Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

“КӨЗ АЙНЕКЧЕН БАЛА”

№382 26-февраль - 4-март, 2010-ж.


Тасма таржымалы

Балдардын психологиясы, күнүмдүк турмушу чагылдырылган кыргыз фильмдери саналуу гана. Ошол саналуулардын катарында “Көз айнекчен бала” тасмасы бар. Фильм жаралган соң анын башкы каарманындай баатыр болгусу келген балдардын көбөйгөнү айтпасак да белгилүү.

1972-ЖЫЛЫ ТАРТЫЛГАН

Жанры – Балдарга арналган лирикалык комедия
Режиссёру – Альгимантас Видугирис
Оператору – Константин Орозалиев
Сценарийин жазган – Роза Табалдиева
Башкы ролдо – Кубанычбек Алыбаев

КИНО ЖАНА КААРМАНДАР ТУУРАЛУУ

  • Баланын вертолёт менен учуп келген жери Воронцовка айылындагы Токтогул Сатылганов атындагы лагерде тартылган. Азыр ал жер форель өстүрүүчү жай.
  • Кинодо көз айнекчен бала мектепке дайыма кечигип баргандай, Кубанычбек мырза да чыныгы жашоодо мектепке кечигип барчу.
  • Айшаны жакшы көргөн баланын ролун аткарган Андрей Сопуев учурда Мамакеев атындагы улуттук хирургия борборунун илим изилдөө боюнча директорунун орун басары болуп эмгектенет.
  • Балмуздакка кезекте турган кичинекей кыз – режиссёрдун кызы.
  • Кубанычбек мырза киного тартылган учурда көрүүсү жакшы болчу. Айнеги жок көз айнекти тагынып тартылган. Бирок кийинчерээк көрүүсү начарлап кеткен.
  • Кубанычбек Алыбаев «Көз айнекчен баладан» башка тасмага тартылган эмес .

ФАНТАЗИЯСЫ КҮЧТҮҮ БАЛА
Тасманын негизги каарманы Фрунзедеги көп кабаттуу үйлөрдүн биринде жашаган, класс­таштарынын ичинен бою аябай кичинекей көз айнекчен бала. Аны баары “көз айнекчен бала” деп чакырышат. Боюнун кыскалыгынан уламбы, айтор, классташтары, өзү теңдүү кошуналары аны аябай кордошот.
Көз айнекчен бала өтө кыялкеч. Оюнда спорт менен машыгып баатыр болуп, өзүн шылдыңдагандардан өч алат. Анан да өзүнөн 3-4 жаш улуу Айша деген сүйгөн кызы бар. Оюнда Айша үчүн бардыгына даяр. Ага тийишкен балдардын бардыгын таяктайт.
Футбол ойногонду деле билбейт. Ойноп үйрөнөйүн десе балдар кошпойт. Ошондон улам шаардын четине чыгып машыга баштайт. Бир жолу машыгып жүргөндө өзүн келекелеген эки орус жана бир кыргыз бала чымчык атып жатышкан болот. Аны көргөн бала жини менен барып экөөнүн мылтыгын сындырып, көйнөктөрүн айрып, кубалап жиберет. Жанында чогуу ойноп жүргөн кыз – Бермет 1-класска да бара элек болчу. Гүлдү сугарса өсөт эмеспи, ошонун сыңары Бермет дагы өлгөн чымчыктарга суу куят. Бирок алар тирилбейт. Кыймылдабаган чымчыктарды көргөн Бермет ыза болуп аябай ыйлайт.
70-жылдары үйдүн терезесине темир кадоо эч кимдин оюна келчү иш эмес эле. Көз айнекчен баланы шылдыңдагандардын биринин атасы терезесине темир кадайт. “Эмнеге темир кадап жатат?” деген баланын суроосуна “анткени ал тыңчы” деп жооп беришет. Ошондо балага тыңчы деген сөз катуу таасир этет. Кыялында ал тыңчы Айшаны кармап алат. Башкы каарман атасы экөө вертолёт менен учуп келип, Айшаны бандиттин колунан бошотушат.

БААТЫРГА АЙЛАНУУ БАЯНЫ
Жайкы каникул убагында бала чоң атасыныкына жайлоого барат. Мына ошол жайлоодон көптөн бери жанына тынчтык бербей жүргөн кыялын ишке ашырат. Ат мине албаган жаны ат мингенди үйрөнөт. Сууга агып бараткан козуну куткарат. Ошондон улам өзүн эр жүрөк баатыр сезип калат. Жайлоодон келген соң дайыма шылдыңдай берген, ат, жайлоо эмне экенин билбеген шаардык балдарга өзүнүн кандай өзгөргөнүн көрсөтүп коёт.
Балмуздак саткан машина келгенде балдар чурулдап кезекке тизилет. Кезекте тургандар бир кичинекей кызды түртүп, четке чыгарып салышат. Ошондо көз айнекчен бала ал кызды сүйрөп барып эң алдына тургузат. Мына ошентип кино эч бирөөнө алы жетпеген жеткинчектин баатырга айланышы менен аяктайт.

“БАШКЫ РОЛДУ КАПЫСЫНАН ОЙНОП КАЛГАМ”
Кинодогу башкы каармандын ролун аткарган Кубанычбек Алыбаев учурда курулуш компаниялардын биринде инженер болуп эмгектенет. Төрт баланын атасы кино тууралуу төмөндөгүлөрдү айтып берди:
– Мен анда Мукаш Абдраев атындагы музыкалык мектепте окучумун. Ал кезде киного тартылчу балдарды режиссёрлор мектептерди кыдырып тандашчу. Ошондо биздин мектептен отуздай баланы тизип алып, ичинен мени тандап кетишкен. Режиссёр ВГИКти бүтүп Кыргызстанга практикага келип, жаратылышы жагып калып бул жерде калып калган экен. Тасманын сценарийин режисcёрдун жубайы, ошол кезде Медициналык институттун мугалими Роза Табалдиева жазган.
Тасмадагы негизги ролду бою узун, көз айнекчен бала ойномок. Мен болсо кыялкеч баланын образын жаратмакмын. Съёмка башталарда негизги каармандын ролун ойноочу бала ооруп калып жатпайбы, анан эки каармандын образын бириктирип, бир ролго айлантышкан. Аны мен аткаргам.
Азыр ойлосом, оператор өтө тамашакөй экен. “Сени Москвага алпарып бутуңду кесип, таяк кошобуз да, боюңду узартабыз” деп коркута берчү. Москвага алып кетишсе таяк менен басып калат экенмин деп коркуп, айткандарын дал өзүндөй аткарууга тырышчумун.

“КӨЙНӨГҮН УКМУШ АЙРЫГАМ”
– Киного тартылуу учурунда эсимде кызыктуу окуя катары калганы, үч бала мылтык менен чымчык атып жатканда мен барып аларды жакалаган жери болду. Орус бала мага караганда далдайган болчу, жинденип барып анын көйнөгүн айрышым керек эле. Кино тартып жаткандар мага жеңил болсун деп көйнөктү кичине айрып коюшкан. Менин милдетим, аны чоң кылып айрып салуу. “Мотор!” дегенде, орустун жанына барып кичине айрылган жерди издеп эле таппай калам, анын үстүнө боюм да жетчү эмес. Ушул жерин кеминде беш-алты жолу ойнодук. Ошондо оператор “сен барып туруп тигини өзөртө сок да, анан көйнөгүн айрып сал” деди. Мен анын жанына жетип, “дагы эле айрылган жерди издейт” деп турган немени өзөртө урдум эле, тигил ичин басып ийиле түштү. Ошондо көйнөгүн режиссёр каалагандан да аша чаап айрып салгам.

Сүйүн Кулматова
koom@super.kg
Сүрөттөр Кубанычбек Алыбаевдин архивинен жана тасмадан алынды.


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
04.03.2010. 12:18 
Тайпасы:
Кыймылы жок
Комментарийлердин саны:
128
Катталган:
18-03-2009
Соӊку аракети:
01-05-2014 23:01
Жынысы:
Белгисиз
Калаасы:
Бишкек
0
Абдан кызык, кандай сонун учур болгон э
02.10.2010. 02:21 
Тайпасы:
Кыймылы жок
Комментарийлердин саны:
74
Катталган:
23-07-2010
Соӊку аракети:
11-07-2012 17:10
Жынысы:
Белгисиз
Калаасы:
TESKEJ ALA TOO
0
Abdan mykty , azyr ele ushul tasmany korup uh balachaktyn baldaj tatuu kundorun eske salyp bir eki zhashymdy tamchylatyp da kojdum ....eh zharatkan BAla bojdon kalsam kana....
29.12.2010. 14:57 
Тайпасы:
Кыймылы жок
Комментарийлердин саны:
1
Катталган:
29-12-2010
Соӊку аракети:
29-12-2010 14:55
Жынысы:
Белгисиз
0
Bizdin balachaktyn en mykty tasmalaryndan biri.Kubanychbek bayke eger aktorduk kesibin ulantkanda abdan kop mykty tasmalardy jarartat ele.Antse da Kubanych baykege kaalarybyz chyn densooluk uzun omur,uybuloonuz menen bar bolunuz.
27.12.2014. 12:44 
Тайпасы:
Жаран
Комментарийлердин саны:
6
Катталган:
06-06-2012
Соӊку аракети:
20-06-2018 01:30
Жынысы:
Белгисиз
0
ушул кинодогу кичинекей кыз Бермет жонундо да маалымат берип коёсуздарбы, сураныч
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: