КЫРГЫЗ ӨКМӨТҮ ЫРЧЫЛАРДЫН ИЙГИЛИКТЕРИН ӨЗҮНӨ ЫЙГАРЫП АЛДЫБЫ?

26-апрель күнү Жогорку Кеңештин Эл аралык иштер, коргоо жана коопсуздук боюнча комитетинин мүчөлөрү өкмөттүн 2015-жылдагы отчётун угуп жатып, отчётко чет өлкөлүк сынактарда ийгилик жараткан ырчылар Кайрат Примбердиев менен Жийдеш Идирисованын жеңиштери белгиленип калганын талкууга алышты. Депутат Максат Сабиров: «Уялбайсыңарбы, ырчыларга кандай жардам көрсөттүңөр?! Алар чуркап, өздөрүн өздөрү каржылап жүрүшөт»,- деп сындады.
Ырчыларга «сынакка баратканда өкмөт жардам көрсөттү беле?» деп кайрыл- ганыбызда, Жийдеш Идирисова: «Мага эч бир мамлекеттик түзүм каржы жактан колдоо көрсөткөн эмес. Өзүбүз акча чогултуп эле барып келгенбиз»,- деди.
Ал эми Кайрат Примбердиев: «Орусияга сынакка барганда жубайым менен 3 ай Москвада жашап, кошумча түнкү клубда ырдап иштеп жүрдүм. Москвага бара жатканда эч бир министрликке кайрылган эмесмин. Сынакка кеткен каражатты өз чөнтөгүмдөн чыгаргам»,- дейт. Чын эле Кайрат менен Жийдештин ийгилиги өкмөттүн отчётунда белгиленгенби деп өкмөттүн маалымат кызматынын жетекчиси Толгонай Стамалиевага 28-апрелде байланышканыбызда, Жогорку Кеңеште жыйында отурганын айтып: «Азыр өкмөт башчы отчёт берип жатат. Ал тууралуу сөз болгон жок»,- деди. Ал эми депутат Максат Сабиров: «Вице-премьер-министр жана өкмөт мүчөлөрү өкмөттүн отчётун алып келген. Анда «өкмөт маданият тармагында ушундай ийгиликтерге ээ болду» деп жазылган»,- деген оюн айтты. Мындан улам өкмөт ырчылардын ийгиликтерин жөн эле өзүнө ыйгарып алдыбы деген суроо туулат. Акчалай жардам бербесе, эч бир муктаждыгын бүтүрүүгө жардам көрсөтпөсө, кантип отчётко кирип калган?

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (9)

kyrgyzkyzy99

2016-05-02 12:58:09

Эч бит жардам бербей туруп кантип отчетко кошту,уялышпайбы

white_angel

2016-05-02 14:20:06

Пфффффффф,арабаны эшек тартса,колокосундо жургон ит мен тарттым дегендей

+10

batsam

2016-05-03 09:47:56

white_angel,туура макалды айттын, дал ошондой эле болуп калыптыр.

OMURBEK.

2016-05-02 20:19:23

Бет деген нет да

bagira77

2016-05-03 19:22:46

Беттери бет эмей эле,батинкенин бирдемеси болуп калды го эми. Кичине ынсап кылышса боло,оо кудай!

aijan280389

2016-05-04 19:58:59

Башка корунуктуу иш кылышпаса анан ырчыларды айтат да

Nurzada-5

2016-05-06 16:04:01

Кыргыз элинин атынан чыгып аткандан кийин кошуп алышты да эмнеси бар экен. Сыйлык жалкы сыймыгы жалпы деген сөз бар эмеспи.

AIZAD

2016-05-07 18:13:54

Анан эле налог толосун ырчылар деп да калышат!

Tattybubu93

2016-05-09 20:33:45

Deputattar akyrky mezgilde yrchy , kuuduldardan bowoboi kalywty go chirkin,

Комментарий калтыруу үчүн өз ысымыңыз менен кириңиз же каттоодон өтүңүз.

№ 704, 29-апрель-5-май, 2016-ж