Апта айымы - АСЕМА

Жылдыз баян

Таланттуу актриса, бактылуу эне, ырчы жана жөн гана сулуу айым катары биз тааныган Асема тууралуу…

УЧУРДА...
"Үй кожойкеликтин жана эненин милдетин аткаруудамын. Ошондой эле фитнес менен машыгууга жумасына 3 жолу убакыт таап жатам. Эл алдында жүргөн адам өң-келбетин мыкты алып жүрүүсү зарыл. Ошондой эле жаңы тасмаларга тартылууга сунуштар түшүп жатат. Жакында эле мага Орусияда шоу-бизнес менен алектенген бир адамдан “сени ырчы катары Европага чейин таанытайын” деген сунуш түштү. “Жок дегенде эки жыл биз менен иштеш, популярдуу болосуң”,- дешти. Бирок мен Кыргызстанды таштап кете албасымды айтып, сунуштан баш тарттым".

АШКАНАДА...
"Менин эң жакшы жасаган тамагым палоо. Бирок жолдошум Акжол менен уулум Адахан гүлчөтайды тамшанып жешет. Андыктан бул тамакты фантазияма жараша ар бир жасаган сайын башкача даамдуу кылууга аракет кылам. Ошондой эле өзгөчө соустарды жасоону жактырам. Эч кандай кулинардык китептерди окубай, үй кожойкелерден рецепт алып отурбай эле жаңы даам ойлоп табууга шыктуумун. Мисалы, айран менен майдаланган сарымсактан да өзгөчө соус жасоого болот".

ГАРДЕРОБУМ...
"Кийимдеримди маал-маалы менен иреттеп турууну жакшы көрөм. Сахнага бир кийип чыккан кийимимди экинчи кайталап кийбегенге аракет кылам. Ошондуктан кийимдеримди курбу-курдаштарыма, туугандарыма сатып жиберем. Кээде жаңы кийим сатып алсам туугандарым эртелеп эле "кийин муну мен алам" деп ээлеп коюшат. Ошондой эле ачык түстөгү кийимдерди жакшы көрөм. Гардеробумдагы эң сүйүктүү буюмум – кызыл сумка. "Мыкты аткарылган аялзатынын ролу" деген наамга көрсөтүлүп, Баку шаарына барганда ырым кылып алгам".

ЖОЛДОШУМ ТУУРАЛУУ…
"Эрди-катын урушат дегендей, ар бир үйдө эле таарынычтар болот. Мындайда түгөйлөрдүн бири өзүн кармап, жаңжалды токтотушу керек. Мындай учурда Акжол унчукпай басып кетет да, бир маалда келип “жиниң тарадыбы?” деп сурайт. Анан тез эле таарынычым жазылып калат".

Бахияна Сатылганова
star@super.kg
Сүрөттөр Асеманын жеке архивинен алынды.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

Tokmok

2010-02-27 04:22:16

Baktyluu omur surgulo!!! :)

Mile

2010-02-27 10:56:25

Красавица. Так держать.

Rim

2010-02-28 11:29:13

туура кылыпсын баш тартып , кыргызстандын демине дем кошуп журо бер , ушундай Кыргызым дегендер кобойо берсин

aiklaus

2010-03-02 02:53:03

kalp ele biroonon ushundai sunush tushtu dep ele aita berebi atyn aitpait bele eger chyn ele sunush algan bolso.Maktanyp koiso bolo beret da

TokoNemis

2010-03-02 15:58:12

Asema ozung tatinakay ele adamsing,birok balangding bashindagi topusu jakkan jok.Bashki betti karasanar,kim bul gesitti alsa jakshilap karap korgula,bash kiyimde adamdin bash soogu jaynayt. Anday surottordu ilgeri zimkaragaylarga ilip koychu "ne vlezay,ubjet" dep. Menimche balaga baykap bash kiyim kiygisish kerek.

Tendik

2010-03-04 11:39:05

Азамат. Баш тартканын туура, эми популярдуу болуш тагдырдан жана озундон да. Ошол киши эле популярдуу кылып коймок беле

Комментарий калтыруу үчүн өз ысымыңыз менен кириңиз же каттоодон өтүңүз.

№ 382, 26-февраль - 4-март, 2010-ж.