Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

10 ЖЫЛДАН КИЙИН КАЙСЫ КЕСИПТЕР КИРЕШЕЛҮҮ БОЛОТ?

№700 01-апрель-07-апрель, 2016-ж


Учурда Кыргызстанда суроо-талап жогору жумуштар болуп алдыңкы үчтүктө тигүүчү, ашпозчу, айдоочу турат. Ал эми келечекте кайсы кесиптер актуалдуу болот?

КЕЛЕЧЕКТЕ ӨТҮМДҮҮ КЕСИПТЕР

Инженер
Кыргызстанда жол куруу, кен казуу, энергетика, айыл чарба өндүрүшүндөгү, темир жол инженерлери бааланат. Учурда айлык акылары 25 000-50 000 сомдун тегерегинде.

IT кесиби
Бул таң калычтуу деле эмес, компьютер биздин жашообузга терең кирди. Андыктан маалыматтык технологиялар жана байланыш боюнча адистиктер актуалдуу. Азыр бул кесипти аркалагандар 100 000 сомго чейин маяна алышат.

Маркетолог
Рынок бар жерде сатып алуучунун суроо-талабы, товардын өтүмдүүлүгү иликтөөгө алынат. Учурда айлык 50 000 сомдун тегерегинде.

Тейлөө кызматкерлери
Тейлөө кызматкерлерине тигүүчү, айдоочу, ашпозчу, официант, газ-электр ширетүүчү, чачтарач, электромонтажчы, тракторист сыяктуу кесип ээлери кирет. Бул жумуш ээлери иштегендерине жараша айына 20 000-50 000 сомдун айланасында табышат.

Медик
Адамдын саламаттыгына байланышкан кесиптер эч качан жоголбойт. Маянасы 20 000 сомдун айланасында.

Химик
Химия жаатына байланыштуу кесиптер биринчи кезекте энергетиканын альтернативдүү булактарын өнүктүрүүдө керектүү. Ушул тапта 20 000 сомдун айланасында маяна алышат.

Эколог
Жаратылышты коргоо дүйнө жүзү боюнча глобалдуу. Учурдагы айлыгы 15 000 сомдон ашат.

Мугалим
Мугалим – мөмөлүү дарак. Билим алуу бүтүндөй дүйнө элинин суроо-талабы. Бул кесип эч качан өлбөйт. Учурда мугалимдер ставкасына жараша 5000-15 000 сомго чейин маяна алышат.

Мал доктур
Азыр бааланбаганы менен, келечекте мал доктурлар талашка түшөт дешүүдө. Анын үстүнө кыргыз этсиз жашай албайт эмеспи. Элди сапаттуу эт менен камсыз кылуу үчүн сөзсүз мал доктурлар керек. Учурда айлык акы 15 000 сомдон жогору.

Унаа устасы
Чет өлкөдө унааны роботтор оңдойт. Бирок бул кесип бизде жок дегенде дагы 15-20 жыл актуалдуулугун жоготпойт. Азыр 20 000 сомдон жогору табышат.

Ширетүүчү
Мисалы, ар кандай курулуш объекттери, машина, көпүрөлөр ширетүүчүсүз бүтпөйт. Ширетүүчүлөрдүн айлыгы 20 000-30 000 сомдун тегерегинде.

АЛДЫДАГЫ 10 ЖЫЛДА ОРДУН ЖОГОТЧУ КЕСИПТЕР

Кассир
Өнүккөн өлкөлөрдө соода түйүндөрүндө адам кассирлердин ордуна робот кассирлер пайда болгон. Мисалы, мындай дүкөн Англияда биринчи жолу 2009-жылы орун алып, азыр ар бир бешинчи дүкөн электрондук касса менен иштейт.

Конвейер
Конвейер болуп иштегендердин ордун техниканын өнүгүшү менен машинкалар басат. Машинкалардын бузулуп калганын эсепке албаганда ишине так жана эффективдүү десек болот.

Турагент
Дүйнөлүк бир нече агенттиктердин 2013-жылкы сурамжылоосунда эс алууну каалагандардын 62 пайызы саякаттоо үчүн планды өз алдынча түзүп, авиабилеттерди сатып алары маалым болгон. Интернеттин жайылышы бул кесипти да жокко чыгарарына аз убакыт калды.

Почточу
Учурда элдин көбү электрондук почта аркылуу кабарлашып калышты.

Кара жумушчу

Дүйнөлүк божомолдордо майда чарбалар биригип, чоң-чоң чарбалар пайда болот. Анан ал жерге азыркыдай көп жумушчунун кереги жок болуп, бардык жумушту техника аткарып калат.

Китепканачы
Азыр мектеп окуучулары да интернеттен сабакка даярданып калган учур. Бара-бара китепканачы деген да жумуш жоголот дешет.

«ЖОЛ КАЙГУУЛЧУЛАР ЖОК БОЛОТ»
Кыргызстанда, АКШнын белгилүү окуу жайларында билим алып, чет өлкөлөрдө эмгектенген, учурда Ысык-Ата районундагы «Кейин» бизнес жана илимдер институтунда мугалим болуп иштеп жаткан профессор Аскар Мамбеталиев абитуриенттерге кесип тандоо жагынан кеңеш берип, атайын тренингдерди өткөрүп келет.
– Кесип рыногунда дагы 20-30 жыл өчпөй турган кесиптерди тандоо керек. Бизде ксерокопия менен иштегендер бар. Америкада булардын баары карточка менен жүргүзүлөт. МАИ кызматкерлери да жакында жумушсуз калышат. 2000-жылы Германияга барып машинамды саатына 160 чакырым ылдамдык менен айдап жүрө бериптирмин, ал видеого тартылып калып, оңбогондой айып пул төлөп кутулгам. Слесарь-механик сыяктуу кесиптер да актуалдуулугун жоготот. Европада машинаны сырдоо, дөңгөлөгүн алмаштыруу сыяктуу жумуштарды роботтор кылат. Пол жуугучтар да бара-бара жумушсуз калат, Америкада кычыктарынан бери тазалап жууп койчу аппараттар бар. Көптөгөн жумуштар техниканын өнүккөнүнө байланыштуу азайды, анын жакшы жактары адамдын ишин жеңилдетет, анан ыңгайлуу. Жаман жагы: Биринчиден эл жумушсуз калат, Экинчиден кайда, ким менен, эмне кылып жүргөнүңдүн баары көрүнүп, эркиндигиң чектелет.
Абитуриенттер социология, технология жаатындагы кесиптерди, бизнес-менеджмент адистигин жана дарыгер, мугалим болушса келечекте утулушпайт.

КЕРЕКТЕН ЧЫГЫП КАЛГАН КЕСИПТЕР

Телефонист
19-кылымдын аягында акча төлөөчү телефон линиялары пайда болгон. Телефонист катары алгач өспүрүм уландар алынган. Алар телефондон ар кандай тамашаларды уюштурганы үчүн ал жумушка жалаң аялдар алынып, 2 телефонду коммутатор аркылуу байланыштыргандар 1980-жылдары автоматтык телефон станциянын пайда болушу менен жумуштарын жоготушкан.

Ойготкуч
Ойготкуч кесиби англис тилинде knocker-up деп аталган. Бул кесип Англия, Ирландия өлкөлөрүндө бир топ убакыт өкүм сүргөн. Ойготкучтар эртең менен узун таяк менен үйдүн терезелерин ургулап жашоочуларды жумушка чакырган. Ойготкучтун ордун азыркы коңгуроосу бар сааттар ээлеп алган.

Лектор
Лектор десе билим берүү жайларда лекция окуган адамды элестетебиз. 20-кылымдын башында лекторлор фабрикада иштегендерге гезит-журналдарды окуп берүүчү милдетти аткарышкан. Бул кесипти радио сүрүп чыккан.

Фонарь жагуучу
Электр энергиясы менен иштеген фонарь пайда болгонго чейин шаарларда фонарды ширеңке менен күйгүзчү. Мисалы, Нью-Йоркто бир адам бир саатта 300 фонарь күйгүзчү.

«СУПЕРДИН» СУРАК БУРЧУ
КАЙСЫ КЕСИПТИ ТАНДАЙСЫҢ, АЛ КЕСИП СЕНИ БАГАРЫНА ИШЕНЕСИҢБИ?

АЙНАЗ ГАПЫРОВА, БАТКЕН, МЕКТЕП БҮТҮРҮҮЧҮСҮ:
– Мен келечекте мугалим болууну самайм. Билимдүү-илимдүү балдарды тарбиялап чыккым келет. Албетте, мугалимдик кесип адам баласы билимге умтулган заманда эч качан өлбөйт, андыктан жанымды багып кете алам.

ТУРАР ИШЕНБЕК УУЛУ, ЫСЫК-КӨЛ, МЕКТЕП БҮТҮРҮҮЧҮСҮ:
– Кыргыз улуттук агрардык университетине тапшырганы жатам. Ойлонуп көрсөм, өзүм ошол жаатта шыктуу экем. Кыргызстан дыйкан, мал чарбага ылайыктуу жер болгондуктан, келечекте жумушсуз калбайм деп ойлойм.

ШИРИН БОЛОТБЕКОВА, НАРЫН, МЕКТЕП БҮТҮРҮҮЧҮСҮ:
– Азыркы учурда өлкөбүз жогорку квалификациялуу мугалимдерге муктаж. Өзүм англис тилин жакшы көргөндүктөн, чет тилдеринен мугалим болууну каалайм. Бул кесип өлбөс кесип, ошондуктан өзүмдү жана үй-бүлөмдү каржыласам болот.

КАНЫКЕЙ АБДРАХМАНОВА, ЖАЛАЛ-АБАД, МЕКТЕП БҮТҮРҮҮЧҮСҮ:
– Мен Медициналык академияга тапшырам. Келечекте кесипкөй дарыгер болгум келет. Адам өмүрүн сактап калган бул кесиптин келечеги кең. Келечекте кесибим менен нан таап, жакшы жашап кетериме ишенем.

ЖУМАКАН КАСЫМЖАН КЫЗЫ, ОШ, МЕКТЕП БҮТҮРҮҮЧҮСҮ:
– Мен Кыргызстанды улуттук кийимдер менен дүйнө элдерине тааныткан мыкты дизайнер болгум келет. Ийгилик сага барбайт, сен ага барасың, ошондуктан ийгиликти көздөй аракет кылам. Бул кесип мени багарына ишенем.

ЭРМЕК ЧАБАЛИЕВ, ЧҮЙ, МЕКТЕП БҮТҮРҮҮЧҮСҮ:
– Мен 18 жашка чейинкилер арасындагы футбол боюнча Кыргызстандын курама командасында ойнойм. Дене тарбия институтуна тапшырам жана кыргыз футболуна салым кошкум келет.

АЙГЕРИМ ЭСТЕБЕСОВА, ТАЛАС, МЕКТЕП БҮТҮРҮҮЧҮСҮ:
– Мен келечекте журналист болгум келет. Жалпы республикалык тесттин жыйынтыгына ишенип жатам. Журналисттик кесип эч качан өлбөсө керек жана да маянасы жакшы эле деп ишенем.

Сүйүн Кулматова
kenesh@super.kg



Кайсы кесиптер актуалдуулугун жоготпойт?

Автор: Элнура Ташбаева
Оператор: Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(8)
04.04.2016. 11:51 
Тайпасы:
Жаран
Комментарийлердин саны:
26
Катталган:
27-04-2013
Соӊку аракети:
19-10-2018 09:42
Жынысы:
Белгисиз
+5
Дагы деле байкуш мугалимдердин эмгек акысы аз. Бирок билгенге булардын эмгеги ото жогору
04.04.2016. 12:34 
Тайпасы:
Жаран
Комментарийлердин саны:
83
Катталган:
24-08-2012
Соӊку аракети:
11-11-2018 23:07
Жынысы:
Белгисиз
0
mamashovich88, бирок мугалимдердин иш убактысы аз болгондугу учун аз айлык алса керек деп ойлойм...
04.04.2016. 16:18 
Тайпасы:
Жаран
Комментарийлердин саны:
256
Катталган:
28-09-2015
Соӊку аракети:
25-10-2018 11:01
Жынысы:
Белгисиз
Калаасы:
Бишкек
0
урматтуулар, Америкадагы жарыкты куйгузгон кесип бар болгонун да жок болгонун да биз билбейбиз да. Теманы ачкан сон эмнеге кыргыздардын тарыхындагы жумуштар айтылбайт. Тарыхка карап келечекти пландоо керек го. Бизде кандай жумуштар болду эле, откондо футбол куйорман кыздар бейсболка киет деп да чет олкодон алынган эле. Бизде мисалы оймо чийме кылган аялдар жок болуп баратат. Эгер чапкан эркектер аз.Тактекени айтпайле коеюн. Ушерде тактеке деген эмне экенин унутту Эмне учун кошо кеткенге болбойт?
04.04.2016. 21:35 
Тайпасы:
Жаран
Комментарийлердин саны:
55
Катталган:
27-03-2015
Соӊку аракети:
04-10-2018 12:59
Жынысы:
Белгисиз
+2
Komrad,
Балдарынызга айтып кордунузбу Ээр чапкан уста бол деп?Ээр чабуу, оймо чийме жасоо бул мектептен уйротулуучу эмгек сабагы.Чонойгондо билип журуучу кошумча онор деп койсок болот.Жылда эле ар ким кечтесин же атынын, эшегинин ээрин жанылай бербейтта.кимге сатып жан багат?
Super TV
04.04.2016. 22:50 
Тайпасы:
Кыймылы жок
Комментарийлердин саны:
191
Катталган:
14-01-2015
Соӊку аракети:
24-05-2016 01:43
Жынысы:
Белгисиз
Калаасы:
Ордолуу Ош шаары
0
Ооба азыркы кезде престижный деп Экономика, Юрист тармактарына ж.а тил жаатында коп окушат. Бирок жумуш жок аны билет. Мен да Экономика жаатында окудум алган маянабыз эчтекеге жетпейт.
Ойлоп калам кээде сварщик, ТОО кен, же болбосо повор жаатында билим алсам болмок экем деп. Анткени булар ар кайсы жерде талап кылынуучу кесиптер экен.
Бир жерден укканым бар таш ыргытса Экономистер мн юристердин башына тиет дегенин. Ойлоп койдум ушул соз чын эле айтылган го деп.
08.04.2016. 14:32 
Тайпасы:
Жаран
Комментарийлердин саны:
16
Катталган:
20-01-2016
Соӊку аракети:
30-01-2018 12:52
Жынысы:
Белгисиз
0
Негизи окууга тапшырып жатканда Козунду чон ачып,озуно жаккан,жан дуйноно топ келген,ошол эле учурда келечеги бар кесипти тандаш керек экен,Мен ойлоптурмун 1курс кезимде,а дагы мен 5курсту буткончо Замандын талабы озгоруп,менин кесибим пристиждуу болуп калаар деп,бирок ал да бат эле экен,окуунду деле коз аып жумгуча бутот экенсин!Учурунда ата энем мед колледжге тапшырып ал десе,мен намыстанып,мен деген жогорку билим алышым керек дедим эле,бирок менин мед тармагына дегеле жан дуйном тартпайт
08.04.2016. 14:40 
Тайпасы:
Жаран
Комментарийлердин саны:
16
Катталган:
20-01-2016
Соӊку аракети:
30-01-2018 12:52
Жынысы:
Белгисиз
0
Бирок медик болсон талаада калбайсын,жумуш табылат,айлык маянасы да аз эмес,жок дегенде тороп уйдо олтуруп калсан деле оз уй булоонду даарылай бересин!Негизи ар бир кесип ардактуу деп айтат элем,Албетте кесибинди мыкты денгээлде билсен!жана тын болуш керек,тил билиш керек!Мени учурунда окууну бутуп жатканда,мугалимдер журналисткага тапшыр дешти эле.бирок апам нан таап жей турган окууну окуш керек деди эле,бирок кесибин журналист болбосо да,акыркы барып ошол тармака аралашып,радиолордун биринде,
08.04.2016. 14:42 
Тайпасы:
Жаран
Комментарийлердин саны:
16
Катталган:
20-01-2016
Соӊку аракети:
30-01-2018 12:52
Жынысы:
Белгисиз
0
Студент болуп жургонумдо нан таап,ошол маянам менен эле жан багып журдум!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: