32 ЖАШТАГЫ ЖАРАН 12 ЖАШТАГЫ КЫЗДЫ ЗОРДУКТАГАН ДЕП КАРМАЛДЫ
Тилекке каршы, акыркы кезде кичинекей балдарга карата кордук, зомбулук көрсөткөн учурлар көбөйүүдө. Жакында эле Бишкек шаарынын милиция кызматкерлери 5-класста окуган кызды зордуктаганга шектелген 32 жаштагы жаранды колго түшүрүштү.
КЫЛМЫШКЕРДИ КАРМООДО КҮБӨЛӨР ЖАРДАМГА КЕЛГЕН
Үстүбүздөгү жылдын 24-майында Бишкек шаарынын Свердлов РИИБинин нөөмөт бөлүмүнө 12 жаштагы кызды 30-35 жаштардагы белгисиз жаран зордуктап, андан соң из жашырып кеткен деген маалымат түшкөн. Оперативдүү-тергөө тобу барып, кылмыш болгон жерден кан болгон көйнөк, ич кийим, ашкана бычагы жана колдонулган салфеткаларды далил буюм катары алышкан. Күбөлөрдүн жардамы менен кылмышкердин фотороботу түзүлүп, аны издөө, кармоо иштери жүргүзүлгөн. Жыйынтыгында ошол эле күнү бул кылмышка шектелип Жалал-Абад облусуна караштуу Токтогул районунун 32 жаштагы Калысбек аттуу тургуну кармалып, убактылуу кармоочу жайга киргизилген. Бул факт боюнча Кылмыш-жаза кодексинин 129-беренесинин 4-пункту (жаш балага карата жасалган зордуктоо) боюнча кылмыш иши козголуп, тиешелүү экспертизалар дайындалган.
"БЫЧАК ТАКАП ЗОРДУКТАГАН"
Бул окуя боюнча Свердлов РИИБинин Кылмыш иликтөө бөлүмүнүн жетекчиси Замир Бектенов төмөнкүлөрдү айтып берди:
– Иликтөө иштеринин жүрүшүндө белгилүү болгондой, окуя төмөнкүчө болгон. 24-май күнү саат 11:30дар чамасында белгисиз кылмышкер Бишкек шаарынын Набережная көчөсүндөгү үйлөрдүн бирине кирип барган. Бул убакта үй ээлери жумушта болгон, ал эми алардын 2004-жылы туулган В.Н. аттуу кызы мектептен келип үйдө жалгыз отурган. Кылмышкер кыздан "үйдө ким бар?" деп сураганда, ал "менден башка эч ким жок" деп жооп берген. Ошондо ал столдун үстүндөгү аш бычакты кыздын тамагына такап коркутуп зордуктап салган. Кылмышкер кызды зордуктаган соң аны "бул тууралуу эч кимге айтпа, эгер айта турган болсоң, өлтүрүп салам" деп коркуткан да, из жашырып кеткен.
Андан соң жабырлануучу кыз жакын жерде жашаган чоң энесинин үйүнө барган, бирок зордукталганын айтуудан коркуп отура берген. Небересинин кийимдери кан болуп булганып жүргөнүн байкап калган чоң энеси такып сурап билип алып, уулуна телефон чалып айткан. Уулу болсо ошол замат милицияга кабарлаган.
Издөө иштеринин жыйынтыгында бул кылмышка шектелип 1984-жылы туулган К.М. аттуу жаран кармалды. Ал курулушта иштечү экен, кызды зордуктагандан кийин эч нерсе болбогонсуп барып курулушта иштеп жатыптыр. Ал кармалган убакта мас болчу. Жабырлануучу кыз өзүн зордуктаган ушул экенин көрсөтүп берди. Учурда тергөө иштери жүрүп жатат.
Кылмышка шектелип кармалган Калысбек.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (37)
Иииййй байкуш кыз журогум ооруп чыкты(((
Нормальный эркек калабы деги ?
ХХХ ХХХ алы ушу тырнактай кызга жетиби ХХХ ХХХ мындайларды. Ата энелер кызынарга кобуроок коз кулак болуш керек бираз коздон алысыраак болгондой кийнтип дегендей.
tapkych85,провокациялык билдирүүлөрдү калтырууга тыюу салынат. Оозеки эскертүү!
Депутаттар бир мыйзам ойлонуп табышабы же кандай?Урматтуу Супер-инфо,депутаттардан ушул боюнча жооп алып бериниздерчи,жакын арада бул маселе каралабы же жокпу?Же элди мындай койгой менен,"один на один" калтырышат бекен?Мындай болсо ата энелер оздору бычактарын колдоруна ала башташат жакында!
Qnet,саламатсызбы? Сунушуӊуз тиешелүү бөлүмгө жеткирилди.
Педофилди бычуу гана керек! Ошондой мыйзам чыкса гана, азайышы мумкун
stervella415, кимдир-бирөөнүн кадыр-баркына шек келтирген билдирүү калтырууга тыюу салынган. Эскертүү!
Түсүң менен жерге киргир адамдык сапатыңы жоготуп бүтүптүрсүңго
оа ошондой катуу чара корулбосо, барган сайын бул нерсе кобойуп барат
укол даарысы жок ХХХ ошондо билет эне суту оозунан кете элек балдарды зордуктаган кандай болоор экенин балдарды кочого ойногону чыгырыштанда коркуп калдым
aruuzat.ariet,этика нормаларын сактоону сунуштайбыз.
ХХХ ХХХ , жаза турганга соз таппай калып атам .Бироонун кызына кол саларда озунун уйундогу аял заттарын ойлошсо . бироонун чырактай болгон кызынын келечегин талкалады .ХХХ
fariuri,кимдир-бирөөнү мазактоодон алыс болуӊуз. Оозеки эскертүү!
Бул киши биздин айылдан болот,аялы да жок,ажырашып кеткен.
Арам оюн ишке ашырбай ХХХ ХХХХ чыдабай бара жатсан аялын менен болсон ХХХ
angel.elhan,этика нормаларын сактоону сунуштайбыз. Оозеки эскертүү!
Соз жок мындайларга. ХХХ ХХХ
marti,Ada3003, провокациялык билдирүүлөрдү жазууга тыюу салынат. Оозеки эскертүү!
жок дегенде орозо айында ыйман келтиришсе боло
