«Кыргыз тилдүү супер вайнер»

Жыйынтык

Башка сурамжылоолор


Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Абдывахап Нурбаев, Жогорку Кеңештин депутаты: «АЙЫЛДЫК БАЛДАРГА ЖОЛ АЧЫП БЕРҮҮ ИЗГИ ТИЛЕГИМ»

№702 15-апрель-21-апрель, 2016-ж


Эл өкүлү Абдывахап Нурбаев Жогорку Кеңештин босогосун алгач ирет аттаган депутаттардын бири. Өзүнүн позициясы, пикири бар, ачык сүйлөгөн адам экен. Буга аны менен 2 сааттай баарлашып отуруп ынандык. Кызыктуу маек куруп берди...

НУРБАЕВ АБДЫВАХАП МАМАДРАСУЛОВИЧ

  • 1970-жылы – Ош облусунун Кара- Суу районундагы Төлөйкөн айылында туулган.
  • 1985-1989-жылдары – Ош куруучулук техникумун аяктаган.
  • 1991-1995-жылдары – Кесиби менен ар түрдүү кызматтарда иштеген.
  • 1995-2000-жылдары – Ош мамлекеттик университетинде юриспруденция адистиги боюнча билим алган.
  • 2001-2013-жылдары – «Ошкоопкурулуш» (ЖЧК) өндүрүштүк курулуш мекемесинин башкы директору болуп иштеген.
  • 2007-2012-жылдары – Ош шаардык кеңешинин депутаты болгон.
  • 2012-2015-жылдары – Жаш ишкерлер ассоциациясынын (ЖИА) Ош бизнес ассоциациясынын башкаруу кеңешинин мүчөсү, ушул эле жылдарда Ош шаардык кеңешинин депутаты, «Адилеттүү Кыргызстан» фракциясынын жетекчиси болгон.
  • 2015-жылдан тарта – КСДПнын тизмеси менен VI чакырылыштагы Жогорку Кеңештин депутаты.
  • Үй-бүлөлүү, 5 баланын атасы.

«АТАМ МЕНИ ЯПОНДОРДОЙ ТАРБИЯЛАГАН»
– 9 бир тууганбыз. Ата-энебиз баарыбызды жогорку билимдүү кылышты. Бала кезимди эстесем апамдын эски бозоргон пальтосу эске түшөт. Мен чоңойгончо апам ошол пальтосун кийип жүрдү. Көрсө, балдарым деп тапканын бизге коротушчу экен. Апамдын 4 эле класстык билими бар болгонуна карабай химия, физикадан аткарган тапшырмаларыбызды текшерчү.
Атам болсо колхоздун башкы агроному эле. Эртеден кечке жумушта. Ал кезде бука байлап сатчубуз, кичүү иним экөөбүз ошол буканын жем-чөбүн салып кам көрөр элек. Анан баягы бука сатылганда атам бизге оюнчуктарды алып келер эле. Көрсө, атам бизди мактап, белек берип тарбиялаптыр. Бул укмуш стимул болчу да. Кийин китептерден япондор балдарын ушинтип тарбиялашарын окуп билдим. Атам япондордун андай ыкмасын билбесе керек, ал жөн гана турмуштук тажрыйбасын колдонгон.

«БАЛДАРЫМДЫН БООРУКЕРЛИГИНЕ КУБАНАМ»
– Ата-энемдин тарбиясын мен балдарыма өткөрүп келе жатам. Жакында эле улуу уулума ичим жылып калды. Анын эжейи ооруп калып, дарылануусуна бир нече миң доллар керек экен. Балам келип «унаамды сатып, акчасын ошол эжейиме берейинчи?» деп сурады. Боорукерлигине кубандым. «Унааңды сатпай эле кой, акчаны мен берейин»,- дедим.
Дагы бир уулумду Лондонго окууга жөнөтмөкчү болуп даярданып жатканбыз. Бир күнү ал «Лондонго барбайм» деп чыкты. Себебин сурадык, көрсө, анын аябай жакшы окуган классташы бар экен. Атасы өтүп кетип, апасы башкага турмушка чыгып кеткен дейт. Бала таенеси менен калыптыр. Лицейдеги окуу акысын төлөй албай калганынан «классташымдын окуусунун акчасын төлөп берели» деп уулум болбой койду. Ал баланы үйгө чакырттык. Жеңи кыска көйнөк, багалеги кыска шым кийип алган жигит экен, бою өсүп, эски кийимдери чак келбей калгандай. Чынында эле потенциалы бар экен. Уулумдун айтканы менен анын окуусун төлөп бердик. 9-классында Израилге барып, олимпиадага катышып келди. Ийгиликтерге жетишти. Азыр өз күчү менен чет жерде бекер окуп жатат.
Учурда жубайым экөөбүз 1 кыз, 4 уулду тарбиялап жатабыз. Кичүүсү 4 жашта, ал үйдүн падышасы. Баары ошонун айтканындай болот.

«ЖИГУЛИ АЛГАНДА УЧАК АЛГАНДАЙ СҮЙҮНГӨНБҮЗ»
– Мен мектепти жалаң "5" менен бүттүм. Кийин атамдын кеңеши менен Оштогу куруучулук техникумун аяктап, андан соң аскерге чакырылдым. Ал жакта да атамдын бизди тактыкка үйрөткөнү пайдасын тийгизди. Сержанттык мектепти 6 ай окуп, кийин Орусиянын Брянск шаарында кызмат өтөдүм.
Союз таркаган соң Кыргызстанда курулуш тармагы токтоп калды. Ал учурда юрист болуу модага айланып кеткен. Көпчүлүктүн арасында мен да Ош мамлекеттик университетинде юридикалык билим ала баштадым.
Буга катар Оштогу курулуш компаниясында иштеп жүрдүм. 2001-жылы эмгек жамааты жетекчини кетирип, жаңы жетекчи катары мени шайлашты. «Жашсың, юридикалык да, куруучулук да билимиң бар» деп алып келишкен. Чоң жоопкерчилик эле, себеби ишкананын 500 миң сом карызы бар болчу. Карыз менен тендерге катыша албайсың. Эсимде, кызматтык Москвич бар эле, аныбыз тыңыраак жүрсөчү. Баарыбыз түшкүсүн 2 сомдук кара нан, анан жүзүм менен тамактанчубуз. Кээде ошол нанды да ала албай калчубуз. Бирок жамааттын аракети менен карыздан кутулуп, ишкананы бутуна тургуздук. Адегенде Жигули алдык, эми ал учактай эле көрүнчү. Алыстан таанып койчубуз, биздин унаа келе жатат деп. Башында 13 гана адам болчу, бара-бара ишканабызда 300-400 адам иштеп калды.

«ДАЛАЙ ИРЕТ ПАРА БЕРГЕНГЕ АРГАСЫЗ КЫЛЫШКАН»
– Ушул жерден ачык эле айтайынчы, далай ирет мамлекеттик органдар пара бергенге аргасыз кылышкан. Салык кызматынан, прокуратурадан тынбай келет. Көбү чоңдун балдары. Адам менен тыңыраак учурашканды билишпейт. «Сиз мынча миллион иштептирсиз, мага мынчасын бересиз»,- деп эле бетиңе айтат. Бербей коёюн дейсиң, алар ишканаң тууралуу оюна келген маалыматты кошуп коюшат. Компания үчүн аброй кымбат да. Ошондо «эгер Кыргызстандын сот системинде 90 таза адам болсо эле мен ушул текшерүүчүлөрдү желкесинен сүйрөп чыгып, «сени менен сотто сүйлөшөм» деп айдап чыкмакмын» дечүмүн. Азыр деле андай көрүнүштөр толук жок болуп кеткен жок. Бирок мурункудай деңгээлде эмес.

«ЖУБАЙЫМ ИЙГИЛИГИМДИН АЧКЫЧЫ»
– Менин аз да болсо жаратып жаткан ийгиликтериме жубайымдын да чоң салымы бар. Эгер сен начар аял алган болсоң, өмүрүңдүн жарымы, энергияңдын көбү аны тарбиялаганга коройт дешет. Кудайга шүгүр, менин тылым ишенимдүү болду. Ошондуктан мен ийгиликтерге жетиштим.
Жубайым менен жаш кезде, куруучу болуп иштеп жүргөндө тааныштым. Ал катчы болчу. Улам жумушка байланыштуу кирип жүрүп, таанышып тил табыштык. Кыштын кыраан чилдесинде ала качып кеттим. Бир аз тополоң кылып отуруп калган.
Эриш-аркак ынтымактуу жашап келе жатабыз. Экөөбүз тең кечирим сураганды да, кечиргенди да билебиз.

«ЭКС-МЭРДИН ИШИН БИР КАНЧА ЖОЛУ СЫНДАГАМ»
– 2007-жылы Ош шаардык кеңешине депутат болуп шайлангам. Кийин 2012-жылы жаңы системдин негизинде «Адилеттүү Кыргызстан» партиясынын катарында шайлоого катышып, шаардык кеңешке келдик.
Ооба, экс-мэр Мелис Мырзакматовдун дарегине бир канча ачуу сындарды айткам. Бирок анын адамдык беделин эмес, иштеген ишин сынга алгам.
Жогорку Кеңештин деңгээли шаардык кеңештен бөлөк. Кантсе да республикалык масштаб эмеспи. Эсимде, ант берип жатып аябай сүрдөгөм. Кийин кабинетке келип, Кудайдан күч кубат бере көр деп сурангам. Азыр колдон келишинче иштеп жатабыз. Тарапташтарым менен буга чейин бала бакчаларды куруп иштете баштаганбыз. Келечекте мектеп, университет курабыз деген изги тилектер бар. Ал үчүн аракеттерди көрүп жатабыз. Кыргызстандын алыскы айылдарында өзгөчө таланттуу, өжөр балдар бар. Сөзсүз ошолорго жол ачып берүүбүз керек. Бул менин балалыктан келе жаткан тилегим.


"Жубайым менен ынтымактуу жашап келе жатабыз".

"Атамдын тактыкка үйрөткөнү аскерде пайдасын тийгизди".

Мирлан Өмүралиев
politika@super.kg



Депутат Абдывахап Нурбаев: "Коррупциялык жол менен кетип жаткан акчаларды көрүп, Мелис Мырзакматовго бир канча ирет сын айткам"

Автор: Максат Орозумбетов
Оператор: Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21592;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: