Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖАНАР АКАЕВ:«ЧУБАК ЖАЛИЛОВ ӨЗҮН КУДАЙДАН КИЙИНКИ ЭЛЕ АДАМ СЕЗЕ БАШТАГАН ЭКЕН...»

№710 10-июнь-16-июнь, 2016-ж


«Өнүгүү-Прогресс» фракциясынын депутаты Тазабек Икрамов жума күнкү түшкү тыныгууну ашыкча бир саатка узартуу боюнча мыйзам долбоорун сунуштады. Тармактык комитетте бул мыйзам долбоорун 3 депутат колдоп, 6 депутат каршы добуш беришти.
Мурунку муфтий Чубак ажы Жалилов мыйзам долбоорун колдобогон депутаттарга карата кескин сын, айрым жерлеринде ачык опуза камтыган кайрылуу жарыялады: «Кудай Таалам колдогон депутаттарды Өзү колдосун, тукумдарынан жакшыларды чыгарсын. Жаман сөз, жаман көз, жаман колдон сактасын...
Ал эми колдобогон депутаттар боюнча бир-эки ооз сөз. Эркин мамлекеттин жараны катары мен Чубак ажы Жалилов мыйзамдын долбоорун колдобогон депутаттар менен… Бир дасторкондо отурбаймын; кол берип салам бербеймин; алардын жаназасына турбаймын, жана менин жаназама катыштырбоону мураскерлериме осуяттаймын; булар катыша турган шайлоолордо буларга добуш бербеймин; мени уга турган бир туугандарыма дагы ушул осуяттарды багыштаймын. Эгерде, азирети муфтий аманатында болгонумда, булардын жакшылык-жамандыктарына катышпасын деп жалпы имамдарга буйрук берген болор элем.
Акырында муфтиятка сунушум:
Динибизди таза сактоо максатында, муфтиятта, динге каршы иш жүргүзгөн, динибизге душмандык кылган, Ислам баалуулуктарын мазактаган, башка динде болгондордун (өзүн мусулман катары көрсөткөндөрдүн) ысымдары атайын базада камтылса. Анткени касиеттүү жаназа намазы мусулмандарга гана окулат эмеспи. Бекер жерден гайрыдинге жаназа окулуп, мусулмандардын көрүстөнүнө коюлуп калып, жанында жаткан башка момун мусулмандарга алардын кесепеттери тийип калбасын...»
Чубак ажынын мындай кайрылуусунан кийин интернеттеги соцтармактарда мыйзам долбоорду колдобогон депутаттарга, анын ичинде КСДПнын өкүлү Жанар Акаевге карата «исламга, мусулмандарга каршы» «жаназасына барбайбыз», «көрүстөндөн орун бербеш керек» деген сындар жаады.
Колдоочусу көп мусулман жамаатына жагынуу аракетинде жеңил-желпи популизмге барып ушул өңдүү мыйзам долбоорлорун жазып жаткан депутаттарды сындагандар да аз эмес. Блоггер Алия Суранова өзүнүн баракчасында ажынын кайрылуусун, үн катпай отурган депутаттарды сындап чыкты: «Эмне үчүн дин кызматкери СВЕТТИК мамлекетте жашап туруп, мыйзамдардын талкуусуна радикалдуу баа берип, анысы аз келгенсип, элди да терс жакка бурмалайт?
Жакында Улуттук филармониянын алдында бачата бийин бийлеп жаткан жаштарга сакалчандар асылып, бийлетпей коюшту. Бий мусулмандыкка жатпайт имиш. Эми светтик мамлекеттин ичиндеги мыйзамдардын талкуулары, эл тандаган эл өкүлүнүн мыйзам боюнча өз пикирин билдирүүсү да мусулмандарга каршылык экен. Эртең кимди куугунтуктап чыгышат? Кыздар окубасын деп чыгышабы? Же күйөөсүнө каяша айткан аялдарды таш менен ургулап өлтүргүлө деп чыгышабы?
Качанкыга чейин ушундай орто кылымдын түшүнүгү менен жашап, өздөрүнчө отуруп алып, көөп, элди башкаргысы келип, шейх болууну көздөгөн адамдарды унчукпай карап отура беребиз? Көз ачып-жумгуча «Афганистан-2. Построй свой халифат» долбоорунда жашап калып жүрбөйлү?
Ал эми Жанар Акаевдин жөн жерден диний куугунтукка алынып жатканын карап туруп унчукпай отуруп берген анын кесиптештери – дин кызматкерлеринен корккон, алардын айтканын кулдай аткарган, намыссыз накта популисттер ошолор...»
Талкуу очогунда калган Жанар Акаев дин кызматкерлеринин сындарынан улам өзүнүн позициясынан кайтып кетпесин жарыялады: «Жума намазды окуганга мен эч качан каршы болбойм, тескерисинче, намазга жыгылган, ыйманга келген жарандарыбыздын көбөйгөнү баарыбыз үчүн жакшы. Бирок Эмгек кодексин өзгөртүп, бүтүндөй мамлекеттик органдардын, мектептердин, бала-бакча, оорукана, айтор, бардык мекемелердин иш графигин жаңыдан иштеп, жума намаздын убактысын өзгөртүүгө азыр ошончолук эле чоң муктаждык барбы?
Тиги Чубак Жалиловдун мыйзамды колдобогон депутаттарга жаназа окулбасын, андай болбосун, мындай болбосун деген радикалдуу пикирлери – бул ЭКСТРЕМИЗМ, ТАКФИРИЗМ! Бүгүн бул депутаттарды чечими үчүн каапыр атап, жаназа окулбасын, жайга коюлбасын десе, анын кийинки кадамы кандай? Ушунча болду компартияга мүчө болгондордун сөөгүн көрүстөндөрдөн чукуп чыгып бөлөбү? Раззаков менен Масалиевдердин сөөгүн чукуйбу? Ысырык салган энелерди эмне кылат? Сүмөлөк бышыргандардычы? Муну эми элдер шейх, сиздики туура десе, эйфорияга алынып, өзүн Кудайдан кийинки эле адам сезе баштаган экен. Ыйык Орозодо элди ынтымакка, ыйманга үндөгөндүн ордуна, бөлүп-жарган неме сөзсүз жазасын алат. Түркия деле мусулман өлкөсү, жума намазда иштейт алар, анда эмне Эрдоганга да жаназа окулбайбы? Булар идеал туткан Сауд өлкөсү, арабдар нефтиге бай, алар аз иштесе жарашат, а биз иш аркылуу өнүгөбүз! Чубак Жалилов, Мотуев, дагы ушуга окшошкондор диний кырдаалды курчутуудан кайра тартышчудай эмес. Казакстанда, Сирияда, башка жактардагы кооптуу кырдаал буларга оюнчук көрүнөт окшойт. Булардын улуттар аралык, диний араздашууга үндөгөнү – кылмыш. Мына, менин айылымдан адамдар чалып атат, «кимге жай берип, кимге бербеш керек ошол серейген молдо чечеби?» деп. Чубак ажы көз жумса кыргыз жерине эмес, ошол идеологиясына сугарылып, жаназа, жай берүү, жана башкага чейин кийлигишип, адамдарды козутуп атканы үчүн арабдардын кумуна көмүлүш керек!
Дин менен ойногон саясатчыларды ээрчибегиле, алардын эл көзүнө намаз окуп, кандай ыплас иштерди жасап атканын биз жакшы билебиз. Элден аброй топтоо үчүн оозунан Алла түшпөй, популисттик мыйзамдар менен алек болгондордун, динди бетине кармагандардын пайдасынан зыяны көп. Криминалы да, чала молдосу да, башкасы да кантип жашаганды бизге үйрөтпөсүн.
Менин жашоодо өз принциптерим бар, уурдабайм, тонобойм, түз жүрөм жана элиме ак кызмат кылам. Чымындан пил жасап, динге каршы, исламга каршы көрсөтөйүн деген оюңардан майнап чыкпайт. Элге жаман көрүнбөйүн деп билип туруп башкача добуш берип, же башкача сүйлөгөн депутаттардын жолу башка, меники башка. Эмкиде добуш албай калбайын деп маскарапоз болуп жагалданып да отурбайм силерге. Тескери бата берип, өзүн Кудайдын жердеги өкүлүндөй сезген немелердин пикирине кылым кыйшайбайт. Радикалдардын басымы – добуш берүүнүн жыйынтыгына эч таасир эте албайт. Түшүнүктөр менен эмес, биз мыйзам менен жашашыбыз керек». Президент Алмазбек Атамбаев өлкөнү туура багытта алып кете турган саясий элитанын жаңы муунун жаратууга аракет кыларын айтып келет. КСДПнын тизмесинде Жогорку Кеңешке келген Жанар Акаев ошол муундун бир өкүлү. Анын бирөөлөрдүн жетегинде кетпей, өз пикирин ачык билдирип, позициясына туруп жатканы колдоого арзыйт.
9-июнь күнү УКМК Чубак ажыга эскертүү берди.

Мирлан Өмүралиев
koom@super.kg


Жума намаз маселеси коомчулукта кызуу талкууга алынды

Автор: Айзат Болотбек кызы
Оператор: Сергек Шатманов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  27 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: