Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖЕТИМ ЖИГИТТИ ӨЛТҮРҮП, СУУГА ТАШТАГАНДАР ЭРКИНДИКТЕ ЖҮРҮШӨБҮ?

№708 27-май-02-июнь, 2016-ж


2014-жылы Сокулук РИИБинин ыкчам иликтөө тобу суудан каз таман трактордун темирине чырмалып байланган адам өлүгүн алып чыгышкан. Мыкаачылык менен өлтүрүлгөн адамдын ким экендиги бир топко чейин аныкталган эмес. Кийин бул дене 1990-жылы туулган Бакыт Султековго таандык экени аныкталды. Ата-энесинен эрте жетим калып, мектеп-интернатта чоңойгон Султековду ким, эмне себептен өлтүргөндүгү тууралуу ошол жылы гезитибиздин №615-санында макала жазганбыз. Эми бул окуяга кайрадан кайрылууну туура көрдүк. Себеби төмөндө.

ШЕКТҮҮЛӨР КЫЛМЫШЫН МОЮНУНА АЛЫШКАН

Эске салсак, 2014-жылы маркумдун туугандарын издеп таппай, мектеп-интернаттагы мугалимдери менен маектешип, гезит бетине жарыялаганбыз. Тарбиячысы Ирина Галкина "Бакытты кичинесинен тарбиялап өстүрдүм. Окуусун аяктаган соң биздин үйдө жашап жүрдү. Себеби анын ата-энесинен калган үйүн бирөөлөр мыйзамсыз менчиктеп алышкан экен. Кийин сотко кайрылып, үйдү өзүнө кайтарып алган",- деген. Ал эми Чүй ОИИББинин басма сөз кызматынын башчысы Нурбек Токтосунов: "Кылмышка шектелип Бегулан Шакиров, Кубат Алмасбеков, Жакшылык Өмүралиев жана Нурлан Алымкулов аттуу жарандар кармалып, кылмыштарын моюндарына алышты. Дагы бир кылмыштын уюштуруучусу, "киши уурдоого жана өлтүрүүгө катышкан" деген шек менен Нуркан Алымкулов аттуу жаран издөөдө жүрөт. Тергөөдө белгилүү болгондой, Бакыт Султековду Сокулук районунун аймагында жайгашкан сарайга алып барып токмоктошкон. Өтө катуу сабалган Бакыт Султеков ошол жерде өлүп калган. Кылмышка шектүүлөр сөөктү жашыруу үчүн маркумдун башына целлофан баштык кийгизип, бутуна каз таман трактордун темирин кошо байлап, сууга чөктүрүп салышкан. Бул кылмыш боюнча Кыргыз Республикасынын Кылмыш жана жаза кодексинин 97-беренеси (адам өлтүрүү) боюнча иш козголуп, тергөө жүрүп жатат",- деген маалымат берген.

"ТИЛЕГИНЕ ЖЕТПЕЙ КАЛДЫ"

Жакында Бакыт Султековдун кайнатасы болом деп Абдыразак Сулайманов аттуу адам келди:
– 2012-жылы кызым менен Бакыт чакан той берип баш кошушту. Бакыттын ата-энеси эрте кайтыш болуп калгандыктан тай жагы менен катташып турчу экен. Туугандарын ээрчитип келип, кызыма сөйкө салып кетишкен. Көп өтпөй кызымды үйдөн алып кетишти. Ата-энесине тиешелүү үй чоочун бирөөлөргө өтүп кеткен экен, кайтарып алуу үчүн сотко кайрылган. "Сот бүткүчө батирде жашап турабыз" дешкенинен "биз менен жашагыла" деп үйгө чакырып алганбыз. Июнь айы болсо керек эле, "соттон утуп алдым, буюрса, ушул айдын аягында үйдүн ачкычы колума тиет. Август айында чоң үйлөнүү тоюн өткөрөбүз" деп кубанып жүргөн. Тилегине жетпей калды.

"КАЗЫП АЛЫП КАЙРА КӨМДҮК"

Бакыт Султековдун келинчегине жолугуу үчүн үйүнө бардык. Ал 1 жарым жаштагы баласын уктатып жатыптыр. Көзүнө жаш алып, окуя тууралуу айта албады. Күйөө баласынын өлүмү тууралуу уккан күндү кайненеси Мария Сулайманова баяндап берди:
– Бакыт бир мүнөз, олбурлуу бала болчу. Көйгөйү менен деле, кубанычы менен деле бөлүшпөйт, кабатырланып бир нерсе сурасаң "апа, баары жайында" деп жайгарып койчу. Эркек балабыз жок, 3 кызды тарбияладык. Мен аны өзүм тапкан баламдай жакшы көрчүмүн (ыйлап). Ошол күнү кандай кийинип чыгып кеткени эсимде. Эртеси эле телефону өчүп калды. Үч күн катары менен Бакытка чалдык, дайын жок. Бир күнү менин телефонума белгисиз номерден чалуу келип, сыртка чакырышты. Чыксам "милициядан келдик" деп кишилер турушуптур. "Сизге бир сүрөт көрсөтөлү, таанысаңыз айтыңыз" деп, чечилип турган бут кийим, футболка, шым, байпагынын сүрөтүн көрсөтүштү. Баягы бут кийими, ошол менин көз алдымдагы кийген турпаты. Ыйлап жибердим. Кош бойлуу кызым кабарды угуп боюнан козголуп, азап тарттык.
Бакыттын сөөгүнүн ээси чыкпай койгондо интернатта тарбиялаган апасы молдокелерден кеңеш сурап, көмүп коюшуптур. Улуу күйөө балдарым барып Бакыттын сөөгүн казып келип, мусулманча жаназа окуп жерге бердик.

"ҮЙ КИМДИН НААМЫНДА БЕЛГИСИЗ"

Бул арада сөзгө Бакыт Султековдун кайнатасы Абдыразак Сулайманов аралашты:

– Кызым менен Бакыт нике күбөлүгүн алыша элек болчу. Бакыт ошол ата-энесинен калган үйдү алам деп жүрүп кете берди. Үй апасынын наамында болгон экен. Ал каза болгондо Бакытка жана анын агасы Марска мурас катары калыптыр. Апасы каза болордо үйүнө Алымкулов аттуу кишини киргизиптир. Кийин Бакыттын апасы каза болуп калат. Бакыт интернатта жашап, агасы Марс Нарынга туугандарыныкына кетет. Үйдө калган Алымкуловдор "батир акысын көп суммада алдын ала төлөгөнбүз" деп менчиктештирип алышыптыр.
Мен бул боюнча ишти эмнеден баштаарымды да билбей турам. Жогорку Кеңештин депутаты Каныбек Иманалиевге жолугуп, иш тууралуу айтсам "кабыл алууга кел" деген. Бүгүн кабинетине кирейин деп пропуск алгам. Ооздон эле "жынсы шымчан экенсиң" деп киргизбей коюшту.

"БАКЫТ МЕНЕН ЧОҢОЙГОНДО КАТТАША БАШТАГАНБЫЗ"

Бакыт Султековдун атасынын бир туугандарын Нарын облусунан таптык. Аталаш тууганы Улан Жаанбаев буларга токтолду:
– Бакыттын өмүрүнүн акырына чейин эле байланышта болуп жаткам. Үй боюнча сот кылымдын соту болду го, дээрлик 4 жылга уланды. Ал эми анын өлүмү боюнча сот 1 жылга жетпей аяктап калганын түшүнө албай турам.
Бир жолу Бишкекте тамактануучу жайда отуруп Бакыттын официант болуп иштеп жүргөнүн көрүп калдым. Агаларыбызга окшоштуруп таанып, "Бакытсыңбы?" десем "ооба, менмин" деди. Ошондон кийин аны менен катташып калганбыз. Агасы болсо оор кылмыш кылып, 17 жылга эркинен ажыратылып, абакта. Ошондо жолукканыбызда Бакыт "апамдан калган үйдү алам деп соттошуп жүрөм. Аны агам экөөбүзгө мураска калтырып кеткен. Негизсиз эле бирөөлөр ээлеп алышыптыр" деген. Жактоочусу Докучаева Лариса Валентиновнага колумдан келген тыйынымды берип, жардам берүүсүн өтүнгөм. Соту аяктап, үй Бакыт менен агасынын пайдасына чечилген. Ошол жылы, июнь айлары болсо керек, мага "Байке, мен Сочиге иштегени кетип жатам. Сизге ишеним кат жазып берем. Үй деле буюрбай калды го, сатып туруп агам экөөбүзгө тең бөлүп, Нарындан жана Токмоктон ылайыктуу үй караштырып бериңизчи",- деген.
Менин маалыматым боюнча, азыр үй маркум Бакыт менен эле агасы Марстын наамында. Документтери жактоочу Лариса Докучаевада болушу мүмкүн.

"БАШЫНДА ТУРГАН КИШИ КАЧЫП ЖҮРӨТ"

Султековду өлтүрүүгө шектелип кармалгандар "киши өлтүрүү" эмес, "киши уурдоо" беренеси менен күнөөлөнүп, шарттуу түрдө кесилишип, абактан чыгып кетишкен. Буга макул эмес экенин Абдыразак Сулайманов төмөнкүдөй билдирет:
– Сокулук райондук соту Жакшылык Өмүралиев, Кубат Алмасбеков, Бегулан Шакиров дегендер мурда соттолбогон, туруктуу жашоочу жерлери бар жана үйүндө жаш балдарды, кары адамдарды багып жатышат деп чыгарып жиберген. Бакытка таандык үйдү менчиктеп алган Нуркан Алымкулов жогорудагы зөөкүрлөр менен бирге Бакытты сабап өлтүрүп, сууга ыргытышкан. Нуркан Алымкулов Кыргызстандан качып чыгып кеткен. Мен анын атасына жолуктум. Ал баласын "күнөөсү жок" дейт. "Күнөөсү жок болсо чакыр, эмнеге качып жүрөт?"- десем жооп бере алган жок. Соттук-медициналык экспертизадан "маркум сууга ыргытылганга чейин тирүү болгон" деген жыйынтык чыгыптыр. Мен соттун чечиминин 1 пайызын да ынанымдуу деп эсептебейм.

"ӨЛТҮРГӨНДӨР КРИМИНАЛДУУ ЧӨЙРӨДӨН"

Бир топ убакыт мурун ушул окуяга байланыштуу маалыматтарым бар деп редакциябызга бирөө чалганын эстеп, ал киши менен байланыштык. Сокулук районуна караштуу Жаңы-Пахта айылында 20 жылдан бери айыл өкмөт, зоотехник болуп иштеп келген Нурбек Кулмырзаев буларга токтолду:

– Гезитти барактап отуруп мындан 2 жыл мурун Бакыт Султековдун өлүмү тууралуу окуп калдым. Арасынан Кубат Алмасбеков дегенди сүрөтүнөн тааныдым. Кубат Алмасбековду "мурда соттолгон эмес" деген сотко таң калып жатам. Ал мындан мурун да бирөөлөр менен чогуу Германиядан машина айдап келип сатып иштеп жүргөн орус улутундагы баланы өлтүрүшүп, 14 жылга эркинен ажыратылган болчу. Анын соттолгондугу тууралуу документтер менде бар. Кийин акчанын күчү менен чыгып кетиптир. Апасы айыл өкмөткө катчылыкка дайындаларда баласынын өмүр-таржымалынан соттолгондугу тууралуу такты өчүртсө керек. Себеби ага чейин ал Жантайбеков Кубат Алмасбекович болчу. Кийин фамилиясын Алмасбеков кылып өзгөртүп алыптыр. Эгер ал мурунку кылмышы боюнча жазасын толук өтөгөндө, кийинки өлүм ишке ашмак эмес беле дейсиң. Укук коргоо органдары, соттор акчага сатылып, кылмышкерлерди эркиндикке чыгарып ийип, канчалаган адамдардын өлүмүнө себепкер болуп жатышат.

Бакыт Султеков 2 жыл мурун суудан ушул абалда табылган.

Гүлжан Асанкожоева
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -2 
Комментарийлер(31)
30.05.2016. 09:49 
Тайпасы:
Тартип бузгандар
Комментарийлердин саны:
11
Катталган:
05-05-2016
Соӊку аракети:
04-07-2016 13:19
Жынысы:
Белгисиз
+76
Жетимдин акысын жеген акмак эку дунуйо онбойсун.
02.06.2016. 21:39 
Тайпасы:
Кыймылы жок
Комментарийлердин саны:
3
Катталган:
01-06-2016
Соӊку аракети:
07-07-2016 15:18
Жынысы:
Белгисиз
+9
Ulan_eshbaev87,туура айтасын жетимди кордомок турсун жетимди ыйлатса жер шаары титирейт дейт. Аллах жазасын берет
30.05.2016. 10:23 
Тайпасы:
Кыймылы жок
Комментарийлердин саны:
7
Катталган:
07-10-2012
Соӊку аракети:
04-10-2016 12:58
Жынысы:
Белгисиз
+36
Аллах жазасын берсин, жетимди кордогондорго.
30.05.2016. 10:41 
Тайпасы:
Жаран
Комментарийлердин саны:
30
Катталган:
14-03-2016
Соӊку аракети:
11-09-2018 15:52
Жынысы:
Белгисиз
+7
ех жашоо
30.05.2016. 11:03 
Тайпасы:
Кыймылы жок
Комментарийлердин саны:
339
Катталган:
20-03-2013
Соӊку аракети:
11-08-2016 16:25
Жынысы:
Белгисиз
+49
Эгер чондорубуз, сотторубуз ушинтип журо беришсе, эртен ушул жетим баланыкындай кунду оз балдары корот. Кантип келечек жонундо ойлонушпай, бугунку кун менен жашап журушот, манкурттар...
30.05.2016. 11:38 
Тайпасы:
Жаран
Комментарийлердин саны:
3
Катталган:
17-02-2016
Соӊку аракети:
14-02-2018 13:34
Жынысы:
Белгисиз
+7
Wave.,Туура айтасыз!
30.05.2016. 11:34 
Тайпасы:
Жаран
Комментарийлердин саны:
3
Катталган:
17-02-2016
Соӊку аракети:
14-02-2018 13:34
Жынысы:
Белгисиз
+14
Байкуш жетимдерди куноосу жок экенин билип туруп деле жетим экендигинен колдонуп оор жазаны мойнуна илип канча бир керек болсо омур бою камакка кесип ийип эле жатышпайбы, мунун баары укук коргоо органдарынын кылыгы, ал жакта отурган байкуштарды дагы жон отургузбай чаапкылап, тепкилеп ит акмагын чыгарышат экен. А бул бала байкуш аман эсен калса деле жанын коюшмак эмес анкени жетим болчу турбайбы, бизде акыйкаттык жок да, бизде акыйкаттык эмес адамдык сапат жок!!!
30.05.2016. 11:37 
Тайпасы:
Жаран
Комментарийлердин саны:
3
Катталган:
17-02-2016
Соӊку аракети:
14-02-2018 13:34
Жынысы:
Белгисиз
+28
Кудайым ушул бала коргон кордукту, ушул баланы олтургон акмактар коруп калсын, Биздин заман, биздин сот, биздин мыйзам булардын жазасын бере албайбы, Кудай берет булардын жазасын, олтуруп эмес тируу кзанга кайнап жаткан сууга салып кыйнат буларды кудай!!! Байкуш маркум, акыреттен жакшы орун берип, конулу тынч болсун, оомин!
30.05.2016. 13:40 
Тайпасы:
Жаран
Комментарийлердин саны:
105
Катталган:
21-07-2011
Соӊку аракети:
23-09-2018 18:12
Жынысы:
Белгисиз
+6
Abbu,оомин!
30.05.2016. 13:47 
Тайпасы:
Кыймылы жок
Комментарийлердин саны:
19
Катталган:
04-02-2016
Соӊку аракети:
28-06-2016 10:19
Жынысы:
Белгисиз
+10
чын эле тиригиче бетине салафан салган болсо кантип жан бердикен бечара аялына кыйын болуптур жакшы аркасында туяк калыптыр баласынын омуру узун болсун эч качан жамандык кордук корбосун
30.05.2016. 14:02 
Тайпасы:
Кыймылы жок
Комментарийлердин саны:
36
Катталган:
27-05-2016
Соӊку аракети:
08-09-2016 01:20
Жынысы:
Белгисиз
Калаасы:
Кыргызстан,обл. Жалал-абад, рай. АКСЫ
+12
Бул жалган дуйнодо жазасынан кутулуп, качып журушу мумкун бирок тиги дуйнодо мынданда оор жаза кутуп турат, кан жон койбойт, Аллах баарын коруп турат, маркум жаны жаннаттан орун алсын
30.05.2016. 14:32 
Тайпасы:
Жаран
Комментарийлердин саны:
240
Катталган:
12-03-2014
Соӊку аракети:
23-06-2018 01:09
Жынысы:
Белгисиз
+15
Байкуш балага боорум ооруду, ушунчалык кылып чырмап байлагандарын кара, бироону олтуруп коюп соттор актаса деле кантип тынч жашап журушот акмактар.
01.06.2016. 12:35 
Тайпасы:
Жаран
Комментарийлердин саны:
6
Катталган:
11-05-2016
Соӊку аракети:
25-09-2018 05:30
Жынысы:
Белгисиз
+2
aiba_00,jashagandar jashap ele jurushot alardy kudai dagyn urbait
30.05.2016. 20:47 
Тайпасы:
Жаран
Комментарийлердин саны:
13
Катталган:
31-08-2015
Соӊку аракети:
13-02-2017 17:48
Жынысы:
Белгисиз
+7
Кылмышкерлер эки дуйнодо тен жакшылык корбой калсын ошолорду элдин астына алып чыгып элдин колуна берсе болмок.
30.05.2016. 21:16 
Тайпасы:
Жаран
Комментарийлердин саны:
36
Катталган:
07-04-2016
Соӊку аракети:
04-07-2017 23:08
Жынысы:
Белгисиз
+11
Ушундай ашатып сөккүм келдииии дааа
30.05.2016. 21:45 
Тайпасы:
Жаран
Комментарийлердин саны:
3
Катталган:
03-02-2014
Соӊку аракети:
12-01-2018 08:54
Жынысы:
Белгисиз
Калаасы:
Кыргызстандан 11000км алыста
+7
Өзү самосуддун болгону да жакшы окшойт,ушуларга окшогондорду эл алдына алып чыгып тепкилееееп тепкилеп салса!
31.05.2016. 02:57 
Тайпасы:
Кыймылы жок
Комментарийлердин саны:
12
Катталган:
18-05-2016
Соӊку аракети:
18-06-2016 00:44
Жынысы:
Белгисиз
+2
Кудай сакта көр не деген шумдук
31.05.2016. 21:52 
Тайпасы:
Жаран
Комментарийлердин саны:
38
Катталган:
16-07-2011
Соӊку аракети:
24-11-2017 21:20
Жынысы:
Белгисиз
Калаасы:
Бишкек
+5
Жогору жактагы атка минерлерибиздин эси дарты акча болуп калгандын артында жонокой адамдар азабын тартууда. Качан онолобуз, качан акчанын кулу болбой улуу адамдардан болобуз...
31.05.2016. 23:27 
Тайпасы:
Жаран
Комментарийлердин саны:
39
Катталган:
21-05-2016
Соӊку аракети:
07-04-2018 11:42
Жынысы:
Белгисиз
+3
Аллах баарын коруп билуучу зат акыретти ойлошубуз керек мусулман бир туугандарым
01.06.2016. 01:17 
Тайпасы:
Кыймылы жок
Комментарийлердин саны:
18
Катталган:
16-05-2015
Соӊку аракети:
01-11-2016 21:33
Жынысы:
Белгисиз
+4
Жанагы жан алгычтар менен аларды актаган сотторду да ушинтип сууга салып жиберсе
01.06.2016. 18:52 
Тайпасы:
Жаран
Комментарийлердин саны:
198
Катталган:
16-12-2015
Соӊку аракети:
25-09-2018 09:52
Жынысы:
Белгисиз
+2
Жетимге кун жок деген ушул окшойт.
02.06.2016. 10:17 
Тайпасы:
Жаран
Комментарийлердин саны:
6
Катталган:
11-04-2016
Соӊку аракети:
29-06-2018 11:11
Жынысы:
Белгисиз
Калаасы:
Бишкек
+4
Мен дагы адилетсиз соттордун айынан үйсүз калып Россияда иштеп жүрөм. Бир дагы адилет сот жок азыр Кыргызстанда. Баарын дарга асып салган адам соопко калат. Ушулардын айынан канчалардын тагдыры бузулуп кыйналып жүрүшөт...
02.06.2016. 15:39 
Тайпасы:
Тартип бузгандар
Комментарийлердин саны:
26
Катталган:
17-10-2014
Соӊку аракети:
26-06-2018 16:46
Жынысы:
Белгисиз
+3
Кыргызстан туура жолдо баратышат дейт, туурасы ушулбу, 10 иштин бироосу гана адилет окум табат соттордон. Сот, прокурора,милиция, докторлор, аким,министр, депутаттар оздору коррупцияга белчесинен батып, акчалуу жана тууганы кучтуулор эл башкарат. Анда да бийликти байуунун куралы катары колдонуп кедей байга жетем десе бул байлар кудайга жетем деп бир-бири менен атаандашып келет карапайым элди тоноп, казынаны каалагандай калчап, булунтуп... Азыр бизде чындык, адилеттуулук жок...
02.06.2016. 15:39 
Тайпасы:
Тартип бузгандар
Комментарийлердин саны:
26
Катталган:
17-10-2014
Соӊку аракети:
26-06-2018 16:46
Жынысы:
Белгисиз
+2
Айткандын оозу жаман,ыйлагандын козу жаман болуп..
03.06.2016. 01:56 
Тайпасы:
Жаран
Комментарийлердин саны:
6
Катталган:
11-08-2015
Соӊку аракети:
08-01-2018 18:30
Жынысы:
Белгисиз
+2
Канкорлор, олтургон сон жазасын алгыла! Эгер сот чечими адилетсиздик жака чечилсе, алар да Аллахтын алдында ошолор катары жооп берерин унутушкан окшойт. Аллах жазанарды бергирлер десе!
03.06.2016. 03:12 
Тайпасы:
Тартип бузгандар
Комментарийлердин саны:
47
Катталган:
30-03-2016
Соӊку аракети:
23-11-2016 14:56
Жынысы:
Белгисиз
+2
Соттор сот емесле жеп ичерлер болуп буттуго алдуусу алсызын сыздатып.Аллахым озу жазасын берсин булардын.тооббооо кылдым кантип кун откоруп кантип уктап журушот деймда ушуга окшогондор
03.06.2016. 03:14 
Тайпасы:
Тартип бузгандар
Комментарийлердин саны:
47
Катталган:
30-03-2016
Соӊку аракети:
23-11-2016 14:56
Жынысы:
Белгисиз
+2
Акча буларды кабыр азабынан сактайт деп ойлошот окшойт бул кем акыл сот сооройлор
03.06.2016. 17:02 
Тайпасы:
Кыймылы жок
Комментарийлердин саны:
1
Катталган:
28-05-2016
Соӊку аракети:
09-07-2016 17:41
Жынысы:
Белгисиз
+2
Начар
04.06.2016. 01:04 
Тайпасы:
Кыймылы жок
Комментарийлердин саны:
18
Катталган:
15-02-2016
Соӊку аракети:
07-08-2016 18:40
Жынысы:
Белгисиз
+2
ылайым укум-тукуму жарыбай отушсун,азап менен кун кечирип калсын колу канга боёлгон адамдардын
04.06.2016. 02:57 
Тайпасы:
Жаран
Комментарийлердин саны:
17
Катталган:
27-01-2016
Соӊку аракети:
02-04-2018 18:00
Жынысы:
Белгисиз
+2
Сот жазасынан го кутулуп кетишиптир, ал эми Жараткандын алдында кантип актанаар экен?!
kofesmolokom түзөттү 2016-06-04 02:58:23
04.06.2016. 08:03 
Тайпасы:
Кыймылы жок
Комментарийлердин саны:
47
Катталган:
13-05-2016
Соӊку аракети:
12-11-2016 00:28
Жынысы:
Белгисиз
+2
Сот аргандары алилетту болгулачы карапайым элди сыздатпай.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: