Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СИРЕНЬ ГҮЛДӨГӨН МААЛДА

№382 26-февраль - 4-март, 2010-ж.


(Башы өткөн сандарыбызда)

Таң калган Бактияр жаныма келди.
– Бул ким?- деп сүрөттү колуна карматтым. Ал бир топко чейин карады да:
– Мына, бул сүрөттөгү кыздын бири Канаттын карындашы окшойт. Бирок жанындагы кайсы кыз экенин тааныбайм.
– Тааныбайсыңбы?! А мен дал ошол кызды сурап жатамын!
– Тааныбаймын дедим го, сага!
– Тааныбайсың ээ?! Атайын “заказ” менен алдырып алып тааныбай калдыңбы?!
– Менби?
– Сен!
– Ким алып келди?
– Апаң Канаттан берип жибергенин унутуп койдуңбу?! Үйлөнүп жатыпсың!..
– Канат мага эмне эч нерсе айтпай туруп сүрөттү сага берди?
– Ал жагын сүйүктүү досуңдан сура,- дедим да, Канатты чакырып келдим.
– Канат, бул эмне болгон сүрөт?
– Апаң берип жиберди...- деди Канат көзүн ала качып.
– Мен бүгүн апам менен сүйлөштүм, эч нерсе айткан жок го...
– Сүрөттү алып кел деп өзүң дайындаптырсың го,- дедим сөзгө аралашып.
– Канат, сен айылда жүргөнүңдө биз эч нерсе сүйлөшкөн жок элек го,- деп Бактияр кыйкырып ийди.
– Мен антип айткан жокмун.
Канат азыр эле мага айткан сөзүн танып кетти.
– Канат, азыр эле ушинтип айттың го...- дедим жаным кейип. Ал таптакыр айтканын танып туруп алды. Бактияр сүрөттү тең ортодон айрып, мыжыга бүктөп ыргытып ийди да, чыгып кетти. Баарыбыз үн-сөзсүз жай-жайыбызга тарадык. Мындай майда-барат сөздөр, окуялар күн санап дилимди оорутуп, жүрөгүмдү сыздатып, жан дүйнөмдү түйшүккө салчу болду. Кыларын кылып, кыл жип менен бууп, анан Канат “ушулардын урушу басылбады!” деп бизди күнөөлөп сүйлөгөнү жанымды кашайтты. Бул го бул, “мындай аял менен өмүрү тынч жашай албайсың!” деп Бактиярга күйүмдүү дос болуп эскерткенин кантейин! Бул сыяктуу кеңештерди кандай кабыл аларын билбей, Бактиярдын башы маң. Акыркы мезгилдерде айтылган сөздүн ак-карасын ылгай албайт деп Бактиярга таарына баштадым. Ошентсе да андан алыстай алган жокмун. “Башталат баары майдадан...” дегендей, майда-чүйдө кеп-сөздөр акырындан чоң чатакка, таарынышууга, түшүнбөстүккө дейре жеткире баштады.
Күндөрдүн биринде “сүйлөшүп алышыбыз керек” деп, Бактияр мени түн ортосунда ээн жерге алпарды. Жеткиче мени кабатырга салып бир ооз кеп айткан жок.
– Тилла сенин курбуң да, ээ?!- деди жеткенде.
– Ооба, бүгүн билдиңби?!- дедим таң калып.
– Досуң экенин билчүмүн, бирок башкасын бүгүн билдим. Мен ишенчээкмин, жетеленме адаммын, дос-душмандын айырмасын билбеймин... Сенчи... Сен кимсиң?!
– Түшүндүрүп айтчы, Бактияр?! Экөөбүз бүгүн таанышкансып сурабай!
– Сен, Малика, адам эмессиң... Сен адам болбойсуң, эч качан! Ушунча жыл мени алдап, кантип уялбай көзүмө карап жүрдүң!..
– Бактияр, түшүнсөм өлөйүн... Эмне деп жатасың?!
– Түшүндүргүм да келбейт!- деп жаакка катуу чаап жиберди.
Артка кетенчиктеген бойдон темир тосмого кептелдим. Чачымдан тартып, заарлуу көздөрү менен мага тигилди. Чачтарымдын түбү оорутуп, анын карылуу колдорунан бошоно албай тыбырчыладым.
– Сен бүгүн менин колумдан тирүү чыгам деп үмүт кылба! Ушул жерден өлтүрүп, өлүгүңдү өрттөп кетемин!- деп сүйрөгөн бойдон алып барып карт даракка башымды сүздүрдү. Эмне кылар айламды таппай жалына баштадым:
– Бактияр, өлтүрсөң койсоң өзүң бил, бирок себебин айт, жок дегенде күнөөмдү билип өлөйүн!
– Билгиң келип жатабы?! Сен шүмшүк, баарын билесиң!.. Мага чейин эмне кылып жүргөнүңдү, кандай экениңди, ким менен эмне иш кылганыңды жакшы билесиң!.. Жашырып жүргөн экенсиң!.. Мен болсо сен айткандай ишенчээктигимден сага алданып жүрүптүрмүн. “Аруумун, суудан тазамын” деп ыйлабадың беле, мына сага!- деп мени жерге жаткыра чапты. Бетим менен жыгылып, топурак- чаңга аралаштым да калдым.
– Тур, сен мындан өлбөйсүң!- деп бул жолу өпкө талаштыра катуу тепти.
Коркконумдан жан талаша бетимди аарчып өйдө турдум. Каршылык көрсөтүүгө күчүм жетпеди. Бактияр заарын чачып, муштумун түйүп калтырайт. Ошол темирдей катуу муштуму менен дагы уруп жибербегей эле деп корунуп, денем титирей түштү.
– Билесиңби, Канат бүгүн мага кандай сөздөрдү айтты?! Ал мени сага кошуп шылдыңдады! Сен мени уят кылдың! Тилла ага сенин буга чейинки жоруктарыңды бүт айтыптыр!..
Кыскасы, Тилла менен Канаттын айтуусу боюнча мен абийири бузулган кыз экенмин. Бактиярдын көзүнчө жасалма мүнөз көрсөтүп жүрүптүрмүн. Адамдын мүнөзүнө тийиштүү терс сапаттар, жаман жорук-жосундар мага гана таандык экен. Алтургай сөзүмдү, жолумду таппай жүргөн мени Тилла жетелеп адам кылып койсо, шаарга келгени мурдумду көтөрүп калыптырмын. Тилла менен Канаттын сүйүүсүн көрө албай бузукулук кылыптырмын. Канат менин ушундай начар кыз экенимди көптөн бери Бактиярга айта албай жүрүп, анан эми гана жаны күйгөнүнөн айткан имиш. Мени бул жерге сүйрөп келгенинин себеби ушунда экен.
– Бул жерге сүйрөбөй жатаканада эле айтсаң болбойт беле? - дедим дагы эле уккандарыма ишенип-ишенбей.
– Чынын айтсам, өлтүрүп салгым келди. Сен жөнүндө ушуларды угуу оңой болду дейсиңби? Мен сүйгөн кыз, мен билген Малика мындай болбошу керек эле.
– Сен билген Малика андай болгон эмес, болбойт дагы,- ишенимдүү айттым.
– Кеттик, - деп Бактияр мени суз карап алдыга түштү.
– Өлтүрбөйсүңбү?..- дедим ордумдан жылбай.
– Жок, баары бир мага керексиң!.. Биз жатаканага жеткенде таң атарына аз эле калган. Бөлмөгө киргим келген жок, анда уктап жаткан Тилладан жийиркенип турдум. Бактын ичиндеги отургучка барып отурдум. Артымдан үнсүз келип Бактияр да отурду. Үстүндөгү күрмөсүн чечип ийиниме жапты. Таң атканча үн-сөз жок телмирип отура бердик.
Жерге жарык түшкөндө бөлмөгө кирип кийимимди котордум да, жумушка жөнөдүм. Уктап жаткан Тилла башын көтөрүп мени карап койду.
– Мен азыр эле кайра келемин, сен эч жакка чыкпа,- дедим. Тилла эмне үчүн экенин сурабады. Жумушума барып тынч отура албай кыйнала бердим. Жетекчимден суранып, кайра үйгө келдим. Тилла диванда ойлонуп жаткан экен, мени көңүлсүз тиктеп койду. Отурдум да, аны жаныма чакырдым.
– Айта бер,- деди ал жаткан жеринен козголбой.

Жумагүл Жолматова

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(7)
27.02.2010. 04:54 
Тайпасы:
Жаран
Комментарийлердин саны:
47
Катталган:
10-11-2007
Соӊку аракети:
19-08-2018 23:28
Жынысы:
Белгисиз
0
Озоктон чыккан от жаман, оздон чыккан жат жаман.
01.03.2010. 11:13 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Tuura aitasin, dushmandi alistan izdoonun kajeti jok
02.03.2010. 03:07 
Тайпасы:
Кыймылы жок
Комментарийлердин саны:
40
Катталган:
07-07-2009
Соӊку аракети:
02-01-2014 22:55
Жынысы:
Белгисиз
Калаасы:
Evropa
0
biroono sabatyp kojup emne osun basyntat.
02.03.2010. 03:08 
Тайпасы:
Кыймылы жок
Комментарийлердин саны:
40
Катталган:
07-07-2009
Соӊку аракети:
02-01-2014 22:55
Жынысы:
Белгисиз
Калаасы:
Evropa
0
tashap kettim kuto berip shok degende bir as koburook shasbaisynarby.
04.03.2010. 16:48 
Тайпасы:
Жаран
Комментарийлердин саны:
44
Катталган:
06-05-2008
Соӊку аракети:
15-09-2018 19:47
Жынысы:
Белгисиз
Калаасы:
Izmir шаары
0
Bul serialda aiklaus en kyzyk jerine jetkende reklama degendei
11.03.2010. 15:38 
Тайпасы:
Жаран
Комментарийлердин саны:
12
Катталган:
30-01-2007
Соӊку аракети:
14-03-2018 20:41
Жынысы:
Белгисиз
Калаасы:
Бишкек
0
"Бироого ор казсан да кенен каз, озун тушуп калышын мумкун" Курбу кызына иттей жиним келди.
28.12.2010. 11:10 
Тайпасы:
Тартип бузгандар
Комментарийлердин саны:
27
Катталган:
19-11-2010
Соӊку аракети:
13-05-2013 15:23
Жынысы:
Белгисиз
Калаасы:
Кызылкыя
0
ушундай шумшук курбудан кудай озу сактасын
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: