Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АППЕНДИКС ичегилерди микробдордон коргоочу органбы?

№383 5-11-март, 2010-ж.


Эл ичинде “семичкени көп чагып, данектерди көп жутсаң, аппендицит болосуң” деген сөз бар. Ушундан улам “бул чынбы?” деген суроо жаралат. Бул эле эмес, “сокур ичеги деген өзү эмне, ал эмне кызмат аткарат, аппендицитти кандай түшүнсө болот?” деген суроолорго жооп издеп көрдүк.

КЫЗЫКТУУ

  • Алгачкы ирет аппендиксти алып таштоо операциясы 1735-жылы Лондондо 11 жашар балага жасалган.
  • 1961-жылы Л.И.Рогозов аттуу хирург Антарктидада өзүнө-өзү операция жасап, аппендиксин алып таштаган.
  • Аппендикс адамдарда, маймылдарда жана коёндун бир түрүндө (кроликтерде) гана кездешет.

КИР АБА ДА ООРУНУН СЕБЕПКЕРИ

Канадалык окумуштуулар “аппендициттин келип чыгышын кир аба да шарттайт” дешүүдө. Мындай жыйынтыкты алар 7 жыл изилдөө жүргүзүшкөн соң чыгарышкан. Жыйынтыгында Канадада адамдар сокур ичеги менен жайында көбүрөөк, ал эми кышында сейрек оорушары белгилүү болгон. Себеби кышка салыштырмалуу жайында адамдар көбүрөөк сейилдеп, сырттагы аба менен дем алышат.
Демек, жайында ичеги-карын оорулары менен көбүрөөк ооруу, мунун натыйжасында сокур ичегиге учуроо коркунучу бар. Анткени ичеги-карын ооруларында микробдор сокур ичегиге да өтүп кетип, аппендиксти сезгентет.

СОКУР ИЧЕГИ ЖАНА АППЕНДИКС ТУУРАЛУУ ТҮШҮНҮК
Сокур ичеги бул – жоон ичегинин башталыш бөлүгү. Элде “сокур ичеги сезгенди”, “сокур ичеги жарылып кетти” деген түшүнүктөр бар. Бул туура эмес. Чынында сокур ичегинин (сөөлжан сымал көрүнүштө) ичке учкай бөлүгү, аппендикс гана сезгенет. Аппендикс латын сөзү, бизче которгондо “кошумча бөлүк” дегенди түшүндүрөт. Анын диаметри болжол менен 1 сантиметрди, ал эми узундугу 4-20 сантиметрди түзөт.

КЫЗМАТЫ
Көптөгөн кылымдар бою адамга керексиз деп эсептелген аппендикс кийин изилдөөлөрдүн натыйжасында керектүү орган деп табылган. Муну түшүндүрүү үчүн тарыхка кайрылсак.
19-кылымдын ортосунда Америкада ар бир жаңы төрөлгөн баланын аппендиксин алып таштоо жайылып кеткен. Бирок кийин андай жөрөлгөдөн баш тартуу келип чыккан. Буга аппендикси алынган адамдардын ден соолугуна жүргүзүлгөн байкоолордун жыйынтыгы себепкер болгон. Байкоолордо андай адамдардын ичегилеринде маселелердин (оорулардын) бардыгы аныкталган.
Көптөгөн окумуштуулардын пикиринде, аппендикстеги лимфоиддүү ткандар иммунитеттин кызматын аткарат. Башкача айтканда, аппендикс – ашказан-ичегилерди түрдүү микробдордон коргой турган орган.

АППЕНДИЦИТ ДЕГЕН ЭМНЕ?
Аппендицит бул – аппендикстин курч сезгенүүсү. Аппендицитти дарыгерлер “эки жүздүү оору” деп аташат. Анткени ооруну аныктоо кээде бир топ кыйынчылыкты жаратат. Анын оору белгилери жыныс бездеринин сезгенүүсүнүн, жатындан тышкары бойго бүтүүнүн, ичегинин жарасынын оору белгилерине окшош. Статистикага таянсак, бир жылда ар бир 1000 адамдын 5-7си аппендицитке туш болот. 20-40 жаш курактагылар бул ооруга көп кездешет.

АППЕНДИЦИТКЕ СЕМИЧКЕ КҮНӨӨЛҮҮБҮ ЖЕ
СЕЗГЕНҮҮ ЭМНЕДЕН КЕЛИП ЧЫГАТ?
Аппендикс эмнеден улам сезгенери тууралуу азыркыга дейре так маалымат жок. Бирок семичкени көп чагуу, дарбыздын жутулган данектери аппендицитке алып келет деген апыртылган сөз экендиги анык. Эми окумуштуулардын болжолдоруна көңүл бурсак, аппендикс жалпысынан төмөнкү себептерден улам сезгенет:

  • Ичегилердин нерв системасынын сез­генүүсүнөн жана инфекциядан;
  • Жоон ичеги менен ичке ичегилерге суук тийгенде;
  • Чоочун заттар аркылуу (жутулган чоочун заттар ичеги аркылуу барып сезгентет);
  • Ичегидеги таштай болуп катып калган заңдар сокур ичегиден аппендикске өтүп, инфекцияны өөрчүткөндөн.

ТҮРЛӨРҮ:

  • Жөнөкөй же өөрчүй элек аппендицит;
  • Өөрчүп, ириңдеп кеткен аппендицит;
  • Ириңдеп жарылып кеткен аппендицит;
  • Жарылып, бүт ич көңдөйүнө тарап кеткен аппендицит;
  • Жарылып, бүт денени сезгенткен аппендицит.

ООРУ БЕЛГИЛЕРИ
Аппендициттин оору белгилери:

  • Көбүнчө ич же ашказан тарап ооруйт. Анан 2-3 сааттын тегерегинде оорутуу ичтин ылдыйкы оң капталына (аппендикстин тушу) өтөт. Ич кээде акырын, кээде толгоо сымал бурап оорутса, кээде курч бычак сайгандай чыңалып оорутат.
  • Көңүл айлануу, кээде кусуу күтүлөт.
  • Адам өзүн начар сезип, алсырайт.
  • Дене табы көтөрүлөт.

“ТЕЗ ЖАРДАМ” КЕЛГИЧЕ...
Төшөккө жатуу керектелет. Тамак же суусундук ичүүгө болбойт. Ичке муздак суу куюлган грелка басуу кажет. Ич өткөрүүчү же ооруну басуучу дарыларды ичүүгө болбойт. Анткени бул оорунун белгилерин өзгөртүп, так диагноз коюуга жолтоо болот.

ДАРЫЛОО
Аппендикс операциялык жол менен алынат. Бул аппендектомия деп аталат. Оору өтүшүп кетпесе, аппарат аркылуу жасалуучу операция, башкача айтканда, лапароскопия колдонулат. Опе­ра­циядан соң денеде, болгону, билинбеген 3 чекиттин орду гана калат.

ЭСТЕ БОЛСУН
ЖЕ АППЕНДИКС ИРИҢДЕП КЕТСЕ...
Перитонит бул – аппендикстин сезгенгенден соң ириңдеп, жарылып кетүүсү. Мындай учурда адам дароо ооруканага кайрылбаса, анда коңшу органдарга коркунуч туулат. Анткени гангрена (инфекциядан улам ткандардын өлө башташы) башталат. Бул өмүргө коркунуч келтирип, дароо операция жасалбаса, адам жашоо менен кош айтышат.

Материалды даярдоого салым кошкондугу үчүн Бишкектеги Улуттук хирургиялык борбордун хирургия бөлүмүнүн жетекчиси Алыбаев Эрнис Урбаевичке ыраазычылык билдиребиз.


Элдик медицинадан

ЧАРЧАГАН БУТКА МАССАЖ
Кечке иш менен алек болуп ары-бери жүрүүдө, албетте, буттар шишип, булчуңдары чарчайт. Мындай учурда имбирь майы менен жасалуучу массажды колдонууга болот. 1 аш кашык имбирдин упадай майдасына (дүкөндөрдө сатылат) 1 стакан өсүмдүк майын куюу керек. Экөөнү аралаштырып, 1 апта тыныктырыңыз. Дары-май колдонууга даяр.

ГАСТРИТКЕ КАРШЫ КОКТЕЙЛЬ
Жумуртканын агына 1 аш кашык зайтун майын, 1 чымчым кант упасын кошуп аралаштыруу кажет. Даяр коктейлди эртең менен ачкарын ичүү керек. Дарылануу курсу 3 апта.

ИММУНИТЕТТИ КӨТӨРҮҮГӨ ДАРЫ
Жаңы сыгылган сабиздин, кара түрптүн, кызылчанын ширеси (ар бири 50 граммдан) аралаштырылат. Буга 1 стакан бал менен 0,5 литр арак кошулат. Бир апта караңгы жерге коюп тыныктыруу кажет. Анан күндө эки маал 1 аш кашыктан кабыл алуу зарыл. Дарылануу курсу 2 апта. Зарылдыгына карап, кийин кайталоого болот.

ВАРИКОЗДУН АЛДЫН АЛУУ ҮЧҮН
Теринин бетинен көрүнүп калган вена варикоздун башталышынан кабар берет. Андыктан варикоз өнүгүп кетпеши үчүн 2 чөптөн компресс жасоо зарыл. Кырк муун менен кара көсөөнүн ар биринен 100 граммдан алып, үстүнө кайнак суу куюп, 15 мүнөт демдейбиз. Эми вена көрүнүп турган жерлерге чөптөрдү жабабыз. Үстүн даки менен таңып, жылуу жатуу зарыл. Муну уктаар алдында жасаса жакшы. Дарылануу курсу узакка созулгандыктан, чыдамдуулук керектелет.

ШАКЫЙДА...
Лимондун кесими менен эки чыкыйды сүртүү кажет. Бул кандын жакшы айланышына көмөктөшүп, баш ооруну жеңилдетет.

БЕТТЕГИ ТАКТЫ АШКАБАК МАСКАСЫ КЕТИРЕТ
Ашкабактын чийки уругун кабыгынан ажыратып, идишке салып абдан майдалап алыңыз. Алынган масса канча болсо, ошончо суу кошуңуз. Сүттөй суюктук келип чыгат. Эми суюктуктун жарымынан келе тургандай өлчөмдө бал кошуп аралаштырыңыз. Масканы күнүгө 30 мүнөттөн коюу керек. Акыры бет агарып чыга келет.

Канымжан Усупбекова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: