сүйүүгө ишенбе" деп,
Чын сүйүү кинолордо, дастандарда.
Эгерде менин сүйүүм жалган болсо,
Сенин да жаралганың жалган анда.
Кумар: –Жанатан бери "Сүйүү күнүн белгилөө керек, керек эмес" деген бир топ сөз айтылды. Сүйүү күнү кыргыздын менталитетине туура келбейт деп сүрүп таштоо керек эмес. Бул жаштар үчүн жакшы майрам деп айткым келет.
Чубак ажы: – Ислам шариятында Ыйык Валентин күнү майрам катары бааланбайт. Ошону менен катар жубайлардын ортосунда болсун же никесиз сүйүшкөндөрдүн ортосунда болсун майрам катары белгилөөгө тыюу салынат.
Замир: – Мен бул майрамды колдойм. Болгону, Сүйүү күнүн билгизе турган бир эле элемент бар. Ал – кутуча. Андан сырткары да бул күнгө атайын жакшы бир элемент ойлоп тапсак деп жаштарга айткым келет.
Аида: – "Сүйүү күнүндө кыздар кыздык ар намысын жигитине арнайт" деген сөз мага катуу тийди. Ошондон улам кыздарга жигитти өзүнө каратуунун 1000 жолу бар. Өзүбүздү татыктуу алып жүрөлү дегим келет.
Сакиш: – Майрамдагысы келбегендерге жакшы майрам, келгиле, чогуу тосолу демекмин.
Санжар: – Сүйүү күнү жок эле жашап келгенбиз. Эми деле жашай беребиз. Азыр чоңдор эмес, кичинекейлер дагы 14-февралда бири-бирине кат жазышат экен. 1-класста окуган балам “мен Бегай деген кызды сүйөм” деп жатат. Уят эмеспи.

"14-февраль Сүйүү күнүндө айрым жаштар бири-бирине сүйүүсүн билдирип алат" деп кубанганыбыз менен, жогоруда терс таасирлери да айтылды. Чет элден келген бул майрамды майрамдоо керекпи же жокпу аны биздин бүгүнкү коноктордун сөзүнөн улам баамдасаңыз керек.

Сүйүн Кулматова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
15.02.2010. 20:48 
Тайпасы:
Аким
Комментарийлердин саны:
10
Катталган:
24-10-2008
Соӊку аракети:
19-09-2018 23:24
Жынысы:
Белгисиз
Калаасы:
Айылда
0
Ушу биз, кыргыздар, кызык эле калкпыз да.Башка улуттарды туураганды, ошолорго окшошконду,ошолордой болгонду жактырабыз. Аныбыз биздин өң-түсүбүзгө, кыял-жоругубузга, дилибизге, салт-санаабызга туура келеби, жокпу, аны ойлоп да койбойбуз.Ошондон улам аялдар мини юбка кийүү, чачты кесүү, ашыкча боенуу, эркектер чачын өстүрүп, өрүп коюу, кулагына, мурдуна сөйкө тагуу жоруктары, анан ушул Валентин к
15.02.2010. 20:49 
Тайпасы:
Аким
Комментарийлердин саны:
10
Катталган:
24-10-2008
Соӊку аракети:
19-09-2018 23:24
Жынысы:
Белгисиз
Калаасы:
Айылда
0
Калганы кана???
16.02.2010. 11:52 
Тайпасы:
Жаран
Комментарийлердин саны:
5
Катталган:
06-10-2009
Соӊку аракети:
17-09-2018 13:45
Жынысы:
Белгисиз
Калаасы:
Бишкек
0
Эмнеге уят болуш керек? То, что не можете себе позволить каждый день, т.е. признаваться в Любви или дарить подарки, то хотя бы радуйтесь, что есть такой День Любви - Святого Валентина! Некоторые даже в такой праздничный день не могут себе позволить высказаться!
16.02.2010. 14:59 
Тайпасы:
Кыймылы жок
Комментарийлердин саны:
13
Катталган:
14-02-2010
Соӊку аракети:
08-11-2014 12:27
Жынысы:
Белгисиз
Калаасы:
Ош
0
ар нерсенин жолу бар, чеги бар жолу менен майрамдаса болот демекчимин.
18.02.2010. 15:08 
Тайпасы:
Кыймылы жок
Комментарийлердин саны:
12
Катталган:
26-02-2007
Соӊку аракети:
23-02-2013 15:18
Жынысы:
Белгисиз
Калаасы:
Бишкек шаары
0
Мамлекеттик деңгээлде майрамдалыш керек деп атат го бирөө? Эми ушул кудайга жагабы. Сүйүктүүң менен болгон сүйүүнү бир күн менен чектегенге болбойт го. Ар күнү сүйүшүш керек! Анан эле христиандардын салтын кылып 14-февралды майрам күнү кылып, түбөлүк сүйүүбүздүн узактыгын бир күнгө түшүрүп салсак болм
20.02.2010. 08:45 
Тайпасы:
Жаран
Комментарийлердин саны:
5
Катталган:
26-06-2009
Соӊку аракети:
20-09-2018 22:06
Жынысы:
Белгисиз
Калаасы:
USA.
0
Болбогон нерсе.Деги эле Кыргыз элине,мусулмандарга туура келбейт.Замир деген бул каапырлардын күнүн улуу майрамдарга теңеп тыштаптыр идиот.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: