Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МИНИСТРДИН КАНЫНЫН АНАЛИЗИ АР ТҮРДҮҮ ЧЫКТЫ. ЭЛ ДАРТТЫ АНЫКТОО ЛАБОРАТОРИЯЛАРЫНЫН КАЙСЫНЫСЫНА ИШЕНЕТ?

№702 15-апрель-21-апрель, 2016-ж


Жакында эле кан анализин бир нече лабораторияда текшерткен саламаттыкты сактоо министри колуна түрдүү жыйынтыктарды алды. Бул кадамга министр лабораториялардын тейлөөсүн жакшыртуу, жоопкерчилигин билүү максатында барганын билдирди. Ал эми карапайым калк болсо мурдатан бери эле медицина жаатындагы бул көйгөйлөргө кабылып келет. Эл кимге ишенет? Бул көйгөйдү министрлик жөнгө сала албайбы? Алдыда ушул жана башка суроолорго жооп издейбиз.

«ЖЕКЕ ЛАБОРАТОРИЯЛАРДЫ ТЕКШЕРҮҮГӨ УКУГУБУЗ ЖОК»
Биз алгач саламаттыкты сактоо министри Талантбек Батыралиевге жолугуп, окуяны өз оозунан уктук:
– Өткөн жылы биздин министрлик 100 оорулууну Түркияга квота боюнча жөнөтүп жатканда 2 маселеге туш болдук. Биринчиси – көп тестирлөө ыкмалары Кыргызстанда жок экен. Биздин жарандардын көпчүлүгү, айрыкча бөйрөгү ооругандар кошуна Казакстанга барып тестирлөөдөн өтүп, көп каражат коротушат. Экинчиси – айрым жыйынтыктар туура эмес чыгат. Мисалы, өзүмдүн эле таанышым бул жактан тестирлөөдөн өтүп, чет мамлекеттен дарыланууга көп каражат коротуп барып текшерилсе, оорулуу эмес болуп чыгат.
Мыйзам боюнча биздеги жеке менчик лабораториялар, клиникалар атайын ишкер деген категорияга кирип калып, Саламаттыкты сактоо министрлигинен лицензия алышат, бирок биздин аларды текшерүүгө укугубуз жок. Эгер бирөөлөр даттанып келишсе, биз менчик клиникаларга 10 күн мурун алдын ала «даярданып тургула, биз силерди 10 күндөн кийин текшеребиз» дегендей кат жөнөтүшүбүз керек. Бул мыйзам туура эле, ишкерлерди кайра-кайра текшерүүгө ала берген болбойт, бирок бир чети жеке лабораториялар же клиникалар каалагандай иш алып барып жаткандары тууралуу жарандарыбыз доомат менен кайрылышат. Ошол себептен мен өзүм текшерип көрөйүн деп канымды тапшырып, 5 мамлекеттик жана 5 менчик лабораторияга аты-жөнүмдү жазбай жөнөттүк. Жалпылап айтканда, алардын жыйынтыктары окшош эле болду, бирок үчөөсүнүн жыйынтыгында карама-каршы айырмачылыктар чыкты. Мисалы, алардын бири «каныңда кант көп», экинчиси «богок менен ооруйсуң», үчүнчүсү «бооруң ооруйт» деген жыйынтык чыгарышты. Мындай жыйынтыктан кийин аркасынан көп анализден өтүш керек болот. Негизинен ар бир лабораториянын көрсөткүчтөрү 100 пайыз бирдей болбойт. Бирок дүйнөлүк стандартта ар бир лабораториянын жыйынтыгындагы айырмачылыктар 10-15 пайыздан ашпаш керек.
Ар ким эле акчасы болсо лицензия алып лаборатория ачып өзү билгендей иштебеши керек. Анткени бул ашкана, фабрика же айыл чарба тармагы эмес, бул элибиздин ден соолугу.

«КИМГЕ ИШЕНЕРИМДИ БИЛБЕЙ КАЛДЫМ»
Анализи ар түрдүү чыгып жаткандардын бири Нурбек Каналбек уулу өз башынан өткөн окуяны төмөндөгүдөй баяндап берди:
– Былтыр күздө бөйрөгүм ооруганынан Таластагы жеке менчик дартты аныктоо борборуна барып урологго текшерилдим. Кан тапшырып, тестирлөөдөн өткөргөн соң «оң бөйрөктө шишик бар экен» деди. Бир сыйра дарылансам басылып калган. 1-2 ай өтпөй кайра ооруп баштады. Анан Бишкекке келип Мамбет Мамакеев атындагы Улуттук хирургия борборуна текшерилсем «сол бөйрөгүңдө шишик бар» дешти. «Таластан оң бөйрөктө дешти го» десем, «анда бул жакка барсаң так аныктап беришет» деп бир жеке менчик клиникага жиберишти. Ал жакка барсам канды текшерүү эле 3 миң сом экен. Алар «оң бөйрөгүңдө» дешти. Андан соң Республикалык дартты аныктоо борборуна келип текшерүүдөн өтсөм «шишик сол бөйрөгүңдө» дешти. Эми булардын кимисине ишенеримди билбей башым каткан учурум. Ары-бери чуркап убактым дагы, акчам дагы короп жатат.



«10 МИҢ СОМГО АЛДАП КЕТИШТИ»
Биз Республикалык дартты аныктоо борборуна барып, ал жерден Юлия Сайлоубаева аттуу Казакстандын жаранына жолугуп калдык. Ал билбестиктин айынан жеке менчик дарт аныктоо борборлорунун бирине барып текшерилип, алданып калгандыгын айтып өттү:
– Былтыр август айында Бишкекке келип, Жал кичи районундагы балдар ооруканасына кызымды дарылатып кеткен элем. Дарыгерлердин мамилеси, кыргыз элинин меймандостугу жаккан. Менин бетимдин териси да бузулуп кеткен. Казакстандагы дарыгерлерге кайрылсам аллергия дешип, 3 жыл дарылансам да айыкпай койгон. Бишкекке келип текшертип кетүүнү туура көрүп, быйыл дагы келгенбиз. Республикалык дартты аныктоо борборунун жанынан аялдар жолугуп, колубузга 1 баракча карматышып, анан бизди «бул жакта жаман дарылашат, башка жакта жакшы жеке клиника бар» деп бир көп кабаттуу үйдүн алдына жайгашкан кеңсеге ээрчитип барышты. Ал жактан текшерүүдөн өтсөм жыйынтыгында «грыжаң бар экен, бетиңдин терисинин оорусу күчөп кетиши мүмкүн» деп толтура дарыларды жазып беришкенинен 10 миң сомго дары сатып алдык. Кайра Республикалык дартты аныктоо борборуна келсем жакшы кабыл алышып, дартымды туура аныктап беришти. Көрсө, менин бетим бет кенеси деген оору менен жабыркайт экен.



«ШЫЛУУНДАРДЫ ТЫЯ АЛБАЙ ЖАТАБЫЗ»
Республикалык дартты аныктоо борборунун бөлүм башчысы Өмүрбек Дүйшөмбиев жогорудагы каарманыбызга окшоп шылуундардын кылтагына илингендер көп экенин айтат:
– Биздин борбордон текшерүүдөн өтүш үчүн республиканын булуң-бурчунан, коңшу өлкөдөн жарандар келишет. Эшиктин алдында колуна баракчаларды кармап жүргөн кишилер дартын аныктоого келе жаткандарды кирери менен эле колунан кармап, «бул жактын аппараттары эскирген» деп өздөрүнүн кеңсесине жетелеп кетет экен. Өздөрүнүн компьютерине жөн эле 2 зымды туташтырып кардарларынын колуна байлап, «сен грыжа экенсиң, бөйрөгүң ооруйт экен» деген сыяктуу толтура ооруларды жазып берип, кайра аларга өздөрүнүн дарыларын кымбат сатышат.
Былтыр мындай бир окуя болгон. Таластан бир кишини кызы бул жакка алып келе жатса, эшиктин алдынан тигилер тосуп алып кетишет да, текшерип бүтүшкөн соң «сенин ичеги-карыныңда курт бар экен» деп 8 миң сомго дары сатышыптыр. «Ушул дарыны ичип үйдө жата бергиле, анан 10 күндөн кийин кайра бул жакка келгиле» деп коюшуптур. Ал киши ишенип дарыны ичип жата берет. Көп узабай боору чоңоюп, көздөрү саргарып кеткенинен ооруканага барышса сарык болуп чыгат. Анан жандандыруу бөлүмүнө жатып калыптыр. Кызы келип тигилерди издеп жүргөн. Ал эми атасы эмне болгонун билбейм.
Ал кишилер, мындайча айтканда, элдин ден соолугу менен ойногон шылуундар да. Дипломдору да жок. Бул көрүнүштү кантип токтотуп, кандай чара көрөрүбүздү да билбей калдык. Атайын эшиктин алдына «шылуундарга ишенбегиле» деп да эскертүү жазып койдук. Эшиктин алдына видео көзөмөл да койдук. Ал жактан баары көрүнөт да, кишилер алыстан келатканда эле сүйрөп кетип жатышат. Биздин жетекчилик деле бул боюнча көп жерлерге кайрылды. Милиция кызматкерлери келип кубалашса да кетишпейт.

«АК ХАЛАТЧАНДАРГА» АЛДАНГАНДАР КӨП
Биз андан соң Республикалык дартты аныктоо борборунун алдында турушкан жеке менчик лабораториялардын «жарнама бөлүмүнүн кызматкерлерине» жолуктук. Биздин журналист экенибизди билбеген алардын бири ымандай сырын ачты. "Текшерүүдөн өтүү акысы 1000-1200 сом. Кардар ээрчитип барган киши ошол акчанын 30 пайызын, андан тышкары эгер кардар дары-дармек сатып алса анын 20 пайызын алабыз" дешти. Андан соң калп эле кардар болуп койсок, бир аял бизди Киев жана Совет көчөлөрүнүн кесилишиндеги көп кабаттуу үйлөрдүн бирине кычык-пычык аркылуу ээрчитип барды. Тилекке каршы, ал жакта иштеп жатышкан «ак халатчандар» биздин фотоаппарат менен камерабызды көргөндө эшигин бекитип, ачпай коюшту.
Мына, окурман, учурдагы медицина жаатынын абалы ушундай баш аламан. Дартын аныктоодо кимисине ишенерин карапайым калк эмес, министр өзү да билбей, аң-таң. Ал эми өзүм билемдик менен иш алып барып жаткан жеке менчик медициналык борборлорду көзөмөлгө ала албаган өкмөттө күнөөбү же шылуундарга алданып жаткан өзүбүздө күнөөбү? Жеке менчик медициналык клиникалардын көпчүлүгү бийликте отургандардын бизнеси экени жашыруун эмес. Андыктан министрдин изги тилеги ишке ашар бекен?..

МААЛЫМАТ ҮЧҮН

  • Учурда Кыргызстанда 300дөй клиникалык-диагностикалык лаборатория бар. Мунун 67си жеке менчик. Алардын ичинен 80дейи Бишкек шаарында жайгашкан.
  • Статистикага таянсак, Кыргызстанда жыл сайын 10,7 миллионго жакын медициналык анализ жүргүзүлөт.
  • Кыргызстандагы диагностикалык борборлордун тейлөө акысы 50 сомдон 65 000 сомго чейин барат.
  • Кан анализдерин алуу иштерине өлкө казынасынан жылына 3,2 миллион АКШ доллар каражат бөлүнөт.

Асхат Субанбеков
koom@super.kg



Дени сак адамдарды оорулуу кылган лабораториялардын кайсынысына ишенүүгө болот?

Автор: Максат Орозумбетов
Оператор: Сергек Шатманов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(38)
Медиа-портал
16.04.2016. 00:48 
Тайпасы:
Жаран
Комментарийлердин саны:
19
Катталган:
08-07-2013
Соӊку аракети:
16-07-2018 03:10
Жынысы:
Белгисиз
+10
Урматту кыргыз элим.Интермедикал деген мед центрге жолобогула.Мага узи кылып срочно бугундон калбай операцияга жатышын керек киста бар деди эле.Кудайга шугур кистасы жок эле аман эсн журом.
Медиа-портал
20.04.2016. 13:03 
Тайпасы:
Жаран
Комментарийлердин саны:
56
Катталган:
14-02-2016
Соӊку аракети:
20-11-2018 23:06
Жынысы:
Белгисиз
+1
vangolu,мени дагы ошентишкен да башка узиге тушсом кистасы жок эле бир эле жакшына экем
Медиа-портал
16.04.2016. 12:33 
Тайпасы:
Жаран
Комментарийлердин саны:
28
Катталган:
01-11-2011
Соӊку аракети:
12-09-2018 14:46
Жынысы:
Белгисиз
Калаасы:
бишкек
+4
биздин бир эжекебизге гинеколог гепатит с жугузуп салган(((( эжеси жок калдык. канча жанталашып чуркап журду(((
18.04.2016. 09:49 
Тайпасы:
Жаран
Комментарийлердин саны:
75
Катталган:
22-04-2015
Соӊку аракети:
02-01-2017 07:01
Жынысы:
Белгисиз
+7
Дарттын диагнозун туура эмес коюшуп туура эмес дарыларды жазып беришет.
Туура эмес дарыланып оорубаган жерлеринди оорутасын.
Бизде врачтарга ишенуу мен учун абдан кыйын.
услуганы ар бир врач озу каалаган бааны коюп акча алат,
атайымамлекеттен кайсы ооруну канча сомго дарыланар тарифи менен чыккан баасы болуш керек да, бул озум билем отугумду торго илем дегендик
22.04.2016. 21:14 
Тайпасы:
Кыймылы жок
Комментарийлердин саны:
410
Катталган:
03-03-2016
Соӊку аракети:
10-06-2016 16:28
Жынысы:
Белгисиз
Калаасы:
Нарын, Атбашы
0
Министрликтен атайын белгиленген баа менен приакзы бар. Ар бир эшикте илинип турат. Менин кабинетимде кире беришке илип койгом.
Бирок баары бекер болуш керек деген ойдон да алыс болуш керек. Врачтын да уйбулосу бала чакасы бар. Ыраазы болуп корсоткон жардамына жараша акча толоп койсо, эки тарап тен жакшы ойдо калышат.
23.04.2016. 14:17 
Тайпасы:
Жаран
Комментарийлердин саны:
38
Катталган:
05-02-2016
Соӊку аракети:
06-10-2018 09:57
Жынысы:
Белгисиз
Калаасы:
МСК
0
Rifle_3, Эхх ошол алган акчасына жараша туура, так диагноз коюп дарыласа кана эми. Акчаны берип эле жатабыз жыйынтык жок! Жакында досумдун апасы Кр боорун текшертип туура эмес дарыланып журуптур. РФ келип башынан текшеруудон отсо такыр башка болуп чыкты. Ушундайга эмне дейстер эми!?
24.04.2016. 15:05 
Тайпасы:
Кыймылы жок
Комментарийлердин саны:
410
Катталган:
03-03-2016
Соӊку аракети:
10-06-2016 16:28
Жынысы:
Белгисиз
Калаасы:
Нарын, Атбашы
0
Кудай сактасын , беш кол тен эмес. Менде промах боло элек, Кудай буйруса болбой эле койсун.

кээ бир учурда бир оруу биринчи аныкталып, аны дарылатып журуп, бир канча убакыттан кийин экинчи оруусу аныкталып калган учурлар да болот.
18.04.2016. 10:35 
Тайпасы:
Жаран
Комментарийлердин саны:
64
Катталган:
12-12-2015
Соӊку аракети:
16-11-2018 03:11
Жынысы:
Белгисиз
Калаасы:
Кыргыз жерим!
+11
Азыр лабор-р коп,бирок акчасы да кымбат.Акчасын козомолго алышса.Анализ туура эмес чыккандарга акчасын кайтарып беришсин.Карапайым калкты кыйнабай.
18.04.2016. 12:00 
Тайпасы:
Жаран
Комментарийлердин саны:
102
Катталган:
12-03-2014
Соӊку аракети:
23-06-2018 01:09
Жынысы:
Белгисиз
+6
gulkar,ошо да умуттонуп ушуларга барасын, анализим кандай чыгаар экен деп, очойгон акчаны алып алып булары алдайт, карапайым элдерге эле кыйын болду го.
22.04.2016. 21:11 
Тайпасы:
Кыймылы жок
Комментарийлердин саны:
410
Катталган:
03-03-2016
Соӊку аракети:
10-06-2016 16:28
Жынысы:
Белгисиз
Калаасы:
Нарын, Атбашы
+1
gulkar, тийиштуу органдарга арыз жазып кайрылыш керек. Кадимки товар алып , ал брак болуп калып , акчасын кайтарып алгандай эле.
18.04.2016. 12:21 
Тайпасы:
Кыймылы жок
Комментарийлердин саны:
8
Катталган:
18-10-2015
Соӊку аракети:
02-05-2016 10:20
Жынысы:
Белгисиз
+10
Азыр кимге ишенээринди билбейсин!! Мындан 2-3жыл Бишкектин эле беделдуу лабораториялары гепатиттин оор туру деп анализ чыгарып беришкен кайра мам.к ооруканадан таза чыкты неге алдашат тушунуксуз
18.04.2016. 12:56 
Тайпасы:
Жаран
Комментарийлердин саны:
19
Катталган:
07-12-2013
Соӊку аракети:
16-01-2018 12:01
Жынысы:
Белгисиз
Калаасы:
Бишкек
+4
Эптеп акча тапмай болуп калды го,менин кызым торолоордо контрольный узиге тушсом баланын омурткасында дефект бар деп канча нерв кетип,эртеси кайра тушсом баары жайында дейт башка узиде азыр кызым чуркап эле журот,билимсиздер отурат частныйларда,бирок так айткандары да бар
18.04.2016. 14:35 
Тайпасы:
Кыймылы жок
Комментарийлердин саны:
36
Катталган:
12-04-2016
Соӊку аракети:
25-05-2016 18:21
Жынысы:
Белгисиз
+12
ооруканага 1жерин ооруп барсан 100 жеринди оорулуу кылат ошондуктан ооруну алдын алып жеке гигиена кунумдук гимнастика, жана туура тамактануу жана кудайдан калбоо керек.
18.04.2016. 15:07 
Тайпасы:
Жаран
Комментарийлердин саны:
49
Катталган:
16-03-2016
Соӊку аракети:
09-11-2017 02:18
Жынысы:
Белгисиз
+3
Кокрас менин койгойум экен 2012жылы росс.н келип ошко бир клиникага барсам ал жерден серца парок экенсин срочно операция деди боюмда 8 айлык болчу Коркконубуздан бишкеке келип текшертсек таза чыкты окунучтуусу расходтон сырткары операция жолу менен торогонум себебин картанда парок деп жазылганынан болду дешти...
18.04.2016. 15:49 
Тайпасы:
Жаран
Комментарийлердин саны:
25
Катталган:
21-12-2013
Соӊку аракети:
11-11-2018 04:15
Жынысы:
Белгисиз
+6
Менин бир таанышым кош бойлуу болуп Узиге тушсо, миома бар операция жасаш керек деп направление жазып беришкен. Ыйлап кыжаалат болуп барса, эч кандай миома жок, "беременность 12 недель" деп направлениесине бадырайтып жазып кайра жоноткон. Азыр кызы чоноюп жугуруп журот.
19.04.2016. 11:46 
Тайпасы:
Жаран
Комментарийлердин саны:
273
Катталган:
16-02-2014
Соӊку аракети:
01-03-2018 13:18
Жынысы:
Белгисиз
Калаасы:
Бишкек
+4
Менин иним былтыр армияга кетеерде текшерилсе озуно айтпай ата эненди чакыр дешиптир мамам барса журогундо тешик бар экен копко жашабайт дешиптир аны угуп алып мен куну туну ыйлап. Иним болсо башка жака корунсо таптаза эле экен. Азыр кудайга шугур армияда кызматын отоп атат.
19.04.2016. 14:37 
Тайпасы:
Жаран
Комментарийлердин саны:
21
Катталган:
26-12-2015
Соӊку аракети:
01-06-2018 22:58
Жынысы:
Белгисиз
+1
диагностикалык борборго барсам алдыман бир аял тосуп алып азгырып баштаган биякка кирбей эле жүрү деп бир кагаздарын көрсөтүп..
19.04.2016. 17:39 
Тайпасы:
Жаран
Комментарийлердин саны:
101
Катталган:
26-08-2015
Соӊку аракети:
09-10-2018 15:02
Жынысы:
Белгисиз
0
админ Green Clinic жонундо да маалымат берсениздер, алдын ала рахмат
19.04.2016. 18:03 
Тайпасы:
Супермодератор
Комментарийлердин саны:
1626
Катталган:
05-09-2011
Соӊку аракети:
21-11-2018 19:55
Жынысы:
Белгисиз
Калаасы:
SUPER.KG
0
balzak, саламатсызбы? Сунушуңузга рахмат.
20.04.2016. 11:42 
Тайпасы:
Жаран
Комментарийлердин саны:
1
Катталган:
25-03-2016
Соӊку аракети:
23-03-2017 18:01
Жынысы:
Белгисиз
+1
Откон жылы менин жолдошум ооруп мамлекеттик лаб.га анализ тапшырса гепатит в деп чыкты. Биз аябай переживать этип ыйлап жаман болгом. Кийин Бишкеке анализдерин жиберсе отрицательный чыкты, угуп алып аябай суйунуп ден соолук биринчи байлык экенин тушунуп алдык. ))
20.04.2016. 11:50 
Тайпасы:
Жаран
Комментарийлердин саны:
32
Катталган:
17-11-2015
Соӊку аракети:
21-11-2018 23:37
Жынысы:
Белгисиз
+1
врачтар корбойт азыр,бар анали тапшыр дешет.даже карап да койбойт
22.04.2016. 21:20 
Тайпасы:
Кыймылы жок
Комментарийлердин саны:
410
Катталган:
03-03-2016
Соӊку аракети:
10-06-2016 16:28
Жынысы:
Белгисиз
Калаасы:
Нарын, Атбашы
0
DUNI, Кээ бир ооруларды анализи жок корууго мумкун эмес. Такыр анализы жок бакшы же жогоруда жазылган шылуундар корот . Ооруган жеринизди тактап кетсениз, мумкун жардамым тийип калат.
20.04.2016. 16:47 
Тайпасы:
Кыймылы жок
Комментарийлердин саны:
12
Катталган:
25-03-2014
Соӊку аракети:
03-09-2016 21:53
Жынысы:
Белгисиз
Калаасы:
Нарын-Бишкек
+1
Ээх, ошондой болуп, мага коюлган диагноз ката чыгып калган болсо кана...
22.04.2016. 21:20 
Тайпасы:
Кыймылы жок
Комментарийлердин саны:
410
Катталган:
03-03-2016
Соӊку аракети:
10-06-2016 16:28
Жынысы:
Белгисиз
Калаасы:
Нарын, Атбашы
0
december, Каериниз ооруйт ?
Медиа-портал
21.04.2016. 14:09 
Тайпасы:
Жаран
Комментарийлердин саны:
6
Катталган:
24-08-2013
Соӊку аракети:
21-11-2018 17:20
Жынысы:
Белгисиз
0
Лаборатория,Экиспертиза ишчилерине акча берсен сен айткан диагнозду чгарып беришет.
21.04.2016. 15:49 
Тайпасы:
Жаран
Комментарийлердин саны:
130
Катталган:
28-01-2016
Соӊку аракети:
21-11-2018 15:21
Жынысы:
Белгисиз
0
Мен 5 жолу узиге тушсом Ой соонун соп соо экенсин дешти эле! Акыры ичим ооруп чыдабай барсам кистам жарылып кетиптир.
22.04.2016. 17:05 
Тайпасы:
Жаран
Комментарийлердин саны:
139
Катталган:
22-11-2012
Соӊку аракети:
25-09-2018 17:22
Жынысы:
Белгисиз
Калаасы:
КG
+1
Т.Батыралиевдин каны коп го... 10 клиникага тапшырганына краганда ))
22.04.2016. 21:18 
Тайпасы:
Кыймылы жок
Комментарийлердин саны:
410
Катталган:
03-03-2016
Соӊку аракети:
10-06-2016 16:28
Жынысы:
Белгисиз
Калаасы:
Нарын, Атбашы
+1
Кээ бир учурларда бир жерден киста бар деп чыкса (фолликулярная киста) , экинчи жерге барып тушкондо жок болуп чыгышы мумкун. Себеби озу жарылып , кайра бир тп убакыттан кийин пайда болуп калат.
Же бул жерин ооруу экен деп дарылап , башка жерге барып текшерилсе таза дейт. Себеби дарылоонун негизинде айыгып кетиши толук мумкун.
Азыр кээ бир врачтарда да бет калбады. Келген оорулууга бул жерди туура эмес кылыптыр . же туура эмес дары жазыптыр деп оной эле мурдагы врачты куноолуу кылып коет
23.04.2016. 14:35 
Тайпасы:
Жаран
Комментарийлердин саны:
4
Катталган:
01-01-2016
Соӊку аракети:
27-12-2016 14:56
Жынысы:
Белгисиз
-1
Мен дагы былтыр Бишкеке барып мен мен деген жеке клиникаларга текшерилдим. Ар кандай диагноздорду коюшту лечение жазышты.стоматологияга дагы тиштеримди ондоттум.Россияга келгенде тиштерим бир айдан кийин ооруп,салып берген кымбат керамикалары тушуп калды.Бул жактан ондоттум ,силерде адам олтуруу оной турбайбы дешти орус врачтары.андан кийин опко, журок кайрадан текшерилсем такыр башка таптаза баары деген диагноздор бул жактын эки клиникасынан чыкты.Кыргызстанда мындай сабатсыздык окундурот.
23.04.2016. 16:33 
Тайпасы:
Жаран
Комментарийлердин саны:
4
Катталган:
28-07-2014
Соӊку аракети:
29-07-2018 01:32
Жынысы:
Белгисиз
0
Дарт аныктоо болумдору жана стоматология болуму жакынкы жылдары толук жеке менчике отот экен деп уктум эле.
24.04.2016. 15:06 
Тайпасы:
Кыймылы жок
Комментарийлердин саны:
410
Катталган:
03-03-2016
Соӊку аракети:
10-06-2016 16:28
Жынысы:
Белгисиз
Калаасы:
Нарын, Атбашы
0
Gaika,азыр кыргыз эли бул нерсеге даяр эмес. Бизде дагы да болсо баары бекер болуш керек деген тушунук бар, союздан калган.
Менимче Грузияда ушундай беле , же жанылышып жатамбы.
24.04.2016. 05:07 
Тайпасы:
Жаран
Комментарийлердин саны:
2
Катталган:
18-03-2016
Соӊку аракети:
21-03-2018 22:34
Жынысы:
Белгисиз
0
Саламатсыздарбы! Мен да айта кетейин республикансий урологияда талант деген 40-45 жаштагы врач жок ооруну эле ушул жерин ооруйт экен деп аябай кымбат дарыларды 1000$ жаздырып кээ бирлерин 3жумада 1 алчу кучтуу дарылар анын арасында отделенияга гум помошко келген свеч дагы бир канча даарысын сатып дарылыгын ал дарыларды ылгандан кийин мен кайра кату ооруй баштаганымдан даарыларын токтотуп салдым кызыгы оорум жок болуп калды.Мен Жалалабатка келип Тайгараевтеги уролог Жоомарт байкеге Алла ыраазы
Модератор admin_superstan түзөттү 2016-04-25 11:22:08
24.04.2016. 05:15 
Тайпасы:
Жаран
Комментарийлердин саны:
2
Катталган:
18-03-2016
Соӊку аракети:
21-03-2018 22:34
Жынысы:
Белгисиз
0
Мен Жалалабатка келип Тайгараевтеги уролог Жоомарт байкеге Алла ыраазы болсун текшерип туруп эле эч кандай даары алба баары жакшы экен деп настроениямды которуп койду Аллага шугур баары жакшырахмат чоон Жоомарт байке!!!
P.S. Айтмакчы тиги талант еще учениги нурбек экоосу дарылыгыан учун канча акча сурашкан )) стройканы билесин да дейт кирпичтин баасы канча болсо ошончого курушат демек сен да даарын канча сом болсо ошончо бересин дешкен да. Иншалла жазанарды аласынар силер да 2010 жылы болгон
Модератор admin_superstan түзөттү 2016-04-25 11:22:53
25.04.2016. 11:23 
Тайпасы:
Супермодератор
Комментарийлердин саны:
1626
Катталган:
05-09-2011
Соӊку аракети:
21-11-2018 19:55
Жынысы:
Белгисиз
Калаасы:
SUPER.KG
0
rusmaximus, баш тамгаларды эрежеге ылайык колдонуңуз!
25.04.2016. 02:17 
Тайпасы:
Жаран
Комментарийлердин саны:
2
Катталган:
22-06-2014
Соӊку аракети:
07-03-2018 18:17
Жынысы:
Белгисиз
+1
5 кол тен эмес. Ак халатчандарды жамандаган болбойт достор. Эн жакшы деген врачтарыбыз бар КЫРГЫЗ элибизде.
25.04.2016. 09:39 
Тайпасы:
Жаран
Комментарийлердин саны:
178
Катталган:
29-03-2014
Соӊку аракети:
21-11-2018 15:11
Жынысы:
Белгисиз
0
Былтыр айылдан атам келиптир дарыланам деп. Так ошол сөз болуп жаткан дартты аныктоо борборунун алдындагы шылуундарга жолугуп калып жүрү кызым арзан экен дейт. Жок ата буларга такыр ишенбениз деп айтып клиникага киргизип кеткем. Азыр атам Кудайга шүгүр оорубай эле жүрөт.
25.04.2016. 11:24 
Тайпасы:
Супермодератор
Комментарийлердин саны:
1626
Катталган:
05-09-2011
Соӊку аракети:
21-11-2018 19:55
Жынысы:
Белгисиз
Калаасы:
SUPER.KG
0
Rifle_3, сайттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-пикирлер info@super.kg же admin@super.kg электрондук даректерине жазылып жөнөтүлүшү керек. Эскертүү!
24.06.2016. 03:46 
Тайпасы:
Кыймылы жок
Комментарийлердин саны:
6
Катталган:
17-06-2016
Соӊку аракети:
13-07-2016 03:57
Жынысы:
Белгисиз
0
Суйунсун дагы министр ондогон туура эмес жыйынтык алганына. Беш миллион болбогунуна
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: