Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КЫРГЫЗСТАН ОЛИМПИАДА ОЮНДАРЫНДА

№382 26-февраль - 4-март, 2010-ж.


Мезгил үнү

Акыркы жылдары мамлекетибиз спорт тармагына көңүл буруп, сүйүнтөрлүк иш алып барып жатканы – жетишкендик. Олимпиадада күмүш, коло медаль алып жатканыбыз сыймык деңизчи, бирок эгемендүү өлкөбүздүн Олимпиада оюндарынан бир да алтын медаль ала албай жаткандыгы өкүнүчтүү.

САНАЛУУ ИЙГИЛИКТЕР
1980-жыл. Ал кезде Кыргызстан СССРдин курамында болчу. Москва шаарында өткөн жайкы Олимпиадада оор атлетика боюнча кыргыз спортчусу Каныбек Осмоналиев алтын медаль тагынган. Албетте, сыймык кыргыздыкы болгону менен, сыйлык СССРдин наамында калган. Ал эми эгемен кыргыз өлкөсүнө биринчи Олимпиадалык медалды улуту казак Айдын Смагулов алып берген.
Айдын 2000-жылы Сидней Олимпиадасында дзюдо боюнча коло медаль тагынган. 2008-жылы Бээжинде өткөн жайкы Олимпиада оюндарында грек-рим күрөшү боюнча өлкөбүздүн желегин желбиреткен Канатбек Бегалиев менен Руслан Түмөнбаевдин ысымдарын да сыймыктануу менен айтсак болот. Ошол Бээжинде өткөн оюнда ачык эле Канат тарапта турган алтын медаль калыстардын түшүнүксүз чечимдери менен көз көрүнөө француздун пайдасына кетти. Буга жалпы кыргыз эле эмес, дүйнө эли күбө болгон. Кийинчерээк Канат Бегалиевдин биздин гезитке берген интервьюсунда “алтын медаль алмайынча спорттон кетпейм” деп айтканы бар. Канат менен Русландын ийгиликтеринен кийин мен дагы ушулардай боло алам деген кыргыз уландарынын көбөйүшү жакшы жөрөлгө. Мейли кышкы, мейли жайкысы болсун, айтор, Олимпиада оюндарында Кыргызстан да алтын медалга ээ болор деген изги тилек менен күтө туралы.

MADE IN KYRGYZSTAN
Кыргызстандын суусун ичип, абасын жуткан атактуу спортчуларыбыз бар. Бирок ошол чемпиондор ар кандай себептер менен башка өлкөнүн желегинин астында, алардын намысын коргоп жүрүшөт. Алсак, кыргызстандык Мария Күлчүнова ата мекендик эле эмес, дүйнөлүк спортто да легенда. Ал 1988-жылы Татьяна Ледовская, Ольга Назарова жана Ольга Брызгина менен бирге 100 метрге чуркоо боюнча төрттүк эстафетада (4х100) дүйнө рекордун орнотушкан. Ошондо алар аталган аралыкты 3 мүнөт 15 секундда чуркап өтүп, көрүүчүлөрдү таң калтырышкан.
Аты да, заты да кыргыз болгон гандболчу кыргыз жигити испаниялык спортчуларга тажрыйбасын бөлүшүп, аларды тарбиялап келет. Ал – Талант Дүйшөбаев. 14 жашында СССРдин курама командасына кирген. Көп ийгиликтерди багынтууга жеткирбей, Союз таркап кетет. Ошол учурда Талантка Испаниядан сунуш түшүп, жогорку максаттарды көздөгөн спортчубуз Европаны көздөй кеткен. Испаниянын жарандыгын алган мекендешибиз "Атланта-96" Олимпиадасында коло медаль тагынган. Өткөн 2009-жылы бир журналист чемпион Дүйшөбаевге “сиз кыргызсызбы, оруссузбу же испансызбы?” деген суроо узатыптыр. Ошондо улуу гандболчу Талант мырза: “Албетте, мен кыргызмын. Керек болсо бүгүн эле мекеним Кыргызстанга барууга даярмын. Бирок ал жакка керекминби?”- деп суроого суроо менен жооп бериптир. Талант Дүйшөбаевдин тили, жашоо образы өзгөрүп жатса да, дили кыргыз боюнча калганына кубанбай коё албадык.
Грек-рим күрөшү боюнча дагы бир Юрий Мельниченко аттуу жердешибиз бар. Ал эгемендүүлүктүн алгачкы жылдарында эле казак боордошторго кеткен. Буга колдоонун жоктугу себеп болуптур. 1996-жылы Атлантада өткөн Олимпиада оюндарында Казакстандын атынан чыгып, алтын медалга ээ болгон. Бул сөөгү кыргызстандык спортчу жигитибиздин жеңиши Казакстан Республикасынын Олимпиададагы алгачкы алтын медалы болуп эсептелинет.

КЫРГЫЗСТАНДАН ОЛИМПИАДА ЧЕМПИОНДОРУ
ЧЫГАРЫНА ИШЕНЕСИЗБИ?

Каныбек Осмоналиев,
Оор атлетиканы өнүктүрүү боюнча республикалык борбордун директору:
– Мен улуу Манастын элинен Олимпиада чемпиону чыгарына ишенем. Чындыгында, баш оорунун баары келип эле акча каражатына такалат. Мамлекет спортчуларды колдоого алып, муктаждыктарын учурунда чечип турса, Олимпиаданын жеңүүчүсү сөзсүз чыгат деп ишенем.

Кубанычбек Конгантиев,
Мамлекеттик Спорт агенттигинин директорунун орун басары:
– Кыргызстандан Олимпиада чемпиону чыгат деп ойлойм. Тигил же бул деп кайсы бир спортчунун ысымын атагандан алысмын. Бирок грек-рим күрөшүнөн, дзюдодон, жалпысынан айтканда, күрөштүн түрлөрүнөн биздин балдар күчтүү. Демек, жок дегенде спорттун ушул түрлөрүнөн чемпион чыгат деп ишенсек болот.

ОЛИМПИАДА ТУУРАЛУУ
Олимпиада оюндары байыркы мезгилде тынчтыктын символу болсо, учурда дүйнөлүк спортто эң абройлуу мелдеш болуп саналат. Ал жайкы жана кышкы болуп экиге бөлүнүп, кезектеше төрт жылда бир өткөрүлүп турат. Жайкы Олимпиада 1896-жылы Олимпиаданын мекени катары Грециянын борбор калаасы Афины шаарында старт алган. Ал эми кышкы Олимпиада 1924-жылдан бери өткөрүлүп келет. Учурда Ванкуверде аяктап бараткан кышкы Олимпиада катар саны боюнча жыйырма биринчи.

Амантур Султанкулов
sport
@super.kg


«Супердин» сурак бурчу

КЫРГЫЗСТАНДАН ОЛИМПИАДА ЧЕМПИОНУ
ЧЫГАРЫНА КӨЗҮҢҮЗ ЖЕТЕБИ?

Асылбек,
35 жашта, жеке ишкер:
– Көзүм жетет. Кыргызстан ушинтип сызга отурган бойдон эле калмак беле. Убакыт-сааты келгенде биз да өнүгүп, таланттуу спортчуларыбызды дүйнөлүк чемпионаттарга чыгарганга шарт түзүлөт. Бизде таланттуу балдар көп.

Замира,
42 жашта, технолог:
– Жакынкы учурда Олимпиада чемпионун көрө албайбыз го. Бирок кийинчерээк чыгарына ишенем. Учурда спорт жаатында таланттуу жаштардын чыга баштаганын гезиттерден окуп же теледен көрүп калсам, уучубуз куру эмес экен деп сүйүнүп калам.

Нурэл,
30 жашта, мугалим:
– Олимпиада чемпиону болом деп максат кылып, ишеним арткандардын саны аз. Буга мамлекеттин экономикалык абалы да таасирин тийгизип жатат. Спорт менен алек болгондорго колдоо начар. Керек болсо биздин спортчулардын машыгуу үчүн шарттары жок.

Нургиза,
22 жашта, сатуучу:
– Спорт учурда жанданып келатат. Канат Бегалиев менен Руслан Түмөнбаевдер биринчиликке жетпесе да кыргыздын атын чыгарып, желегибизди желбиретип келишпедиби. Ошондон улам ушул эки эренибиз чемпион боло алышат деген үмүтүм бар.

Улан,
18 жашта, студент:
– Мен спортчуларыбыздын келечегине ишенем. Бизде элге аты көп чыкпаган мыкты спортчуларыбыз көп. Алардын көбү эле көр тириликтин айынан ар кандай иштерде жүрүшпөйбү. Мамлекет ушундай көлөкөдө жүргөндөрдү колдосо...

Шакен,
60 жашта, пенсионер:
– Чемпиондор чыгат деген чоң үмүтүм бар. Акыркы жылдары кыргыз спорту бир топ эле өнүктү. Жанагы Канат Бегалиев деген балага ишеничим чоң. Ал “Олимпиададан алтын медаль алмайынча спортту таштабайм” деп сөз бербеди беле, мындай убадалар да ишеним жаратат.

Байболот,
41 жашта, инженер:
– Спорттун көп түрү Кыргызстанда өнүккөн эмес. Эми буга жашоо шартыбыз да таасирин тийгизип жатпайбы. Бирок мен күрөш боюнча Олимпиада чемпиону чыгарына көзүм жетет.

Бахияна Сатылганова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
01.03.2010. 21:23 
Тайпасы:
Кыймылы жок
Комментарийлердин саны:
18
Катталган:
17-02-2010
Соӊку аракети:
31-03-2010 01:03
Жынысы:
Белгисиз
Калаасы:
Bishkek
0
Интересно
05.03.2010. 11:44 
Тайпасы:
Жаран
Комментарийлердин саны:
40
Катталган:
19-07-2008
Соӊку аракети:
17-06-2018 16:37
Жынысы:
Белгисиз
Калаасы:
tokio
0
баары акырындык менен болот!!! сабырдын тубу сары алтын
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: