Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АСКЕРДИК БИЛЕТИҢИЗ БАРБЫ?

№381 19-25-февраль, 2010-ж.


Мезгил үнү

Жогорку окуу жайларынын биринчи, экинчи, үчүнчү курстарынын студент жигиттери учурда тагдырга нааразы болуп жүрүшкөн чагы. Анткени өкмөттүн токтому менен жогорку окуу жайлардагы аскердик кафедралар жоюлду. Мурун студент жигит окуу жайынан диплом менен катар аскердик билет, ал эле эмес, кенже лейтенант наамын алып чыкса, эмки студенттер мындай мүмкүнчүлүктөн куру калышты.

ЗАРЫЛЧЫЛЫКПЫ ЖЕ КОШУМЧА КАРАЖАТ БУЛАГЫБЫ?
Жогорку окуу жайларынын алдындагы аскердик факультеттер менен кафедраларды жоюу тууралуу токтомго өкмөт башчысы 2010-жылдын 19-январында кол койду. Коомчулукка жарыяланары менен бул токтом кызуу талкууга алына баштады. Анткени эми кадимки аскердик билет алуу үчүн 18 жаштан 27 жашка чейинки жигиттер 12 000 сом төлөп, бир ай мөөнөттө чакырылуучу мобилизациялык резервде күжүрмөн даярдыктан өтүүлөрү керек. Ал эми офицердик наам алууга муктаж жигиттер 24 000 сом төлөп, эки айлык күжүрмөн даярдыктан өткөн соң гана тиешелүү аскердик күбөлүктү ала алышат. Ошондой эле запастагы офицердик наамын алуу мүмкүнчүлүгү каалагандын баарына эле берилбейт. Ал үчүн жаран жогорку билимдүү болушу шарт. Аны менен катар үй-бүлөлүк шарты, ден соолугу, жүрүм-туруму туура келиши керек. Бул токтомдун келип чыгышына эмне себеп болду? Коргоо министрлигине кошумча каражат булагы керек болдубу? Министрлик айтып жаткандай, бул токтомдун чын эле пайдасы барбы? Эми аскердик кафедраларда сабак берип жүргөн кызматкерлердин тагдыры эмне болот? Айтор, мындай суроолор биздин көптөгөн окурмандарыбызга тынчтык бербей жатыптыр. Андыктан ушул суроолорго жооп издедик.

“ЗАПАСТАГЫ ОФИЦЕРЛЕРДИН КӨПЧҮЛҮГҮНҮН ДАЯРДЫГЫ НАЧАР”
"Бүгүнкү күндө аскер факультеттери менен кафедралар даярдап чыгарган офицерлердин саны биздин керектөөбүздөн алда канча көп",- деп кеп баштады Коргоо министрлигинин Кадрлар башкармалыгынын башчысы, полковник Батыр Кадыров.
Буга чейин Кыргызстандагы 46 жогорку окуу жайынын студенттери запастагы офицерлерди даярдоо боюнча күжүрмөн даярдыктан өтүп келишкен. Орто эсеп менен жылына 4 миңден ашуун студент офицердик наам алып чыгышчу. Өткөн жылда бүтүргөн
4 миңден ашуун кенже лейтенанттын ичинен болгону 14 гана адам Куралдуу күчтөрдүн катарына чакырылып, кызмат өтөй баштады. Андыктан республикабыздын аскер комиссариатында каттоодо турган запастагы офицерлердин саны мамлекеттин мобилизациялык талаптарынан 20 эсе көптүк кылат. Анын үстүнө мындай жол аркылуу наам алгандардын көпчүлүгүнүн даярдыгы талапка жооп бербейт. Ошондуктан аскердик кафедралардын жоюлушу туура иш болду. Муну менен запастагы офицерлердин саны кыскарып, сапаты жакшырат.
– Ал эми аскердик кафедраларда окуп жаткан студенттердин күнү эмне болот?
– Алар окуусун улантып, аскердик күбөлүккө ээ болушат.

ЭМИ ЗАПАСТАГЫ ОФИЦЕРЛЕР КАНТИП ДАЯРДАЛАТ?
Аскердик кафедралар жоюлса эле запастагы офицерлерди даярдоо иши токтоп калбайт”,- деп билдиришти Коргоо министрлигинин басма сөз кызматынан. “Жылдагыдай эле быйыл да аскерге чакырык апрель айынан башталат. Кадимки аскердик күбөлүккө ээ болгусу келген жигиттер чакырылуучу мобилизациялык резервде бир айлык, ал эми офицердик күбөлүк алгысы келгендер эки айлык күжүрмөн даярдыктан өтүшөт. Учурда жоокерлер бир жыл кызмат өтөшөт. Бара-бара бул да жоюлуп, жалаң контракттык негизде аскердик кызмат өтөө жолуна өтүшүбүз мүмкүн. Келишимдик негизде аскер кызматын өтөгүсү келгендердин баарын эле кабыл ала бербей, Коргоо министрлигинде тандоо мүмкүнчүлүгү пайда болот. Башкача айтканда, жарандын аскердик адистигине, үй-бүлөлүк абалына, ден соолугуна көңүл бурулат”,- дейт маалымат кызматынын башчысы, полковник Алмаз Бейшеев.

КАФЕДРА КЫЗМАТКЕРЛЕРИНИН ТАГДЫРЫ ЭМНЕ БОЛОТ?
Коргоо министрлигинин Кадрлар башкармалыгынын башчысы полковник Б.Кадыровдун айтымында, жоюлган аскердик кафедраларда эмгектенген кызматкерлер жумушсуз калышпайт. Аларга аскердик окуу жайлардагы бош орундар сунушталат. Ал эми кафедралардын техникалык базасы да аскердик окуу жайларына өткөрүлүп берилет.

ГЕНЕРАЛ КАНДАЙ ПИКИРДЕ?
Жогорку окуу жайларынын алдындагы аскердик факультет, кафедралардын жоюлушу туура чечим болдубу?” деген суроо менен биз Улуттук гвардиянын мурунку кол башчысы, генерал-полковник Абдыгул Чотбаевге кайрылдык.
"Мен бул маселе тууралуу комментарий бербей эле койсом жакшы болмок. Анткени айткандарым катуу сын катары кабыл алынып калууда"-, деп алгач кыйылган генерал акыры өз оюн билдирүүгө макул болду.
– Мамлекеттик башкаруу, президенттик аппарат, Жогорку Кеңештен тартып бүткүл Кыргызстан боюнча бардык структураларда реформа жүргүзүлүп жатпайбы. Аскерий кафедралардын жоюлушу ошол реформанын чегинде жасалып жатат. Бизде атайын аскердик окуу жайларында, ага кошумча чет өлкөлөрдөн аскердик билим алып жаткан студенттерибиз бар. Демек, кадрлар тарабынан жетишсиздик маселеси жок. Запастагы офицерлердин саны талаптан ашыкча дегенге кошулам. Бирок престиж үчүн болсо да жок дегенде бир кафедраны калтырып коюшса болмок. Жогорку окуу жайларындагы келечекте аскер кызматкери болом деген активист, алдыңкы студенттерди окутуп, даярдап турса жакшы болор эле.

СТУДЕНТТЕР НААРАЗЫ
Жусуп Баласагын атындагы улуттук университеттин юридикалык факультетинин 1-2-3-курсунун студенттери бул токтом чыккандан бери көптөгөн суроолорго жооп таппай баш катырышууда. 3-курстун студенти Г.Маматова менен 2-курстун студенти А.Султанбаев:"Биз окууга тапшырып, өткөн кезде абитуриент менен окуу жайынын ортосунда келишим түзүлгөн. Анда Улуттук университеттин студентинде университеттин алдындагы аскердик кафедрадан эки жылдык күжүрмөн даярдыктан өтүп, запастагы офицер наамын алууга мүмкүнчүлүк бар экендиги көрсөтүлгөн. Эми аны жоюп салышты. "12 000 сом төлөп, бир айлык даярдоо курсунан өтүп, аскердик билет ала аласыңар" деп түшүндүрүштү. Бизде окуу акысынан тышкары 12 000 сом төлөө мүмкүнчүлүгү жок. Экинчиден, бир ай ичинде эмнени үйрөнөбүз? Күжүрмөн даярдык тургай сапка туура тизилгенди да кыйратып үйрөнбөсөк керек. Анда акча кетирип кереги эмне? Башка кесиптин ээлерине караганда да юристтерге аскердик билет, офицердик наам зарыл нерсе. Диплом менен катар запастагы офицердик наам алуу мүмкүнчүлүгүнөн куру калганыбызга бушайман болуп жатабыз. Окуу жайы менен абитуриенттин ортосундагы келишим бузулду. Буга ким жооп берет?",- деп суроо салышат.

Шаиста Шатманова
koom@super.kg


«Супердин» сурак бурчу

ОКУУ ЖАЙЛАРЫНДА АСКЕР КАФЕДРАЛАРЫНЫН
ЖОЮЛУШУ ТУУРА ЧЕЧИМ БОЛДУБУ?

Ынтымак,
20 жашта, студент:
– Менин оюмча, айрымдарга бул чечим ыңгайлуу, ал эми кээ бирлерге ыңгайсыз болушу мүмкүн. Мен үчүн бир топ ыңгайсыздыктарды жаратты. Окуум менен аскердик кызматты чогуу бүтсөм жакшы болмок. Досторум деле ушундай пикирлерди айтып кейип жатышат.

Зарлык,
75 жашта, мугалим:
– Туура эмес чечим чыгарышты. Бул чечимдин айынан канчалаган адамдар жумушсуз калышты. Мамлекет элин бакпай эле курутуп бүтмөй болду. Окуу жайлардан аскердик кафедраны жойгонго жараша милдеттүү түрдө армияга баруу тууралуу чечим чыгарса болмок.

Ниязбек,
56 жашта, социолог:
– Бул туура эмес чечим. Окуу жайларда сөзсүз түрдө аскердик кафедра болушу керек. Ал эми жанагы айтып жатышкандай бир ай барып кызмат өтөө аскердик кызматка жатпайт. Бул жөн гана акчаны талаага ыргыткандык. Өкмөт бул маселени кайрадан карап чыгышы керек.

Акыл,
22 жашта, студент:
– Мен армияга барып кызмат өтөп келдим. Менин оюмча, балдардын армияга барып кызмат өтөп келгени эле жакшы. Анткени чыныгы эркектик мүнөз армиядан түптөлөт деп ойлойм. Анын үстүнө ар бир кыргыздын эр жигити кокустук болуп кетсе, мекенин коргоого милдеттүү.

Жаныбек,
42 жашта, куруучу:
– Жигиттерди мурдагыдай армияга барууга милдеттүү кылып койсо болмок. Азыр альтернативдик деп жарымы армиядан качып жүрсө, жарымы акча төлөп коюп аскердик билет алышат экен. Кокус мекенди коргоого туура келсе, акча берип баш тарткандар да чыгабы деп кооптоном.

Айбек,
28 жашта, экономист:
– Азыр көпчүлүк эле жигиттер армияга баруудан баш тартышат. Окуу жайларында аскер кафедралардын болгону эле жакшы болчу. Аз болсо да тартип деген эмне экенин билишет. Ал эми акча берип бир ай кызмат өтөп коюу жөн гана министрликтин акча чогултуусу деп эсептейм.

Эмил,
18 жашта, студент:
– Бир чети жоюлганы деле жакшы болду. Угушумча, каалаган учуруңда барып, бир ай же 17 күн аскер кызматын өтөп келсең болот экен. Буга 12 миң сомдой төлөйт экенбиз. Буюрса, мен деле жайкы каникулга чыкканда барам.

Бахияна Сатылганова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
24.02.2010. 17:45 
Тайпасы:
Кыймылы жок
Комментарийлердин саны:
9
Катталган:
20-08-2008
Соӊку аракети:
20-11-2015 20:09
Жынысы:
Белгисиз
0
bul akchalardin kayda baraarin aytishiptir. birok anday bolboy kalsa emne bolot. misali, abal dagi ele murdagi boydon kalsa demek akchalar aytkan jerlerge bolunup berilbegenin korsotot.payda chontokchulor menen askerdik kuboluk ala albay jurgondordo bolot.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: