Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Султан Садыралиев: “ЖАКШЫ ЖАШООМДУ ЫРЧЫЛЫК ТУРМУШ БУЗДУ”

№380 12-18-февраль, 2010-ж.


Жеке жашоосунан жабыркап, чыгармачылыктан алыстап күйөрмандарын сагындырган ырчы Султан Садыралиев жаңы дем менен сахнага чыкмакчы. Бук болгон ырчы чээнден чыгып, жаштарды шаңга бөлөгөн Сүйүү күнүнүн алдында биз менен сырдашты.

– Султан, Сүйүү күнүнө карата концерт коюуга камынганыңа караганда, сүйүүгө дагы кабылгансың го?
– Жок, азырынча андай эмес. Эски сүйүүмдүн жараты жаңыдан эле айыгып, адам катарына эми кошулуп келе жатам.
– Адам катарынан бөлүп салгыдай эмне болгон сүйүүгө кабылдың эле?
– Өткөн жылы жан дүйнөм "кризиске" учурады. Сүйгөнүм экөөбүз келишпей, ажыраштык. Катуу сүйүп калган экенмин, аны менен ажырашкандан кийин эч нерсе жасабай бир жыл үйдө жаттым. Ошондо ичтим дагы, чектим дагы, ыйладым дагы. Андайда бугуңду бирөө менен бөлүшпөсөң да жаман экен. Бөлүшөйүн десем же түшүнгөн адам жок. Ушундай депрессияда жүргөндө көчөгө да чыга албай калгам. Көчөдө баратсам элдин баары мени жаман көрүп жаткандай сезилчү.
– Кыз-жигит ортосундагы ажырашуу мынчалык кыйын болбосо керек? Кыязы, чогуу жашап көнүшүп калгансыңар го?
– Үйлөнбөсөм да үйгө келип-кетип турчу. Кыскасын айтканда, дайыма бирге болчубуз. Мен Бактыгүл менен жүрүп үй-бүлөнүн кадырын сездим. Чынын айтсам, аны менен түбөлүк бирге болууга даяр болчумун. Мүмкүн кээ бир жакын адамдарымдын сөзүнө жетеленбегенимде мамилебиз бузулбас беле?.. Ал менин жүрөгүмдө эң бир сыйлуу аялзаты катары түбөлүк жашайт. Көп каталык менден кетти окшойт. Ажырашкан соң Бактыгүлдү көргүм келип, жолугуп алып көзүмдөн жашым куюлат десең. Өлгөндүн артынан өлүп калбагандай эле убакыттын өтүшү менен жара деле айыгат экен.
– Бир күйөрман кызыңдын “Султан менен Бактыгүл балалуу болушпагандыктан ажырашты” деп айтканы бар. Ошондо сен “ал жөнүндө жазбагыла, кан төгүүлөр болуп кетет” деп тынчсыздандың эле?
– Эми ал ошондой жердин кызы. Анын үстүнө менин кесепетим анын турмушуна таасирин тийгизбесин деп, ал экөөбүз жөнүндө гезит бетине чыгуусун каалаган эмесмин. Үйлөнүп, жашабасак, кайдагы бала? Мен өзүм кичинекей балдарды аябай жакшы көрөм. Наристени көргөндө эзилип кетем. Сахналаш досторум Урмат, Мирбек, Кайрат, Ирлан үй-бүлөлүү эмеспи. Алардыкына барганда үйлөнгүм келип кетет.
– Сени "кримчөйрөгө көз каранды" деп да жүрүшөт?
– Кримчөйрөгө көз каранды болгудай арамдан тапкан байлыгым жок. Кримчөйрө мен билгенден таланттуу жаштарды бардык жагынан колдоп келе жатат. Бул чөйрөдө мага колдоо көрсөткөндөр бар десем болот. Алар тойго чакырса барып ырдап берип турам.
– Той демекчи ставкаң канча?
– Тойдо ставкам мынча деп да айтпайм. Сыйлап чакырса барып ырдап коюп, көңүлүнөн чыгарып бергенине ыраазы болуп кете берем.
– Анда ырчылык менен жан багуу кыйын болсо керек?
– Ырчылык менен жашоо бир аз кыйын десем жарашат. Чыгармачыл адамдарга ырдан башка байлыктын кереги деле жок. Бирок мен башкаларчылап акча табуу үчүн жеке иш баштоого кызыкпаймын, колумдан да келбейт. Окуумду эки жыл мурун бүтүшүм керек эле, быйыл бүтүп жатам.
– Шоу-бизнесте жүрүп материалдык жактан эмне байлык топтодуң?
– Минип жүргөн машинамдан сырткары эч нерсе топтогон жокмун. Азыркы айдап жүргөн машинам алтынчысы. 3 жолу автокырсыкка учурадым. Бир жолу Оштон түнү менен айдап келе жатып, шаарга кире бергенде уктап кетип оодарылып калдым. Машинам такыр жарабай калган. Кудай жалгап, өзүм аман калдым. Мындай кырсыктарга кабылганда өзүм болбосо да ата-энем, бир туугандарым мага арнап түлөө өткөрүп турушат.
– Ырым-жырымдарга ишенесиңби?
– Ишенем. Бирок көзү ачыктарга такыр барбайм. Мечитке жума намазга барганда кадимкидей жеңилдеп калам. Мен ооруганда көзүмө ар нерселер көрүнүп, сүйлөнө берем. Бир жолу бир табып апага барганда “сага кыздар дуба кылыптыр, молдого дем салдырып жүр” деген болчу. Аны деле кылган жокмун, ким дуба кылмак эле деп коюп жүрөм. Бирок кыздарга ишенич жок, азыркы кыздардан баарын күтсө болот.
– Намазга жыгылайын деген оюң барбы?
– Мурда намаз окучумун. Менин жакшынакай жашоомду ырчылык турмуш бузду. Кечинде түнкү клубдарга барасың, таң аткычакты бийлейсиң, ичесиң, анан саат беште үйгө келип намаз окуй албайсың. Ошентип жүрүп көп жагымсыз окуяларга туш болдум. Башында эмне үчүн минтип жатам деп өзүмө суроо берип, намаз окуйм деп күнөөмдү сезчүмүн. Акыркы кезде мындай жашоого көнүп калып, бул суроону өзүмө-өзүм бербей да калдым. Азырынча чала молдо дин бузар болбой эле турайын, Кудай буюрса, үйлөнгөндөн кийин намаз окуймун. Ата-энемдин жанында болбогонум да жашоомо көп терс таасирин тийгизди. Алар менин жанымда болуп эртели-кеч акыл-насаатын айтышып, көзөмөлдөп турганда, балким, мен мындан көп ийгиликтерге жетер белем?
– Качан үйлөнөйүн деп жатасың? Казак кызын аласыңбы же кыргызбы?
– Качан өзүмө ылайыктуу кыз тапканда үйлөнөм. Негизи, менин мүнөзүм аябай оор. Бирде ачуулуу болсом, бирде муңайым. Казак кызын албайм. Анткени жаңыдан эле өзүм казак деген аттан арылып, кыргыз болуп жатып кайрадан казак аралаштыргым келбейт. Апам “Бишкекте казак кыздары жокпу же биздин айылдагы баланча кызды албайсыңбы?” деп сунуштай берет. А мен толук кандуу кыргыз үй-бүлөсүн кургум келет. Баса, мага “кыргыз тили жагабы же казак тилиби?” деген суроону көп беришет. Бул суроо мага атаң жакшыбы же апаңбы дегендей туюлат, ошондуктан эки тилде тең бирдей сүйлөйм, экөөнү тең бирдей көрөм.
– Болочок жарыңдын кесиби ким болсо деп элестетесиң? Эч кандай билими жок, базарда иштеген кызды сүйүп калсаңчы?
– Денесин сатып көчөдө турбаган, жүрөгүндө ыйманы бар эле кыз болсо болду. Ал эми кесибине көп кызыга бербейм.
– Учурдагы кымбатчылык жашооңо таасирин тийгизип жатабы?
– Газ, свет, жылуулуктун кымбаттаганы анча деле сезилген жок. Бирок телефондун кымбаттаганы билинүүдө. Мурда күнүнө 250 бирдик салсам, азыр 350 салсам да жетпей жатат. Анткени мага эч ким чала албайт. СМС жиберишет, анан өзүм чалам.
– Рысбек Жабиров менен келишимдин негизинде иштешип жатасыңарбы?
– Динара эже менен келишим бүткөн. Андан бери өзүм менен өзүм алышып жүрүп бир жылды өткөрүп жиберипмин. Учурда Рысбек байке ага катары жардамын берип жатат. Ортобузда кагаз түрүндө эч кандай келишим жок. Мен жардам бериңиз деп бардым, ал макулдугун берди. Мурдагыдай "биякка баспа, тиякка бас" деген талаш-тартыштар жок.
– Динара эже менен келишимди эмне үчүн уланта берген жоксуң?
– Ал кезде кайра улантууну ойломок тургай өзүмдү караганга алым жок болчу. Азыр мамилем жакшы, сүйлөшүп турам. Жакында болуучу концертиме чакырам.
– Маегиңе рахмат. Бул жашоодо эч жамандык көрбө.

Султан кандай абалга кабылбасын, анын артынан чуркаган күйөрман, сүйөрман кыздары азаймак турсун көбөйүүдө. Ошондой кыздардын бири ГҮЛКАЙЫР Султанга болгон сүйүүсүн бөлүшмөкчү.

– Гүлкайыр, өзүңдү тааныштыра кетсең? Султанды сүйгөнүңө канча болду?
– Атым – Гүлкайыр, 1989-жылы Алайда төрөлгөм. Султанды 2005-жылдан бери сүйүп келем. Апамдар “Ошто окуйсуң” дешсе болбой, аны көрүп туруу үчүн Бишкекке баса бергем. Ошентип, Султан үчүн Бишкекте жүргөнүмө беш жыл болду.
– Анан ырчы жигитке жолугуп турасыңбы?
– Концерттеринен калбайм. Радиого, гезитке, телеге, кыскасы, Султан болгон жерге жетип барам. Гезит саткан күркө менен сүйлөшүп койгом. Султан чыккан кандай гезит болбосун катып коёт, мен сатып алам. Султанды күтүп Спорт Ордосунда түнкү 12ге чейин турган күндөрүм болгон. Ага арнаган катымды берем деп УТРКда бир айга жакын жүрүп бердим.
Султан чалып “рахмат, катыңды окудум” деп кубанткан. Катта “Казакстандагы ата-энем, бир туугандарым кандай?” деп жазган элем. Аны эстеген сайын Султандан уяла берем.
– Султанга жетериңе ишенесиңби?
– Жетсем да, жетпесем да Султан менин жүрөгүмдө түбөлүккө жашайт. Балким, ушул сүйүүмдүн айынан турмушка чыкпай каламбы деп ойлоп кетем. Турмушка чыксам да, Султан мени менен бирге болот.


Жылмайып коюңуз!

Султан күтүүсүздөн үйлөнүп алат. Продюсери:
– Султан, болор иш болуптур, бул тууралуу гезитке айта көрбө,- деп урушат.
"Үйлөнгөн турбайсыңбы?" деген журналисттин суроосуна шашып кеткен Султан:
– Мен үйлөнгөн эмесмин, анын аты Бактыгүл эмес, менден улуу да эмес. Мен Мирбектей болуп балалуу болууга жетише элекмин,- деп актанып жибериптир.

Замира Рахманбердиева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(13)
15.02.2010. 11:22 
Тайпасы:
Кыймылы жок
Комментарийлердин саны:
19
Катталган:
16-05-2009
Соӊку аракети:
12-08-2010 15:57
Жынысы:
Белгисиз
Калаасы:
Кыргызстан
0
Болочок жарыңдын кесиби ким болсо деп элестетесиң? Эч кандай билими жок, базарда иштеген кызды сүйүп калсаңчы?

Ушинтип да суроо береби?
15.02.2010. 16:11 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Бактыгул менен турмуш курганын эмнеге жашыры берет,!!, жакшы дагы той менен,загс кылып уйлонбоду беле. Это уж вообще ....
15.02.2010. 16:12 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
кстати точно кызыктай суроолорду ойлонбой бере берет экен
15.02.2010. 19:33 
Тайпасы:
Кыймылы жок
Комментарийлердин саны:
70
Катталган:
30-12-2007
Соӊку аракети:
15-08-2014 11:44
Жынысы:
Белгисиз
Калаасы:
..:Жалган дүйнө:..
0
Кайсы кыз ушун сүйөт десең эй? Колдон суурулуп турганы көрүнүп эле турбайбы? Же кыздар ушинтип алданганды жакшы көргөн калкпы?
16.02.2010. 09:49 
Тайпасы:
Жаран
Комментарийлердин саны:
20
Катталган:
28-07-2009
Соӊку аракети:
22-06-2018 15:44
Жынысы:
Белгисиз
0
Таллас эми " Беш кол тен эмес да. "
жазсанар конкретту бироону корсотуп жазгылачы. " кыздар...калкпы " дебей.
16.02.2010. 15:18 
Тайпасы:
Кыймылы жок
Комментарийлердин саны:
13
Катталган:
14-02-2010
Соӊку аракети:
08-11-2014 12:27
Жынысы:
Белгисиз
Калаасы:
Ош
0
ар ким ар нерсени айта берет баарынар озунорго ишенгиле
17.02.2010. 21:59 
Тайпасы:
Жаран
Комментарийлердин саны:
88
Катталган:
09-07-2009
Соӊку аракети:
17-11-2018 10:16
Жынысы:
Белгисиз
0
Негизи айта берсе эле соз боло берет эмеспи
18.02.2010. 03:13 
Тайпасы:
Кыймылы жок
Комментарийлердин саны:
2
Катталган:
06-12-2009
Соӊку аракети:
17-03-2010 02:57
Жынысы:
Белгисиз
0
Болочок жарыңдын кесиби ким болсо деп элестетесиң? Эч кандай билими жок, базарда иштеген кызды сүйүп калсаңчы?
Bul kandai suroo??amei ne bazarda ishtese ele kyz emespi,je bazarda ishtese bilimi jok beken ya?abailap suroo bersener,kobuncho bazardagy kyzdar akyldyyrak bolso kerek e?!!!!!!!!!!
18.02.2010. 04:39 
Тайпасы:
Кыймылы жок
Комментарийлердин саны:
40
Катталган:
07-07-2009
Соӊку аракети:
02-01-2014 22:55
Жынысы:
Белгисиз
Калаасы:
Evropa
0
basarda ishtegenge da talant kerek...
18.02.2010. 19:21 
Тайпасы:
Тартип бузгандар
Комментарийлердин саны:
5
Катталган:
13-08-2009
Соӊку аракети:
05-12-2011 01:24
Жынысы:
Белгисиз
0
иййй ушул балада уят деле жок калды. кызын баласын дебей бут суйуп чыкканы аз келгенсип. Эски продюссерин алдап коюп эми жанысын таап слган корунот.
Султан байке тушунузчу сиздин доор бутту! Башкаларга кезек бериниз! Андан коро башка нерселер мене алектениниз.
19.02.2010. 02:06 
Тайпасы:
Кыймылы жок
Комментарийлердин саны:
5
Катталган:
06-06-2009
Соӊку аракети:
15-12-2013 00:45
Жынысы:
Белгисиз
0
жакшы айабай.Бирок чындап эле жонокойсунбу же калпы ишенич кыйын???.
21.02.2010. 16:03 
Тайпасы:
Кыймылы жок
Комментарийлердин саны:
20
Катталган:
02-11-2009
Соӊку аракети:
10-03-2010 20:34
Жынысы:
Белгисиз
0
Эмне Бактугулго уйлонгон беле тушунбой калдым
18.03.2010. 01:16 
Тайпасы:
Кыймылы жок
Комментарийлердин саны:
22
Катталган:
14-03-2010
Соӊку аракети:
20-09-2013 13:19
Жынысы:
Белгисиз
Калаасы:
Texas
0
Gulkaiyr esine kelsen bolo. senin sezimindi orutkum kelbeit birok Sultan degen senin jashoono bash baga albait go deim andan koro oz jashoono kam korson abdan sonun bolmok, birok senin suiuugo turuktuuluguna baa berdim
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: