Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СИРЕНЬ ГҮЛДӨГӨН МААЛДА

№383 5-11-март, 2010-ж.


(Башы өткөн сандарыбызда)

– Мен сени туруп, жаныма отур деп жатам!- дедим үнүмдү өкүм чыгарып. Тилла илең-салаң туруп отургучка башын мыкчыган бойдон отурду.
– Тилла, сөздү узартпай кыскасын айтсам, мен жөнүндө көптү билет экенсиң! Эми ачыгын айтчы, өз оозуңдан угайын!-деп жүзүнө тигилдим.
Ошондогу анын абалын сураба, өңү бозоруп кетти. Байкуш көрүнгөн аны бир чети аяп, бир чети жийиркендим. Көзүмө тике карабай, башын жерге салды.
– Эмне унчукпайсың, айта турган сөзүң жокпу?! Нааразычылыгың бар экен. Мага берген мүнөздөмөңдү уктум! Баса, өткөн жумада жатакананын башчысына үстүмдөн арызданган экенсиң, ага да унчуккан жокмун. “Окуйт элем, Малика менен Бактияр тоскоол болуп жатат. Аны чыгарып же мени башка бөлмөгө которуп коюңуз” деп айтыптырсың. Беш жыл университетте бирге окуп, сенин окуюн, бир нерсени тереңинен билейин дегениңди уккан жок элем. Эми аракет кылып калганыңда жолтоо болуптурмун да, туурабы?! Сенден ажырап жатканыма кыпынчалык кейибеймин, бирок сага деген достук сезимимден айрыдың! Ошого ичим ачышып жатат! Сенин айыңдан мен эми эч качан бирөөгө ишенип дос күтө албайм. Сен досуктун шертин булгадың!- дедим. Ал дагы эле унчукпай отурду.
– Тилла, сен эки жолдун бирин танда! Шаардан кет же шермендеңди чыгарып, абийириңди төгөмүн, чыдайсың!
– Кетем!- деп дароо жооп берди. Кыязы, ойлонуп койсо керек.
– Анда мен азыр Бактиярдын жанына барып турайын. Сен буюмдарыңды жыйнап, бөлмөнү эмес, бул шаарды бошотуп кеткин! Айткандарыңды сураштырып-териштиргенге чамам жок,- дедим да, чыгып кеттим.
Ошол бойдон кеч киргенде гана Бактияр экөөбүз менин бөлмөмө келдик. Тилла буюмдарын жыйнап чыгып кетиптир. Мен берген кийимдердин баарын бүктөп, дивандын үстүнө калтырыптыр. Колумдагы сумканы ыргытып, бөлмөнүн ортосуна отуруп алып ыйлай баштадым. Тилла кетип калганы үчүн ыйладымбы же жакын курбумду жолдон чыгарып, аны мага каршы тымызын тукурган Канатка ачууландымбы, билбейм. Кантсе да Тилла менин сырдашым, көп жылдан бери коюн-колтук алышкан курбум эле. Менин баамымда ал мурда ушак сүйлөгөн да, мага каршы жаман пикири да болгон эмес. Турмушка тың, кара жумушка көнгөн сарамжалдуу кыз болчу. Мүмкүн Бактияр менен гана убара болуп, курбумдун менден алыстап кетишине өзүмдүн да күнөөм бардыр... Ыйлап бугун чыгарып алсын деди окшойт, Бактияр унчукпай отура берди. Бир топто гана суу алып келип ичирип, мени диванга отургузду.
– Жаным, болду эми ыйлаба, башың ооруп калат.
– Сен мени аяп жатасыңбы?! Мына, жалгыз калдым! Силер... Канат экөөңөрдүн ушагыңардын айынан мен курбумдан ажырадым! Тилла күнөөлүү эмес... Ал мындай кыз эмес болчу, аны Канат жолдон чыгарды! Жолдон чыкпаган сен калдың! Жок, сен да жолдон чыгып баратат окшойсуң! Сураштырбай туруп бирөөлөргө ишенип, мени урдуң, ээ?.. Сен да жогол!
– Жаным, кечир!
Бактияр мындан башка эч нерсе айткан жок. Бир аздан соң анын моюнуна асылып, көкүрөгүнө башымды жөлөп, көпкө чейин бозоруп отурдум.
Канат үч күн бою бөлмөсүн ичинен бекитип, сыртка чыкпай жатты. Албетте, корккондугу үчүн эмес, ишенген кызы айткан сөздөрүн далилдеп бере албай шаардан кетип калганы ага абдан таасир этти окшойт.
Биз бул кыянаттыктын, бузукулуктун да ашуусун эптеп аштык окшойт. Алдыда мындан да оор ашуулар күтүп жатканын акылым туюп, жүрөгүп сезип жатты...
Бактияр ичинде кири жок, ак көңүл, колу ачык берешен, бардык нерсеге жөндөмдүү уста да эле. Бөлмөбүзгө керектүү кийим илгич, китеп текче, идиш койгуч сыяктуу буюмдарды өзү жасап койчу. Андай буюмдар анын да, менин да бөлмөмдө бар эле. Кыздар Бактиярдын тың экендигин айтып, “болочок күйөөң менен турмуштан кыйналбайсың” деп калышчу. Кээде кошуна кыздар “Бактияр бизге китеп текче же идиш койгуч жасап берсинчи” деп келип калышат. Мен Бактиярды кыздардан кызганып, “анын колу бош эмес, башы ооруп жатат” же “балкасын жоготуп алган” деп түрдүү шылтоолорду айтып, акырын узатып койчумун. Кээде эшик такылдап калса, Бактияр үйдө экендигине карабай сыртка чыгып, жанагындай жоопторумдан айтып узатканча шашам. Кайра киргенимде Бактиярдын “эмнеге келиптир?” деген суроосуна китеп сурап келиптир деп жашырам. “Берген жоксуңбу?” десе андай китеп менде жок эле деп кутулам. Антсе да кээде Бактияр мени менен кошо сыртка чыгып, мен оозумду ача электе эле макулдугун берип коёт. Бактияр кишинин суранычын аткарбай койчу эмес. Мындай учурда кой десе болбой ага кошулуп барып алам. “Менсиз бул мык да ура албайт, кыздар” деп аларга сыр бербей тамашалайм. Анан Бактияр ишин бүтөрү менен кыздар дасторкон жайганына карабай, “азыр эле тамактанганбыз” деп Бактиярды алып кеткенче шашылам. Бул кылыктарымды байкаган ал мыйыгынан күлүп, “кызганчаагым менин, ансыз деле менин сенден башкага керегим жок. Башкалар мени сендей сүйө алышар бекен?” деп эркелетип калат. Бирок ал кызганганда менин кызганычым жолдо эле калчу. Канчалык эркелетип, канчалык көзүмө карабасын, кызганычтын айынан далай токмогун жеген күндөрүм да болду. Анын кызыл камчы, ачуусу чукул мүнөзүнө капа болчу деле эмесмин. Мени сүйөт, кызганат, ошондуктан өзүн кармай албай калат деп түшүнөр элем. Кыскасы, кызгануу биздин бирден-бир кемчилигибиз эле.
Жаз аяктап, жай да келди. Студенттердин сейили мурункудан көбөйдү. Биздин курсташ кыз-жигиттер чогулуп шаар четине, тоо коюнуна барып эс алып келүүнү адат кылып алган элек. Бул ирет Ала-Арчага бармай болдук. Мен кийим-кечегимди, керектүү буюмдарымды даярдап коюп, Бактиярдан уруксат сурадым. Ал «ойлонуп көрөм!» деп бурк этти. Анын ачык жообун албасам да, “спорттук шымым менен футболкам эски, муну менен кантип барам?” деп наалый баштадым. Бактияр мени базарга ээрчитип барды да, каалаганымдын баарын сатып берди. Буга кубанып, төбөм көккө жете түштү. Эртеси таң атпай туруп даярданып жатсам, эшик такылдады. “Кызык, таң эрте кимиси келип калды?” деп эшикти ачсам, уйкусурап Бактияр турат.
– Бактияр, тынччылыкпы?
– Жок, мен бүгүн кечинде бир жакка барышым керек. Кийимдерим кир, жууп, даярдап берчи!
– Бактияр, башка кийимдериң жокпу? Таң атпай эмне деген шылтоо таап келдиң?!
– Мен дал ошол шымды кийип баргым келип жатат.
– Мен кечигип жатам, баары күтүп калышты.
– Бара албайм, жумуштар чыгып калды деп айтып кой, кете беришсин.

Жумагүл Жолматова

(Уландысы кийинки саныбызда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: