Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Никита Малинин: “ЖЕКСОН МЕНЕН ЫРДАСАМ ДЕП КЫЯЛДАНЧУМУН”

№383 5-11-март, 2010-ж.


“Аккан арыктан суу агат” дейт элибизде. Бүгүнкү биздин конок Орусиянын атактуу ырчысы, Александр Малининдин уулу Никита Малинин. Никита 1-март күнү Бишкектеги "Platinum" түнкү клубуна конок болуп кайтты. Учурдан пайдаланып биз Орусиянын жылдызы менен маек курууга үлгүрдүк.

КЫСКА СУРООГО КЫСКА ЖООП

– Туулган жылыңыз, күнүңүз?
– 1981-жыл, 4-сентябрь.
– Туулган жериңиз?
– Орусия, Москва шаары.
– Досторуңуздун арасындагы лакап атыңыз?
– Ник, Ники, Никитос, Никитон жана башка.
– Боюңуз, салмагыңыз?
– 180 сантиметр, 70 килограмм.
– Кумириңиз ким?
– Майкл Жексон.
– Жакшы көргөн тасмаңыз?
– М-м-м… “Матрица”.
– Жакшы көргөн жыл мезги­лиңиз?
– Жай.
– Жактырган түсүңүз?
– Көгүш (күлүп). Жок, чын эле айтып жатам.
– Мектепте жакшы көргөн сабагыңыз?
– (Күлүп) Дене тарбия менен музыка.
– Кайра-кайра окуган ките­биңиз?
– Чынын айтайынбы? М-м-м, «Камасутра».
– Кайсы музыкалык аспаптарда ойной аласыз?
– Гитарада жана форте­пьянодо.­
– Эмнеге өкүнөсүз?
– Майкл Жексондун дүйнөдөн өтүп кеткенине. Мен аны менен дуэт ырдасам деп кыялданчумун.


– Никита, биздин баш калаабызга куш келипсиз! Бул алгачкы сапарыңыз болсо керек...
– Ооба, Кыргызстанга биринчи жолу келишим.
– Бишкек тууралуу кандай ойлорго чулгандыңыз?
– Орусиянын бүт аймагын кыдырып, КМШнын көптөгөн өлкөлөрүндө, Европанын бир нече жерлеринде болгом. Бирок Бишкектегидей өзгөчө энергияны бөтөн жерден байкаган эмесмин. Элиңер башкача экен. Мага кезиккен адамдардын аябай ак көңүлдүгү жана жөнөкөйлүгү таң калтырды. Ошол эле учурда бул жактагы ар бир адамдын жоопкерчиликтүүлүгүн баа­ладым.
– Тарбиянын башаты ата-эне эмеспи. Сиздин атактуу ырчы
Александр Малининдин уулу экениңиз баарыбызга маалым. Дегеним, атаңыздын фамилиясынын канчалык жардамы тийди?
– “Жылдыздар фабрикасы” долбоо­руна киргенде баары эле “атасынын жардамы менен жүрөт” деген ойдо болушту. Бирок кийинчерээк мен талантымды далилдеп бере алдым. Албетте, менин эл оозуна алынганыма атамдын аброю бир топ эле себеп болду. Кыскасы, долбоордун бүткөнүнө көп убакыт болсо да, кээ бир катышуучулардай өчүп калбай жанып келатам.
– Окуган маалыматтарга таянсам, сиз жарыкка келгенде ата-энеңиз эки ача жолго кетишкен экен. Сизди тарбиялоодо кимисинин ролу чоң?
– Мен апамдын колунда чоңойдум. Атамдын ордуна таятам мага ата болду. Атадан алчу кеп-кеңешти таятамдан алдым. Өгөй атам да жакшы киши. Мага өз баласындай мамиле кылып, жылуу сөзүн аяган жок.
– Сөзүңүзгө караганда, өз атаңыз менен мамилеңиз орточо окшойт...
– Орточо дегенден да, ысык дегенден да алысмын. Атам экөөбүздүн ортобузда пикир келишпестиктер көп болот. Бирок сүйлөшүп, түшүнүшүүгө аракет кылабыз.
– Сиздин “Котёнок”, (“Мышыгым”) “Вс­пышка в ночи” (“Түндөгү жарык”) аттуу ырларыңыз чынында учурунда хит ырларга айланган. Бирок кийинчерээк мурунку алоолонгон илебиңизден кайткандай туюласыз...
– “Жылдыздар фабрикасын” жеңип чыккандан кийин бир топ популярдуу болдум. Ар бир адамдын жылдызы жанган мүнөтү болот. Мен ошол мүнөттө өзүмдү мыкты сезип, ишти таштап койдум окшойт. Бирок азыр кайрадан сахнага бет алдым. DJ Nejtrino менен “Seviyorum” (“Сүйөм”) аттуу ырды баарыңар уксаңар керек. Бул алгачкы гана ишибиз болду. Биз дагы мыкты хит ырларды жаратууга камынуудабыз.
– Түнкү клубдарга барасызбы?
– Клубдун кишиси бул – 16-21 жаш куракка чейинки жаштар. Канчалык кайнаган энергия болсо, ошону клубда бийлеп сарптайсың. Бир кезде клубдун кишиси болгом, бирок азыр бул менин жумушум деп гана айтар элем.
– Баңгизатты колдонгондорго кандай карайсыз?
– Учурда түнкү клубда эс алган жаштардын баңгизатты колдонуп жатышканы жүрөгүмдү өйкөйт. Мындай көрүнүштү силерден байкаган жокмун, Кудай анын жүзүн ары кылсын! Бирок, тилекке каршы, Орусияда мындай көрүнүш көнүмүшкө айлангандай. Баңгизат колдонуу бул – өмүргө кол салуу.
– Сиз мындай жаштарга кандай кеңеш берер элеңиз?
– Мен кандай кыйынчылык болбосун, аны йоганын жардамы менен жоюуга аракет кылам. Мисалы, терең дем алып, кайра демди чыгарасың, муну бир нече жолу кайталаганда кадимкидей жеңилдей түшөсүң. Ачууңду да кармап каласың. Анан да бардык кыйынчылыкта “мен күчтүүмүн, мен мыктымын, менин колумдан баары келет” деп кайталай берсең, чын эле жеңиш сен тарапта болот.
– Бардык жылдыздардай эле тамак тандап жесеңиз керек. Кайсы ашкананы өзгөчө жакшы көрөсүз жана биздин улуттук ашкананын даамын таттыңызбы?
– Мурун такыр тамак тандачу эмес элем. Куурулган жумуртка, түрдүү макарон, дегеле ашказанды алдап коюп жүрө берчүмүн. Убакыттын өтүшү менен ден соолук керек экенин түшүнөт экенсиң. Кандай азыктар пайдалуу болсо ошону гана жейм. Азыр майлуу, куурулган тамактардан качып калдым. Андан көрө жашылча-жемиштерден түрдүү салат жасап жегенге аракет кылам. Ал эми кыргыздардын улуттук ашканасын татыганга убактым болбоду. Төрт жолу учак которуп катуу чарчаган экемин, Бишкекке келерим менен уктап калдым. Азыр интервью берип дегендей... Ошентсе да сөзсүз улуттук тамак заказ кылам го (күлүп).
– Негизи, эс алуу­ңузду кандай өткө­рөсүз?
– Машинаны чоң ылдамдыкта айдап эс алуудан рахат алам. Анан мурун үйдө камалып уктаганды жактырсам, азыр жаратылышка чыгып, шишкебектин жытын буркуратып бышырып, аны сыра менен ашказанга ыргытам.
– Жеке жа­шооңуз тууралуу кеп козгоодон баш тартасыз. Бирок күйөрман­да­рыңызга үй-бүлө­лүк абалыңыз кызык. Үй­лөнгө­нүңүз чынбы?
– Ооба­, чын. Мен көп­төн бери сүйлөшүп жүр­гөн Наташа аттуу сүйгөнүмө үйлөнгөм. Азыр биз бактылуу өмүр сүрүп жатабыз.
– 8-Март – Аялдардын эл аралык майрамы эмеспи. Бул майрамда апаңызга берген оригиналдуу белегиңиз эмне болгон?
– Мен, негизи, белек берүүнү аябай жакшы көрөм. Апама көп эле белек бергем, бирок оригиналдуусу эсимде жок. Ал эми аялыма бул жылы алдын ала эле майрамың менен деп 5 000 евро таштап келдим. Бирок мен гастролдон барганда сүйүктүүм аталган суммадан эки эсе көп аларына шек жок.
– Узакка күттүрбөй шаарыбызга бат-баттан келип туруңуз...
– Сөзүңдү бөлсөм болобу? Учурдан пайдаланып назиктиктин жана сулуулуктун символу болгон аялзатын алдыдагы жаркыраган майрамы менен куттуктап кетким келет. Ошондой эле “Супер-Инфо” гезитинин бардык окурмандарын жаз майрамы менен куттуктайм.
– Рахмат сизге. Сизден супер хит ырларды күтөбүз. Жолуңуз байсалдуу болуп, аман-эсен жетип алыңыз.

P.S. Никита Малинин менен интервью уюштуруп берген «Platinum» түнкү клубунун арт-директору ырчы Микаэлге ыраазычылык билдиребиз.

Бактыгүл Сокушова, Адилет Бектуров
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: