Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«Ар намыс» саясий партиясынын лидери Феликс Кулов: «ЧОҢ САЯСАТТАН ЧОҢ САЯКАТКА КЕТТИМ»

№382 26-февраль - 4-март, 2010-ж.


Ал төрөлгөндө алгач Токтогул деп ат коюшкан. Генерал болуу анын балалык кыялы болчу. Саясатка аскер адамы катары аралашып, тагдырдын буйругу менен эркинен ажырап, абакка да отуруп чыкты. Кеп ким жөнүндө болуп жатканын баамдасаңыз керек. Бүгүн бизде конокто "темир генерал" атка конгон Феликс Кулов.

КЫЗЫКТУУ ФАКТЫЛАР

  • Феликс туулганда атасы командировкада болот. Ымыркайга улуу акын Сатылгановдун урматына Токтогул деген ат коюшат. Бирок атасы Шаршенбайдын түшүндө бир аксакал аян берип, "уулуңа Феликс деп ат кой" деген экен. Ошентип, атасы уулунун ысмын Феликс деп өзгөртүптүр.
  • "Ашууда" аттуу китеби "мени колдогондордун баарына ыраазычылыгымды билдирем. Ушул эмгегим аларга арналат. Ал эми сатып кеткендерди кечирдим" деген саптар менен башталат.
  • 2001-жылы Бишкек горнизондук соту Куловду Улуттук коопсуздук министри болуп жүргөндө кызматтык абалынан пайдаланган деп таап, 7 жылга эркинен ажыраткан. Чүй облусунун губернатору болуп турганда мамлекеттик каражаттарды туура эмес пайдаланган деген да кине коюлган. Бирок 2005-жылы 24-марттагы элдик революциянын шарапаты менен Куловдун иши кайра каралып, Жогорку Сот толук актаган.

– Феликс мырза, убагында сиз чоң кызматтарды аркаладыңыз. ИИМ, УКК жетекчиси, Чүй облусунун губернатору, Бишкек шаарынын мэри, ошондой эле премьер-министр. Президент болбой калганыңызга өкүнбөйсүзбү?
– Өкүнбөйм. Өзүңдү жоготуп койсоң өкүнүчтүү. Ал эми бийлик, байлык колдун кири. Бир окуяны айтып берейин. СССР кезинде Азербайжандын белгилүү Рашид Бейбутов деген ырчысы болгон. Аны өлкө боюнча жакшы таанышчу. Ошол кезде Бакуга индия кино актёру Радж Капур келет. Совет эли аны Бейбутовдон да жакшы билчү. Анын «Господин 420», «Тентимиш» деген кинолорун ким көргөн эмес? Анан ошентип самолёт Баку аэропортуна конот. Трапка чейин килемдер төшөлөт. Тосуп чыккандар сап-сапка тизилишип, актёр менен кезектешип тааныша башташат.
Биринчиси: “Мен премьер-ми­нистрдин социалдык тармак боюнча орун басары”,- дейт. Ал болсо: “Жакшы, мен Радж Капур”. Экинчиси: “Мен маданият министри”. Үчүнчүсү: “Маданият бөлүм башчысы”,- деп жана башкалардан кийин кезек Рашид Бейбутовго жетет. “Мен Рашид Бейбутов, СССРдин эл артистимин”,- дейт. Индияда эл артисти деген наам болбоптур, ал көпкө ойлонбой, “жакшы, жакшы, мен Радж Капур, жөн эле миллионер” деп кутулуптур. Көрсө, кеп
наамда эмес, кеп эл сени жасаган ишиңен тааныганында тура.
– Акаевдин заманында полковник Бакаев жол кырсыгынан каза таап, сизди анын өлүмүнө катышы бар деп жүрүштү. Мунун канчалык чындыгы бар?
– Мен жөнүндө ушундай ушак-айың таратылган. Өкүнүчтүүсү, ага ишенип алгандар да бар.
– 2007-жылдын кышында сиз премьер-министрдин кызматынан кеттиңиз. Ошондо кайра чоң саясатка келишиңизди күткөндөр болгон. Бирок сиз кай­рылбадыңыз. Себеби?
– Мен чоң саясаттан чоң саякатка кеттим. Чоң саясат да, чоң саякат да кайда алпарары белгисиздиги жагынан окшош нерсе. Ал эми, чындыгында, саясаттан эч жакка кеткен жокмун. «Ар намыс» партиясын жетектеп жүрөм. Эч кимге жар салбай эле, мүмкүнчүлүк жетип, колдон келишинче өлкөнүн экономикасын көтөрүү, оңдоо аракети менен алекпиз.
– Чоң саясат менен чоң саякат эмнеси менен окшош?
– Чоң саясатты чоң кызмат, чоң бийлик деп түшүнсө болот. Чоң саякат деп, мисалы, аялдардын жан дүйнөсүн түшүнсө болот. Сөзсүз эле көп аялдын эмес, бир эле аялдын ичинде кандай дүйнө жатат?..
– Саясий карьераңыз бүттү деп айтса болобу?
– Минтип качан «Ар намыс» партия­сы тарап кеткенде айтса болот.
– Абакта отурган жылдарды кандай эскересиз? Канча отурдуңуз?
– Мүнөзүм ушундай, жамандыктын да жакшы жагын издейм. Мени түрмөгө отургузушканда тагдырдын дагы бир сыноосу башыма түшкөнүн түшүндүм. Бардыгына чыдап, көтөрүп, жашап өзүмдүн намысымды сактап калышым керек болчу. Түрмө деген ушундай жай, кээ бирлер чыдайт, айрымдар чыдай алышпайт, айрыкча жылдап отургандар. Мен беш жыл отурдум.
– Өкүнүчтөрүңүз барбы? Баарын кайра башынан баштоо мүмкүнчүлүгү берилсе, жашооңузда эмнени өзгөртөт элеңиз?
– Айрым нерселерди өзгөртүүгө аракет кылат элем. Мисалы, ок атуу боюнча спорт чебери болмокмун. Ал эми чоң өзгөртүүлөрдү кааламак эмесмин. Бүт өмүрдү өзгөртөм деген менен, эртеңки күн кандай болуп өзгөрүп кетет, ким билет?
– Бизге белгилүү болгондой, сиз Кыргызстандын кол күрөш (арм­рестлинг) федерациясынын ардактуу президентисиз. Спортко мамилеңиз кандай? Кайсы түрү менен машыгасыз? Жакында кайсы жеңишке сүйүндүңүз?
– Ар кандай командалык спорттун түрлөрүн ойнойм: футбол, баскетбол, волейбол, хоккей. Мылтыктан ок атуу, шахмат, теннис боюнча биринчи разрядым бар. Тоодо, түздө лыжа тепкенге кызыгам, жактырам. Анан самбо күрөшү боюнча инструктормун.
Акыркы жолу кол күрөш боюнча курама командабыздын Дүйнө чемпиондугунда байгелүү орун алганын угуп аябай кубандым. Тилекке каршы, биздин спортчулар катышкан оюндарды убакыттын жоктугунан көрө албай калам.
– Эркектердин эки түрү бар дейт. Мырзалар жана Дон Жуандар. Кайсы топко киресиз?
– Дон Жуан болуп көп аялдын башын айлантып "эрдигине" мактангандарды түшүнбөйм. Ал эми "джентльмен" же кыргызча жөн гана мырза, жигиттик деген сөздү терең түшүнөм. Жигиттик кылып бирөөгө пайдам тийсе жакшы, бирок жардам кылганда пайданы көздөбөйм.
– Анекдот айтып берсеңиз, мүмкүн болсо өзүңүз жөнүндө.
– Кээде эстеп калам. Өзүм жөнүндө бир гезитке мындай анекдот чыккан: «Кулов Акаевдердин үйүнө конокко барат экен. Отурушат, эс алышат, анан ал кетет. Бир маалда Майрам Акаева “алтын саатым жоголду” деп издеп калыптыр. Ал ойлойт, "аа Кулов уурдап кетти" деп. Бирок бат эле сааты табылып калат. Ошентсе да уурдады деген ызасы ичинде кала бериптир".
– Балалык кыял­дарыңыз орундалдыбы? Чоңойгондо эмне иш кылам дечү элеңиз жана учурда эм­не менен алектенесиз?
– Балалык кыялдарымдын бирөөсү орундалды деп айта алам. Ал – генерал болуу. Учурда өлкөбүздө чакан жана орто энергетиканы өнүктүрүү менен алектенүүдөмүн.
– Кандай үй-бүлөдө өсүп-чо­­ңой­дуңуз? Ата-эне, бир-тууган­да­ры­ңыз жөнүндө айтып берсеңиз?
– Атам – Шаршенбай Кулов ыр жазган чыгармачыл адам болгон. 14 жашында республикалык жаштар гезитинин башкы редакторунун орун басарлыгына чейин жеткен. Улуу Ата Мекендик согуштун катышуучусу. 38 жашында полковник чининде ден соо­лугуна байланыштуу пенсияга чыккан. Эс алууга эрте чыкканынын себеби фронттун алдыңкы катарында жүрүп кызмат кылган бир күнү үч күнгө барабар деп эсептелген. Кийин 25 жыл "Интурист" деп аталган уюмду жетектеп жүрдү.
Апам – Сайра. Актрисалык кесипти аркалаган. Балалуу болгон соң бизден бошой албай театрды таштоого аргасыз болуптур. Кыргыз искусствосу менен маданиятынын Москвада өткөн 1-декадасына катышкан. "Ошондо Сталинди жакындан көргөм",- деп айтып, сыймыктанып калчу.
Бир туугандарым боюнча айтсам, бир эжем жана 3 иним бар. Маек башталгандан бери бир туугандарым жөнүндө кеп козгогон жоксуз. Сыягы, алар тууралуу маалыматыңыз жок көрүнөт. Демек, алар мен жогорку мамлекеттик кызматтарда иштеп турган убакта иштериме кийлигишишкен эмес. Бул мен үчүн маанилүү. Өзүм, ата-энем жана бир туугандарым жөнүндө “Ашууда” (“На перевале”) деген китебимде кенен жазгам.
– Балалыгыңызды бактылуу деп эсептейсизби? Көбүнчө кайсы оюндарды ойночу элеңиз?
– Балалыгым бактылуу болгон деп айта алам. Фрунзе шаарында чо­ңойдум. Мен бала кезде жашаган үйү­бүз шаардык стадионго, учурдагы "Спартакка" жакын болчу. Азыр биздин үйдүн ордунда Өкмөт үйү турат. Бала кезимден спортко жакын болушума дал ошол стадиондун жанында жашагандыгым себеп болсо керек.
– Мектепте кандай окугансыз?
– Ачыгын айтсам, мектепте жакшы окуган эмесмин. Жүрүм-турумум деле кубанаарлык эмес болчу. Бирок жогорку окуу жайында бир да "3" деген баа алган жокмун.
– Кесип тандоодо сизге эмне түрткү болгон?
– Коркунучту жеңүү кыялы.
– Биринчи айлык алган күнүңүз эсиңиздеби?
– Ал күн эстен чыкпайт. Биринчи жо­лу акчаны 14 жашымда иштеп тапкам. Анда Фрунзе атындагы айыл чарба машина курулуш заводунда токардын жардамчысы болчумун. Акчамды апама алпарып бергем. Ал кубанып шифоньер сатып алганы эсимде.
– Сиз үчүн эмне биринчи орунда турат? Жумушпу же үй-бүлөбү?
– Буга минтип жооп берет элем: мен үчүн биринчи орунда үй-бүлө үчүн иштөө турат.
– Жашоодо устатым деп кимди эсептейсиз?
– Атамды.
– Эми жеке жашооңузга токтоло кетсеңиз. Сүйүүгө биринчи жолу качан кабылдыңыз эле? Аялзатында баалаган сапаттарыңыз кайсылар?
– Жеке жашоо боюнча, жакшысы, кээде кеп кылбаган оң. Ал эми аялзатынын эң оболу абийирин таза сактаган, акылдуу, назик, сабырдуу сапаттарын баалайм. Ажаан аялдарды жактырбайм.
– Сүйүү үчүн акылга сыйбаган эрдик жасадыңыз беле?
– Ойлонуп көрсөм, анчалык акылымды жоготконго чейин барбаптырмын. Бирок керек болуп калса, дайым даярмын.
– Балдарыңыз эмне менен алектенишет?
– Улуу кызым турмушка чыккан. Экинчиси Нью-Йорк университетин аяктап келип, учурда Борбор Азиядагы Америка университетинин магистратурасында билим алып жатат. Үчүнчүсү болсо мектепте окуйт. Дагы экөө кичинекей, мектепке да барыша элек.
– Досторуңуз көппү?
– Көп эле болчу. Абакка түшкө­нүмдөн кийин азайды.
– Өмүрбек Текебаев жана Курманбек Бакиев менен мамилеңиз кандай?
– Экөө менен тең мамилем жакшы. Сиздин сурооңуздун төркүнүн түшүнүп жатам. Ушул жерде бир нерсени айта кетсем, бизден Батыштын саясатчылары эмнеси менен айырмаланышат? Бизде эгерде сен бирөөнү сындасаң, автоматтык түрдө ал адамдын душманына айланасың. Азырынча жеке мамилелени мамлекеттик иштен бөлүп кароону үйрөнө элекпиз. Башкача айтканда, саясий пикир келишпестикти жеке пикир келишпестик менен чаташтырып алабыз. Аттуу-баштуу кишилердин мындай келишпестиктери өлкө үчүн коркунуч туудурат. Кыргызстандай чакан өлкө үчүн эки эсе кооптуу. Бул жагынан алып караганда израилдиктерден биз көп нерсени үйрөнсөк болот. Аларда шайлоо учурунда канча атаандашуу болбосун, шайлоодон кийин баары бирге өлкөсүнүн өнүгүүсү үчүн иштешет. А биз азырга чейин кимибиз кайсы жерден, кайсы уруудан экенибизди сураган деңгээлден чыга элекпиз.
– Убакыт таап, кызыктуу маек куруп бергениңизге рахмат. Ишиңизге ийгилик.

КАЧАН АКЫРКЫ ЖОЛУ?..
– Кайсы китепти окуп чыкты­ңыз?
– Түштүк Кореянын президенти Ли Мен Бактын “Кереметтер болбойт” деген эскерүүлөрүн.
– Көчөдө мушташтыңыз эле?
– Эсимде жок.
– Мас болдуңуз эле?
– Аз ичем.
– Эмне сатып алдыңыз?
– Өткөн жумада кыздарыма оюнчук сатып алдым.
– Карыларга жолдон өткөнгө жардам бердиңиз эле?
– Мүмкүнчүлүк болгон эмес.
– Бийледиңиз?
– Кечээ кичүү кызым менен.
– Сүйүүңүздү билдир­ди­ңиз?
– Кечээ билдирдим.
– Уюлдук телефондон СМС жаз­ды­­ңыз?
– Бир нече жума болуп калды го...
– Таң калдыңыз эле?
– Сиздин суроолоруңуз таң калтырды.
– Карызга акча сурадыңыз эле?
– Былтыр.
– Тамак жасадыңыз?
– Көп жыл болду.
– Сыйындыңыз?
– Жаратканга күндө ыраазычылыгымды билдирип, сыйынып турам.

Базарбек Абдураимов
koom@super.kg
Сүрөттөр Ф.Куловдун жеке архивинен алынды.



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
27.02.2010. 20:27 
Тайпасы:
Кыймылы жок
Комментарийлердин саны:
70
Катталган:
30-12-2007
Соӊку аракети:
15-08-2014 11:44
Жынысы:
Белгисиз
Калаасы:
..:Жалган дүйнө:..
0
темир болгон менен кулов деле адам да..
02.03.2010. 08:43 
Тайпасы:
Тартип бузгандар
Комментарийлердин саны:
5
Катталган:
06-12-2009
Соӊку аракети:
05-03-2014 08:39
Жынысы:
Белгисиз
Калаасы:
Кара-Суу району Озгур айылы
0
Атандын гору, темир деле дат басып, сынат тура...
02.03.2010. 10:25 
Тайпасы:
Кыймылы жок
Комментарийлердин саны:
128
Катталган:
18-03-2009
Соӊку аракети:
01-05-2014 23:01
Жынысы:
Белгисиз
Калаасы:
Бишкек
0
мына ушундай кесипте эле эмес жашоодо да кыйын болуш керек
02.03.2010. 11:57 
Тайпасы:
Кыймылы жок
Комментарийлердин саны:
19
Катталган:
02-03-2009
Соӊку аракети:
06-05-2012 21:26
Жынысы:
Белгисиз
Калаасы:
Бишкек / Токтогул
0
БКС "КИДАТЬ" этип койсо, айла жок кетет да саясаттан. Дуйно кыдырып жургонсуп "чон саякатка кеттим" деп койгонун айт.
14.03.2010. 22:38 
Тайпасы:
Жаран
Комментарийлердин саны:
690
Катталган:
10-03-2010
Соӊку аракети:
21-09-2017 13:32
Жынысы:
Белгисиз
0
Кетсе айтат да, саясат деп журуп, жашоонун чыныгы рахатынан кур калып келгендир буга чейин, ошол саякатка кетип ырас кылды. Саясатка караганда ал жакта тазарганга жакшы шарт болот деп ойлойм.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: