Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Азиз Мурадиллаев: «СООДА КЫЛДЫМ, ТАМАДА БОЛДУМ, КОЛУМДАН АКТЁРЛУК ГАНА КЕЛЕТ ЭКЕН»

№703 22-апрель-28-апрель, 2016-ж


Азиз Мурадиллаевди жакындары «сөзгө чоркок, бир көргөн киши менен тил табышып кете албаган, жөнөкөй, жумшак мүнөз инсан» деп сүрөттөшөт. «Алдым-жуттум эмесмин, балким, бул менин кемчилигимдир» деген актёр театр, кинодогу карьерасы, арттырган атактуулугу тууралуу айтып берди.

«СООДАДАН ТЕАТРГА ӨТТҮМ»
-Театр менин жашоомдун бир бөлүгү. Мектеп босогосун аттай электе радиодон балдарга арналган «Бөбөк, сенин жомогуң», «Акокай менен Тапкычбек» деген берүүлөрдү алып барчумун. Ал учурда үн жаздыруу да машакат иш эле. Режиссёр колун шилтегенде «Саламатсыздарбы? Менин атым Тапкычбек, биздин дарек Жаш гвардия бульвары 59» дечүмүн. Бул сөздөрдү бир канча ирет кайталап, анан жаздырар элек. Ата-энем гастролго чыкканда мени өздөрү менен кошуп алып жүрүшчү. Артисттерге кошулуп жаш баланын ролун аткарып, залкар таланттардын кешигин ичип калдым. 11-классты аяктагандан кийин бизнес ачып көрдүм. Ага да шык, сооданын тилин түшүнүш абзел тура. Жан дүйнөмө жакын болбогон соң актёр болууну чечип, ата-энемдин каршылыгына карабай театралдык студияга тапшырып алдым. Студияда 3 жыл окуп, өмүрлүк жарымды да ушул жерден жолуктургам. Бул жактан окуумду аяктагандан кийин Москвадагы Щепкин атындагы театралдык окуу жайдан билимимди уланттым. Ал учурда үй-бүлөлүү болуп калгандыктан аялым ата-энемдин колунда калды. Куса болгондо телефон аркылуу байланышып, каникулда келип сагынычымды таркатып кетчүмүн.

«РЕЖИССЁР ТАНДАБАЙМ»
-Театрда иштеп жүргөнүмдө Мурат Мамбетов «Чиркин өмүр» телесериалына тартылып бер» деп сунуштап калды. Ошентип тасмадагы тушоом сериалдан кесилген. Айрымдар бүгүнкүгө чейин мени ошол тасмадагы ролумдагыдай Эркин деп чакырышат. 2006-жылы «Сүйүү сынагы» аттуу тасмада СПИД илдетин жугузуп алган жигиттин ролун ойнодум. Режиссёрлордун көзүнө түштүм окшойт, андан кийин бир катар тасмаларга сунуш түшүп, тартылдым. Катышкан фильмдердин ичинен элге кеңири таанытканы «Курманжан датка» тасмасындагы Алымбек датканын ролу болду. Мен негизи режиссёр тандабайм, айрым тасмаларга тартылганыма өкүнгөн учурлар болот. Мага жаккан роль болсо «жакшы роль экен, ээ?» деп «намёк» кылып коём, өзүм суранбайм.

«БИР УБАКТА ҮЧ ТЕАТРДА ИШТЕДИМ»
-Окууну аяктагандан кийин «Учур» театрына жумушка орноштум. Бир ай иштеген соң жетекчилик менен тил табыша албай кетип калгам. Кийин Арсен Өмүралиев атындагы шаардык театрда иштеп жүрсөм Орус драма театры, Кыргыз улуттук академиялык театрынан ишке чакырып, бир учурда үч театрда иштедим. Убактысын так бөлүштүрүп алгандыктан үчөөнө тең жетишип, спектаклдерди үзгүлтүккө учуратчу эмесмин. Кийин оюм чачыранды болбосун деп Кыргыз драма театрына жумушка орношуп алгам. Айрым кесиптештеримдей болуп батирден батирге көчүп, «эртеңки жол киреме акча табышым керек, нан алып барышым керек» деп кошумча иштеген жокмун. Анткени атамдан калган үй-жай бар болчу. Театрдагы залкарлардын баарынан сабак алдым. Кимиси болбосун жол көрсөтүп, акылдарын айтышчу эле. Айрыкча Советбек Жумадылов көп жардам берген. Өзү ойногон ролдордун тексттерин алып келип, «мындай ойно» деп кеңешин берип турчу.

«ТАМАДА БОЛО АЛБАДЫМ»
-Мен дагы бир учурларда тамада болуп көрдүм. Орус тилинде алып баруу жеңилдей туюлду. Кыргызча уйкаштырып сүйлөп, дароо сөз таап кетүүгө шыгым жок экен. Биринчи ирет тамада болгонум эсимде. 2006-жылы бир ишканадан «Жаңы жыл күнү түнкү саат 10дон 4кө чейин тамада болуп бериңиз» деп акчасын да жакшы төлөп беришти. «Үйрөтүп турасыңар» деп эки тамаданы ээрчитип алгам. Ресторанга кирип отурабыз. Саат 10 болгондо шериктерим чыгып баштай бер дешти. Карасам 4 эле киши отурат. «Жакшы отурасыздарбы?» деп кайра бөлмөгө кирип кеттим. Саат 12ден өткөндө 20дай адам келип, бийлеп башташты. Мен сүйлөгөн жокмун, алар бийлеп жатып таң атып кетти. Жанымдагыларга «бүттүбү?» десем, «ооба» дешти. Андан кийин 5-6 той алып бардым, колумдан келбегенден кийин театрда эле иштейин деп чечтим.

«БАЛАМ МЕНДЕН УЯЛЫП ЖҮРЧҮ»
-Менин кемчилигим – жалкоолук. Анан ашыкча алдым-жуттум эмесмин. Элден мурун ушуну ала калайын, антип-минтишим керек деп ашыкпайм. Аз тапсам да жугумдуу, балдарымды окутуп жатам. Машинам, үйүм бар. Жаш кезде деле, кийин дагы манчыркаган жокмун. Театрда, кинодогу сынчыларым апам менен жубайым. Эч ким айтпаган сынды ушулардан угам. Кичүү уулум чыгармачылыгымды туура түшүнөт. Улуу балам башында уялып жүрчү. Атасынын кесиби ушул болсо каякка жашынат, атасынан уяла турган эмнеси бар, билбейм.

Анара Сыдыгалиева, апасы: «АКТЁРЛУК ДАРЕМЕТИ ТОЛУК АЧЫЛА ЭЛЕК»
-Балама өнөр эне сүтү менен эле келгендей болду. Жаңы төрөлгөндөн тартып Бакен эже (ред. Кыдыкеева) сахнага алып чыгып жүрдү. Эс тарткандан кийин биз менен гастролго чыгып, бул тармакка көнүп алса керек, башка кесипти тандоого кызыккан жок. Атасынын досу «юрист кесибине окусун, окуусун өзүм каржылайм» десе да көнгөн жок. Аяш атасы көпкө чейин капа болуп жүрдү.
Уулум аябай кыялкеч. Биринчи класска жаңы барып жаткан убагы. Бир күнү мектебинин жанынан өтүп баратсам фонтандын ичинде жүрөт. «Эмне кылып жатасың, суу болдуң го» десем, «күн желесин кармап жатам» деп күлдүргөн. Үйдө кыздын да, баланын да жумушун аткарчу. 9 жашынан тартып тамак жасаганды үйрөндү. Кошуналар «сен кызсың» деп шылдыңдашса, «апамдын уулу да, кызы да болом» деп койчу. Менин баамымда Азиздин актёрлук даремети толук ачыла элек. Келечеги али алдыда деп ойлойм.


«БИЗДИ ТЕАТРДА «ТРИГАДА» ДЕШЕТ»
Актёрдун үзөңгүлөш достору, сахналаштары Камчы Сарыбаев менен Аскат Сулайманов анын назиктигин, жөнөкөйлүгүн сүрөттөп беришти.

Камчы Сарыбаев:
-Азиз менен чогуу иштешкенибизге 15 жыл болду. Ал биздин көкүрөк күчүгүбүз. Адамгерчиликтүү, жөнөкөй жигит. Назиктиги бар, катуу тамашалашсаң капа болуп калат. Ичинде кири жок, колунда болсо берейин деп турган айкөл адам. Аскат, Азиз үчөөбүз чогуу жүргөндүктөн театрдагылар бизди «тригада» деп коюшат. Биздин сахнага чыгардан мурун бири-бирибизди тамашага салмай адатыбыз бар. Бир жолу жолдон өлгөн келемишти таап алып, Азизди тамашалайын деп баштыкка салып алдым. Театрга келсем ал сахнага чыгууга камданып жатыптыр, «Манастын уулу Семетей» деген спектаклде Семетейдин ролун аткармак. Мен ага кымыз сунган жерим бар эле. Ошого даярдык көрүмүш болуп кесеге «балекет ич» деп жазып, келемишти салып алып Азизди чакырдым. Жаныма келип эле «аа» деп кыйкырып качып жөнөдү. «Бери кел» десем такыр жолобойт. Көрсө, келемиштен аябай коркот экен.

Аскат Сулайманов:
-Уюлдук телефондор жаңы чыккан убак. Азиз Сименс деген телефон көтөрүп жүргөн. Бир күнү эле анын телефону жоголуп кетти. «Ким алды, тамашалабай бергиле» деп жумуштан тарап кеттик. Эртеси күнү Азиз мага «сен өзүңө алба, бирок кечээ күнү сенден башкалар сахнада болчу» деди. Жаман болуп кеттим. Анткени ошол күнкү спектаклде менин ролум жок болуп, бөлмөдө калгам. «Мен алган жокмун, өлүп кетейин! Уурулугумду көрдүң беле?» деп карганып коём. Жаман болуп жүргөн күндөрдүн биринде театрда иштеген бир бала «Аскат байке, телефонду ким алганын билем, бирок айтсам ал мени урат» деди. «Сени айтты деп айтпайм, ким экенин айтып кой» деп ууруну таап алдым да, Азизге жетелеп келдим. Анын назиктигин карабайсыңбы, «Эмне үчүн уурдадың?! Бул менин маңдай терим менен тапкан акчама келген» деп муштумун түйгөнүнөн урат го десем, дубалды согуп чыпалагын сындырып алды. Мен «эй, ууру алдыңда турса дубалды эмнеге урасың?» деп күйүп жатам. «Адамды ура албайм, кантип колум барсын?» деп койгон.


Чоро Думанаев, устаты: «АЗИЗ КӨӨП КЕТПЕСЕ ЭЛЕ ЖАКШЫ КЕЛАТАТ»
-Азиздин атасы менен чогуу иштештим. Экөөбүз жакын дос болчубуз. Ал кичинесинен эле биз менен кошулуп гастролго чыкчу. Кийин театрдын алдындагы студияга тапшырганда көркөм сөз сабагынан окутуп калдым. Окуучуларыңдын деңгээлин билесиң да. Ал тандалган балдардын катарында болчу. Баралына толду. Азыр көөп кетпесе эле жакшы келатат.





Нурлан Абдыкалыков, классташы: «АЗИЗ ГИТАРА ЧЕРТКЕНДЕ ЭЛ АВТОБУСКА ТҮШПӨЙ УГУШКАН»
-Азиз гитараны мыкты чертет. Бала кезде ага гитара ойнотуп угуп отурар элек. Бир жолу досубузду үйүнө узаталы деп аялдамага чыктык. Ал учурда бир саатта бир ирет автобус жүрчүэле. Азиз Италиянын музыкасын гитарага салып ойноп жаткан. Байкасак, элдер автобуска чыкпай үймөктөшүп карап калышыптыр.
Мүнөзү аябай жумшак. Бала кезде «мен актёр болсом, сен министр болсоң, бири-бирибиздин иш бөлмөбүздү тээп кирсек, ээ?» деп кыялданчубуз. Мурун кандай болсо ошол бойдон калды, эч өзгөргөн жок.


"Театр менин жашоомдун бир бөлүгү. Бул тармакта ата-энем да эмгектенген".

"25 тасмага тартылсам да элге кеңири таанытканы Алымбек датканын ролу болду".

Султан Төрөбеков
Адилет Бектуров
star@super.kg


Актёр Азиз Мурадиллаевдин атактуулукка карай жолу

Автор: Айзат Болотбек кызы
Оператор: Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(25)
Super TV
22.04.2016. 23:36 
Тайпасы:
Кыймылы жок
Комментарийлердин саны:
41
Катталган:
27-01-2013
Соӊку аракети:
28-08-2016 13:13
Жынысы:
Белгисиз
+7
Жонокой адам экен аябай,жонокойлук бул эн жакшы сапат.
Super TV
23.04.2016. 03:12 
Тайпасы:
Жаран
Комментарийлердин саны:
257
Катталган:
14-11-2015
Соӊку аракети:
23-09-2018 00:33
Жынысы:
Белгисиз
+8
Чексиз,чексиз бактылуулук,ишинизге ийгилик каалаймын.Датканын образын сонун жаратканда,токтоо болуп.
Медиа-портал
23.04.2016. 09:48 
Тайпасы:
Кыймылы жок
Комментарийлердин саны:
6
Катталган:
07-09-2015
Соӊку аракети:
30-07-2016 23:06
Жынысы:
Белгисиз
+8
Красавчик, мен жакшы коргон актер. Абдан жонокой жулунбаган инсан экенсиз. Туболук, бактылуулукту каалайм. Келинчеги да жакшы адам экен.
Super TV
23.04.2016. 18:34 
Тайпасы:
Кыймылы жок
Комментарийлердин саны:
0
Катталган:
27-11-2013
Соӊку аракети:
09-07-2016 11:34
Жынысы:
Белгисиз
+3
Келинчеги абдан жагат!
Super TV
24.04.2016. 18:16 
Тайпасы:
Тартип бузгандар
Комментарийлердин саны:
57
Катталган:
16-11-2015
Соӊку аракети:
21-06-2016 11:05
Жынысы:
Белгисиз
Калаасы:
krasnoyarsk Ene-Saydun boyu
+3
Чыныгы Актёр деп айтса болот, жонокойлук адамдын жакшы сапаты.
25.04.2016. 09:55 
Тайпасы:
Кыймылы жок
Комментарийлердин саны:
2
Катталган:
20-03-2013
Соӊку аракети:
11-08-2016 16:25
Жынысы:
Белгисиз
+3
Жонокой болгону, элдин суймончугуно айланат. Алымбек датканын ролун аябай, чегине жеткире ойногон. Азамат !!!
25.04.2016. 11:13 
Тайпасы:
Жаран
Комментарийлердин саны:
10
Катталган:
23-03-2016
Соӊку аракети:
02-07-2018 01:14
Жынысы:
Белгисиз
Калаасы:
Ош
+2
мыкты актёр. чыгармачыл уй булоодон жкенин билбептирмин.........
25.04.2016. 11:49 
Тайпасы:
Жаран
Комментарийлердин саны:
32
Катталган:
30-11-2014
Соӊку аракети:
12-03-2017 08:50
Жынысы:
Белгисиз
+3
жонокойлугу жузунон эле байкалып турат. ийгилик каалайм
25.04.2016. 12:39 
Тайпасы:
Жаран
Комментарийлердин саны:
19
Катталган:
07-12-2013
Соӊку аракети:
16-01-2018 12:01
Жынысы:
Белгисиз
Калаасы:
Бишкек
+2
Азамат,чыгармачылык ийгилик!!!!
25.04.2016. 13:20 
Тайпасы:
Жаран
Комментарийлердин саны:
81
Катталган:
31-05-2015
Соӊку аракети:
01-09-2017 11:40
Жынысы:
Белгисиз
+3
Менин биринчи теледеги коногум Азиз аке болгон.Бишкек 2006-жылы эле....Ийгилик каалайм!
Super TV
25.04.2016. 13:36 
Тайпасы:
Жаран
Комментарийлердин саны:
7
Катталган:
30-12-2015
Соӊку аракети:
22-09-2018 13:43
Жынысы:
Белгисиз
+2
Аялы абдан жонокой тушунуктуу аял экен!!!
25.04.2016. 14:14 
Тайпасы:
Жаран
Комментарийлердин саны:
30
Катталган:
06-02-2015
Соӊку аракети:
19-09-2018 20:29
Жынысы:
Белгисиз
+3
вау, ушу актерду суйом да мен. башынан кайра жашоо берсе издеп барып киичинекей болсом да аялына бербей коймокмун чонойгуча.)))). менден беш алты жаш чон болсо керек коп болсо.
25.04.2016. 17:40 
Тайпасы:
Жаран
Комментарийлердин саны:
266
Катталган:
01-04-2013
Соӊку аракети:
22-09-2018 17:19
Жынысы:
Белгисиз
Калаасы:
Жалал-Абад,Кыргызстан.
+2
Мен сыйлаган актер,мындан да жакшы ийгиликтерге,бийиктиктерге жетише бериниз,уй-булоолук бакыт каалайм!
25.04.2016. 22:39 
Тайпасы:
Жаран
Комментарийлердин саны:
222
Катталган:
02-04-2016
Соӊку аракети:
20-09-2018 13:24
Жынысы:
Белгисиз
Калаасы:
Ош
+1
Бир сырдуу корунот энеси айткандай дагы ачыла элек сапаттары бар экен ,ийгилик сизге келечектин залкары болушунузга тилектешмин.
Медиа-портал
26.04.2016. 00:26 
Тайпасы:
Жаран
Комментарийлердин саны:
25
Катталган:
16-05-2010
Соӊку аракети:
22-01-2018 18:07
Жынысы:
Белгисиз
+1
Адамдын бийиктиги жөнөкөйлүгүндө. Ырахат алдым. Өнөрүңүз өркүндөй берсин. Ийгилик каалайм.
26.04.2016. 08:35 
Тайпасы:
Жаран
Комментарийлердин саны:
103
Катталган:
21-02-2016
Соӊку аракети:
21-09-2018 00:06
Жынысы:
Белгисиз
+2
Президент жана бомж тасмасында өзүнүн карама каршысын ойноптур да, кандай роль болбосун ийнине жеткире ойнойт. Ийгилик сизге, бирок мен керсейген киши деп ойлочумун
27.04.2016. 00:20 
Тайпасы:
Жаран
Комментарийлердин саны:
4
Катталган:
02-11-2015
Соӊку аракети:
14-04-2017 16:24
Жынысы:
Белгисиз
+1
эн мыкты актер!!!
27.04.2016. 02:54 
Тайпасы:
Жаран
Комментарийлердин саны:
29
Катталган:
05-12-2010
Соӊку аракети:
04-06-2018 21:34
Жынысы:
Белгисиз
0
Супер инфо Тимур Маматкуловтонда интервью алгылачы ( Президент жана БОМЖ-2 тасмасындагы Азаттын ролун жараткан)
27.04.2016. 10:39 
Тайпасы:
Супермодератор
Комментарийлердин саны:
1625
Катталган:
05-09-2011
Соӊку аракети:
22-09-2018 23:48
Жынысы:
Белгисиз
Калаасы:
Супер-Инфо
0
Niyazbek Torobekov, саламатсызбы? Сунушуңузга рахмат, тиешелүү бөүмгө жеткирилди.
Медиа-портал
27.04.2016. 18:19 
Тайпасы:
Жаран
Комментарийлердин саны:
12
Катталган:
19-04-2016
Соӊку аракети:
20-09-2018 22:56
Жынысы:
Белгисиз
+1
Абдан жакшы кором ушул актерду Курманжан Даткадан кийин прям суйуп калгам )) бирок уй булоосу менен бактылуу болсун, абдан жакшы ,туура адам экен! жана дагы Супер Инфо сураныч Элина Абай кызынан интервью алгылачы сураныч
Медиа-портал
28.04.2016. 09:24 
Тайпасы:
Супермодератор
Комментарийлердин саны:
2058
Катталган:
22-02-2011
Соӊку аракети:
21-09-2018 18:13
Жынысы:
Белгисиз
Калаасы:
...
0
LadyB,
Саламатсызбы! Сунушуңузду эске алабыз, рахмат!
28.04.2016. 16:30 
Тайпасы:
Жаран
Комментарийлердин саны:
6
Катталган:
26-08-2015
Соӊку аракети:
16-08-2018 11:21
Жынысы:
Белгисиз
0
ишинизге ийгилик, ден-соолукта болуп, коп жашаныз, коп ийгилик жаратыныз.
28.04.2016. 23:30 
Тайпасы:
Кыймылы жок
Комментарийлердин саны:
9
Катталган:
11-04-2015
Соӊку аракети:
29-04-2016 20:16
Жынысы:
Белгисиз
0
Театрда коптогон таланттар эмгектенет ошолордо да интервью кутобуз.
29.04.2016. 11:16 
Тайпасы:
Супермодератор
Комментарийлердин саны:
1625
Катталган:
05-09-2011
Соӊку аракети:
22-09-2018 23:48
Жынысы:
Белгисиз
Калаасы:
Супер-Инфо
0
Alina72, саламатсызбы? Сунушуңузга рахмат, тиешелүү бөлүмгө жеткирилди.
30.04.2016. 19:11 
Тайпасы:
Жаран
Комментарийлердин саны:
178
Катталган:
11-10-2015
Соӊку аракети:
17-03-2017 18:12
Жынысы:
Белгисиз
0
Иий студент кезде Азиз менен оорудум эле, андып журуп автограф элдым эле
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: