Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

“АГАБЫЗДЫ 16 ЖЫЛДАН БЕРИ ИЗДЕЙБИЗ”

№382 26-февраль - 4-март, 2010-ж.


Издейм сени

Редакциябызга жакындарын, тууган-туушкандарын издеп кимдер гана кайрылбайт, кимдер гана кат жазбайт. Каттар жарыяланган соң табышып, катышып кеткендер да жок эмес.

Мирбек аттуу окурманыбыз 16 жылдан бери кабарсыз жүргөн агасы Дурусбекти издейт.

– Мен бир тууган агам Баймуратов Дурусбек Турдалиевичти издеп келем. Ал 1974-жылы 8-февралда Базар-Коргон районунун Кызыл-Октябрь айылында туулган. Агам 1994-жылдын жай айларында Бишкекке соода кылганы кетип, ошол боюнча айылга кайрылып барган жок. Мына быйыл аны көрбөгөнүбүзгө 16 жылдын жүзү болду. Башында шаарда иштеп жүргөнүнөн кабарыбыз бар болчу. Атүгүл аскерден кайткан айылдашыбыздан чогуу түшкөн сүрөтүн да берип жиберген эле. Бирок эмнегедир биз менен азыркыга чейин кабарлашпай келет.
Дурус аке, эгер биздин издеп жатканыбызды окуп калсаңыз, анда дайын-дарегиңизди билдириңиз. Сиздин дайыны­ңызды билбей атам, апам, бир туугандар, баарыбыз сарсанаадабыз. Мындан 3-4 жыл мурун “Ош базарынан” кошунабызга жолукканда “шашылышмын” деп кетип калыптырсыз. Сизди сураштырып издеп барбаган жерибиз калган жок. “Шаарда эле жүрөт экен” деген сайын байкуш апам келип калабы деп жол карап күтүп келет. Сиз кеткенден бери үй-бүлөбүздө көп өзгөрүүлөр болду. Бир тууган ага-инилериңиз, эже-карындаштарыңыз өз алдынча үй-бүлө күтүп, очор-бачар болуп калышкан. Майрам күндөрү баарыбыз чогулганда үйүбүз шаңга бөлөнө түшөт. Бирок бир гана сиздин ордуңуз жетишсиз. Чогулган сайын баарыбыз “арабызда Дурусбек да болсо болбойт беле?” деп санаа тартып келебиз.
Аке, балким, бизге болгон таарыны­чыңыз бардыр же башка бир себептер менен кабарлаша албай жаткан чыгарсыз. Бул жашоодо башка кандай гана маселе, түйшүктөр түшпөйт. Кандай болгон күндө да, биз сизди түшүнүп, чыдамсыздык менен күтүп келебиз.
Байланыш телефондору: (0557) 89-08-09, Нурсия (0770) 41-45-50, Мирбек (0773) 97-10-03, Талант


“КЫЗЫМ МЕНЕН КАЙРА ТАБЫШТЫМ”

Өткөн сандарыбыздын биринде Атыркүл аттуу айым студент кезинде таштаган ымыркайы Гүлнараны издеп кайрылган эле. Бул макала жарыялангандан көп өтпөй кызды багып алган чолпон-аталык Минагүл эже биз менен байланышып, төмөнкүлөрдү айтып берди:

– Гүлнараны издеген Атыркүл деген аял учурунда “кызымды бага албайм” деп тил кат жазып, кызын мага берген. Мен аны өз балдарыма кошуп эч нерседен кем кылбай багып өстүрүп, окуттум. Анын жазган тил каты азыр да сакталуу. Кийин Атыркүл таежесин ээрчитип, Гүлнараны алып кеткени келиптир. Эмне кылмак элем, кызымдын ыйлаганына карабай аларга кошуп бергенмин. Атыркүлдүн турмуш шарты начар окшойт, кызым ооруканага жатып калса карабай коюптур. Ошондо кызым «мени издебе. Сендей апам жок!» деп баса берген эле.
Эми минтип кызымдын эски жаратын козгоп издөө салып жүрөт. Анын издегенин уккан кызым «атын да уккум келбейт. Мени издебесинчи?!» деп ыйлап отурат. Өз убагында ойлонбостон балдарын таштаган буга окшогон энелерге наалаттан башка эч нерсе айта албайм...

Эмне демекчибиз, заманыбызда өз баласын таштаган энелердин саны азайып, Минагүл эжедей кайрымдуу, мээримдүү энелер көп болсо деп тилейбиз.


Кат куржун

“НУРЛАН, ДАЙЫНЫҢДЫ БИЛДИР”
– 1986-жылы Жалал-Абад корпоративдик техникумунда окуп жүргөнүмдө Аксы районунyн Кербен шаарчасындагы Коминтерн участкасына алма тергени жөнөтүп калды. Ал жакка барганда 1968-жылкы Тотоев Нурлан менен таанышкан элем. Нурлан аскерге кеткенде мен турмушка чыгып, ошону менен ортобуздагы байланышыбыз үзүлүп калды. “Ошто стоматолог болуп иштейт” деп укканым бар.
Нурлан, менин издеп жатканымды билсең, дайыныңды билдир. Үй-бүлөлүк катышта болуп жүрөлү. Чынара.

“АДЫЛДАЕВ АЙБЕКТИ ИЗДЕЙМ”
– Саламатсыздарбы, “Супер-Инфо” гезитинин жамааты. Сиздердин гезит аркылуу жолдошум Эдуард Балдановдун досу Адылдаев Айбек Сапыровичти издегим келди. Жолдошум экөө 1984-85-жылдары Беларуста аскерде чогуу кызмат өтөшүп, жакын дос болушкан экен. Эдуард аны көп эстеп, өлөрүндө “досума айтып кой” деп керээзин айтып кеткен эле. Эми Айбекти таап, жолдошумдун керээзин айтайын деген элем. Эгер адашпасам, Айбек Душанбе шаарындагы Белинский көчөсүндө жашачу. Айбекти тааныгандар болсо, менин дарегиме кат жазып койсоңор. Алдын ала рахмат! Саяна, Орусия, Забайкалье аймагы. Дарегим: sabaldanova@yandex.ru.

“АЙДАЙ, КАЙДАСЫҢ?”
– Токбаева Айдай экөөбүз 2008-жылы Каракол шаарындагы К.Тыныстанов атындагы университеттин КХМ-51 группасында чогуу окуган элек. Окууну бүткөндөн кийин ал “Орусияга кетем” деп жүргөн. Угушумча, Айдай турмушка чыгып, учурда Бишкекте жашайт экен.
Айдай, мени менен байланыш. Сени менен баарлашкысы келген группалашың Чолпон Аламанова,
(0543) 05-73-24, (0773) 38-43-84.

“МИРБЕК БАЙКЕ, ТЕЛЕФОН ЧАЛЫҢЫЗ”
– 2005-жылы “Шоро” фирмасында менеджер болуп иштеген Мирбек байкени издейм. Ал Тоң районунун Карл Маркс айылынан болот. Мирбек байке, эгер окуп калсаңыз, анда мага телефон чалып коюуңузду өтүнөм. Жумуштар боюнча сүйлөшөйүн деген болчумун. Чолпон, (0543) 05-73-24, (0773) 38-43-84.


“СУПЕР-ИНФО” АРКЫЛУУ ЭЖЕЛЕРИМДИ ТАПТЫМ”

№378-саныбыздагыИздейм сенирубрикасына атасын издеген Алтынайдын маеги чыккан эле. Мына ошол Алтынай туугандары менен редакциябызга баш багып, анан маек куруп берди.

– “Супер-Инфого” терең ыраазымын. Көптөгөн жылдар бою атама, туугандарыма жолуксам деген кыялым минтип ишке ашып отурат. Мен тууралуу макала жарыяланары менен, тагыраак айтканда, гезит жума күнү чыкса, ошол эле күнү кечинде туугандарыма жолуктум. Тагдырдын буйругу экен, атама жолукпай калдым. Атам бир нече жыл мурун бул жарыкчылык менен кош айтышыптыр. “Атам өлсө өлсүн, атамды көргөн өлбөсүн” деп коюшат эмеспи. Минтип атамдын көзүн көрбөсөм да, анын бир туугандарын, эжелеримди тапканым мен үчүн бакыт.
Мындан ары да издешкендерди табыштырып, эл үчүн кызмат кылып жүрө бериңиздер. Окурмандарыңыздардын саны көбөйүп, нускаңыздар арта беришин каалайм”,- деп кубанычын бөлүшүп кетти.


“ИЗДЕГЕН АДАМЫМ МОСКВАДА ЭКЕН”

Окурмандарыбыздын арасынан “Супер почта” аркылуу да бири-бирин издегендерди кездештирүүгө болот. Мына ошолордун бири Тимур эки жылдан бери жолуга албай жүргөн адамынан кабар алып, кубанычы коюнуна батпай турган кези.

– “Супер-Инфону” мынчалык таасирдүү деп ойлобоптурмун. Досумдун айтуусу менен «Супер-почтага» жакын адамым Нурияны издеп, СМС билдирүү жөнөткөн элем. Арадан эки жума өткөндөн кийин телефонума Москва шаарынын коду менен билдирүү келиптир. Билдирүүнү ачып окуп, мен эки жылдан бери издеп жүргөн Нуриядан экендигин билдим. Анан дароо ага жооп жазып, экөөбүз телефон аркылуу сүйлөштүк. Көрсө, ал жактагы мекендештерибиз «Супердин» ар бир санын окушат экен.
Нурия учурда Москвада соода тармагында иштеп жатыптыр. «Жакын арада Кыргызстанга бара албайм. Бул жакка келип иштебейсиңби, жумуш караштырабыз» дегенинен азыр документтеримди даярдап жатам. Буюрса, күн бир аз жылыса Москвага сапар тартканы турам.


Сиз качандыр бир кездеги жакын адамыңызды издеп, бирок таппай жүргөн болсоңуз, анда Бишкек-48, а/я 1520 дарегине же koom@super.kg электрондук почтасына кат жазыңыз.
Эскертүү: Катта маалымат берген адамдын дареги же телефон номери так көрсөтүлүүгө тийиш.
Байланыш телефону:
32-33-26

Дамира Арстанова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: