Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Султан Каназаров, «АЗАТТЫК» үналгысынын жетекчиси:«БОКСТУ КӨЧӨДӨН КОЛДОНБОЙМ»

№709 03-июнь-09-июнь, 2016-ж


Эртең менен «Азаттыктын» жетекчиси Султан Каназаровдун гүл көтөрүп баратканын көрсөңүз «бул кишиге майрам го же бирөөгө жолукканы бараткан окшойт» деп ойлоп жибербеңиз. Алар Султан мырзанын үйүндө өскөн гүлдөр. Ал аны жумушуна алып баратат... Гүлдөрү жөнүндө, эгер журналист болбосо агроном болмоктугун, азыркы жумушунун күнгөй-тескейин ал кенен айтып берди. Баса, интернетке бөлүшпөгөн жаңылыгы менен да бөлүштү...

РОЗАЛАР, ЖУРНАЛИСТИКА, КОКУСТУКТАР...
– Жаз келип короодогу розалар гүлдөгөндөн тарта алардан 3-4тү кесип алып, жумушка алып келип иш бөлмөмө коюп коём. Көчөдөн көргөндөр, балким, «бир кызга гүл көтөрүп баратат» деп ойлосо керек. Андай эмес. Жумуштагылар болсо «оо, шеф гүл көтөрүп калыптыр» деп күлүп калышат. А мен журналист болбой калсам, сөзсүз агроном болмокмун. Үйдө короодо бак бар, гүлдөр бар. Өзүм бардыгына кам көрөм. Бул жумуш өзүнчө ырахат.
Журналистикага болсо көпкө чейин олуттуу карабай келдим. Бул багытта билим да алган эмесмин. Өзүм чыгыш таануу факультетин бүтүргөм. Журналистика убактылуу болсо керек деп ойлогом.
Азыр медиа тармагында да укмуштуудай ийгилик жаратып жибердим деп айтпайм. Улам жыл өткөн сайын менде жумуш жаатында кокустук элементи көп болорун байкай баштадым. Мисалы, эч убакта жумуш издеп көргөн эмесмин. Адатта мени чакырышат. Алсак, бүгүн «Азаттыкты» жетектеп жатам. Буга чейин президенттин маалымат катчысы болдум, өкмөттүн маалыматтык саясат боюнча бөлүмүн жетектедим. Дайыма жанымдан жумушту менден жакшы түшүнгөн, менден мыкты билген адамдарды көрүп келе жатам. Бирок эмнегедир эле алар эмес, кокустан мен барып калам. Балким, дагы бир жерде «мен эмес, мына ушул орунду Султан ээлесе жакшы болмок, менден мыкты иштемек» деп бирөө отурса керек. Бирок ал да кокустан ошол жерде отурат. Баягы нике кайып деген сыяктуу эле, кесип кайып окшойт да. Эми дайыма эле эмес, бирок жумушта, карьерада кокустук көбүрөөк болоруна ишенип калдым.

«ЭҢ КЫЗЫКТУУ КҮНДӨР ГЕЗИТ ЧЫГАРЫП ЖҮРГӨНДӨ ӨТКӨН»
– Кезинде «Азаттык+» берүүсүн алып барып жүрүп жумуш которуп кеттим. Баса, ошол берүүнүн биринчи алып баруучусумун. Ошондо 26 жашта элем, башкача айтканда, мени телевизордон көрүп жаткан аудиториямдан улуу болчумун. Андыктан кеткенге туура келген.
Андан соң өз алдымча «Репортёр Бишкек» деген гезит ачып иштеп баштадым. Журналистикадагы эң кызыктуу күндөрүм ошол гезит менен байланыштуу. Себеби башка жакта каржы тууралуу баш оорутчу эмесмин. А гезит нөлдөн башталды. Ошол нерсенин баарын жон териң менен сезген кызыктуу болчу. Менимче, гезиттеги ишмердигим мени жумушка чакыруулардын эшигин ачып берди.

«ОТУНБАЕВА «МЕНИН ПРЕЗИДЕНТИМ» БОЙДОН КАЛА БЕРЕТ»
«Отунбаева менен мамилеңер жакшыбы?» деп азыр да сурай беришет. Андайда «Мен дагы эле Отунбаеванын жарым штаттагы маалымат катчысымын. Медиа тармагында канча жүрсөм, эжеге да ошончо убакыт маалымат катчы болуп жүрө берем» деп тамашалап калам. Бул эми жеке адамдык жакшы мамиле окшойт. Эже азыр деле кээде чалып, маалымат катчысына тапшырма бергендей эле «Султан, муну минтип койчу» деп коёт, а мен аткарып коём. Азыр Ак үйдө президенттик бөлмөдө отурган президент, албетте, менин президентим. Мен ошол кишиге добуш бергем. Бирок Роза Отунбаева тырмакчанын ичинде «менин президентим» бойдон кала берет.

«МАШЫГУУЛАРДА КӨЗҮМ КӨГӨРӨТ, МУРДУМ СЫНАТ»
– Азыр жумасына 3 жолу залга барып, бокс менен машыгам. Мен машыккан жайда сакалы белине жеткен молдолор, интеллигент адамдар, студенттер, кыскасы, ар түрдүү адамдар бар. Тренажёрдук залга барып да көрдүм, бирок зеригип кеттим. Мага адамдардын бири-бири менен аралашып жүргөнү, байланышка барып туруу кызыгыраак экен.
Машыгууларда ар кандай жаракат алам. Эки ай мурун эле мурдумду сындырып алдым. Кээде көзүм көгөрөт. Кесиптештерим көнүп калышты. Сырттан жолугушууга бирөөлөр келгенде алардын көз карашынан «туура келдикпи же туура эмес келип алдыкпы? Ушул көзү көгөргөн «Азаттыктын» жетекчисиби?» деген таң калууну окуп калам. Кээ бири сурашат, айрымдары таң калып эле чыгып кетишет.
Өзүм боксту көчөдө колдонбойм. Маселени мушташ менен чечпейм. Студенттик куракта Дене тарбия институтунун балдары менен көп мушташып калдым. Анда эч кандай маселе жок болчу, маселесиз эле мушташа берчүбүз.

ИНТЕРНЕТ ЖАНА АЛ ЖАККА БӨЛҮШПӨГӨН ЖАҢЫЛЫК...
– Социалдык тармактар адамдардын психикасын өзгөрттү. Маселен, адамдар айына бир жолу жакшы ресторанга барса сөзсүз сүрөттөрү менен интернет аркылуу бөлүшөт. Интернеттеги баракчасында кымбат унаа, эс алып жүргөнү, айтор, жалаң жакшы жаңылыктары гана бар. Бери жакта карап отурган айрымдар «элдин жашоосу жыргал, меники эле коёндой окшош күндөр экен» деп жүрөктөрү сыгылат. Эч ким жаман жактарын интернетке жүктөбөйт. Алардын деле окшош күндөрү бар. Бирок муну баары түшүнө бербейт.
Анан күлкүлүү жагы да бар. Мен ар дайым «сүрөткө кантип минус жыйырма килограмм болуп түшөсүңөр?» деп тамашалай берем. Карасаң, супсулуу кыз, бирок сүрөт деген жакшы фотографтын эле иши турбайбы. Туура ракурс коюлса эле болду экен. Кээде интернеттеги сулуу кызды чыныгы жашоодо көрүп, «ка-ап, ушул кызды интернетте эле көрүп жүрө берсем болмок экен» деп жигит катары ой жүгүртүп калам.
Өзүмдүн интернетте бөлүшө элек бир жаңылыгым бар. Келинчегим бир жылдан бери Шотландияда окуп жатат. Уулум экөөбүз Кыргызстандабыз. Бир жылдан бери ыйлабай, эч жерибиз сынбай, оорубай үй-бүлө деген арабаны тынч гана кыймылдатып келе жатабыз.

– Ак үй тарапка кайра чакыруу болсо?
– Азыр деле чакыруулар бар. Ар бир сунушту ойлонуп көрөм.

– Жетекчи деген ким? «Доспу» же «байкеби?»
– Сергей Капица деген адам айтыптыр: «Жакшы жетекчи – жакшы жумушчуга тоскоол кылбаган адам».

Башкарган жагымдуубу же башкарылганбы?
– Менимче, экөө тең эле оор нерсе, бирок «башкарманын алдында баш оорубайт» деген сөз бар го. Башкарманын эле башы ооруйт да.

– Сиз айтмакчы, «ар бир кыргыз ырдайт». Жакшылыктарда кайсы ырды созолонтосуз?
– Асанкалый Керимбаевдин «Сендей мага», «Сулууга», Рыспай Абдыкадыровдун «Сагынган жанмын сага окшош», «Ак куулар сени сагынар» деген ырларын ырдап калам.

– Ламборгини, Бугатти Вейрон, анан таза кандуу ахалтек ат тартылса, кайсынысын тандайсыз?
– Бугатти Вейронду алмакмын го дейм.

"Роза Исаковна азыр да чалып, "Султан муну минтип койчу" деп тапшырма берет. Сүрөт 2011-жылы тартылган".

"Тренажёрдук залда зеригип кетет экенмин. Азыр жумасына 3 жолу бокс менен машыгам".

Мирлан Өмүралиев
koom@super.kg



Султан Каназаров: "Соцтармактардагы "сулуу" кыздарга көп алдандым"

Автор: Кызжибек Раимова
Оператор: Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(10)
Медиа-портал
03.06.2016. 23:10 
Тайпасы:
Тартип бузгандар
Комментарийлердин саны:
412
Катталган:
17-06-2015
Соӊку аракети:
10-07-2017 11:40
Жынысы:
Белгисиз
Калаасы:
moscow
+3
Жетекчи кызматтарга барганынын себептери бар! Колдоочулары бар! Бирок адам менен иштоо тажырыйбасы мол болуп,барган кабарчыларды жакшы маанайга салып койуптур!
Медиа-портал
04.06.2016. 04:59 
Тайпасы:
Жаран
Комментарийлердин саны:
38
Катталган:
13-05-2015
Соӊку аракети:
23-02-2017 08:53
Жынысы:
Белгисиз
-2
bosmos777, Sultandyn ozu menen suylowup korbogondon kiyin anchalyk uverenno suyloboy ele koyson. Sultan en ele jonokoy uy bulodo chonoygon. Atasy vrach, omur boyu rayonduk oorukanada ishtegen. Apasy kaytish bolup ketken murda ele. Bir tuugandary dele jonokoy sharttarda jashagan, jonokoy kishiler. Sultan mektepte okup jurgondo ele jakshy okup, ozunun bilimi, araketi menen azyrky dengeelge jetip oturat. Bir nerse suyloordun artynda konkrettuu dailder bolush kerek.
chupachups-89 түзөттү 2016-06-04 05:00:13
Медиа-портал
04.06.2016. 11:37 
Тайпасы:
Тартип бузгандар
Комментарийлердин саны:
412
Катталган:
17-06-2015
Соӊку аракети:
10-07-2017 11:40
Жынысы:
Белгисиз
Калаасы:
moscow
-1
chupachups-89,Талашпайлы Чупа, Канчалаган жонокой уй булононун балдары кызматарга илинбей журот. Менимче байкалып эле турат..........Эне тилде ишенимдуу,далилдоосуз таза суйлой берели
Медиа-портал
05.06.2016. 03:29 
Тайпасы:
Жаран
Комментарийлердин саны:
11
Катталган:
05-06-2015
Соӊку аракети:
06-11-2018 01:44
Жынысы:
Белгисиз
0
Жакшы маек болуптур. Аягында 15 жаштагы оспурумдор вааще алданат да деген жеричи,,,
Super TV
05.06.2016. 17:16 
Тайпасы:
Жаран
Комментарийлердин саны:
13
Катталган:
10-07-2009
Соӊку аракети:
12-11-2018 23:52
Жынысы:
Белгисиз
+1
Султан досум ар дайым алдыга карай талпына бер! Урматуу Супер инфонун окуучулары мен Султанды 15 жылдан бери тааныйм. Досум ар дайым жонокой. Эн негизи элге жакын ...
06.06.2016. 18:22 
Тайпасы:
Жаран
Комментарийлердин саны:
1
Катталган:
16-05-2016
Соӊку аракети:
02-03-2018 01:29
Жынысы:
Белгисиз
+1
Эн сонун маек болуптур.Ийгилик сизге.
07.06.2016. 19:12 
Тайпасы:
Жаран
Комментарийлердин саны:
219
Катталган:
15-11-2014
Соӊку аракети:
26-11-2017 13:41
Жынысы:
Белгисиз
-1
Кай жактык болот?
09.06.2016. 05:20 
Тайпасы:
Тартип бузгандар
Комментарийлердин саны:
26
Катталган:
17-10-2014
Соӊку аракети:
26-06-2018 16:46
Жынысы:
Белгисиз
0
Sadyrov_n93, Акман
09.06.2016. 09:31 
Тайпасы:
Супермодератор
Комментарийлердин саны:
5983
Катталган:
05-09-2011
Соӊку аракети:
13-11-2018 12:27
Жынысы:
Белгисиз
Калаасы:
SUPER.KG
0
barpy1,кимдир-бирөөнүн кадыр-баркына шек келтирген, негизсиз айыптарды камтыган билдирүүнү калтырууга тыюу салынган. 3 күнгө БАН!
09.06.2016. 09:31 
Тайпасы:
Супермодератор
Комментарийлердин саны:
5983
Катталган:
05-09-2011
Соӊку аракети:
13-11-2018 12:27
Жынысы:
Белгисиз
Калаасы:
SUPER.KG
0
chupachups-89, жеке айтышууларга тыюу салынган, ал үчүн купуя кат бар! Оозеки эскертүү!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: