Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Айсулуу Мамашова, Жогорку Кеңештин депутаты: «АТАМДЫН АБРОЮ МАГА КӨП ПАЙДАСЫН ТИЙГИЗДИ»

№703 22-апрель-28-апрель, 2016-ж


Айтылуу ишкер Турусбек Мамашовдун кызы, Жогорку Кеңештин депутаты Айсулуу Мамашова менен маек курмакчы болдук. Жогорку Кеңешке «байдын эркетай кызын» көрөмбү деп элестетип баргам. Бирок маек башталары менен эле менин ойлорумдун бырын-чырыны чыкты. Айсулуу Мамашова турмушка бышкан, такшалган, өзүнүн ой-пикири бар, билими терең, жаш болсо да тажрыйбасы мол адам экенин көрсөттү.

МАМАШОВА АЙСУЛУУ ТУРУСБЕКОВНА

  • 1988-жылы Бишкек шаарында туулган.
  • 2008-жылы Жусуп Баласагын атындагы Кыргыз улуттук университетти экономика жана башкаруу адистиги боюнча бүтүргөн.
  • 2010-жылы аталган окуу жайдан ишкердик башкаруу адистиги боюнча магистр квалификациясын алган.
  • 2005-жылы «Автоучкомбинат» ЖЧКсынын башкы директору болуп эмгектенген.
  • 2009-2015-жылдары «Фирма Дасмия» ЖЧКсынын президенти.
  • 2015-жылдын 4-октябрында «Ата Мекен» партиясынын тизмеси менен Жогорку Кеңештин депутаты болуп шайланган.
  • Үй-бүлөлүк абалы: бойдок.

– Бүгүнкү күндө сиз Жогорку Кеңештин эң жаш депутатысыз, буга чейин ишкерлик чөйрөдө жүргөнсүз. Айтыңызчы, кайсы жакта түйшүк көбүрөөк экен?
– Жогорку Кеңеште бюрократия көп экен. Бир мыйзам долбоору кабыл алынгыча убакыт аябай созулат. Ишкерликте болсо чечимдерди тез-тез чыгарасың. Ал чечимиңдин жакшы жактарын да, жаман жактарын да өзүң көрөсүң. Мындан улам кээ бир мыйзам долбоорлорунун абдан талкууланып, толукталып, анан кабыл алынышы бир чети туура экен деген ойго кептелесиң. Себеби ал мыйзам жалпы элдин кызыкчылыгында болуш керек. Кыскартып айтканда, мен ишкерликте жумуш оор же депутат болуу оор дебейм, бирок Жогорку Кеңеште жоопкерчилик чоң экенин даана билем.

– Депутат болуу бул өзүңүздүн жеке чечимиңиз болдубу? Же буга чейин мамлекеттик кызматты аркалаган атаңыз Турусбек Чукуевичтин каалоосу болдубу?
– Албетте, өзүмдүн жеке чечимим болду. Атам тууралуу айтсак, ал киши мамлекеттик жогорку кызматтардан болгону туризм департаментин эле жетектеген. Атамдын атын негизинен анын ишкерлиги, «Дасмия», ал курган дүйнөдөгү эң чоң боз үй таанытты да. Ал жүрөгү каалаганды жасады, тилектерин ишке ашырды. Бул жагынан мага чоң үлгү болду. Депутаттыкка аттануу менин жеке чечимим экенин баса белгилегим келет. Элдин жашоосун жакшыртуу үчүн иштегим келди. Атам болсо менин чечимимди колдоду.

– «Ата Мекендин» тизмесинде алдыңкы ондукта болуу үчүн сиздин партия жетекчилигине 500 миң доллар бергениңиз айтылып жүрөт. Канчалык чындыгы бар?
– Жок. Бул жөн эле айтылып келген сөздөр. Албетте, шайлоого аттанган соң ар бир талапкер партиянын фондуна өзүнүн үлүшүн кошот. Мен да өз жардамымды бергем.

– Атаңыз түптөгөн бизнестен эмес, өз күчүңүз менен акча таап көрдүңүз беле?
– Жок. Кудайга шүгүр, ата-энем мени эч нерседен кем кылышкан жок. Студенттик куракта убактымдын бардыгы окууга коротулчу. Кийин магистратурада окуп жүргөн чакта күндүзгү убакта бош болуп калдым. Ошондо атама келип «бош убактым бар, иштейин» деп сунуштагам. Адегенде официант, анан администратор, кийин кампанын башчысы болуп бардык тепкичтерди басып өткөм. Мен анда 20 жашта болчумун. Бара-бара атама жардамдашып, ишкерликтин күнгөй-тескейин үйрөндүм. Жөнөкөй жумуштарды жасап көнгөнүм кийин өзүбүздүн ишибизге жетекчи болуп келгенде абдан көп пайдасын тийгизди.

– Мамлекеттик кызматта буга чейин иштеген эмессиз. Алгачкысы депутаттык болду. Тажрыйба жагынан аксап калып жаткан жоксузбу?
– Ачыгын айтайын, парламентте идеалдуу иштеп жатам дебейм. Жетишпеген жактарым бар. Аны моюнума алам. Бирок ишкерликте алган тажрыйбам мамлекеттик жумушумдун айрым кемчиликтерин толуктаганга жардам берип жатат. Жөнөкөй эле мисал, ишкерликте сен иш бөлмөңөн чыгып бара жатып жарыкты сөзсүз өчүрөсүң. Үнөмдөө керек да. Жогорку Кеңеште да ушул сапатым иштеп кетет. Болгону ишкерликте сен өзүңдүн акчаңды үнөмдөйсүң, а бул жакта мамлекеттин акчасы жөнүндө сөз болуп жатпайбы. Канткенде мамлекеттин акчасын үнөмдөсө болот, кайсы жактан бюджетке акча түшүрсө ыңгайлуу? Жогорку Кеңештин бир милдети – көзөмөлдөө эмеспи. Акча кайда кетти, ага эмне сатып алынды, арзан алындыбы, кымбат алындыбы, кантип арзанын жана сапаттуусун алууга болот деп ой жүгүртө баштайсың. Бул жагынан алганда бир тажрыйбам экинчисине машакат жараткан жок, тескерисинче, толуктап турат.

– Өз дарегиңизге айтылган сын-пикирлерге кандай карайсыз?
– Сын-пикирлерди туура кабыл алганга аракет кылам. «Байдын кызы да» деп мурдун чүйрүгөндөр бар. Бирок карасаңыз, азыр эмне, менин жанымда атам отурабы? Атам эч убакта «муну айт, тигини айт» дебейт. Анын үстүнө бир маселени көтөргөн соң ал жөнүндө өзүң терең билишиң керек. Билбеген эле нерсени көтөрө албайсың. Атамдын аброю боюнча айтсак, ооба, сөзсүз атамдын аброю мага пайдасын тийгизди. Мен атамдын кызымын да.

– Баса, мыйзам жазып баштадыңызбы?
– Учурда бизде «Мамлекеттик сатып алуулар жөнүндө» мыйзам бар эмеспи. Мына ошол мыйзамга айрым бир толуктоолорду киргизүү боюнча иштеп жатам. Мисалы, онкологиялык оорулардан жабыркаган балдарга бир медициналык аппарат абдан керек болчу. Аны алдыруу үчүн адегенде тендер өткөрүлүп, ал тендерге ортомчулар катышып, айтор, убакыт абдан созулуп кетет экен. Аппарат болсо тез арада керек, балдар ага муктаж. Мына ушундайда биз аппаратты кайсы бир бешинчи ортомчудан эмес, заводдун өзүнөн түз алсак кандай сонун болмок. Ушундан улам учурда аталган мыйзамды оптималдаштыруу боюнча иш алып барып жатам.

– Күнүңүз кантип башталат?
– Эртең менен жумушка келем. Комитет жыйындарына катышам. Шаршемби, бейшемби күндөрү Жогорку Кеңештин жалпы жыйынында иш алып барабыз. Баса, жумасына үч жолу жумуштан кийин сальса, бачата бийлери боюнча сабак алып жатам. Адам чарчаганда кара жумуш жасап же спорт менен машыкса мээ эс ала түшөт эмеспи. Сальса да абдан эс алдырат экен. Сизге да сунуштайм. Барып көрүңүз.

– Сиздин фортепианодо ойной аларыңызды билебиз. Жумуштан чарчап келгенде аз да болсо мээни эс алдырыш үчүн ак-кара клавишаларды баскылап коёсузбу?
– Апамдын каалоосу, тилеги менен 7 жыл фортепианодон сабак алгам. Эсимде, апам жумушунан чарчап же маанайы жок келип калса «Айсулуу, мага ойноп берчи» деп калар эле. Апабызды жоготуп алгандан тарта фортепианого жолобойм. Билбейм, ойной албайм. Мен үчүн өтө оор.

– Социалдык тармактарды колдоносузбу? Инстаграмдагы баракчаңызга канча киши жазылган?
– Жогорку Кеңешке келгенден тарта инстаграмды унутуп койдум. Фейсбукка гана кирип калам. Бирок өз алдымча пост жазганга убактым жок. Социалдык тармактар аркылуу азырынча жеке жашоомду, жасап жаткан иштеримди жарыялаганга даяр эмесмин.

– Жеке жашооңуз тууралуу сурап кетпесем болбос...
– Кыскача эле айтайын, жеке жашоодо баары сонун.

– Маегиңизге чоң рахмат.

«ЖӨӨ ЖҮРГӨН ЖАКШЫ ЭКЕН»

– Эркиндик канча турат?
– Анын баасын ченей албайбыз.

– Мандатчы?
– Мандатты аракеттин артында гана алыш керек.

– ««Лабутен» туфлисичи?
– Билбейм. Анын үстүнө бийик така кийүү – бул азап.

– Жакшы көргөн китебиңиз?
– Чыңгыз Айтматовдун бардык китептери. Кээ бир чыгармаларын окуган сайын ыйлай берем.

– Киноңузчу?
– «Курманжан датка» эң жакшы көргөн киномо айланды.

– Унаа?
– Бардык эле унаалар жакшы. Мен азыр жумушка жөө келип, жөө кетип жатам. Бул андан да жакшы экен.

– ««Космоско учуунун баасы болгону 500 миң доллар» деген акция болсо?
– Барбайт болчумун. Гагарин «космосту акчага көрсөтөбүз» деп жол баштап бербесе керек.


"Апам дайыма менин жүрөгүмдө".

"Бактылуу балалыгымдан көз ирмем. Ууртумдан жылмаюу түшчү эмес".

Мирлан Өмүралиев
Адилет Бектуров
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: