Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Мээрбек Мискенбаев, Жогорку Кеңештин депутаты: «БАЗАРДАГЫ ЭЛДИ БАКИЕВДИК БИЙЛИККЕ КАРШЫ ЧЫГУУГА ҮНДӨЙ БЕРЧҮМҮН»

№705 6-май-12-май, 2016-ж


Мээрбек Мискенбаев менен маектешмекчи болуп барганыбызда биринчи суроосу «силер да куудулдар тууралуу сурайын деп жатасыңарбы?» деген суроо болду. А биз баарын сурадык. Балалыгын, үй-бүлөсүн, депутаттык ишмердигин... Айтор, кызыккан суроолорубуздун бирин да жоопсуз калтырган жок.

МИСКЕНБАЕВ МЭЭРБЕК ЖАЙЛООБАЕВИЧ

  • 1978-жылдын 29-декабрында Талас облусунун Кара-Буура районундагы Кайнар айылында туулган.
  • 1992-1998-жылдары Ш.Сыдыков атындагы республикалык олимпиадалык резервдеги окуу жайында окуган.
  • 2005-жылы Жусуп Баласагын атындагы Кыргыз улуттук университетинин финансы жана кредит факультетинен экономика адистиги боюнча билимге ээ болгон.
  • 2007-2010-жылдары жеке ишкер;
  • 2011-2012-жылдары «Айкөл Ала-Тоо» коомдук бирикмесинин жетекчисинин орун басары;
  • 2012-жылы «Айкөл Ала-Тоо» коомдук бирикмесинин төрагасы;
  • 2013-2014-жылдары «Курулуш, инвестициялар жана соода башкармалыгы» мамлекеттик ишканасынын башкы директору;
  • 2015-жылдан тарта Жогорку Кеңеште КСДП фракциясынан депутат.
  • Үй-бүлөлүү, эки уулдун атасы.

«АПАҢ ӨЛҮП КАЛГАН» ДЕП ЧЫЧАЛАТЫШЧУ»
– Мен Таластын Кара-Буура районунун Кайнар айылынан болом. Балалыгымда ашыкча тентек болгон эмесмин. Эс тарткыча чоң апамды өз апам деп ойлоп жүрүптүрмүн. Көрсө, өз апам мен кичине чагымда эле каза болгон экен. Кийин 3-4-класстарда көчөдө ойноп жүргөндө балдар «сенин апаң өлүп калган...» деген сыяктуу ачуу сөздөрдү айтып чычалата башташканда гана билгем. Чоң апам ошону жашырып жүрчү, анда деле «өзүмдүн эле баламсың» деп эркелетип калар эле. Азыр эстеп калам, ал башымдан сылап, «сен чоң киши болосуң, мен түшүмдө көргөм» деп айтып калчу. Ага түшүндө ошондой аян келген экен.
Кийинчерээк «Бишкектеги олимпиадалык резервдеги спорт мектебинде окуйм» деп чыктым. Чоң апам каршы болду «сен кетсең мен сагынам да, анын үстүнө кичинекейсиң, балдар уруп коёт, айылда эле жүрчү» деп болбойт. Мен көгөрүп өзүмдүкүн бербей койдум.

«ОЛИМПИАДА ЧЕМПИОНУ БОЛГУМ КЕЛЧҮ»
– Анан 8-классымда Бишкекке келип спорт мектепте окуп калдым. Бардык агай-эжейлердин сүймөнчүгү элем, себеби эң кичинекейи мен болчумун. Салмагым 28 эле килограмм, машыккан спортум болсо оор атлетика. Окуу жайда мугалимдер «сен кичирээксиң» деп оор темирлерди бир жыл көтөртпөй коюшкан. А менин кыялым – Олимпиада чемпиону болуу эле.
Спорт мектебинде окуп жүргөн күндөрдүн биринде бизге шаардык балдар тийишип башташты. Бирок биз, айылдын балдары аларга караганда өжөр, чыдамкай болот окшойбуз. Өздөрү биринчи катылгандардын катыгын берип койгонбуз. Кээде өз кызыкчылыгыңды ошондой жол менен да коргоого туура келчү.
Спорттук мектепти бүтөрүмө бир жыл калганда сабактардан тажап, айылга кетем деп чыктым. Ошондо атам келип мугалимдердин көзүнчө какыс-кукус кылып, «бир жыл калганда чыдабай кетип калып, айылга кантип барасың?!» деп урушкан. Катуу таарынып калган экенмин, айылга бир жыл таптакыр барбай койдум. Кышкы кийимим жок. Үстүмдө спорттук жеңил кийим, бутумда кеда менен кыштан чыгып кеткем. Жайкысын «Спартак» стадионуна да түнөгөн күндөр болду. Чоң апамды сагынганымды айтпагыла.

«ЖУБАЙЫМА 3 ЖОЛУ ЖОЛУГУП ЭЛЕ ҮЙЛӨНГӨМ»
– Негизи мен үй-бүлөдө жалгыз уулмун. Атамдын менден башка үч кызы бар. Ал азыр экинчи апам менен жашайт. Карындаштарымдын экөө өз турмушу менен, кичүү карындашым болсо Бишкекте жогорку окуу жайда окуп жатат. Атам тез-тезден шаарга каттап турат. Неберелерин сагынганда эле меникине жөнөйт. Баса, менин Олимпиада чемпиону болуу кыялым орундалбай калды. Машыгууларда алган жаракат спортту жыйыштырууга аргасыз кылды. Анын айынан аскерге да барбай калдым.
Кийин Улуттук университетте окуп жогорку билимдүү болдум. Жубайым башка жогорку окуу жайда ислам факультетинде билим алчу. Динге ылайык, 3 жолу гана көрүшүп үйлөнүү керек экен. Андыктан кыз-жигит болуп сүйлөшкөн эмеспиз, 3-жолугушуудан кийин жубайлыкка алгам. Кудайга шүгүр, азыр эки уулду тарбиялап жатабыз.

«ОШ БАЗАРДАГЫ» ӨРТТҮН ЧЫГЫШЫНА СЕБЕПЧИ БОЛГОМ»
«Койчу, Мээрбек «краска» сатып эле жүрчү» деп сүйлөнгөндөр бар. Ооба, мен көп нерсе сатып ишкерлик кылдым. Бөтөлкө алып саттым, айрымдар айткан «красканы» да. Дыйканчылык кылдым. Башкысы, уурулук кылган жокмун. Таза мээнетим менен акча таптым. Баса, дал ошол боёк сатып жүргөндө контейнеримди дагы чоңойтом деп ширетүүчүлөрдү иштетип жатканда өрт чыгып, меникине жакын жайгашкан дагы бир нече контейнер өрттөнүп кеткен. Анын чыгымын кийин жаап бердим. Ошондо «Ош базарындагы» өрт бардык жерде айтылып, жакындарым бушайман болушкан. Андан кийин да далай иштер менен алек болдум.

«АЛТЫ АЙ САЙЫН ДАРЫЛАНЫП ТУРАМ»
– Депутаттыкка кокустан келип калдым деп ойлобойм. Бул менин негизги максаттарымдын бири болчу. Элдин таламын талашкым келчү. 2005-жылдагы революцияда, кийин бакиевдик бийликке каршы митингдерде активдүү катышып жүрчүмүн.
Укук коргоо органдары далай ирет кармап, камап коюшту. Акыркы ирет 2010-жылы «дагы бир жолу митингдерден көрсөк, биротоло соттоп жиберебиз» деп эскертишкен. Бишкекте соода кылган контейнеримде Алмазбек Атамбаевдин, Өмүрбек Текебаевдин сүрөтү, Кыргызстандын желеги илинип турчу. Милиция кызматкерлери келип «сүрөттөрдү алып кой» деп эскертип кетет. «Ооба» деп алар кеткен соң кайра илип коёр элем. Базардагы элди бакиевдик бийликке каршы чыгууга үндөй берчүмүн. Себеби анын саясаты жакшылыкка алып барбасы айдан ачык болчу. Ошону менен 7-апрелде көпчүлүккө кошулуп Ак үйдүн алдына бардым. Кырчындай жигиттер окко учту. Ал күнү мага да ок жаңылды. Бир чакан эле «Тез жардам» унаасына 6 жарадар адамды жүктөп 4-шаардык ооруканага баргыча төртөө менин көз алдымда каза болду. Үйлөнүп, жаңы эле уулдуу болгон кезим. Уулумду ойлоп, келинчегимди ойлоп бушайман болгом. Себеби «бүттү, ажал келди го» дегем. Кудайга шүгүр, дарыгерлердин жардамы менен 2 күн эсиме келбей жатып, акыры жакшы болуп кеттим. Денемдеги окту 1 жарым айдан кийин гана алууга мүмкүн болду. Азыр алты ай сайын дарыланып турам.

«КООМДУК УНААГА ТҮШСӨМ ЖАМАН КӨРГӨНДӨР БОЛОТ»
– Депутат болуп келгенден тарта ар кандай сөздөрдү уктум. Айрымдардын «Мээрбек кечээ эле минтип жүрчү. Кантип ошол депутат болду?» дегендерин кулагым чалып калат. Ооба, мен карапайым жашоодо жүрүп келген кишимин. Элдин көйгөйүн билем. Азыр да эл катары эле жашайм. Үй-бүлөм менен бир бөлмөлүү батирде жашоо кечиребиз. Жумушка маршруттук такси менен каттайм. Бирок ошондо да «бул эми эмне коомдук унаага түшүп алды, өзүн көрсөткүсү келип жаткан го?» деп жаман көргөндөрдү жолуктурам. Кээде жумушка жөө деле кетип калам. Үйдөн Жогорку Кеңешке 1 саат 20 мүнөттө жетем. Мурда спортто жүргөнүмдүн пайдасы ушул. Көп чарчабайм.
Куудулдар менен болгон талаш-тартыштан кийин да түрдүү сын-пикирлерди уктум. Баарын түшүнүүгө аракет кылдым. Бирок баштапкы оюмдан кайта элекмин. Менимче, адам өлүмүн тамашага салуу туура эмес.


"Бул сүрөт мен үчүн абдан кымбат. Сүрөттө мен жана балакай кезимде каза болуп калган апам".

"Чоң апамдын эркеси болуп, бейкапар жүргөн балалыгым".

Мирлан Өмүралиев
Адилет Бектуров
politika@super.kg



Депутат Мээрбек Мискенбаев: "Бөтөлкө чогултуп саткан күндөр болгон"

Автор: Максат Орозумбетов
Оператор: Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -9 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: